Mąątɛ̨nɛ̨ 5:10 - Bible

¹⁰ Óo Ɣâla, dímɛnii ŋá tée, í dísu-kara. Ǹɛɛ naa dí kɔ́ a díkpɔɔi ƃare-ŋai. Díkpɛ íŋɛi-tuɛ, kpɛ́ni fêi, díkaa a sɔnyɔ̂ŋ-ƃela. Dítɔɔ̂i yâ.

Yálá laawoo hɛɓɛ (dc)

¹⁰ A tɛ̨ą, nu hva pɛli gilitɔɔi, di hvaa woo tai lɔpee ɓa, di hu pələ kalaai kpɔ hɔwɔ-hɔwɔ; di kwaną wolo kaa a kámą laa tɛɠaa, di hvaa woo kaa yɛ niminin.

Yálá laawoo hɛɓɛ

¹⁰ A tɛ̨ą, nu hva pɛli gilitɔɔi, di hvaa woo tai lɔpee ɓa, di hu pələ kalaai kpɔ hɔwɔ-hɔwɔ; di kwaną wolo kaa a kámą laa tɛɠaa, di hvaa woo kaa yɛ niminin.

Mąątɛ̨nɛ̨ 5:10 ပူးပေါင်းရင်းမြစ်များ

Samia Veerɛi 15:31

Dí mò Deeƃé ma dîyeɛi, “Aitofɛ káa a Asalɔŋ ŋɔnûai dɔnɔ nyíi-ŋai dítɔɔ̂i yâi.” Deeƃé ǹyɛɛi, “Yâwɛɛ, tɔɔ Aitofɛ ŋɔmɛni kpɛtɛɛi da ǹia-wooi nyíi kélee a pâi gɛ̂i Asalɔŋ mì é kɛ́ a ƃoo mɛni.”

Samia Veerɛi 17:14

Asalɔŋ da Eezuɛ-ƃelai kélee dí mò díkîɛ-ni laoi dîyɛɛi, “Aki naloŋ Usai ŋɔlia-wooi lɛ̂lɛɛi é tɛ́ɛ Aitofɛ ŋ̀ɔi ma.” Yâwɛɛ è ǹûai kíli-ŋa pù a gɛ́ɛ dí fé tàre Aitofɛ ŋɔlia-wooi su, kpɛ́ni fêi, è kɛ̀ pâi mɛni-kpɔ̂lu pûi Asalɔŋ ma.

Samia Veerɛi 17:23

Aitofɛ kɛ́ɛ a gɔ́lɔŋ a gɛ́ɛ ǹûai dífe ŋɔlia-wooi mɛni níi, ŋumɛ è gɛ̀. È zee-sɛŋ pɛ̀lɛ ŋɔwɛlɛ-sôoi mɛi é tɛ́ m̀ɛi é lí bɔ́-taâi. È ŋɔpɛ́rɛi mu mɛnii kélee kpɛ̀tɛ é lí é gbîŋ sɛ̂lɛŋ é sáa. Dí ǹoo ǹâŋ ŋɔkɔni ƃolôŋ su.

Kɔlɔnikɔ Veerɛi 25:16

Kɛ́lɛ tãi Yâwɛɛ ŋɔlóno kɛ́-nuui è kɛ̀ lônoi lai, Amazia è mò mà ǹyɛɛi, “Kú í lɛ̀ a gâloŋ lia-woo ƃó-nuui da? Í mɛi sáa! Lé mɛni ƃe ŋí ya pâi zaa kɛ̂i?” Yâwɛɛ ŋɔlóno kɛ́-nuui é mɛi sâa kɛ́lɛ è mò ǹyɛɛi, “Ŋá gɔ́lɔŋ a gɛ́ɛ Ɣâla aâ gbɛ̀tɛ a gɛ́ɛ é íŋuŋ-la píli, kpɛ́ni fêi ya dûa sii ŋí kɛ́ ǹyaŋ ífe íwoli tɔɔ-ni ŋália-wooi ma.”

