Malasi 3:11 - Bible

¹¹ Fé pâi ŋɔ́nɔ gotó-ŋai lɛɛ̂i naa díka-sí-seŋ-ŋai kara, ǹyaŋ kákpɔmɔ-ƃa kpɔlɔ-ŋai da pâi ƃâi a dámaa.

Yálá laawoo hɛɓɛ (dc)

¹¹ Akɛ tii, vá kɛa hvaa mą, koon-goon ɉɛnŋąą di hvo ka wɔ hihɛnŋąąi má kala, ka wɔ viɲə yɛaɠaai da ɓá a nɛlɛɛ. Ɲą́ą́ ɓə yili laakwɛlanmoi káá.

Yálá laawoo hɛɓɛ

¹¹ Akɛ tii, vá kɛa hvaa mą, koon-goon ɉɛnŋąą di hvo ka wɔ hihɛnŋąąi má kala, ka wɔ viɲə yɛaɠaai da ɓá a nɛlɛɛ. Ɲą́ą́ ɓə yili laakwɛlanmoi káá.

Malasi 3:11 ပူးပေါင်းရင်းမြစ်များ

Ɉeremi 8:13

“Ŋá kɛ̀ ŋ̀wɛ̂lii a gɛɛ ŋá ŋánûai ŋáa tɛ́ díkîe ma yɛ̂ɛ berei kpâlaŋ-ŋa tíi kɛ́ nuu a ŋɔsí-sãai m̀bá ŋáa tɛ̀ la gîe mai. Kɛ́lɛ díkaa nɔ́ yɛ̂ɛ kpɔmɔ-ƃa kpalaŋ nyíi m̀bá fé ŋai. Díkaa nɔ́ yɛ̂ɛ fîi wuru nyíi m̀bá fé ŋa, ǹáa a kpála m̀ai. M̀ɛni ma, ŋá gɛ̀ núu da kpɛ́ni-ŋa dí pá dí see dímɛi.”

Osia 2:21

Yâwɛɛ è mò ǹyɛɛi, “M̀aa ɣêlei tí ŋa pâi ŋánûai Eezuɛ-ŋai díɣâla fɛli woo-ŋai mɛnîi. Ŋá gɛ́ tuna é pú ǹɔii ma.

Zooɛ 1:12

Gbɔmɔ-ŋai da fɔ̃ya, fîi wuru-ŋai da kpála, ŋ̀úru-ŋai kélee da fɔ̃ya, zara, wuru-ŋai, dóu wuru-ŋai da bɔ́ɔ wuru-ŋai lii-nɛ̃ɛ fé ŋɔ́nɔ núu kpune ǹônii yêei.

Zooɛ 1:4

Gotó kpulu è pù kási-sãai dîa dí mìi. Zí-sãai nyii lɛ̀ɛ naai, gotó kpului veerɛi è mìi. Gwaa-kara gotó-ŋai dí pà dí gbéli míi.

Zooɛ 1:7

Da kúkpɔmɔ kpalaŋ-ŋai ŋá kɛ́ a vólo, da kúfîi wuru-ŋai míi. Da ŋ̀úru-ŋai kélee kɔlɔ míi dîa, da lɛɛ a dí káo.

Zooɛ 2:20

Ŋa pâi gotó kpulu-ŋai kpɛ̂i nyii-ŋai kùla ǹɔii ŋûa-pere, ŋá da-ni tɛɛ vɛ̃ɛ-kpâlaŋ su. Ŋa pâi dí túɛ-ƃelai tuâŋ nii gbòlo yâi su, ŋá dí pôlu pere-ƃelai tuâŋ ǹyá-lee kɛ́tɛi su. Dílûla kùŋ a pâi tɛ̂i. Ŋa pâi dí su karâi kpɛ́ni fêi, dí mɛni nyɔ́mɔɔ kɛ̀ a káa.

Zooɛ 2:22

Sua-ŋa, káfe yào, kpɛ́ni fêi, kala ŋûnu támaa káa vɛ̃ɛ-kpâlaŋ su, ŋ̀úru-ŋai da ƃá, fîi wuru-ŋai da gbɔmɔ-ŋai díkɛ ƃà a ǹɛ́lɛɛ.

Zooɛ 2:25

Zãâi kélee gotó-ŋai, nyii-ŋai díkaa a ŋákɔ kɔ́-ƃelai dí zu-kara káyêei, ŋa pâi da tɛɛ̂i kápɔ pôlu.

Amɔsə 4:9

“Ŋá kási-sãai kɛ̀ dí kpála dí sáa. Ŋá kasûa-ŋai da kakpɔmɔ kpalaŋ-ŋai kɛ̀ dí fɔ̃aya. Gotó-ŋai dí káfîi wuru-ŋai míi da káwulɔ-wuru-ŋai. Bere máŋ è kɛ̀ tí lai, káfe pá ní ḿbɔ pôlu.”

Habakukə 3:17

Berei máŋ fîi-wurii fé pâi poâi lai, kpaa máŋ kpɔmɔ-kpalaŋ é ƃá, mii-sɛŋ fa lɛ̂lɛ gbâlaŋ ŋá, m̀ála-ŋai dífe pâi lɛ̂ɛ díkoraŋ su, ǹyaŋ daa-tûlɛ díkoraŋ-ŋai dí lɛ́ɛ a vólo,

Egaa 1:11

Nya ƃe ŋá gɛ̀ ǹɔii a kpála da ǹyée-ŋai, kágbai-kpalaŋ a kpála, kpɔmɔ-ƃa-kpalaŋ da káwulɔ-wuru-ŋai da zí-sɛŋ-ŋai kélee da ƃai, ŋá pà a lɔii-kpala núu-kpune pɔ́ da sua-ŋa é pɛ́lɛ zí-sɛŋ kélee ma ká zìi.”

Egaa 2:17

Ŋá kási-sɛŋ-ŋai kɛ̀ dí kpála kákpâlaŋ-ŋai ŋá, ŋá sɛŋ kélee pàa a kpuri-kɔlɔŋ da fãa kɛ́tɛ, kɛ́lɛ káfe pá ni ḿbɔ.

Zakari 8:12

Kpɛ́ni fêi, da pâi dísi-sɛŋ-ŋa sîi lii-sêe su. Díkpɔmɔ-kpâlaŋ-ŋai da pâi ƃâi ǹɔii é dísi-saai kɛ́ dí kpɛtɛ. Ǹyaŋ tuna támaa a pâi pûi dísi-sãai dîa. Ǹyaŋ zãâi ŋí kélee a pâi kɛ̂i a nɛɛ-pôlu-ƃelai pɔ́ɔ.

Dutɛrɔnome 11:14

gɛ̀ ní a pâi gɛ̂i tuna kɛ́ pù kási-sãai dîa a sama ya da fólo-laa ƃóɔɔ kélee.