Mąątɛ̨nɛ̨ 51:11 - Bible

¹¹ Ífe ŋ́gbɛ̀ íŋɛi-tuɛ. Ífe Ímɔ̂leŋ Maa Waai kùla ǹyêei.

Yálá laawoo hɛɓɛ (dc)

¹¹ 'Ə́ ɲɛ̨́i həɠə nwɔ́ nɛ̨ŋɛ̨nŋąąi diɛ, 'nwɔ́ nɛ̨ŋɛ̨nŋąąi kəlee waa.

Yálá laawoo hɛɓɛ

¹¹ 'Ə́ ɲɛ̨́i həɠə nwɔ́ nɛ̨ŋɛ̨nŋąąi diɛ, 'nwɔ́ nɛ̨ŋɛ̨nŋąąi kəlee waa.

Mąątɛ̨nɛ̨ 51:11 ပူးပေါင်းရင်းမြစ်များ

Zɛnɛse 4:14

Gáa, ƃa ŋ́gbɛ sâa ǹɔii ma, ǹyaŋ ŋa pâi kɛ̂i a ǹóɔɔ yâ. Ŋa pâi tela kɛ̂i nɔ́ a pîlaŋ-kɔɔ ma-nuu ǹɔii su. Ǹúui kélee pâi ŋ́gâai, a pâi ḿbaâi.”

Zɛnɛse 6:3

Nya ƃe Yâwɛɛ è mò ǹyɛɛ, “Ŋámɔ̂leŋ fé pâi lɛɛ̂i núu-kpune kponôi wɔlɔ-wɔlɔ da wɔlɔ-wɔlɔ, kpɛ́ni fêi, gáa a pɔ̂rɔ, kɛ́lɛ ŋɔfúlu-laai a pâi kɛ̂i nɔ́ a kóraŋ ŋuŋ tɔnɔ pôlu buu feerɛ (120).”

Samia Veerɛi 7:15

Kɛ́lɛ ŋáwɔlɔ-wɔlɔ wɛli kɛ́-maai a pâi kɛ̂i nɔ́ ńyêei m̀ɛni ma. Fé pâi gulâi ǹyêei yɛ̂ɛ berei ŋá gɛ̀ la a Sɔ̂ɔi.

Tɔɔɓɛlaa veelɛ 13:23

Kɛ́lɛ Yâwɛɛ ŋɔsɔŋ-lɛlɛ-laai é kɛ̀ nɔ́ naa Eezuɛ-ŋai mɛni ma. Ǹyaŋ è dí malôŋ kàa kpɛ́ni fêi, è Kpanaŋ-woo kɛ̀ dínâŋ pɔlɔ-ŋai yêei, Eberaɣɛ̃ɛ, Aise da Zeeka. É síɣe tãi tí ma é tóo sâa ma vé wɔ́lɔ ŋ̀wɛ̂lii é dísu kara kpaa máŋ é dí kpɛ́ ŋɛ́i-tuɛ.

Tɔɔɓɛlaa veelɛ 23:27

Yâwɛɛ è mò ǹyɛɛi, “Ŋa pâi ńyee kulâi Zuda-ƃelai mu kpɔ́ nɔ́ yɛ̂ɛ berei ŋá gɛ̀ la a Eezuɛ-ƃelai. Ŋa pâi ńyee kulâi Zerusâlɛŋ taa-leei mu berei máŋ ŋá zìɣe la zu a gɛɛ é kɛ́ a ŋ́gbîŋ ma pɔɔi. Ŋa pâi ńyãa fêi ŋâla-pɛrɛ kɛ́tɛi ŋí mì nyii dí dɔ̀ɔ a gɛɛ é ƃaa-kɛ-maa tɛ́ɛ ńaai pɔi.”

Tɔɔɓɛlaa veelɛ 24:20

Zuda da Zerusâlɛŋ-ƃelai dí Yâwɛɛ líi ŋwàna a ŋánaa nyii gɛ̀ é bôlu tɔɔ dîa. Nya ƃe gɛ̀ Yâwɛɛ é dí kpɛ́ dí kúla ŋ̀ɛi. Gbɛɛ-ŋai, Gâloŋ Zɛdikia è tɔ̀ɔ Babelɔŋ kaloŋ Nɛbukinaza ma.

Mąątɛ̨nɛ̨ 43:2

Yá ƃa Ŋáɣâlai. Yá ƃa ŋ́uŋ ma ƃó-nuui. Ya nia ḿâ lé mɛni ma? Ya ǹɛɛ̂i naa ŋ́gbɔara-ƃelai díkɛ tùa ŋí a ńyãa a dáre kɛ́ɛ ŋí ŋ́gɛ mɔ̃lɛ lé mɛni ma?

Mąątɛ̨nɛ̨ 71:18

A nɛ̃ɛ maa kpîŋ ŋá pɔlɔ, ŋ́uŋ é kole, Ɣâla, ífe íyee kùla mu, é lɛ́ɛ la zu ŋá íkɛ-mɛni kpaya-kpayai da íwala-wala-laai maa mɛni ƃó diai dîa díkaa ɣele mai, da kúwɔ̂ lonii kélee pâi pâi.

