Mąątɛ̨nɛ̨ 71:22 - Bible

²² Ŋa pâi kɛ̂i kɔnîŋ ɣâlei, ŋ́gɛ ílaa maa tɛ̀, íteniŋ ƃô-laai mɛ̂ni ma, óo Ŋáɣâlai. Ŋa pâi kɛ̂i kɔnîŋ ɣalêi yâ, ŋ́gɛ laa maa tɛ̂ wule-ŋa too, óo Eezuɛ Ŋɔmaa Wâa Nuu Tɔnɔi.

Yálá laawoo hɛɓɛ (dc)

²² Mąą yələi tii, gáá pai ɲéé pui nwɔ́ bɛlɛgwəi gwɛnįn ɲą, gɛ́ ə́ laa tɛ, nwɔ́ Yálá, yɛ́ ká ə́ wɔ wɛlikɛmąąlaai; gɛ́ nwɔ́ gwɛnįn yɔw ə́ mąą mɛ̨nį ɓa, yɛ́i a Israɛlə nwɔ Yálá mąąhəɠɛɛi.

Yálá laawoo hɛɓɛ

²² Mąą yələi tii, gáá pai ɲéé pui nwɔ́ bɛlɛgwəi gwɛnįn ɲą, gɛ́ ə́ laa tɛ, nwɔ́ Yálá, yɛ́ ká ə́ wɔ wɛlikɛmąąlaai; gɛ́ nwɔ́ gwɛnįn yɔw ə́ mąą mɛ̨nį ɓa, yɛ́i a Israɛlə nwɔ Yálá mąąhəɠɛɛi.

Mąątɛ̨nɛ̨ 71:22 ပူးပေါင်းရင်းမြစ်များ

Tɔɔɓɛlaa veelɛ 19:22

Gbɛ̂ɛ ƃé ílâai la í kɛ̀ ɣɛ́lɛ maa kulâi gbonôi, íkɛ lóno nyɔ́mɔɔ kɛ̀ mai? Gbɛ̂ɛ ƃé íkɛ̀ lâɣii mai? Gbɛ̂ɛ ƃé íkɛ̀ íŋɛi pilîi la ɣelêi? Ya ƃâa kula ḿâa, Ńyãai a Eezuɛ Ŋɔɣâla Maa Waai.

Mąątɛ̨nɛ̨ 138:2

Ŋá ŋ́ɛi pìlaŋ í Ɣâla-pɛrɛ Kɛ́tɛi ma, ŋá ŋ́uŋ maa pîlaŋ, ŋá sɛɣɛi-fei tɛɛ ípɔ. Ŋa pâi ílaa maa tɛ̂i, íwɛli-kɛ maa kpanaŋɔɔi da íteniŋ ƃô-laai mɛ̂ni ma, kpɛ́ni fêi íkɛ̂tɛi ítɔ̂ŋ kpanaŋɔɔ é tɛ́ɛ sɛŋ kélee ma.

Mąątɛ̨nɛ̨ 144:9

Óo Ɣâla, ŋa pâi wule nîna toôi yâ. Ŋa pâi kɔnîŋ ɣalêi, ŋá wule tóo yâ.

Mąątɛ̨nɛ̨ 25:10

Yâwɛɛ tûa-pere kélee káa a wɛli kɛ́ maa kpanaŋɔɔ da teniŋ ƃô-laa diai mɛni ma da ŋɔkpanaŋ-wooi mɛi kâa dí kɛ́ sìa a ŋɔtɔ̂ŋ-wooi.

Mąątɛ̨nɛ̨ 33:2

Ka sɛɣɛ-fei tɛ̀ɛ Yâwɛɛ pɔ́ a kɔnîŋ-woo. Ka kɔnîŋ ɣale mà a lii-nɛ̃ɛ-pere.

Mąątɛ̨nɛ̨ 43:4

Óo Ŋáɣâlai, gɛ̀ ní, ŋa pâi liî íteƃelei ma ŋá ífɛli naa, kpɛ́ni fêi, yá ƃa gɛ̀ ŋ́gɛ koi-nɛ̃ɛ kùla. Ŋa pâi kɔnîŋ ɣâlei ŋá laa ma tɛ̂ wule too yâ, óo Ɣâla, yá nɔ́ ƃa Ŋáɣâlai.

Mąątɛ̨nɛ̨ 56:4

Ŋ́gili tɔɔ̂i Ɣâla ma nyii ńâai lai, ǹyaŋ fé pâi yaôi. Ŋa ǹáa ma tɛ̀ gono-teei è gɛ̀i mɛ̂ni ma. Lé ƃé núu-kpune kpɛ́ni-kpɛni a pɔ̂ri gɛ̂i a ńyãa?

Mąątɛ̨nɛ̨ 78:41

Dí zu kɔ̀ɔŋ a tãi támaa. Dí gɛ̀ Eezuɛ Ŋɔɣâla Maa Waai líi su é kara-kara dímɛni ma.

