Malasi 4:1 - Bible

¹ Ŋ̀wála-wâla Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Malasi 4:1 ပူးပေါင်းရင်းမြစ်များ

Zôo 18:16

Gáa yɛ̂ɛ wúru ƃé zame a lûlai ǹɔii mu gɛ́ tòo ŋ̀owôi ŋ̀elêi pere.

Mąątɛ̨nɛ̨ 119:119

Ya ŋ̀wana-lɔ̂ɔ-ƃelai sôŋ nɔ́ yɛ̂ɛ kala nyii ya gɔ̀ɔ í bilii, m̀ɛni ma, ítɔ̂ŋ-ŋai lɛ̂lɛɛi a nîa.

Mąątɛ̨nɛ̨ 37:9

Diai dílâai a Yâwɛɛi, dia ƃé ǹɔii a pâi lɛɛ̂i a dípɔɔ. Kɛ́lɛ Yâwɛɛ a pâi ŋ̀wana-lɔ̂ɔ-ƃelai kpɛ̂i ǹɔii ma.

Lɛɛ gbɔwɔ ɓa 15:7

Ífolo-laai ŋɔkɛ́tɛ-laai su, ƃa diai yée mɛi ɣále da tɔ̂ɔ yâi. Ƃa ílii-ŋwânai tɛ̂ɛ a díkereŋ yɛ̂ɛ mɔlɔŋ-kpaŋ.

Azaya 40:24

Díkaa nɔ́ yɛ̂ɛ wúru-sôo ŋa, nyii-ŋai dífe niî dísame pîlaŋ níi. Tãi Yâwɛɛ a pâi fãa tɛɛ̂i lai, da pâi kpâlai díkoôŋ yɛ̂ɛ kala kpâla.

Azaya 41:2

“Gbɛ̂ɛ ƃé pà a Pɛsia kaloŋ Sarɔ wála-walai é kúla la vólo kulâi perei, é gɛ́ gɛ̀ nûa yée mɛi ɣâle ƃɛ́i kélee a lî naai? Gbɛ̂ɛ ƃé wála-wala tɛ̀ɛ bɔ́ gɛ́ kâloŋ-ŋa da lɔii-ŋuŋ-ŋa yée mɛi ɣâlei? È díyee mɛi ɣâle a ŋɔƃóa-sɔkpɔi yɛ̂ɛ da kɛ̀ a muluŋ. Ŋɔtɔ̃ai è dí tàa yɛ̂ɛ kala-kpâla ƃé fãa su.

Azaya 47:14

“Díkaa nɔ́ yɛ̂ɛ kala kpâla nyii ŋɔŋ a gèreŋ. Núu da fa pɔ̂ri seêi maa ŋɔŋ kɔlɛ é gɔ́lɛ ƃó. Dífa pɔ̂ri díkpîŋ ŋuŋ ma ƃôi ŋ̀ɔŋ lêŋ yêei. Ŋ̀ɔŋ lêŋ ŋɔwála-walai su kpanaŋɔɔ̂i.

Azaya 5:24

M̀ɛni ma, berei kpɔ́ ŋɔŋ a ŋuŋƃe kpâla da kala kpâla kèreŋ lai, bere ƃé Ɣâla a pâi gɛ̂i la a dia. Díkɔɔ a pâi lûlai dímu, díyee é kpála-kpàla dîa. A pâi kɛ̂i tí, kpɛ́ni fêi, da díyee kúla Ŋ̀wála-wâla kélee Yâwɛɛi nyii gáa a Eezuɛ Ŋɔɣâla Maa Waai ŋɔtɔ̂ŋ-ŋai mu.

Azaya 9:18

Ŋwana lɔ̂ɔ káa yɛ̂ɛ ɣalêŋ-kpɔlɔ kéreŋ ŋɔŋ. Gáa yɛ̂ɛ ŋɔŋ à kɛ̀ wolâ kérenîi, luri kɛ́ tɛ̀.

Azaya 9:19

Ŋ̀wála-wâla kélee Yâwɛɛ ŋɔlii ŋwânai a Eezuɛ-ƃelai kêreŋ yɛ̂ɛ ŋɔŋ. Ǹûai da kɛ̂ a ŋɔlii ŋwâna ŋɔŋ ŋá-tɛ sãa. Nyíŋi a gɛ́ núu da fé ŋɔ́nɔ kpáaŋ ní m̀arâŋ-nuu mɛni ma.

