Mąątɛ̨nɛ̨ 47:1 - Bible

¹ Kákelee ka káyee ŋá lókwa a koi-nɛ̃ɛ pere. Ka Ɣâla láa ma tɛ́ a wule-ŋa.

Yálá laawoo hɛɓɛ (dc)

¹ Nwələ ɲɛ̨itɔwɔmun, Kore lonnii di wɔ wələ.

Yálá laawoo hɛɓɛ

¹ Nwələ ɲɛ̨itɔwɔmun, Kore lonnii di wɔ wələ.

Mąątɛ̨nɛ̨ 47:1 ပူးပေါင်းရင်းမြစ်များ

Samia Veerɛi 6:15

Da Eezuɛ-ƃelai kélee dí pà a Yâwɛɛ Ŋɔkpanaŋ-woo-kɛɛ maa gãlai dí kɛ́ túru fɛ̀ɛ, dí kɛ́ làɣi a zu kɛ́tɛ.

Tɔɔɓɛlaa veelɛ 11:12

Zɛoiada è pà a gâloŋ ǹóŋ Zoasi banaŋ ma é gâloŋ ƃɔrɔi sée ŋ̀ûa. È Ɣâla ŋɔtɔ̂ŋ kɔlɔi tɛ̀ɛ bɔ́ é wúlɔ pú ŋ̀ûa nyii nɛ̀ a gɛɛ gáa nâa a ǹɔii ŋɔkâloŋ ninai. Gbɔŋ su-ƃelai dí díyee ŋá lòkpa díkɛ làɣi a ɣelêi-pere dîyɛɛi, “Gâloŋ lɛ̂wo lâai é kôya.”

Kɔlɔnikɔ Veerɛi 13:15

nya ƃe Zuda kɔkuluƃa-ŋai dí làɣi a gɔ́i maa fɛ́ɛ-woo. Tãi dí gɔ́i maa fɛ̀ɛ lai, Ɣâla è Zɛroboaŋ da Eezuɛ-ŋai same têe dímu Aƃiza da Zuda-ƃelai ŋɛ́i tuɛ.

Mąątɛ̨nɛ̨ 106:47

Óo Yâwɛɛ Kúɣâlai, kúŋuŋ ma ƃó í kúkula kúkpɔara-ƃelai yêei ǹɔii ŋuŋ-ŋai su. Yà gɛ̀ tí, kwa pâi ísɛɣɛ̂i fêi, kú ílaa maa waai maa tɛ́.

Mąątɛ̨nɛ̨ 42:1

Berei kpele-wɛli a pîlaŋ sua sòŋ la gɛ́ yá kɛ̂i kɔ̀ri a gɛɛ é gbele lai, bere nɔ́ ƃé Ŋáɣâlai maa mɛ̂ni kpáaŋ káa la ḿâ.

Mąątɛ̨nɛ̨ 46:1

Ɣâla ƃa kúmaa kɔ̃ɔ-nuui. Ǹyaa ƃa gɛ̀ kúkponôi é kpanaŋ. Gbîŋ kpɛtɛɛi a tãi kélee a gɛɛ é kpɔ́ŋ mâa tɛɛ kúpɔ kwa kɛ̀ mɛni kpɔ̂lu su.

Mąątɛ̨nɛ̨ 47:5

Ɣâla a tɛ́ a see ŋɔkâloŋ see-sɛŋ ŋá. Ka túru fɛ́ɛ ká láɣi a ɣelêi pere a koi-nɛ̃ɛ, tãi Yâwɛɛ a kɛ̂ tɛ̂i la ŋɔkâloŋ see-sɛŋ ŋái.

Mąątɛ̨nɛ̨ 98:4

Káai ŋ̀éniɛi gwaa kéleei, ka koi-nɛ̃ɛ wule too Yâwɛɛ ma. Ka ǹáa ma tɛ́ wule-woo nɛ̃ɛ-ŋa su.

Mąątɛ̨nɛ̨ 98:8

Ya-lee-ŋa, ka káyee ŋá lókwa. Yée-ŋa, ka koi-nɛ̃ɛ wule too gîe ma Yâwɛɛ ŋɛ́i-tuɛ.

Azaya 55:12

“Ka pâi kulâi Babelɔŋ a lii-nɛ̃ɛ, ka lí lii-sêe su. Ǹyée kpaya-kpayai da bɛlɛ-pɛlɛɛi da pâi kɛ̂i wule-ŋa toôi. Ŋ̀úru-ŋai dia máŋ da pâi kɛ̂i díyee ŋá lôkwai a lii-nɛ̃̂ɛ pere.

Ɉeremi 31:7

Yâwɛɛ è mò ǹyɛɛ, “Ka lii-nɛɛ wule too Eezuɛ ma, nyíi gáa a ǹɔii-ŋuŋ-ŋai gɛ́tɛi. Ka laa-maa-tɛ wule too, ‘Yâwɛɛ a ŋɔnûai ƃálo. Diai kélee lɛ̀ɛi, a díŋuŋ-ma ƃó.’

Sofoni 3:14

Óo Zãiyɔŋ ǹóŋ-nɛnii, láɣi a wule-woo, óo Eezuɛ, láɣi! Óo Zerusâlɛŋ ǹóŋ nɛnii, lii nɛ̃̂ɛ kula a ílii kélee!

Zakari 4:7

Lé ƃa yá, Óo ǹyee kɛ́tɛi? Ya pâi kɛ̂i a tiŋ-tiŋ kwaa ma Zɛrubabɛɛ ŋɛ́i. A pâi pâi a ǹyéei tí tôŋ-su kɔni, laɣi-woo kɛ́ ƃɔ̀ bôlu ǹyɛɛ, ‘Ƃɛlɛ-sêe, ƃɛlɛ-sêe káa ma!’ ”

Zakari 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Samuɛlə dɔlɔɔ 10:24

Nya ƃe Samia è mò ǹûai dîa ǹyɛɛi, “Ka naloŋ káa nyíi Ǹuu-namui a ziɣe, m̀óloŋ maa fê ká sáma!” Nya ƃe ǹûai kélee kpɔ́ dí làɣi dîyɛɛi, “Gâloŋ é kɛ́ ɣele ma wɔ́lɔ-wɔlɔ!”