Ɛstɛrə 7:10

Nya ƃe dí Emaŋ sɛ̀lɛŋ ǹyeŋkêŋ mâ nyii è dɔ̀ɔ Mɔdikai mɛni mai ḿâ. Nyíŋi pôlu ma, gâloŋ líi ŋáa è yèŋ.

Mąątɛ̨nɛ̨ 10:15

Ŋ̀wana-lɔ̂ɔ-ƃelai da m̀ɛni nyɔ́mɔɔ kɛ́-ƃelai díwala-wala-laai su kara. Díkula ma kɛ́ dímɛni nyɔ́mɔɔi mɛni ma é lɛ́ɛ la zu dífe ŋɔ́nɔ da kɛ̀.

Mąątɛ̨nɛ̨ 107:11

kpɛ́ni fêi, dífe díwoli tɔɔ ní Ŋ̀âla Kɛ́tɛi ma, dí tela dípôlu tɔ̀ɔ ŋɔsɛŋ lɛ́ɛi ma.

Mąątɛ̨nɛ̨ 17:13

Óo Yâwɛɛ, ímu-siɣe í pɛ́lɛ dîa í díyee mɛi ɣále. Ŋ́gula ŋ̀wana-lɔ̂ɔ-ƃelai yêei a í ƃóa sɔkpɔi.

Mąątɛ̨nɛ̨ 31:18

Ǹɛɛ naa ǹɛ́ɛ-ƃelai lá é tɛ́, zu-mɛni kɛ̂tɛ-ƃelai, da diai dí deniŋ ƃô-ƃelai woo-nyɔŋ fei.

Mąątɛ̨nɛ̨ 35:26

Gɛ́ diai dílii nɛ̃ɛ̂i ŋámɛni kpɔ̂lui mɛ̂ni mai, dí ŋumɛ díkili ŋá pú. Diai da díkpîŋ sìɣe a maa nɛ̃ɛ é tɛ́ɛ ḿâi, ƃâa é kula dîa dí ŋumɛ.

Mąątɛ̨nɛ̨ 55:15

Tɔ́ɔ ŋ́gbɔara-ƃelai dísaa, dísàa tãi é lɛ́ɛ pâi serîi. Tɔ́ɔ dílɛɛ a dífulu dí lí saa-taa. Ŋwana-lɔɔ káa dípɛrɛi mu da dílii su.

Mąątɛ̨nɛ̨ 66:7

Ŋɔkâloŋ-laai kɔ́yɛŋ fé ma. M̀ɛni-ŋai ǹɔii-ŋûŋ-ŋai da gɛ̀i, da fa lôo m̀a. Tɔɔ-mâ-nuu kélee da fa pɔ̂ri ǹyée mɛi ɣâlei.

Mąątɛ̨nɛ̨ 71:13

Ŋ́gbɔara-ƃelai yée mɛi ɣále, í dísu-kara. Diai kɔ̂i ḿbɔi, ƃâa kula dîa, í dí ŋumɛ.

Mąątɛ̨nɛ̨ 79:12

Óo Ǹuu-namui, ǹɔii-ŋûŋ-ŋai da íwoo yɔ̂ŋ fei, díkula maa kɛ́ gîei lɔ́ɔlu mɛi feerɛ zɔnyɔ̂ŋ mɛni ma da gɛ́ a yai.

Azaya 1:2

È mò ǹûai dîa a gɛɛ Ɣâla Yâwɛɛ ǹyɛɛi, “Ŋ̀elei da ǹɔii su-ƃelai kélee, ka káwoli tɔ́ɔ m̀ɛnii ma ŋa pâi m̀ôi. Ǹîa-pɛlɛɛi ŋá díkùla zui, da tɔ́ɔ ḿâ.

Azaya 1:20

Kɛ́lɛ kà wàla fáa ma, kà tɔɔ ḿâ, ka pâi saa tí-ti ƃôi. Ńyãa Yâwɛɛ ƃé mò tí.”

