Mąątɛ̨nɛ̨ 51:1 - Bible

¹ Óo Ɣâla, ŋ́ɛi malôŋ káa yɛ̂ɛ berei íwɛli kɛ́-maai su kɛ̂tɛi lai. Ŋá sɔnyɔ̂ŋ wáa mî ḿâ yɛ̂ɛ berei ímaloŋ kâai su kɛ̂tɛi lai.

Yálá laawoo hɛɓɛ (dc)

¹ Nwələ ɲɛ̨itɔwɔmun. Davidə nwɔ wələ.

Yálá laawoo hɛɓɛ

¹ Nwələ ɲɛ̨itɔwɔmun. Davidə nwɔ wələ.

Mąątɛ̨nɛ̨ 51:1 ပူးပေါင်းရင်းမြစ်များ

Samia Veerɛi 11:2

Fólo maa láa tɔnɔ da Deeƃé è kùla záma lɔ̂i gɛ́ sìa-sia ŋɔpɛ́rɛi mɛi. È nɛnî tɔnɔ kàa gɛ́ ŋ̀waa. Ǹɛnîi ŋí è kɛ̀ kpɔ́ a ǹɛ́lɛɛ a ŋ̀ánaa.

Nehemi 4:5

Ífe dí su mɛ̂ni lɛ̀ɛ. Ífe tèla nìa dísɔnyɔ̂ŋ-ŋai dîa da gɛ̂i da ŋ̀óo nyɔ̂ŋ-ŋai da bilîi kûai. Kwa kɔ̂i a gɛɛ kú Zerusâlɛŋ taa-leei tɔ́ɔ ŋɔ́nɔ pôlu.”

Mąątɛ̨nɛ̨ 106:45

Vé wɔ́lɔ nia ní gono têei ma è gɛ̀i, kpɛ́ni fêi, ŋɔwɛli kɛ́-maai su kɛ̂tɛi dímɛni ma.

Mąątɛ̨nɛ̨ 106:7

Kúnâŋ pɔlɔ-ŋai dífe wɔ́lɔ Ɣâla kɛ́ mɛni mĩli-mĩliɛ-ŋai mɛni ŋá káa ní Ize. Dífe díyee see ní ŋɔwɔ́lɔ-wɔlɔ wɛli kɛ-maai mu, kɛ́lɛ dí tɔ̀ɔ Ŋ̀âla Kɛ́tɛi m̀a Ǹyúo Kpɔ̂lui ma.

Mąątɛ̨nɛ̨ 109:21

Kɛ́lɛ, óo Yâwɛɛ, Ŋáɣâlai, kpɔŋ ḿâ yɛ̂ɛ berei í íkono tèe lai. Ŋ́uŋ ma ƃó, kpɛ́ni fêi, íwɛli kɛ́-maa kpanaŋ lɛ̂lɛɛi.

Mąątɛ̨nɛ̨ 119:124

Tûa a ńyãa yɛ̂ɛ berei íwɔlɔ-wɔlɔ da wɔlɔ-wɔlɔ wɛli-kɛ maai káa lai, í ítɔ̂ŋ-ŋai lɛ́ ḿâ.

Mąątɛ̨nɛ̨ 145:9

Yâwɛɛ sɔŋ lɛ̂lɛɛi núu kélee mɛni ma, zãâi kélee è gbɛ̀tɛi, gélee malôŋ káa mà.

Mąątɛ̨nɛ̨ 4:1

Ŋa ítôli, ŋ́oo su too, óo ḿaa kɔ̃ɔ Ɣalai! Tãi ŋá kɛ̀ la mɛni kpɔ̂lu sui, í ŋ́uŋ ma ƃò. Ḿalôŋ káa, í ŋáfɛli-wooi mɛ́ni.

Mąątɛ̨nɛ̨ 40:11

Yâwɛɛ, ŋá gɔ́lɔŋ ya pâi wɔ́lɔ kɛ̂i nɔ́ ḿaloŋ kâai. Ya ḿaa kɔ̃ɔ íwɛli kɛ́-maai da íŋuŋ maa ƃô-laai sârai.

Mąątɛ̨nɛ̨ 5:7

Kɛ́lɛ íwɔlɔ-wɔlɔ wɛli-kɛ-maai sarâi, ŋa pâi kɛ̂i a ípɛrɛi mu nuui da. Ŋa pâi kɛ̂i ífɛlîi ípɛrɛ maa waai ŋɛ́i-tuɛ. Ŋa pâi pîlanii ŋ́ume ŋá, ŋá ƃaa kɛ́-maa tɛ́ɛ ípɔ.

Mąątɛ̨nɛ̨ 51:9

Ŋásɔnyɔ̂ŋ-ŋai su mɛ̂ni lɛɛ, í ŋá ŋwana-lɔ̂ɔ-tuai wáa ḿâ.

