Mąątɛ̨nɛ̨ 9:9 - Bible

⁹ Diai da dílùaŋ, Yâwɛɛ ƃé gáa a díŋuŋ ma ƃó-nuu. Ǹyaa ƃa diai mɛni kpɔ̂lu sui, dí kili tɔɔ maai.

Yálá laawoo hɛɓɛ (dc)

⁹ Ya ɓə a yɛnɛ̨ɛ̨ ɲąąwooɓo a tələnmolaa, yɛ lɔiɠaa lɔwai mɛ̨nį ɓo a ɉąŋąnŋąą.

Yálá laawoo hɛɓɛ

⁹ Ya ɓə a yɛnɛ̨ɛ̨ ɲąąwooɓo a tələnmolaa, yɛ lɔiɠaa lɔwai mɛ̨nį ɓo a ɉąŋąnŋąą.

Mąątɛ̨nɛ̨ 9:9 ပူးပေါင်းရင်းမြစ်များ

Kɔlɔnikɔ Maa-ŋuŋ 16:33

Ŋ̀olâai su wuru-ŋai kélee da pâi wule toôi. Díkelee da pâi wule toôi Yâwɛɛ ŋɛ́i-tuɛ a pa gɛ́ ƃò a kâloŋ ǹɔii mɛi.

Mąątɛ̨nɛ̨ 108:12

Kpɔŋ kûa kú kɔ́ kúkpɔara-ƃelai pɔ́. Núu-kpune ŋɔkpɔŋ mâai káa nɔ́ kpɛ́ni-kpɛni.

Mąątɛ̨nɛ̨ 142:4

Tãi ŋà ŋ́gɔlɛ mâ kàa lai, ḿva núu da kàa a gɛɛ é kpɔ́ŋ ḿâ. Núu da fé naa a gɛɛ é ḿaa kɔ̃ɔ. Núu da fé kpáaŋ ní a ḿaa mɛ̂ni.

Mąątɛ̨nɛ̨ 18:2

Yâwɛɛ ƃé gáa a ḿaa kɔ̃ɔ-nuu yɛ̂ɛ kɔni. Ǹyaa ƃé gáa a ŋ́uŋ maa ƃó-nuu. Ŋáɣâlai ƃé gáa a ḿaa kɔ̃ɔ-nuu yɛ̂ɛ kɔni. Ŋà kɛ̀ gɔ̀lɛ ŋa kɛ̂ a ŋ́uŋ ma ƃóɔɔ. A ḿaa kɔ̃ɔ yɛ̂ɛ kɔkuluƃa maa kɔ̃ɔ kɔli-kalaŋ. A ḿaa kɔ̃ɔ é ŋ́uŋ maa ƃó.

Mąątɛ̨nɛ̨ 20:1

Tɔɔ Yâwɛɛ é íwoo su too tãi ya kɛ̂ la mɛni kpɔ̂lu sui. Tɔɔ Zeeka Ŋɔɣâlai é ímaa kɔ̃ɔ.

Mąątɛ̨nɛ̨ 32:7

Yá ƃé ŋa ǹoo íninîŋ mu. Ya pâi ŋ́uŋ ma ƃôi ŋámɛni kpɔ̂lui su. Ŋa pâi wule toôi yâ a ŋ́oo su kɛ́tɛ, kpɛ́ni fêi, ya ŋ́uŋ ma ƃó.

Mąątɛ̨nɛ̨ 37:39

Yâwɛɛ a dɔ̃yâ-ƃelai ŋuŋ ma ƃò, gɛ́ dímaa kɔ̃ɔ mɛni kpɔ̂lu su.

Mąątɛ̨nɛ̨ 46:1

Ɣâla ƃa kúmaa kɔ̃ɔ-nuui. Ǹyaa ƃa gɛ̀ kúkponôi é kpanaŋ. Gbîŋ kpɛtɛɛi a tãi kélee a gɛɛ é kpɔ́ŋ mâa tɛɛ kúpɔ kwa kɛ̀ mɛni kpɔ̂lu su.

