Mąątɛ̨nɛ̨ 41:1 - Bible

¹ Lûwa káa diai dîa díkpaaŋɔɔ̂i gôlo-ƃelai mɛni mai. Da kɛ̀ mɛni kpɔ̂lu su, Yâwɛɛ a pâi dí kulâi zu.

Yálá laawoo hɛɓɛ (dc)

¹ Nwələ ɲɛ̨itɔwɔ mun. Davidə nwɔ wələ.

Yálá laawoo hɛɓɛ

¹ Nwələ ɲɛ̨itɔwɔ mun. Davidə nwɔ wələ.

Mąątɛ̨nɛ̨ 41:1 ပူးပေါင်းရင်းမြစ်များ

Mąątɛ̨nɛ̨ 112:9

Ǹyée lá ƃôɔi sɛŋ tɛɛ mɛni ma ǹúui pɔ́ pɔ̂ri mâa fé mìi. Ŋɔmɛni lɛ́lɛɛi káa nɔ́ naa wɔ́lɔ-wɔlɔ da wɔlɔ-wɔlɔ. A pâi kɛ̂i a ŋ̀wála-walaa, nûa díkɛ ŋumɛ mâa tɛ̀ɛ bɔ́.

Mąątɛ̨nɛ̨ 34:19

Deniŋ ƃô-ƃelai dámaa da pɔ̂ri m̀ɔ̃lɛi, kɛ́lɛ Yâwɛɛ a díkùla maa mɔ̃lɛ-laai su.

Mąątɛ̨nɛ̨ 37:19

Da fé pâi wɔ́lɔ mɔ̃lɛi a nɛ̃ɛ ma kpîŋ ɣele ma é kpanaŋ. A nɛ̃ɛ ma puru su kɛ́tɛ é tóo díkɔnɔŋ fé pâi wɔ́lɔ kpɛɛ̂i.

Mąątɛ̨nɛ̨ 37:26

Díyee lá ƃoɔɔ̂i nɔ́ nûa perêi a ɣele kélee. Da sãa tɛ̀ɛ dípɔ kpɛ́ni-kpɛni, díkɛ kpa pìli nûa da kpɛ́ni-ŋa dîa. Lûwa káa nɔ́ dílônii dîa.

Hanwon 14:21

Ƃa íŋɛi nàɣiŋ íkɔlɛ-maa-nuui mɛi, gɛ̀ ní ƃa sɔnyɔ̂ŋ kɛ́. Lûwa káa ǹúui ma a kôlo-nuu malôŋ kâai.

Hanwon 16:14

Kâloŋ ŋɔlii-ŋwanai a pâ a saa, táre-nuu a gɛ̀ kâloŋ líi ŋá é yèŋ.

Hanwon 19:17

Ƃà kôlo-nuu malôŋ kàa, ƃa kpa pili Ɣâla Yâwɛɛ ma, ǹyaŋ Ɣâla Yâwɛɛ a pâi íkpai kulâi.

Ikilisiati 12:1

Núu-tɔɔ-ŋa, káfe ǹɛɛ naa ɣéniɛ su-sãai maa lii-nɛ̃ɛi é gɛ́ ká nia kákpɛtɛ-nuui ma. Ka gɛ́ tí, tãi ka pâi lii la kápɔlɔ yêe lai, ka pâi môi kâai, “Kúfe kúɣeniɛi ŋãa-nɛ̃ɛ kula ní.”

Ɉeremi 39:17

Kɛ́lɛ, ńyãa Yâwɛɛ, ŋa pâi ímaa kɔ̃ɔ̂i. Dífe pâi ítɛɛ̂i diai pɔ́ ya yaôi dîai.

Markə 14:7

Gôlo-ƃelai díkaa kákɔlɛ a tãi kélee. Tãi kélee ka ŋ̀wɛ̂lii, ka pɔ̂ri mɛni lɛ́lɛɛ kɛ̂i dîɛ. Kɛ́lɛ, ńyaŋ fé pâi wɔ́lɔ kɛ̂i kásama a ɣele kélee.

Gɛlaɠaa 20:35

Ŋa ǹɛ́ kâa mɛni kélee su a gɛ́ɛ fɛ̂ɛ núu é kpɔŋ maa tɛɛ vii-kpɛɛ-ƃelai pɔ́ tíi kɛ́ɛ su Kúnuu-namui Zîsɛ ŋɔwóoi é lɛ́ɛ gíli ŋá, berei è mò la, ǹyɛɛ, ‘Gáa a lûwa támaa a gɛ́ɛ núu é ƃɛlɛ-see kɛ́ é tɛ́ɛ ƃɛlɛ-see sɔlɔ ƃóɔɔ ma.’ ”

Galatə 2:10

dí kɛ̀ nɔ́ ŋ̀wɛ̂lii máŋ a gɛ́ɛ dí gôlo-ƃelai maa-mɛni too kúkili ŋa, nyíi kɛ̀ a mɛnii kpîŋ ŋá kɛ̀ ŋ̀wɛ̂lii kpɔ́ a gbanaŋɔɔ a gɛ́ɛ ku gɛ́i.

Tɛsalonikə dɔlɔɔ 5:14

Kwa kalia-woo ƃôi, ŋánûa, a gɛ́ɛ diai dífe tíi kɛ̂i, ka dília-woo ƃó. Diai dílii toɔɔ̂i pôlui, ku dílii-kpele-woo ƃó. Ka kpɔŋ-maa tɛɛ vii-kpɛɛ-ƃelai pɔ. Lii-kpele é kɛ́ káyêei díkelee mɛni ma.

Hebreu 6:10

Ɣâla fé fíli ní a gɛ́ɛ a pɔ̂ri ŋ̀ɛ́i naŋînii kátii mɛi da káwɛli-kɛ-maai ká ǹɛ zarâi a tíi-kɛɛ Ŋ̀âla-ƃelai diɛ yɛ̂ɛ berei ka niî gɛ̂i lai.

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi yále.

M̀ɛni-lɛɛi 3:10

Ŋa pâi íkulâi zu-kɔɔŋ-tãi su, nyíi pâi ǹɔii kélee mɛi, a gɛɛ diai díkaa ǹɔii sui, su-kɔɔŋ é pá dípɔ, kpɛ́ni fêi, ǹii-kpêlei gáa ńyêei, ya maa-wooi mɛi kâa.

Rutə 2:19

Ǹyûara ǹyɛɛ m̀ai, “Mí ƃé í sâa lì naa mɔlɔŋ kɔ̂rii? Mí ƃé í kɛ̀ sâa tíi kɛ̂i naai? Lûwa káa ǹúui ma ímalôŋ kàai.” È ǹúui láa lɛ̀ ǹyûara ma è lì ŋɔkpâlaŋ ŋái. È mò ǹyɛɛi, “Núui ŋá sâa tíi kɛ̀ ŋɔkpâlaŋ ŋái, ǹáa ƃa Bôa.”