Mąątɛ̨nɛ̨ 69:13

Kɛ́lɛ à kɛ̀ a ńyãa, óo Yâwɛɛ, ŋa pâi kɛ̂i nɔ́ ífɛlîi. Ɣâla, ŋ́oo su too a ínîa tãi. Ŋ́oo su too íwɛli kɛ́-maa kpanaŋɔɔi sârai, kpɛ́ni fêi, í íkono tèe a gɛɛ ya pâi ŋ́uŋ ma ƃôi.

Mąątɛ̨nɛ̨ 69:16

Óo Yâwɛɛ, ŋ́oo su too íwɛli kɛ́-maa kpanaŋɔɔ lɛ́lɛɛi sârai. Ímaloŋ kâai su kɛ̂tɛi. Tínaŋ ḿbɔ naa pêre í ḿalôŋ káa.

Mąątɛ̨nɛ̨ 77:9

Ɣâla a nia ƃe ŋí kúmaloŋ káa mɛni ma? Ŋɔlii ŋwânai a dɔɔ̂i káa ƃe ŋí ŋɔmaloŋ kâai pɔ́ɔ ŋá?”

Azaya 43:25

Ŋ́gaa a Ɣâla. Ńyãa ƃa núu su-mɛni lɛ̀ɛ. Ŋa gɛ̀ tí, kpɛ́ni fêi, ŋ́gaa a ńyãa Ɣâla. Ŋa pâi ísu-mɛni lɛɛ̂i zɔnyɔ̂ŋ-ŋai ya gɛ́i m̀ɛni ma.

Azaya 44:22

Ŋá kásu mɛni lɛ̀ɛ kásɔnyɔ̂ŋ kélee mɛni ma yɛ̂ɛ lúu a tàa. Ka pá ḿbɔ. Ńyãa ƃa káŋuŋ ma ƃó nuui.”

Azaya 63:15

Yâwɛɛ, yái íkaa Ɣâla-taa íkwaa ma waai ma da ífolo-laai sui, lɛɛ naa í kú káa ǹɔii ma ƃɛ́. Kwa pɔ̂ri gɔ́lɔnîi léŋ a gɛɛ íkpaaŋɔ̂ɔi kú mɛni ma? Íwala-wâla laai káa mí? Íwɛ̂li-kɛ-maai da íŋɛi-maloŋ kâai káa mí? Ífe nia kûa.

Azaya 63:7

Ŋa pâi Yâwɛɛ ŋɔwɔ́lɔ-wɔlɔ wɛ̂li-kɛ-maai maa mɛ̂ni ƃôi. Ŋa ǹáa maa tɛ̂i é pîlaŋ la m̀ɛnii a gɛ̀ kûɛi, mɛni ma. A lûwa láa kpɔ́ Eezuɛ ma a ŋ̀ánaa ŋɔwɔ́lɔ-wɔlɔ wɛli-kɛ-maai da ŋɔmaloŋ kâa laai mɛ̂ni ma.

Ɉeremi 18:23

Kɛ́lɛ, Yâwɛɛ, dímɛni kpɛtɛɛi dí gɛ̀ a gɛɛ dí ḿbaai, í gélee kɔ́lɔŋ. Ífe dísɔnyɔ̂ŋ-ŋai su mɛ̂ni lɛ̀ɛ, kpaa máŋ í díŋɛi malôŋ káa dísɔnyɔ̂ŋ mɛ̂ni ma. Dí tóo kpɔ́ a yee-tɛɛ-maa pêre, í ílii ŋwána, í díkula maa kɛ́.”

Woolaa 3:32

Berei máŋ a pâ la a lii-too pôlui, maloŋ kâa káa ǹyêei. Ŋɔwɛli kɛ́ maa kɛ́tɛi kóyaŋ fé ma.

Danîa 9:18

Íwoli tɔ́ɔ kûa, óo Ɣâla. Íŋɛi lá ƃó í kúkaa daa-lee wóloɔɔi ŋí bilêŋ ŋá nyii ílaa seeɛ̂i mai. Kúfe í marê kɛ̂i nɔ́ ítɔ̃yâ-laai ǹyaa tɔnɔ mɛni ma kɛ́lɛ ímaloŋ kâa kɛ́tɛi mɛni ma.

Danîa 9:9

Berei máŋ kútɔɔ̂i la yâi, maloŋ kâa da su-mɛni lɛ̂ɛ káa nɔ́ íyêei kúmɛni ma.

Gɛlaɠaa 3:19

M̀ɛni ma, ka kálii pene ká pá ŋɔ́nɔ pôlu Ɣâla pɔ́, a gɛ́ɛ kásɔnyɔ̂ŋ é kúla kâa Kúnuu-namui é fúlu-laa nina tɛɛ kápɔ.

Kolosə 2:14

E kútɔ̂ŋ karaa-ŋai maa-kpa-kɔlɔi su kara da dɔ̂ŋ-ŋai fɛ̂ɛ kɛ̀ kúmɛi káai, nyíi-ŋai kɛ̀ a bɔ̃̀yɛ ŋɔkpa-kɔlɔi sui. E dɔ̂ŋ-ŋai ŋí kpera a díkpamoɔɔ zaa-wurii ma.