Mąątɛ̨nɛ̨ 46:7

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Mąątɛ̨nɛ̨ 48:3

Ɣâla a ǹɛ́ kûa a gɛɛ a pɔ̂ri kúŋuŋ ma ƃôi daa-lee maa kónaŋɔɔi su.

Mąątɛ̨nɛ̨ 50:15

Tãi kélee ka kɛ̂ la mɛni kpɔ̂lu sui, ka ńdoli. Ŋa pâi ká ŋuŋ maa ƃôi. À kɛ̀ tí, ka pâi ńaa maa tɛ̂i.”

Mąątɛ̨nɛ̨ 62:8

Ŋánûa, ka láa a Ɣâla a ɣele kélee. Ka kámɛni kpɔ̂lui kélee maa mɛ̂ni ƃó ma, kpɛ́ni fêi, ǹyaa ƃa kúŋuŋ maa ƃó-nuui.

Mąątɛ̨nɛ̨ 67:5

Óo Ɣâla, tɔɔ ǹûai dí ílaa maa tɛ́. Tɔɔ núu kélee é ílaa ma tɛ́.

Mąątɛ̨nɛ̨ 7:9

Íkaa a teniŋ ƃô Ɣala. Yá ƃé núu-kpune líi su kɔ́lɔŋ da ŋɔkili ŋa sîai. M̀ɛni ŋ̀wana-lɔ̂ɔ-ƃelai su-kara, í diai ŋɛ́i malôŋ káa da íwoo mɛnii.

Mąątɛ̨nɛ̨ 96:10

Ka m̀ó ǹɔii ŋuŋ-ŋai dîa kâai, “Yâwɛɛ káa a kâloŋ. Ǹɔii seɛɛ̂i zeêi. Va kûla naa. A pâi núu kélee ŋɔmɛnii ŋá têei a bɔriɛ́ɛ.”

Mąątɛ̨nɛ̨ 98:9

Ka gɛ́ tí, kpɛ́ni fêi, a pâi a gɛɛ gɛ́ ƃò ǹɔii mɛi. A pâi ǹûai mɛi kâai a tɔ̃yâ da teniŋ ƃô pere.

Hanwon 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 32:2

Gâloŋ ŋí da ŋɔtíi kɛ́-ƃela kpaya-kpayai da pâi Eezuɛ maa kɔ̃ɔ̂i ŋɔkpɔara-ƃelai yêei. Da pâi kɛ̂i m̀ɛi yɛ̂ɛ ya-ɣɛ̂li ƃé ɣilînii lɔii kpâla ma. Da pâi kɛ̂i m̀ɛi yɛ̂ɛ kɔni kɛ́tɛ niniŋ fɛ̃ɛ-kpâlaŋ su.

Azaya 8:14

Ŋámaa wâa-laai su kɛ̂tɛi. Ŋ́gaa yɛ̂ɛ kɔni nyíi nûa da kâreŋ la díkɛ tooi. Ŋ́gaa yɛ̂ɛ ƃáre Zuda da Zerusâlɛŋ-ƃelai mɛ̂ni ma.

Nahumə 1:7

Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Lukə 13:34

Ee Zerusâlɛŋ, Zerusâlɛŋ, yái ƃa Ɣâla ŋɔlóno-kɛ-ƃelai pâa, íkɛ dísɔɔ a kɔni nyii-ŋai da dítɛɛ ípɔ naai! Tãi támaa ƃe ŋa kɛ̀ ŋ̀wɛ̂lii ŋa ínîa-pɛlɛɛi ŋá lɛ́ɣɛ a díkîe yɛ̂ɛ berei tɛ́ɛ-lee a ǹônii lɛ̀ɣɛ la goôŋ mu, kɛ́lɛ, ífe faa ni!

Dutɛrɔnome 33:27

Ŋ̀wɔlɔ-wɔlɔ Ɣalai ƃa káŋuŋ ma ƃó-nuui. A pâi kápûi ǹyée tɔ̃ɔi. È kákpɔara-ƃelai tuãŋ a tãi kákɛ pâi lai, é mò kaa a gɛɛ ká dísu kara.

Hebreu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísârai nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.