Mąątɛ̨nɛ̨ 71:9

Ŋâa nâa pɔlɔ. Ífe íyee kùla ḿu. Wála-wala da kélee fé ŋɔ́nɔ ńyêei. Ífe ǹia ḿâ.

Ɉeremi 7:15

Ǹyaŋ ŋa pâi kákpɛ̂i ŋ́ɛi túɛ yɛ̂ɛ berei ŋá wɔ́lɔ gɛ̀ la a ká káayɔɔ-ŋai nyíi-ŋai díkaa a Ifiraŋ ŋɔsuui su-ƃelai. Ńyãa Yâwɛɛ ƃé mò tí.”

Lukə 11:13

À kɛ̀ berei kákaa la a kásɔŋ nyɔ́mɔɔi, ká sɛŋ lɛ́lɛɛ tɛɛ-pere kɔlɔŋ kálônii pɔ, Káɣâla-taa-naŋ a pâi M̀ɔlêŋ Maa Waai tɛɛ̂i máŋ diai pɔ da vɛ̀li mai, é tɛ́ɛ nyíti ma.”

Ɉaan 14:26

Kɛ́lɛ, Gbɔŋ-ma-nuui, ǹyaa ƃa M̀ɔlêŋ Maa Waai nyii Nâŋ-nuui a pâi dɛɛ̂i ńaâi sui, a pâi sɛŋ kélee lɛ̂i káa é pá a mɛni-ŋai kélee kákili ŋá nyii ŋa m̀ó kâai.

Lomaŋ 1:4

Ɣâla e Ǹóŋ lɛ̀ wála-wala-laa kɛ́ ƃò ǹyêei yɛ̂ɛ berei ŋɔmaa-waa-laai káa la ŋɔmu-siɣe saa-yeei sârai. Ǹyaa ƃa Zîsɛ Kôrai, Kúnuu-namui.

Lomaŋ 8:9

Kɛ́lɛ, káfa sîa kákpîŋ tua-perei ma, kákaa M̀ɔlêŋ su, à kɛ̀ Ɣâla Ŋɔmɔ̂leŋ káa kákponôi a tɔ̃yâ. Ǹúui kélee Kôrai Ŋɔmɔ̂leŋ fe gbonôi, maa-nuui fe a Kôrai pɔ́ɔ.

Ifisiɛŋ 4:30

Káfe Ɣâla Ŋɔmɔ̂leŋ Maa Waai líi sòli, nyíi kálɛ-mɛnii su kpanaŋ ŋuŋ-ma-ƃo-ɣelei mɛni mai.

Tɛsalonikə veelɛ 1:9

Da pâi wɔlɔ-wɔlɔ su-kara sɔlɔ ƃôi a tɔŋ-kpɛ́-maa, dí dísu kula Kúnuu-namui ma, dí kúla ŋɔfólo-laa kɛ́tɛi ŋɔwála-wâla laai su.

Nwun mąąɓo 13:25

Saŋsiŋ è kɛ̀ Daŋ suui su-ƃelai díƃûui su. M̀ûui ŋí è kɛ̀ Zoara da Ɛtaɔ taa-ŋai loai. Naa ƃé Yâwɛɛ è ŋɔmɔ̂leŋ è kɛ̀ naa Saŋsiŋ pôlu.

Nwun mąąɓo 15:14

Dí tɛɛ́ Lɛi taai sui, Felesia-ŋai dí pà bɔ́-naa pêre a kîri díkɛ làɣi. Yâwɛɛ ŋɔmɔ̂leŋ è pà bɔ́ é wála-wala laa tɛɛ bɔ́. Ŋ̀ɛlii kɛ̀ ǹyée mai zu è tèe nɔ́ yɛ̂ɛ ŋɔŋ a yee su tèe.

Nwun mąąɓo 16:20

Dilala è ŋɔ́nɔ làɣi ǹyɛɛ m̀ai, “Saŋsiŋ, Felesia-ŋai daâ ísoŋ!” Saŋsiŋ è mu sìɣe é m̀ó ǹíi su-pere ǹyɛɛ, “Ŋa pâi ŋ́gbîŋ fûlonii ŋá lí yɛ̂ɛ berei nɔ́ ŋá gɛ̀ la a bɔlɔi.” Kɛ́lɛ vé kɛ́ ní a gɔ́lɔŋɔɔ a gɛ́ɛ Yâwɛɛ aâ kula bôlu.

Samuɛlə dɔlɔɔ 10:10

Sɔ̂ɔ seriɛ́ɛ Giibai, Ɣâla ŋɔlóno kɛ́-nuu kpului è pà bɔ́-naa. Nya ƃe Ɣâla ŋɔmɔlêŋ è pà gbonôi kpɔ́ a m̀aa félaa é pɛ́lɛ tíi kɛ̂i la. È lɛ̀ɛ tɔɔni naa gɛ́ tuɛ-mɛni ƃò dísama.

Samuɛlə dɔlɔɔ 16:14

Yâwɛɛ ŋɔmɔ̂leŋ è kùla Sɔ̂ɔ pôlu nyînaŋ nyɔ́mɔɔ é pìlaŋ bôlu gɛ́ m̀ɔ̃lɛ.