Azaya 63:10

Kɛ́lɛ, da wɔ́lɔ dípôlu tɔ̀ɔ nɔ́ m̀a, díkɛ́ gɛ̀ Ŋɔmɔ̃̂leŋ Maa Waai líi kɛ́ tòo pôlu. Nya ƃe Yâwɛɛ è kɛ̀ a díkpɔara-nûu, é kɔ́ dípɔ.

Woolaa 1:5

Ŋɔkpɔara-ƃelai da kɛ́ a m̀ɛi-ƃela. Lii-sɛlɛŋ fé ŋɔ́nɔ dîa. Ɣâla Yâwɛɛ a lii-too pôlu támaa tɛ́ɛ bɔ́ ŋɔsɔnyɔ̂ŋ ŋánaai mɛni ma. Ǹônii da kɛ́ a lɔii-ŋuŋ da kpɛ́ni-ŋa su-ƃela díkpɔara-ƃelai yêei.

Danîa 9:5

“Kwa sɔnyɔ̂ŋ kɛ́ a yá. Kwa mɛni nyɔ́mɔɔ-ŋa kɛ́ kwa tɔɔ yâ. Kwa tɔɔ mɛni-ŋai dîa í mò kûai, kúfe ŋɔ́nɔ siâi a ítɔ̂ŋ-ŋai lá-woo.

Danîa 9:9

Berei máŋ kútɔɔ̂i la yâi, maloŋ kâa da su-mɛni lɛ̂ɛ káa nɔ́ íyêei kúmɛni ma.

Osia 9:7

Dɔŋ-kpɛ-maa-tãi à sèri, fela-fei-tãi a sèri, Eezuɛ-ŋai da pâi gɔ́lɔnîi. Ka gâai yɛ̂ɛ “Ɣâla ŋɔlóno kɛ́-nuui ƃoɔ̂i, ǹúui m̀ɔlêŋ káa gbonôi táre fé ŋuŋ su.” Kásɔnyɔ̂ŋ da kákpɔara su kɛ̂tɛi nyii ka gɛ́ a Ɣâlai.

Korɛntə dɔlɔɔ 3:19

Kpɛ́ni fêi, ŋ̀éniɛi ŋí su-tarei káa a ƃoo Ɣâla ŋɛi. Kpɛ́ni fêi, bɔ̃yɛɛ̂i, “Ɣâla a dáre-ƃelai sôŋ díwôya-perei ma,”

Dutɛrɔnome 2:30

“Kɛ́lɛ Siɔŋ fé fáa ní. Káɣâlai Yâwɛɛ è Siɔŋ líi su kpànaŋ a gɛɛ é kɔ́ kápɔ a gɛɛ ká ǹyée mɛi ɣále. Ǹyaŋ bere nɔ́ ƃé è kɛ̀ la.

Samuɛlə dɔlɔɔ 25:29

Í Ɣâlai Yâwɛɛ a pâi ímɛi kâai é íŋuŋ ma ƃó íkpɔara-ƃelai yêi da kɛ̀ ŋ̀wɛ̂lii dí í páa. Kɛ́lɛ a pâi dífulu-laai kûlai díyêei a maa féla é tɛ́ɛ la berei ma ya kɔni pîli la a í vûu-mai.

Samuɛlə dɔlɔɔ 25:39

Tãi Deeƃé è m̀ɛni la a gɛ́ɛ Neeba a saai, è mò ǹyɛɛi, “Laa maa tɛ̂ é tɛ́ɛ Yâwɛɛ pɔ́! A Neeba ŋɔmɛnii ŋáa tée, kpɛ́ni fêi, è woo-yɔ̂ŋ pìli ḿâ. Yâwɛɛ è ŋ́gbera a gɛ́ɛ ḿve mɛni nyɔ́mɔɔ da kɛ̀. Ǹyaŋ è ǹɛɛ naa a gɛ́ɛ Neeba é mɛni nyɔ́mɔɔ kɛ́ a gbîŋ.”