Mąątɛ̨nɛ̨ 76:6 - Bible

⁶ Óo Zeeka Ŋɔɣâlai, tãi í dímaa yâo lai, dísoo-ŋai da zia-ƃela dí tòo, dí sáa.

Yálá laawoo hɛɓɛ (dc)

⁶ Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Yálá laawoo hɛɓɛ

⁶ Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Mąątɛ̨nɛ̨ 76:6 ပူးပေါင်းရင်းမြစ်များ

Samia Veerɛi 10:18

Eezuɛ-ŋai dí díyee mɛi ɣàle dí pú díyêei. Dí díkɔ kɔ́-keleŋ sia-sooi sia-ƃelai ŋuŋ lɔ́ɔlu mɛi feerɛ (700) pàa da dísoo mɛi kɔ kɔ́-ƃelai wála-wala buu náaŋ (40,000). Dí dílaa túɛ-nuui Soba paa.

Tɔɔɓɛlaa veelɛ 19:35

Maa kpînii tí, Yâwɛɛ è ŋɔkélai dɔnɔ tɛ̀ɛ Asiria-ŋai díƃûui su. È gɔ́-kɔ-ƃelai ŋɔwála ŋuŋ tɔ̂nɔ pôlu buu lɔ́ɔlu mɛi saaƃa káo lɔ́ɔlu (185,000) pàa. Bôlu ma ɣele ƃɔ́ɔi, díƃûui láa è kɛ̀ a vɛ́ɛ a poma-ŋa.

Kɔlɔnikɔ Veerɛi 32:21

Maa kpîni tí, Yâwɛɛ è ŋɔkélai dɔnɔ tɛ̀ɛ Asiria-ŋai díƃûui su. È díkɔ-kuluƃai-ŋai wála-wala-ŋai da dílaa-tuɛ ƃelai da díi-kɛ́ ƃela kpaya-kpayai páa. Nya ƃe Asiria kaloŋ è lì pôlu ŋɔlɔii sú a ŋumɛ-pere. Tãi è li lai, è lì Ŋɔɣâlai ŋɔpɛ́rɛi kɛ́tɛi mui, a gɛ́ɛ é vɛ̀li. Ǹônii sinaai veerɛ dí lí naa dí bàa a díƃoa-sɔkpɔ-ŋai.

Mąątɛ̨nɛ̨ 104:7

Í làɣi ǹyá-ŋai dîa dí kolôŋ. Gɛ́ɛ da ílaɣi wooi mɛnii,

Mąątɛ̨nɛ̨ 18:15

Yâwɛɛ lɛ̂wo è kùla zũâi é yúo káo ma lɛ́, ǹɔii é lɛ́ɛ lâani a vólo, tãi è làɣi la ŋɔkpɔara-ƃelai dîa a lii-ŋwana perei.

Mąątɛ̨nɛ̨ 80:16

Kúkpɔara-ƃelai da gbɔmɔ-ŋai su tée-tèe da dípu ŋɔŋ ŋá. Dísu kara a lii ŋwâna pere.

Lɛɛ gbɔwɔ ɓa 15:1

Nya ƃe Mose da Eezuɛ-ŋai dí ŋulei ŋí tòo Yâwɛɛ ma dîyɛɛi, “Ŋa pâi wule tôoi Yâwɛɛ ma, kpɛ́ni fêi, a ŋɔfólo-laa tii kɛ́. A zoo-ŋai ŋuŋ lá píli ǹyái su da zia-ƃelai.

Lɛɛ gbɔwɔ ɓa 15:10

Kɛ́lɛ í lɛ̂woi ŋɔfãa è ǹyái kɛ̀ é dímɛi pɛ́lɛ. Dí yèŋ ǹyá kɛ́tɛi mu yɛ̂ɛ fomâ.

Lɛɛ gbɔwɔ ɓa 15:21

Miriaŋ è ŋulei ŋí tòo dîa ǹyɛɛi, “Ka wule tóo Yâwɛɛ ma, kpɛ́ni fêi, a mɛni maa pɔlɔ-pɔlɔ kɛ́. A zooi da zia-nuui kɛ́ da lɛ́ɛ ǹyái su.”

