Mąątɛ̨nɛ̨ 72:10 - Bible

¹⁰ Tasi da yúo kpono ma lɔii-kpiniŋ-ŋai mɛi kâloŋ-ŋai da pâi ŋuŋ-fela-fei kpɛɛ̂i ǹyêei. Tɔɔ Siba da Seba lɔii-kpiniŋ-ŋai mɛi kâloŋ-ŋai dí sama-sãa tɛɛ bɔ́.

Yálá laawoo hɛɓɛ (dc)

¹⁰ Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Yálá laawoo hɛɓɛ

¹⁰ Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Mąątɛ̨nɛ̨ 72:10 ပူးပေါင်းရင်းမြစ်များ

Zɛnɛse 10:7

Kusi ǹônii-sinaai ƃa, Seba, Avila, Sabata, Lamɛ da Sateka. Lamɛ ǹônii-sinaai ƃa, Seba da Dedaŋ.

Tɔɔɓɛlaa dɔlɔɔ 10:1

Saloma maa tuŋ è tàa-taa. Seba nɛni-kaloŋ è m̀ɛni da berei è ǹáa mɛ̀ni la é pîlaŋ Yâwɛɛ mai. Nya ƃe è pà a gɛ́ɛ é zu-kɔɔŋ a mare-kɛ̂ɛ kpanaŋ-ŋa.

Tɔɔɓɛlaa dɔlɔɔ 10:10

È gôo pãŋ wála lɔ́ɔlu mɛi náaŋ tɛ̀ɛ gâloŋ pɔ́, mii-sãa maa kpɛtɛ-sãa sîi támaa da kɔni sɔ̃ɔ kpanaŋɔɔ-ŋa. É kúla mii-sãa maa kpɛtɛ-sãa sii támaai ŋí pôlu, Seba nɛni-kaloŋ è pà a dia a zu kɛ́tɛi, Gâloŋ Saloma fé ŋɔ́nɔ wɔ́lɔ mii-sãa maa kpɛtɛ-sãa da sɔlɔ ƃó ní a gɛ́ɛ tí.

Tɔɔɓɛlaa dɔlɔɔ 10:2

È pà Zerusâlɛŋ a núu-kpulu kɛ́tɛ. Zoo-faleŋ-ŋai díkɛ liî a leɣi maa pɔri sãa, gôo támaa da kɔni sɔ̃ɔ kpanaŋɔɔ-ŋa. È pà Saloma pɔ́ da ǹyaa dí lóno é pîlaŋ mɛni-ŋai dîa kɛ̀ gíli ŋá gɛ́ pâi.

Tɔɔɓɛlaa dɔlɔɔ 10:25

Diai kélee da kâa pà naa kâai a kóraŋ kéleei, da kâa pà a sáma-sãa yɛ̂ɛ sɛŋ káo kole da gôo, kâloŋ yokpo lɛ́lɛɛ sɔ̃ɔ kpanaŋɔɔ-ŋa, kɔ́ kɔ́-sãa, mii-sãa kúŋ lɛ́lɛ sãa, soo-ŋa da mûu-ŋa.

Kɔlɔnikɔ Veerɛi 9:21

Pɔni-tɔɔ ya-ŋa keleŋ kpulu è kɛ̀ Saloma yêei nyíi Iraŋ ŋɔnûai da kâa ziai. Géleŋ-ŋai ŋí da kâa lène pôlu kóraŋ saaƃa a tɛ̀ɛ. Da kɛ̀ lenêi pôlu, da kâa pà a gôo, káne, séle-nyiŋ, woro da kwala-ŋa

Ɛstɛrə 10:1

Gâloŋ Atasɛra è gɛ̀ ǹûai kélee kɛ̀ ŋɔlɔii kpîniŋ-ŋai sui, da diai kɛ̀ yúo kpono mai, dí kɛ́ ŋuŋ-fela-fe kɔ̀lɛ.

Mąątɛ̨nɛ̨ 45:12

Taya taa-leei su-ƃelai da pâi pâi a sama sãa ípɔ. Dɔɔ-ƃela kpaya-kpayai da pâi pâi a dítɔɔ-sãa sɔ̃ɔ kpanaŋɔɔ-ŋai zîi támaa ípɔ a gɛɛ dí ílii kúla.

Mąątɛ̨nɛ̨ 68:29

Gɛ́ tí kpɛ́ni fêi, kâloŋ-ŋa da pâi pâi a sama-sãa ípɛrɛi kɛ́tɛi mu Zerusâlɛŋ.

Mąątɛ̨nɛ̨ 68:30

Zua-ŋai bârai sui díkula maa kɛ́. Ǹɔii-ŋuŋ kula maa kɛ́ nyii zu-ƃelai díkaa yɛ̂ɛ niŋa sîrɛ-ŋai. Gɛ́ díkɛ tɔ̀ara díkɛ pà a díkane sama-sãa. Ǹɔii-ŋuŋ-ŋai zu-ƃela dí wɛ́lini a kɔ́kɔ mɛnii, gɛ́ dí táa-taa.