Izikiɛ 20:38

Ŋa pâi diai dítɔɔi mai da zɔŋyɔ̂ŋ kɛ ƃelai kulâi kásama. Ŋa pâi díkulâi ǹɔii ŋai su ƃɛɛi díkaa naai. Ḿve pâi ǹɛɛi naa dílene pôlu Eezuɛ lɔii su. A kɛ ti, da pâi gɔ́lɔŋ nii a gɛɛ ńyãa ƃa Yâwɛɛ.

Izikiɛ 21:32

Ŋɔŋ a pâi ká kérenîi. Ka pâi saâi ká kpɔ́ɔi lɔii su. Kákili fé pâi lɛɛ̂i núu da ŋá.’ ” Ńyãai a Yâwɛɛi ńyãa ƃé mò tí.

Izikiɛ 24:11

Gɛ̀ ní, mara-leɣi foloi sée ŋɔŋ têŋai ŋá, a gɛɛ é fãa é kpɔlu. À kɛ̀ tí, ǹeɣii lɛ́ɛ ŋɔŋ ŋá a gɛɛ m̀arai é kéreŋ mà.

Izikiɛ 34:17

“À kɛ̀ tí, káai a ŋáƃala-ŋai Ńyãai a Ŋ̀wála-wâla kélee Yâwɛɛi ŋa môi kâa: Ŋa pâi mɛni-ŋa téeɛ kɛ̂i m̀ála lɛ́lɛɛ-ŋai da m̀ála nyɔ́mɔɔ-ŋai loai.

Izikiɛ 7:10

Mɛni-kpɔ̂lu maa fólo káa pâi. A nâa seri ƃɛ. Ŋwana-lɔɔ mɛni a nâa kɛ́ ƃûu ƃoi. Su mɛni kɛtɛ a nâa seri gɔ̃yɛŋ ma.

Zooɛ 2:1

Ka dúrii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Zooɛ 2:31

Vóloi a pâi penêi a kpíni, ŋ̀áloŋ é pene a ŋãa, Yâwɛɛ ŋɔɣelei é lɛ́ɛ pâi, nyii gáa a ŋ̀ele kɛ́tɛ maa pɔlɔ-pɔlɔɔi.

Amɔsə 2:9

“Nyaa ƃe Amorai-ŋai su kàra díŋɛi túɛ, nyii-ŋai dítɔɔ-mɛi e kɛ̀ yɛ̂ɛ sîda wuru-ŋai, dikpanaŋɔɔ yɛ̂ɛ teenâ-wurii. É máŋ kɛ́ tí ŋá sîda-wuru-ŋai su kàra ŋ̀elei su-pere, ŋá dísame su kara ǹɔii mu-pere.

Abdiasə 1:18

Kúnuu-namui è mò ǹyɛɛi, “Zeeka da Zosɛ dísuui su-ƃelai da pâi kɛ̂i yɛ̂ɛ ŋɔŋ. Da pâi Isɔɔ ŋɔsuui su-ƃelai su karâi yɛ̂ɛ berei ŋɔŋ a kala kèreŋ lai. Ǹyaŋ Isɔɔ, ŋɔsuui su nuu da fé pâi lɛɛ̂i naa a vúlu.

Nahumə 1:10

Berei máŋ Ɣâla ŋɔkpɔara-ƃelai kɛ́ɛi la yɛ̂ɛ ŋalêŋ kpɔlɔ a sìa gîei, a pâi dísu-kara yɛ̂ɛ berei ŋɔŋ a kala kpâla kèreŋ lai.

Sofoni 1:14

Yâwɛɛ ŋɔɣele kɛ́tɛi a lɛɣɛ, ǹyaŋ a pâi a maa-felaa! Yâwɛɛ ŋɔpa-ɣelei a pâi kɛ̂i a mɛni kpɔ̂lu-ɣele. A pâi kɛ̂i a mɛni kpɔ̂lu-ɣele nyii pâi gɛ̂i ŋ̀wála-wâla-nuui a pâi wɔ̂lɔi naa.

Sofoni 1:18

Dísɛŋ-kao-kolei da dígôoi fé pâi díkulâi Yâwɛɛ ŋɔlii-ŋwânai su a ma ɣêlei tí. Ŋɔtólo lii-ŋwana kpɛɛ pôlui su, a pâi ŋ̀éniɛi kélee su-karâi. Tɔ̃yâ ma a pâi ǹɔii-su-ƃelai kélee su karâi a maa félaa.

Zakari 14:1

Ká gáa, Yâwɛɛ ŋɔɣelei káa pâi tãi da pâi kásãâi ŋáa kɔlɛ̂i la káŋɛi dí gùla káyêei.

