Mąątɛ̨nɛ̨ 9:10 - Bible

¹⁰ Diai dí ílaa kɔ́lɔŋ dia ƃa dílaa-lai pù íkponôi. Núu da a pà ípɔ óo Yâwɛɛ, ífa íyee kùla maa nûui mu.

Yálá laawoo hɛɓɛ (dc)

¹⁰ Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Yálá laawoo hɛɓɛ

¹⁰ Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Mąątɛ̨nɛ̨ 9:10 ပူးပေါင်းရင်းမြစ်များ

Samia Veerɛi 22:3

Ŋáɣâlai káa a ḿaa kpɛ́-nuu. A ḿaa kɔ̃ɔ yɛ̂ɛ berei kpála ŋá-ɣale kɔli-kalaŋ a kɔ-kuluƃa maa kɔ̃ɔ lai. Ǹyaa ƃé ŋa ŋuŋ ma ƃô sɔlɔ ǹyêei. Ǹyaa ƃa ŋ́uŋ ma ƃó nuui. A ŋ́uŋ ma ƃó sɔnyɔ̂ŋ-ƃela yêei.

Kɔlɔnikɔ Maa-ŋuŋ 28:9

“Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípolu tɔɔ m̀a, a pâi ípilii kpɔ́ wɔ́lɔ-wɔlɔ da wɔ́lɔ-wɔlɔ.

Mąątɛ̨nɛ̨ 37:28

Yâwɛɛ è tɔ̃yâ mɛni wɛ́lini. Va ǹyée kùla diai mu dí teniŋ ƃoɔɔ̂i díkili tɔ̂ɔ mai. A dímaa kɔ̃ɔ wɔ́lɔ-wɔlɔ da wɔ́lɔ-wɔlɔ. Kɛ́lɛ a pâi ŋ̀wana-lɔ̂ɔ-ƃelai dílônii kpɛ̂i ǹɔii ma.

Mąątɛ̨nɛ̨ 37:39

Yâwɛɛ a dɔ̃yâ-ƃelai ŋuŋ ma ƃò, gɛ́ dímaa kɔ̃ɔ mɛni kpɔ̂lu su.

Mąątɛ̨nɛ̨ 5:11

Kɛ́lɛ tɔɔ diai da pâ ípɔ ŋuŋ ma ƃo mɛni mai dí lii-nɛ̃ɛ kula. Ǹɛɛ naa dí lii-nɛ̃ɛ wule-ŋa too yâ. Diai íwɛlinii, dí maa kɔ̃ɔ. Da pâi lii-nɛ̃ɛ kulâi ísârai.

Mąątɛ̨nɛ̨ 57:1

Ḿalôŋ káa mí óo Ɣâla, ḿalôŋ káa, kpɛ́ni fêi, ŋà pá ípɔ a gɛɛ ŋá ƃálo-laa sɔlɔ ƃó. Íkôoŋ mu ƃé ŋá ŋuŋ-ma ƃô sɔlɔ ƃô naa, a lɛɛ la zu vãa kɛ́tɛi a tɛɛ ḿɛi.

Mąątɛ̨nɛ̨ 91:14

Ɣâla è mò ǹyɛɛi, “Diai ŋ́wɛlinii, ŋa pâi díŋuŋ maa ƃôi. Diai ŋ́gɔlɔŋ, ŋa pâi dí maa kɔ̃ɔ̂i.

Hanwon 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 25:4

Yá nɔ́ ƃé diai pɔ̂ri mâa fé dîɛi da pâ ípɔ díŋuŋ ma ƃô mɛni ma. Ǹyaŋ ya díkùla dímɛni kpɔ̂lu-ŋai su. Ya dímaa kɔ̃̂ɔ fãa kɛ́tɛ yêei, í ninîŋ tɛɛ dípɔ vóloi ŋɔzizi fé dí kerêŋ. Díkpɔara-ƃela da pɛ̂lɛ dîa yɛ̂ɛ fãa kɛ́tɛ,

Azaya 45:19

Fé lóno ní loo-pêre su, kpaa máŋ ŋá lóno ƃɛ́i ǹaa kpîniɛi. Ḿve m̀ó ní Zeeka ǹônii dîa a gɛ́ɛ dí ŋ́gɔri kpɛ́ni-kpɛni. Ńyãai a Yâwɛɛi, ŋà tɔ̃yâ ƃò. M̀ɛnii gáa a tɔ̃yâi, ǹyaa ƃé ŋa ǹɛ.”

Ɉeremi 29:13

À kɛ̀ tí, gɛ̀ ní ka pâi ŋ́gɔ̂rii a kálii kélee ǹyaŋ ka pâi ŋ́gâai.”

Nahumə 1:7

Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Ɉaan 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ-Ɣala tɔnɔi, ka Zîsɛ Kôrai nyii ya dɛɛi.

Korɛntə veelɛ 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Timote veelɛ 1:12

Mɛni ma ŋa mɛni-soli káâi yɛ̂ɛ berei ŋa gâai lai. Ínɛlɛ, ŋumɛ fé mâ, kpɛ́ni fêi, ŋa ǹúui kɔ́lɔŋ ńaâi lai. Náâi la a gɛ́ɛ pɔri káa mì a gɛ́ɛ zɛŋ e nɛ̀ɛ ńyêei é mɛi káa é lɛ́ɛ la zu Ŋelei ti e seri.

Zɔ̂ŋ Maa-ŋuŋ 2:3

Nyíŋi a nɛ̀ a tɔ̃yâ a gɛɛ kú gɔ́lɔŋ, à kɛ̀ kwa ŋɔtɔ̂ŋ ŋai mɛi kâa.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.