Mąątɛ̨nɛ̨ 50:1 - Bible

¹ Ŋ̀wála-wâla kélee Ɣâlai, Yâwɛɛ è lono. È ŋ̀éniɛi su-ƃelai kélee tòli é síɣe vóloi kulâi pere é tóo vóloi liî-pere.

Yálá laawoo hɛɓɛ (dc)

¹ Asafə nwɔ wələ woo. Yáláɠaa di wɔ Yálá, Yai-Laa aa hvaa; aa lɔi nuą kəlee təli ɲąąkpɔn ma. Ə həɠə voló kulɔi pələ, ə həli dooi pələ.

Yálá laawoo hɛɓɛ

¹ Asafə nwɔ wələ woo. Yáláɠaa di wɔ Yálá, Yai-Laa aa hvaa; aa lɔi nuą kəlee təli ɲąąkpɔn ma. Ə həɠə voló kulɔi pələ, ə həli dooi pələ.

Mąątɛ̨nɛ̨ 50:1 ပူးပေါင်းရင်းမြစ်များ

Zɛnɛse 17:1

Tãi Eberaŋ è kɛ̀ la a kóraŋ buu lɔ́ɔlu mɛi náaŋ káo lɔ́ɔlu mɛi náaŋ, Yâwɛɛ è pà bɔ́ ǹyɛɛ mai, “Ńyãa ƃa Ŋ̀wála-wâla kélee Ɣalai. Ŋ́oo mɛni ítua a zãa ŋɛ́i-túɛ. Í kɛ́ a núu sãa. Ísɔŋ fé kɛ̀ yâ.

Tɔɔɓɛlaa dɔlɔɔ 18:21

Ilaiza è lì ǹûai ŋɛ́i-tuɛ ǹyɛɛ dîai, “Tãi ɣɛɛlu ƃé ka pâi kɛ̂i la Ɣâla feerɛ loai? À kɛ̀ Yâwɛɛ káa a Ɣâla, ka vɛli. Kɛ́lɛ à kɛ̀ Bêe káa a Ɣâla, ka vɛli.” Kɛ́lɛ ǹûai dífe mɛni da mò ní.

Kɔlɔnikɔ Maa-ŋuŋ 15:17

Liiva-ŋai suui su-ƃelai dí ǹûai ŋí sìɣe zu a gɛ́ɛ díkɛ a ŋ̀ale-sãa ɣale-ƃelai ŋ̀ule too-ƃelai sáma. Dia ƃe kɛ̀ a: Zoɛɛ ǹóŋ Emaŋ da ŋɔkaayɔɔi Belekaya ǹóŋ Asafa, da Kusaiya ǹóŋ Itaŋ. Itaŋ è kɛ̀ a Melali ŋɔsuuui su nuu. Liiva-ŋai ŋí ƃé dí dísìɣe a díkpɔŋ mâa-ƃela. Díwɔ̂ tii ƃé kɛ̀ a gɔnîŋ tíŋɔɔ ɣaleɛ́ɛ. Dia ƃé kɛ̀ a: Zɛkɛraya, Zaaziɛ, Semiramɔ, Zeiɛɛ, Uni, Ilia, Maaseia da Benaiya. Dí Liiva-ŋai ŋí sìɣe zu a gɛ́ɛ dí kɛ́ gɔnîŋ tíŋ ŋáa-yeŋɔɔ-ŋai ɣale: Matitaiya, Ɛlifeleu, Mineiya da Azazia. Obɛɛ Idɔŋ da Zeiɛ ƃé dí dísìɣe a Ŋ̀âla-pɛrɛ Kɛ́tɛi mɛi káa-ƃela.

Kɔlɔnikɔ Maa-ŋuŋ 16:37

Gâloŋ Deeƃé è Asafa da ŋɔkɔlɛ ma-ƃelai lɛ̀ɛ Gbanaŋ-woo-kɛɛ maa Gãlai mɛi a gɛ́ɛ díkɛ tíi kɛ̀ naa yɛ̂ɛ berei gáa a sɛŋ dí gɛ́ la a ɣele kéleei.

Kɔlɔnikɔ Maa-ŋuŋ 25:2

Asafa ǹônii-sinaai Zakɔ, Zosɛ, Nɛtaniɛ da Asarela. Dílaa túɛ-nuui ƃé kɛ̀ a Asafa. Asafa a kâa Ɣâla ŋɔwóoi ƃó ƃɛ́i kélee gâloŋ a kâa m̀o ma a gɛ́ɛ é m̀ó naai.