Malasi 3:15

Kwa ǹyoŋka-ƃelai sîɣe a Ɣâla ƃɔƃɛlɛ sêe sɔlɔ ƃó-ƃela. Sɔnyɔ̂ŋ-ƃela dífa mɛni lɛ́lɛɛ sɔlɔ ƃô nɔ́, kɛ́lɛ da Ɣâla ŋɔlii kpêlei su-kɔɔŋ a díŋwana-lɔ̂ɔ tua-kɛ́ɛi, da kɛ́ gàa a gɛɛ mɛni da fé pâi kulâi zu.’ ”

Malasi 3:18

Ŋánûai da pâi ŋɔ́nɔ mɛni sîi feerɛ loai kɔ́lɔnîi, zɔnyɔ̂ŋ-ƃelai da zɔŋ lɛ̂lɛɛ-ƃelai, ǹúui va ŋ́oo mɛnii da ǹúui a ŋ́oo mɛnii.”

Malasi 3:2

Kɛ́lɛ ŋ̀elei a pà lai, gbɛ̂ɛ ƃa pɔ̂ri tɔɔ̂i dúɛi? Tãi à pà lai, gbɛ́ɛ ƃé pâi ƃâloi? A pâi kɛ̂i yɛ̂ɛ seɣe-waa-kpolo ŋá liɛɛ, yɛ̂ɛ ŋɔŋ nyii a kpɛ̃́ɛ sèɣeŋ kɔli mai.

Malasi 3:3

A pâi é mɛni ŋá tée yɛ̂ɛ kɔli ɣale-nûu a kpɛ̃́ɛ kùla káne ma. Yɛ̂ɛ berei kɔli-ɣale-nûu a kpɛ̃́ɛ kùla la káne ma da gôoi, berei nɔ́ ƃé Yâwɛɛ ŋɔworɛ̂-woo ƃó-nuui a pâi zâla láa-soŋ-ƃelai maa wâai la é lɛ́ɛ la zu dí pá a sama-sɛ̂ŋ lɛ́lɛɛ Yâwɛɛ pɔ́.

Malasi 4:5

“Kɛ́lɛ Yâwɛɛ ŋɔmɛni-kpɔ̂lu-kula ɣêle-kuu kɛ́tɛi é lɛ́ɛ pâi pâi, ŋa pâi Ɣâla ŋɔlóno kɛ́-nuui Ilaiza tɛɛ̂i.

Maafîu 3:12

Ŋɔlâai káa ǹyêei a gɛ́ɛ é ŋɔmɔlɔŋ tánîi kɔ̀ɔ é vɛ́ɛ a gɛ́ɛ é dɛ́ ŋɔkêrei su. Kɛ́lɛ, a pâi mɔlɔŋ-kalai kérenîi a ŋɔŋ nyíi va wɔlɔ niîŋ.”

Lukə 19:43

Kpɛ́ni fêi, ɣele-ŋa da pâi pâi yâ tãi íkpɔara-ƃela da pâi gala tɔɔ̂i la dí dínâŋ yâ, dí ímaa tinaŋ dí bîlaŋ gîei, dí íkɛ naa ífa pɔ̂ri kulâi,

Lukə 21:20

“Kɛ́lɛ, tãi kà Zerusâlɛŋ kàa la maa tinaŋɔɔ a ǹɔii maa kpɛ́-ƃelai, gɛ̀ ní, ka gɔ́lɔŋ a gɛɛ ŋɔsu-karai a lɛɣɛ.

Lukə 6:23

Kálii é nɛ̃ɛ a maa-ɣelei ti, ka píli ɣelêi a lii-nɛ̃ɛ, kpɛ́ni fêi, ka gáa, káfela-fei kɛ̂tɛi Ɣâla-taa, kpɛ́ni fêi, bere nɔ ƃe dínuu-pɔlɔ-ŋai dí wɔ́lɔ gɛ̀ la a Ɣâla ŋɔlóno-kɛ-ƃelai.

Tɛsalonikə veelɛ 1:8

a gɛ́ɛ dí tɔ̂ŋ-kpɛ́ diai dîa dífe Ɣâla kɔ́lɔŋ da diai dífa díyee see Kúnuu-namui Zîsɛ ŋɔtuŋ lɛ́lɛɛi mui.

Piɛrə veelɛ 3:7

Kɛ́lɛ, ŋelei da ǹɔii nyíi-ŋai díkaa naa tãi ŋí sui, Ɣâla ŋɔwóo tɔnɔi a dílɛɛ naa ŋɔŋ mɛni ma. A dílɛɛ naa é lɛ́ɛ la zu mɛni-ŋa tee-tãi da diai dífe láa ní a Ɣâla-mɛnii dísu-kara-tãi é seri.