Mąątɛ̨nɛ̨ 51:10 - Bible

¹⁰ Óo Ɣâla, ŋ́a kili-ŋa-siai kɛ́ a m̀aa waa, íteniŋ ƃô da mɔ̂leŋ nina tɛɛ ḿbɔ.

Yálá laawoo hɛɓɛ (dc)

¹⁰ 'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Yálá laawoo hɛɓɛ

¹⁰ 'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Mąątɛ̨nɛ̨ 51:10 ပူးပေါင်းရင်းမြစ်များ

Mąątɛ̨nɛ̨ 24:4

Dia ƃa diai dílii su waâi, diai dífa díkpîŋ ɣala kpɛtɛi, diai da kono têe kɛ̀ dí ŋ̀aa see kɛ́i.

Mąątɛ̨nɛ̨ 35:10

Ŋa pâi m̀ôi kpɔ́ ńii su pere ńyɛɛ Yâwɛɛ mai, “Núu da fé naa zeríɛɛ ípɔ. Diai pɔ̂ri mâa fé dîɛi ya dímaa kɔ̃ɔ í díkula diai yêei díwála-walai tɛɛ̂i díwɔ̂i mai, í kɛ́ diai kula yêei kɛ̀ nûa da díkɔ̃liŋ kùla díyêei a wála-wala-laai.”

Mąątɛ̨nɛ̨ 73:1

Tɔ̃yâ kpîŋ ma Ɣâla sɔŋ lɛ̂lɛɛi Eezuɛ-ŋai mɛ̂ni ma. A mɛni lɛ́lɛɛ kɛ̀ diai dîɛ dílii su waai.

Mąątɛ̨nɛ̨ 78:37

Dífe kɛ́ ní a díteniŋ ƃóɔɔ ǹyêei. Dífe díkono têe-ŋai ŋ̀aa-see kɛ́ ní.

Mąątɛ̨nɛ̨ 78:8

a gɛɛ dífe kɛ̀ yɛ̂ɛ dínâŋ pɔlɔ-ŋai nyii-ŋai kɛ̀ a dítɔɔ Ɣâla mai. Dílaa-laai su fé kɛ́ ní a gbanaŋɔɔ Ɣâla mɛni ma. Kili-kɛ-zu fé kɛ́ ní díyêei m̀ɛni ma.

Hanwon 20:9

Gbɛ̂ɛ ƃa mò ǹyɛɛ, “Ńii maa wâai. Ńzɔ̂ŋ fé mai?”

Ɉeremi 13:27

Ŋá íkàa íkɛ ŋumɛ tûa támaa kɛ̀ nyíi m̀ɛlɛ kpɛɛ̂i ŋ́goi. Ŋá íkàa íkɛ ɣâla-da-kpɛni-ŋa fɛ̀li ǹyée-ŋai dîa ǹɔɔi-su, yɛ̂ɛ berei sinaa da kɛ̂ la díƃarâai dínɛyâai pôlui. Kpaa máŋ yɛ̂ɛ berei soo-sîrɛ a kɛ̂ la soo sâa-ŋa pôlui. Káai a Zerusâlɛŋ-ƃelai, kpalo ƃêlaai kâa. Lé tãi ƃé ka pâi kɛ̂i la a ká maa-waai?”

Ɉeremi 32:39

M̀ɛni-ŋûŋ tɔnɔi ŋa pâi gɛ̂i dí gɛ́ ḿîi ƃa, dí ƃaa kɛ́ maa tɛ́ɛ ḿbɔ a tãi kélee dí kɛ̀ ɣéniɛi su. Dà gɛ̀ tí, da pâi mɛni lɛ́lɛɛ sɔlɔ ƃôi da dísuui.

Izikiɛ 11:19

À kɛ̀ tí, ŋa pâi kili-ŋa sia nina kɛ̂i dîa, ŋa mɔleŋ-nina tɛɛ dípɔ. Ŋa pâi lìi-su kpanaŋ-ŋai kulâi díyeêi, ŋa wòo mɛ̂ni-lii tɛɛ dípɔ.

Izikiɛ 18:31

Ka káyee kúla kásɔnyɔ̂ŋ-ŋai su nyii-ŋai ka gɛ a ńyãai a gɛɛ líi-nina da mɔ̃leŋ nina díkɛ ká kponoi. Lé mɛni ƃe ka pâi saai la kaai a Eezuɛ ƃelai?

Izikiɛ 36:37

Ŋ̀wála-wâla kélee Yâwɛɛ è mò ǹyɛɛ, “Ŋa pâi ǹɛɛ̂i naa Eezuɛ-ŋai dí ḿarê kɛ́ a gɛ́ɛ ŋá gɛ̀ dítama kpɔ́ yɛ̂ɛ ƃála-kpulu.

Maafîu 5:8

Lûwa káa diai dîa dílii su waâi, kpɛ́ni fêi, da pâi Ɣâla kâai.

Gɛlaɠaa 11:23

Báa kɛ̀ naai, m̀ɛni lɛ́lɛɛ-ŋai Ɣâla è gɛ̀ naa ǹûai dîɛi naa kàa, ǹíi é nɛ̃ɛ. È dília-woo ƃò a gɛ́ɛ dí fɔlɔ-fɔlɔ dílaa-lai su Kúnuu-namui mɛni ma.

Gɛlaɠaa 15:9

Vé kúloai láa ní kwa dîa-ni. È dílii maa waa a laa-la.

Lomaŋ 12:2

Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Korɛntə dɔlɔɔ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fe kpɛni-kpɛni Kúnuu-namui kponôi.

Korɛntə veelɛ 5:17

Mɛni ma à kɛ̀ núu da kélee káa Kôrai kponôi, gɛ̀ ní gáa a núu nina; mɛni pɔlɔi a tɛɛ, ka gáa mɛni ninai a pá.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla e díkpɛ̀tɛ gíli ŋá nàa tuɛ a gɛ́ɛ ku díkɛi.

Kolosə 3:10

ka kátûa-pere nina-ŋai siɣe nyíi gbɛtɛɛ̂i a nina, yɛ̂ɛ zɛŋ kélee kpɛtɛ-Ɣalai tua-pere káa lai, a gɛ́ɛ ka gɔ́lɔŋ a ǹɛ́lɛɛ.

Taitɔ 3:5

è kúƃalo a kúwaa mì a gɛɛ kú kɛ́ a núu nina da M̀ɔlêŋ Maa Waai kɛ́ɛ a nina kúkponôi. Kútii lɛ́lɛɛ kɛ́ɛ fêi nyíi kwa gɛ́i, kɛ́lɛ, ŋɔƃɛlɛ-sêei su ƃe.

Zasua 14:14

M̀ɛni ma, Iburɔŋ lɔii è nâa kɛ̀ a Zefunɛ ǹóŋ Kelɛ pɔ́ɔ nyíi kùla Keniza-ŋai dísuui su, kpɛ́ni fêi, è làa a Eezuɛ Ŋɔɣâlai Yâwɛɛ, é ǹíi kélee tɛ́ɛ bɔ́.

Piɛrə dɔlɔɔ 1:22

Kámɔ̂leŋ maa waâi a dɔ̃yâi maa-woo-mɛniɛi gáa káyêei a gɛɛ tɔ̃yâ-wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.