Mąątɛ̨nɛ̨ 45:3 - Bible

³ Íƃoa-sɔkpɔi tóo íleɣei, gâloŋ wála-walaai. Ímu wuyɛ̂ɛi, ƃaa kɛ́-maa kɛ́ ƃò yâ.

Yálá laawoo hɛɓɛ (dc)

³ Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.

Yálá laawoo hɛɓɛ

³ Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.

Mąątɛ̨nɛ̨ 45:3 ပူးပေါင်းရင်းမြစ်များ

Zôo 1:16

È lɛ̀ɛ nɔ́ pâi ŋ̀óo-ŋuŋ lâai gélai dɔnɔ kɛ́ ŋɔ́nɔ pà ǹyɛɛ mai, “Ŋ̀ele-gbana è tòo kpɔ́ kûa é m̀ála-ŋai da dímɛi káa-ƃelai kélee kpúŋ páa, ńyãa tɔnɔ nɔ́ ƃé lɛ̀ɛ a gɛɛ ŋá pá ŋá mó yâ!”

Mąątɛ̨nɛ̨ 104:1

Ŋa pâi Yâwɛɛ láa maa tɛ̂i a ńii kélee. Óo Yâwɛɛ Ŋáɣâlai, íkɛtɛ-laai mĩli-miliɛi. Ƃaa kɛ́-maa káa yâ, wála-wala-laa kɛ́ ƃò íyêei.

Mąątɛ̨nɛ̨ 145:12

a gɛɛ núu kélee é íwala-wala laai kɔ́lɔŋ, da íkâloŋ-laa kɛ́tɛi ŋɔwála-wala laai.

Mąątɛ̨nɛ̨ 145:5

Da pâi ímaa-waa laai da íkɛtɛ-laai maa tûŋ toôi, ǹyaŋ ŋa pâi ŋ́gili-ŋa siâi é pîlaŋ m̀ɛni kpaya-kpayai ya gɛ́i dîa.

Mąątɛ̨nɛ̨ 21:5

Gâloŋ ŋɔfólo-laai kɛ́tɛi ŋɔkpɔŋ-maai sârai. Yâ gɛ́ m̀u a wuyɛ ƃaa kɛ́-maa támaa kɛ́ ƃò nûa yêei m̀ɛni ma.

Mąątɛ̨nɛ̨ 21:7

Gâloŋ kíli tɔɔ̂i Yâwɛɛ ŋɔwála-wala-laai ma nyii gáa a Ŋ̀âla Kɛ́tɛi. Ǹyaŋ ŋ̀uŋ ma a pâi kɛ̂i a m̀oɔɔ, Yâwɛɛ ŋɔwɔ́lɔ-wɔlɔ wɛli kɛ-maai sârai.

Mąątɛ̨nɛ̨ 96:6

Ŋɔfólo-laai da ŋɔkɛ́tɛ-laai tínaŋɔ̂ɔi m̀a. Zãâi Ŋɔpɛ́rɛi Kɛ́tɛi mui a ǹɛ́ a gɛɛ ǹɛ̂lɛɛi, ŋ̀wála-wala.

Wɛli 2:3

Ŋáwɛli kɛ́-maa nuui káa nɔ́ m̀arâa nyàŋkpa-ŋai sáma yɛ̂ɛ âpɔ-wuru ƃé wolâ wuru-ŋa sáma. Ŋa ŋ̀wɛli ŋá sée ǹinîŋ mu. M̀á kɛ́-pere lɛ̂lɛɛi a ńîa.

Wɛli 5:13

Góma veerɛ lɛ̂lɛɛi yɛ̂ɛ sûa nyii ǹáa fɛɛ̂i a sále da kúŋ sã̂a. Ǹá-gbɔ káa yɛ̂ɛ wúru pôa lɛ́lɛɛ-ŋa ǹyɔɔ́ a wúru-ya kúŋ nɛ̃ɛ.

Azaya 49:2

È ŋ́gbɛ̀tɛ, é ḿaa kɔ̃ɔ é gɛ́ ŋ́oo ŋá liɛɛ yɛ̂ɛ ƃóa-sɔ̂kpɔ. È ḿɛi pɛ̂lɛ a ǹyée é ḿaa kɔ̃ɔ. È ŋ́gɛ̀ yɛ̂ɛ tɔ̃a ŋá-seneɛɛ, ŋ́gbɛtɛɛ tíi kɛ́ mɛni ma.