Azaya 42:10

Ka wule nina too Yâwɛɛ ma. Káai ŋ̀éniɛi gwaa kéleei, ka laa maa tɛ̂ wule too Yâwɛɛ ma! Káai kélee yúo kpono mai, ka ǹáa maa tɛ́. Káai a vúlu-sãai yúo sui, ka ǹáa maa tɛ́. Káai kélee ǹɔii ŋuŋ-ŋai su kwaa kóya-kôyaa mai, ká ǹáa maa tɛ́.

Azaya 42:4

A pâi gɛ̂i nûa dí kɛ́ teniŋ ƃô mɛni-ŋa kɛ̀ ǹɔii ma ƃɛ́. Vé pâi fɛɣɛ̂i é lɛ́ɛ la zu m̀ɛnii ŋí ŋ̀aa-see é kɛ́. Diai díkaa lɔii-ŋûŋ su kôya-ŋa sui, da pâi kɛ̂i ŋɔsɛŋ lɛ́ɛi maa kpɛ́nîi.”

Azaya 43:3

Ńyãa ƃa Káɣâlai Yâwɛɛ. Ńyãa ƃa Eezuɛ Ŋɔɣâlai Maa Waai. Ńyãa ƃa kákula yêei kɛ́ Ɣalai. Ŋa pâi Ize-ŋai tɛɛ̂i a fela-fêi kápɔɔ ŋá. Ŋa pâi kámaa fálenîi a Itiopia da Seƃa-ƃelai.

Azaya 43:6

Ŋa pâi m̀ôi yá-ŋûa lɔii-kpiniŋ ma a gɛ́ɛ é ŋánûai tɛ́ɛ, ŋá m̀ó séɣai-pere lɔii kpiniŋ ma a gɛ́ɛ vé kànaŋ dîa. Tɔɔ ŋánûai dí kúla ǹɔii ŋuŋ su kôyaa-ŋai su, da ŋ̀éniɛi gwaa kélee.

Azaya 49:7

M̀ɛnii ŋí Yâwɛɛ, Eezuɛ ŋuŋ ma ƃó Ɣala Maa Waai, è mò ŋɔtíi kɛ́-nuui ma. Lɔii-ŋuŋ-ŋa su-ƃela dí díyee kùla ǹúui ŋí mu, dí tɔ́ɔ m̀a, gɛ́ ƃò a ǹúu láa túɛ-ƃelai yée mu nuu. È mò m̀a ǹyɛɛi, “Kâloŋ-ŋa da pâi íkâai íŋuŋ ma ƃóɔɔ, dí ŋumɛ mâa tɛɛ ípɔ. Ǹúu láa túɛ-ƃelai da pâi íkâai dí tóo íkɔɔ mu, dí ƃaa kɛ́ maa tɛ́ɛ ípɔ.” A pâi kɛ̂i tí, kpɛ́ni fêi, Eezuɛ Ŋɔɣâla Maa Waa tɔnɔi, a ziɣe zu a gɛ́ɛ é kɛ́ a ŋɔtíi kɛ́-nuu.

Azaya 60:3

Lɔii-ŋuŋ-ŋa da pâi pâi íkwaa ponoɔɔi ma. Kâloŋ-ŋa da pâi pâi dí gwaa ponóɔɔ kɛ́tɛi káa bîlaŋɔɔi yâi.

Azaya 60:6

Soo-fáleŋ kpulu kɛ́tɛ a pâi kulâi Mediɛŋ da Ɛfa dí ílaa fɛ́ɛ. Da pâi kulâi Siƃa díkɛ pà a gôo da kéreŋ-sɛŋ kúŋ nɛ̃ɛ. Mɛni lɛ́lɛɛi Yâwɛɛ a gɛ́ yɛ̂ɛi, nûa da pâi m̀aa-tûŋ tôoi.

Azaya 60:9

Díkaa a yá-ŋa keleŋ-ŋa nyii-ŋai kulâi lɔii-ŋûŋ su kôyaa-ŋa su, díkɛ pà a Yâwɛɛ ŋɔnûai dípɔ-taai. Díkaa pâi pôlu a káne da gôo a gɛɛ díƃaa-kɛ-maa tɛ́ɛ la Yâwɛɛ pɔ́, nyii gáa a Eezuɛ Ŋɔɣâla Maa Waai, nyii a gɛ̀ lɔii-ŋuŋ-ŋa díkɛ ƃaa-kɛ́ maa tɛ̂ɛ ŋɔnûai pɔi.

Maafîu 2:11

Tãi dí lɔ̀ la bɛ́rɛi mui, dí ǹôloŋ kàa ǹee Mere yêei. Dí tòo gɔ́ɔ mu dí vɛli. Dí dítɔɔ-sãai lá ƃò, dí sama-sã̂a tɛ̀ɛ bɔ́ yɛ̂ɛ gôo, wúru-malaŋ kúŋ nɛ̀ɛ, bɛlɛɛ wúlɔ kúŋ nɛ̃ɛ ma.