Azaya 37:36

Maa kpînii tí, Yâwɛɛ è ŋɔkélai dɔnɔ tɛ̀ɛ Asiria-ŋai díƃûui su. È díkɔ-kɔkuluƃai ŋɔwála ŋuŋ tɔ̂nɔ pôlu buu lɔ́ɔlu mɛi saaƃa káo lɔ́ɔlu (185,000) pàa. Bôlu ma ɣele ƃɔ́ɔi, díƃûui láa è kɛ̀ a vɛ́ɛ a poma-ŋa.

Ɉeremi 51:39

Puru káa dí kɛ̂i? Gɛ̀ ní ŋa pâi kúu kɛ̂i dîa, ŋá gɛ́ dílɔɔ kpéle dí lii-nɛɛ kula. Tãi da pâi liî la a gɛɛ dí nyíi, dífe pâi díŋɛi láa ƃôi.

Ɉeremi 51:57

Ŋa pâi gɛ̂i ǹáa-tuɛ-ƃelai dílɔɔ kpéle, é dí kɛ́, da ŋɔtáre-ƃelai, ŋɔnúu-mɛi-ƃelai, é pɛlɛ ŋɔkɔ-kuluƃa-ŋai da dí láa túɛ-ƃelai dîa. Da pâi lâai dí nyíi, kɛ́lɛ dífe pâi díŋɛi-la ƃôi. M̀ɛnii ŋí ƃé Ńyãai a Gâloŋ ŋá m̀o, Ńyãai a Ŋ̀wála-wâla kélee Yâwɛɛi.

Izikiɛ 39:20

Da pâi soo-sua, da soo-sia-ƃela-sua miî é pɛ́lɛ kɔ́kɔ-ƃela-sii támaa-sua ma é lɛ́ɛ la zu dí píla.” Ńyãai a Ŋ̀wála-wâla kélee Yâwɛɛ ƃé mò tí.

Nahumə 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Nahumə 2:13

Ŋ̀wála-wâla kélee Yâwɛɛ a môi, ǹyɛɛ, “Gáa, ńdɔɔ̂i yâ, ŋa pâi íkɔ-kɔ keleŋ-ŋai kérenîii, ƃóa-sɔ̂kpɔ é íkɔ kɔ́-ƃelai páa. Ŋa pâi íkɔnɔ̂ŋ kpɛɛ̂i ǹɔii ma, núu fé pâi ŋɔ́nɔ íworɛ̂-woo ƃó-ƃelai wóo mɛnîi.”

Nahumə 3:18

Óo Asiria kaloŋ, ílɔii-kpîniŋ mɛi káa-ƃelai da saa. Inuu kpaya-kpayai díkaa nyiî wɔ́lɔ-wɔlɔ da wɔ́lɔ-wɔlɔ. Ínûai táa-taai ǹyée-ŋai su, núu da fé naa é pá a dia ŋɔ́nɔ pôlu.

Zakari 12:4

Maa ɣêlei tí ŋa pâi gɔ́kɔ-soo-ŋai kɛ̂i dí yao díkɛ wúlee, diai dímɛi dia máŋ díkɛ wúlee. Kɛ́lɛ ŋa pâi ŋ́ɛi lá ƃôi Zuda ŋɔpɛ́rɛi mu-ƃelai mɛni ma, kpɛ́ni fêi, ŋa pâi díkpɔara-ƃelai díkɔ-kɔ-soo-ŋai ŋɛ́i pûi.

Samuɛlə dɔlɔɔ 26:12

Deeƃé è gbálai sìɣe da ǹya ƃaa-ƃɔrɔŋ dí kúla a dia m̀ûui su. Sɔ̂ɔ ŋɔkɔ-kuluƃa-ŋai dɔnɔ kpîŋ fé díkaa ní. Dífe kɛ́ ní a m̀ɛnii kɔ́lɔŋɔɔ kɛ̀ kɛ̂i. Dítɔnɔ kpîŋ fé ŋɛ́i lá ƃó ní a dɔnɔ kpîŋ. Yâwɛɛ è gɛ̀ nyíi támaa é tɛ́ɛ a dîa.