Kɔlɔnikɔ Maa-ŋuŋ 25:6

Emaŋ ǹônii-sinaai ŋí da kâa kɛ̀ wule toôi díkɛ kɔnîŋ da nyɛ-nyɛ́ŋ ɣale Yâwɛɛ ŋɔpɛ́rɛ kɛ́tɛi mu dínaŋ yée mu. Asafa, Zedutuŋ da Eemaŋ díkɛ tíi kɛ̂i gâloŋ ǹyaa kpîŋ-kpiŋ yée mu.

Kɔlɔnikɔ Maa-ŋuŋ 6:24

Taa, Uriɛ, Uzia da Sau.

Kɔlɔnikɔ Veerɛi 29:30

Gâloŋ Ɛsekaya da ŋɔtíi kɛ ƃela kpaya-kpayai dí mò Liiva-ŋai dîa a gɛ́ɛ dílaa-ma-tɛ tɛɛ Yâwɛɛ pɔ a Deeƃé da Asafa nyíi kɛ̀ a Ɣâla ŋɔlono kɛ̀ nuui díwoo-ŋai. Nya ƃe dílaa-maa-tɛ wule too díkɛ lii-nɛɛ kula díŋuŋ-mâ pîlaŋdíkɛ Ɣâla fɛli.

Nehemi 9:32

“Óo Kúɣâlai, yá ƃa Ŋ̀wála-wâla kélee Ɣalai. Ya zûgbɛlɛ-gbɛlɛ da ŋɛi-kɛ́ maa mɛni kpaya-kpaya ŋa kɛ̀. Ya kono têe kɛ̀, ífaa íwoo maa fâleŋ. Íwɛli kɛ́-maai kóyɛŋ fé ma. M̀ɛni kpɔ̂lui kélee kwa tɛ̀ɛ zu é síɣe Asiria kaloŋ ŋɔtãi ma, é tóo sâa mai, ífe íŋɛi nàɣiŋ dímɛi. Kwa mɔ̃lɛ kwa kúnûai, kúlɔii kâloŋ-ŋai, kúlaa túɛ-ƃelai, zâla láa soŋ-ƃelai da ílono kɛ́-ƃelai, é pɛ́lɛ kúnûa pɔ̂lɔ-ŋai dîa.

Nehemi 9:6

Ƃía tɔnɔ kpéŋ nɔ́ ƃé íkaa a Yâwɛɛ. Í ŋ̀elei kpɛ̂tɛ da zu sãa kélee. Í ǹɔii kpɛ̂tɛ da vúlu sãai kélee dí káa mai. Í yúo kpɛ̀tɛ da zu sãa kélee. Í fúlu laa tɛ̀ɛ dí kélee dípɔ. Ŋ̀elei su wala-wala laai kélee da tôo íkɔɔ mu dí í fɛ́li.

Mąątɛ̨nɛ̨ 113:3

Káai kélee vóloi kulâi-pere da vóloi liî-perei, ka Yâwɛɛ láa maa tɛ́.

Mąątɛ̨nɛ̨ 73:1

Tɔ̃yâ kpîŋ ma Ɣâla sɔŋ lɛ̂lɛɛi Eezuɛ-ŋai mɛ̂ni ma. A mɛni lɛ́lɛɛ kɛ̀ diai dîɛ dílii su waai.

Mąątɛ̨nɛ̨ 74:1

Óo Ɣâla, ya íyee kulâi kúmu a gɛɛ ŋí lé mɛni ma? Ya pâi kɛ̂i nɔ́ a ílii ŋwánaa íkpɔɔi-ƃelai dîa?

Mąątɛ̨nɛ̨ 75:1

Óo Ɣâla, kwa ísɛɣɛ̂i fêi. Kwa ísɛɣɛ̂i fêi, kú kɛ́ íkɛtɛ-laai, da íkɛ tîi kpaya-kpayai maa mɛ̂ni ƃò.

Mąątɛ̨nɛ̨ 76:1

Zuda-ƃelai dí Ɣâla kɔ́lɔŋ. Eezuɛ-ƃelai da ƃaa kɛ́-maa tɛ̂ɛ Ɣâla pɔ́.

Mąątɛ̨nɛ̨ 77:1

Ŋa wɔ̀lɔ Ɣâla ma a ŋ́oo su kɛ́tɛ. Ŋa wɔ̀lɔ ma a ŋ́oo su kɛ́tɛ, ǹyaŋ a ŋ́oo mɛni.

Mąątɛ̨nɛ̨ 78:1

Ŋánûa, ka káwoli tɔ́ɔ ŋásɛŋ lɛ́ɛi ma. Ka káwoli tɔ́ɔ m̀ɛnii ma ŋa pâi môi kâai.