Gɛlaɠaa 10:36

Ŋ̀orɛ̂-wooi è dɛ̀ɛ Eezuɛ-ŋai pɔ́ naai, ǹyaa ƃa lii-sêe maa mɛni ƃóɔɔ Zîsɛ Kôrai sârai, nyíi gáa a Duŋ Lɛ́lɛɛi. Ǹyaa ƃé gáa a núu kélee ǹâmu.

Lomaŋ 14:9

Kpɛ́ni fêi, Kôrai e sàa e mu siɣe ŋɔ́nɔ saa yêei a gɛ́ɛ é kɛ́ a saa-ƃela da fulu-ƃela Dínuu-namu.

Hebreu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Hebreu 4:12

Kpɛ́ni fêi, Ɣâla ŋɔwóoi káa a vúlu gɛ́ tíi kɛ̀ ŋá liɣɛɛ é tɛ́ɛ ƃóa-sɔkpɔ ma nyíi ŋá káa gwaa feerɛ mai, gɛ́ lɔ́ fúlu-laa da mɔ̂leŋ díloai é lɛ́ɛ la zu é seri ƃɛi díŋa kɔlɛɛ̂i naai, gɛ ŋɔ́nɔ lɔ́ kpulɔ̂ŋ-ŋá da kpɔrɔ díloai é lɛ́ɛ la zu é seri ƃɛi díŋa kɔlɛɛ̂i naai. Ɣâla ŋɔwóoi a kúlii ŋɔkili-ŋa-siai da ŋɔmɛni-kpɛtɛɛi kɛ̀ a zu ponoɔ.

Hebreu 8:1

M̀ɛnii kpîŋ gáa m̀ɛnii ŋí su kwa m̀ôi ǹyaa ká ŋí. Sâla láa soŋ-nuu kɛ́tɛ kɛ́ɛ ŋí káa kúyêei, nyíi gáa see ni Ŋ̀wála-wâla kélee Ɣalai ŋɔsee-sɛŋ láa-mii-yee mɛi-pere Ɣâla-taai.

Zûu 1:25

fólo-laa, kɛ́tɛ-laa, da kpanaŋ-laa, é pɛ́lɛ wala-wala-laa ma dí kɛ́ Ŋ̀âla tɔnɔi ma tãi kélee tuɛ da tãi ŋí su, é pɛ́lɛ wɔlɔ-wɔlɔ ma, Ŋ̀âla tɔnɔi nyíi gáa a Kúƃalo-nuui Kúnuu-namui Zîsɛ Kôrai sârai. É kɛ́ ti.

M̀ɛni-lɛɛi 1:16

Pɛmɛlɛŋ-kao lɔ́ɔlu mɛi feerɛ è kɛ̀ ǹáa-mii-yee ŋá. Ƃóa-sɔkpɔ ŋá kɛ́ɛ gwaa feerɛ ma kɛ́ ƃo ǹá. Ŋ̀ɛi kɛ́ fòlo yɛ̂ɛ vóloi à kɛ̀ toôi kpɔ́ a gbanaŋɔɔ.

M̀ɛni-lɛɛi 19:15

Ƃóa-sɔ̂kpɔ ŋá liɛɛ a kûla ǹá a gɛɛ é ǹɔii-ŋûŋ-ŋai yée-mɛi ɣale la. Ǹyaŋ a pâi dímɛi kâai a kɔli-tuaŋ. A pâi gbɔmɔ-ƃai tánîi Ŋ̀wála-wâla kélee-Ɣalai ŋɔlii-ŋwâna kpɔmɔ-ƃa táŋ-loai su.

M̀ɛni-lɛɛi 19:21

Móa-sɔkpɔ̂i kûla ǹúui lá kɛ̀ see ni zooi mɛi, è ǹúui gbéli-ŋai pâa. Ŋɔni-ŋai kélee dí péla a díluu.

Nwun mąąɓo 3:16

Ɛwuu è ƃóa-sɔ̂kpɔ tɔnɔ kpɛ̀tɛ ŋ̀á kɛ́ ƃò m̀éla feerɛ ma. M̀óai kpîŋ ŋɔkôya è kɛ̀ a núu kɔ́ɔ ƃɔ́rɔnîi tɔnɔ da gbûra. È gbùlɔŋ ǹáa mii-yee mɛi pere ŋɔseɣei mu.