Mąątɛ̨nɛ̨ 89:1

Óo Yâwɛɛ, ŋa pâi kɛ̂i nɔ́ wule toôi é pîlaŋ íwɔlɔ-wɔlɔ wɛli kɛ-maai ma a ɣele kélee. Ŋa pâi kɛ̂i nɔ́ íteniŋ ƃô-laai maa tûŋ toôi kúlônii da díwɔ̂ lonii-ŋai dîa.

Mąątɛ̨nɛ̨ 89:18

Óo Yâwɛɛ, yá ƃa kúmaa kɔ̃ɔ-nuui. Eezuɛ Ŋɔɣâla Maa Waai, yá ƃe kúkâloŋ tɛ̀ɛ kúpɔ.

Mąątɛ̨nɛ̨ 98:3

Ŋɔwɛli kɛ́-maa kpanaŋɔɔi maa kono-teei, maa mɛni kíli è lɛ̀ɛ ŋá ŋɔnûai Eezuɛ-ŋai mɛni ma. Ɣâla a ǹɛ́ núu kélee ma berei a ŋɔnûai ŋuŋ ma ƃò lai.

Mąątɛ̨nɛ̨ 98:4

Káai ŋ̀éniɛi gwaa kéleei, ka koi-nɛ̃ɛ wule too Yâwɛɛ ma. Ka ǹáa ma tɛ́ wule-woo nɛ̃ɛ-ŋa su.

Mąątɛ̨nɛ̨ 98:5

Ka Yâwɛɛ láa ma tɛ́ wule-ŋa su. Ka kɔnîŋ ɣale, ka wule tóo, ká ǹáa ma tɛ́.

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 43:3

Ńyãa ƃa Káɣâlai Yâwɛɛ. Ńyãa ƃa Eezuɛ Ŋɔɣâlai Maa Waai. Ńyãa ƃa kákula yêei kɛ́ Ɣalai. Ŋa pâi Ize-ŋai tɛɛ̂i a fela-fêi kápɔɔ ŋá. Ŋa pâi kámaa fálenîi a Itiopia da Seƃa-ƃelai.

Azaya 5:16

Kɛ́lɛ Ŋ̀wála-wâla kélee Yâwɛɛi maa fa wɔ́lɔ yèŋ. Gáa a Ɣâla Maa Waa. A ŋɔteniŋ ƃô-laai lɛ̂ ŋɔmɛni ŋá-teɛɛ sã́ai su nyii a gɛ̀ ŋɔnûai samai.

Azaya 5:19

Da kɛ̂ môi dîyɛɛ, “Tɔɔ Eezuɛ Ŋɔɣâlai é m̀ɛnii kɛ́ wɛ̀ a maa félaa. Tɔɔ é ŋɔkono-teei ŋàa-see kɛ́ wɛ̀ a maa félaa a gɛɛ kú nàa káa kúa kpîŋ. Tɔɔ Eezuɛ Ŋɔɣâla Maa Waai é ŋɔmɛni kpɛtɛɛi ŋàa sèe kɛ́. Tɔɔ kú m̀ɛni káa gáa gíli-ŋai.”

Azaya 5:24

M̀ɛni ma, berei kpɔ́ ŋɔŋ a ŋuŋƃe kpâla da kala kpâla kèreŋ lai, bere ƃé Ɣâla a pâi gɛ̂i la a dia. Díkɔɔ a pâi lûlai dímu, díyee é kpála-kpàla dîa. A pâi kɛ̂i tí, kpɛ́ni fêi, da díyee kúla Ŋ̀wála-wâla kélee Yâwɛɛi nyii gáa a Eezuɛ Ŋɔɣâla Maa Waai ŋɔtɔ̂ŋ-ŋai mu.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 60:9

Díkaa a yá-ŋa keleŋ-ŋa nyii-ŋai kulâi lɔii-ŋûŋ su kôyaa-ŋa su, díkɛ pà a Yâwɛɛ ŋɔnûai dípɔ-taai. Díkaa pâi pôlu a káne da gôo a gɛɛ díƃaa-kɛ-maa tɛ́ɛ la Yâwɛɛ pɔ́, nyii gáa a Eezuɛ Ŋɔɣâla Maa Waai, nyii a gɛ̀ lɔii-ŋuŋ-ŋa díkɛ ƃaa-kɛ́ maa tɛ̂ɛ ŋɔnûai pɔi.

Mise 7:20

Ya pâi ílaa-laai da íwɔlɔ-wɔlɔ da wɔlɔ-wɔlɔ wɛli-kɛ-maai lɛ̂i ínûai dîa yɛɛ berei íwɔlɔ íkono tèe la kúnûa pɔlɔ ŋai, Eberaɣɛ̃ɛ da Zeeka yêei.

Lomaŋ 15:8

Ŋa môi a gɛ́ɛ Kôrai è kɛ̀ a núu-kpɛtɛ-mɛni yee-mu-nuu Ɣâla ŋɔtɔ̃yâi mɛni ma a gɛ́ɛ e Ɣâla ŋɔkono-tee-ŋai ŋ̀aa-see kɛ́ nyíi e gɛ Kúnuu-pɔlɔ-ŋai yêei,