Mąątɛ̨nɛ̨ 79:1

Óo Ɣâla, ǹɔii í dɛ̀ɛ kúpɔi, lɔii-ŋuŋ da kpɛ́ni su-ƃela da pá da gula kúyêei. Da Ípɛrɛ Kɛ́tɛi maa tĩa kara, da Zerusâlɛŋ su-kara, ǹaa a lɛɛ a pilêŋ ŋá.

Mąątɛ̨nɛ̨ 80:1

Íwoli tɔ́ɔ kûa, óo yái ya Eezuɛ mɛi kâa yɛ̂ɛ ƃála mɛi káa-nuui, í Zosɛ ŋɔsuui téniŋ tɔ́ɔ yɛ̂ɛ ƃála mɛi káa-nuu. Íkaa seêni íkâloŋ see-sɛŋ ŋá ŋ̀âla-taa kooŋ-sãai kélee mɛi-pere.

Mąątɛ̨nɛ̨ 81:1

Ka wule tóo Ɣâla ma ɣelêi pere. Ǹyaa ƃa kúmaa kɔ̃ɔ nuui. Ka laa maa tɛ̂ wule too a lii-nɛ̃ɛ Zeeka Ŋɔɣâlai ma.

Mąątɛ̨nɛ̨ 82:1

Ɣâla káa bɔ́-taai ŋ̀ele-kɔlɔŋ su ŋ̀âla da kpɛ́ni-ŋai sáma gɛ́ dí mɛnii ŋá tèe. A môi dîa ǹyɛɛi,

Mąątɛ̨nɛ̨ 83:1

Óo Ɣâla, ífe lɛ̀ɛ a ímɛi sâa. Ífe lɛ̀ɛ a ímɛi sâa kpaa máŋ í ílii ma soŋ.

Azaya 1:2

È mò ǹûai dîa a gɛɛ Ɣâla Yâwɛɛ ǹyɛɛi, “Ŋ̀elei da ǹɔii su-ƃelai kélee, ka káwoli tɔ́ɔ m̀ɛnii ma ŋa pâi m̀ôi. Ǹîa-pɛlɛɛi ŋá díkùla zui, da tɔ́ɔ ḿâ.

Azaya 37:20

M̀ɛni ma, Yâwɛɛ Kúɣâlai, kúkula Asiria-ŋai yêei a gɛ́ɛ ǹɔii-ŋûŋ-ŋai díkaa ŋ̀éniɛi sui, dí gɔ́lɔŋ a gɛ́ɛ yá tɔnɔ nɔ́ ƃé íkaa a Kúɣâlai, Óo Yâwɛɛ.”

Azaya 54:5

Íkpɛtɛ-nuui a pâi kɛ̂i yɛ̂ɛ ípɔ̂ŋ. Íkpɛtɛ-nuui kpîŋ láa ƃa Ŋ̀wála-wâla kélee Yâwɛɛ. Eezuɛ Ŋɔɣâla Maa Waai ƃa íŋuŋ ma ƃó nuui. Ǹyaa ƃa ŋ̀éniɛi kélee kpɛtɛ Ɣâlai.

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Ɉeremi 10:6

Óo Yâwɛɛ, sɛŋ da fé naa é kɛ́ yɛ̂ɛ yá. Ímaa pɔlɔ-pɔlɔɔi, ǹyaŋ ílaa maa tûŋ wála-walaai.

Amɔsə 3:8

Yala-sului a kpèɣe, gbɛ̂ɛ ƃé vé pâi yaôi? Ɣâla Yâwɛɛ a lóno, gbɛ̂ɛ ƃé vé pâi ŋ̀óo su kulâi?”

Malasi 1:11

Nûa da sála-sɛŋ kúŋ nɛ̃ɛ kèreŋ ḿî ǹɔii gwaa kélee, díkɛ sâla lɛ́lɛɛ kùla ḿî nyii a ńii laai. Díkelee da ŋumɛ-mâa tɛ̀ɛ ḿbɔ!

Maafîu 25:32

Da pâi ŋ̀éniɛi-su-ƃelai kélee ŋá tɛ̂i díkîe-ma ŋ̀ɛi tuɛ. Ǹyaŋ a pâi díkulâi díkîe-ni sama, yɛ̂ɛ berei m̀ála mɛi-kaa-nuui a m̀ála-ŋai kûla la m̀oli-ŋai samai.

Zasua 22:22

“Ŋ̀wála-wâla kélee Ɣalai ƃa Yâwɛɛ. Ǹyaa kpîŋ è gɔ́lɔŋ, ǹyaŋ tɔɔ Eezuɛ-ŋai kélee dí gɔ́lɔŋ! À kɛ̀ kú m̀ɛnii ŋí kɛ̀ a gɛ́ɛ kú tɔ́ɔ m̀a, gɛ̀ ní ka kúpaa sâa,