Mąątɛ̨nɛ̨ 27:4 - Bible

⁴ Ŋa Yâwɛɛ marê kɛ̂i mɛni tɔ̂nɔ mɛni ma. M̀ɛni tɔ̂nɔi kpɔ́ nɔ́ ŋa ŋ̀wɛ̂lii lai ǹyaa ƃa, ŋá kɛ́ nɔ́ Yâwɛɛ ŋɔpɛ́rɛi mu a tãi nɔ́ ŋ́gaa la ɣele mai, ŋ́gɛ ƃò naa ŋ́gɛ ŋɔsɔŋ lɛ̂lɛi kâa, ŋ́gɛ vɛ̀li.

Yálá laawoo hɛɓɛ (dc)

⁴ Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Yálá laawoo hɛɓɛ

⁴ Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Mąątɛ̨nɛ̨ 27:4 ပူးပေါင်းရင်းမြစ်များ

Samia Veerɛi 21:1

Deeƃé kɛ́ɛ a kâloŋ, puru è tòo ǹɔii ma kóraŋ saaƃa yée mu. Nya ƃe è Yâwɛɛ fɛ̀li Yâwɛɛ ǹyɛɛ m̀ai, “Puru káa ǹɔii su, kpɛ́ni fêi, ŋãa káa Sɔ̂ɔ yée ma da ŋɔpɛ́rɛi mu-ƃelai Gibiyɔŋ-ŋai paa mɛni ma.”

Mąątɛ̨nɛ̨ 23:6

Ŋá gɔ́lɔŋ ya pâi kɛ̂i nɔ́ mɛni lɛ́lɛɛ kɛ̂i mî, íkɛ ƃò a ŋ́wɛliɛɛ ŋáfulu-laai su, ǹyaŋ ŋa pâi kɛ̂i nɔ́ yá Yâwɛɛ ípɛrɛi mu tãi nɔ́ ŋ́gaa la ɣele mai.

Mąątɛ̨nɛ̨ 26:6

Yâwɛɛ, ŋâa ńyee ŋá wáa a gɛɛ ŋá ǹɛ́ yâ a gɛɛ ńzɔŋ fé ḿâ. Ŋa lɛɣɛ a íɣâla-teƃelei a gɛɛ ŋá í fɛ́li.

Mąątɛ̨nɛ̨ 26:8

Óo Yâwɛɛ, ŋá ípɛrɛi wɛ́lini, da ƃɛ́i ífolo-laai káa naai.

Mąątɛ̨nɛ̨ 27:8

Tãi í m̀o la ńyɛ̂ɛi, “Pá í ḿvɛ̂lii,” ŋá íwoo su tòo ńyɛ̂ɛi, “Yâwɛɛ ŋa pâi pâi.

Mąątɛ̨nɛ̨ 50:2

Ɣâla ŋɔfólo-laa kɛ́tɛi è kùla Zãiyɔŋ, nyii gáa a daa-lee kɛ́tɛi nyii maa-waai ŋɔlɛ́lɛ laai sui.

Mąątɛ̨nɛ̨ 65:4

Lûwa káa ǹúui ma í zìɣe zu í nɛɣɛ a yâi, a gɛɛ é kɛ́ ípɛrɛi mui. Kúlii a pâi lâai zãai mɛni ma ya dɛ̀ɛ kúpɔ ípɛrɛi mui, nyíi gáa a Ípɛrɛ Maa Waai.

Mąątɛ̨nɛ̨ 84:10

Núu a kɛ̀ Ípɛrɛ Kɛ́tɛi mu a fólo tɔnɔ, ǹɛ̂lɛɛi é tɛ́ɛ la núu kɛ́ɛ kwaa da kpɛ́ni ma a kóraŋ wála tɔnɔ (1,000). Ǹɛ̂lɛɛi ŋ́gɛ tíi kɛ̀ Ɣâla ŋɔpɛ́rɛi mu é tɛ́ɛ la ŋ́gɛɛ lii-nɛ̃ɛ kulâi ŋ̀wana-lɔ̂ɔ-ƃela dípɛrɛi mu mà.

Mąątɛ̨nɛ̨ 84:4

Ya lûwa làa diai dîa díkaa Ípɛrɛ Kɛ́tɛi mui. Díkaa naa díkɛ laa maa tɛ̂ wule-ŋa tòo yâ a ɣele kélee.

Mąątɛ̨nɛ̨ 90:17

Ǹuu-namui Ɣâla, lûwa láa kûa. Gɛ́ m̀ɛni-ŋai kwa kúyee pìli zui, ŋ̀aa-see é kɛ́ a ǹɛ́lɛɛ.

Ɉeremi 29:13

À kɛ̀ tí, gɛ̀ ní ka pâi ŋ́gɔ̂rii a kálii kélee ǹyaŋ ka pâi ŋ́gâai.”

Danîa 9:3

Nya ƃe ŋá luu sia ḿâ ŋá maloŋ tôo-maa seɣe too ḿâ ŋá suŋ-siɣe ŋá tínaŋ Ǹuu-namui Ɣâla pɔ́ naa pere ŋá vɛli a gbanaŋɔɔ.

Zakari 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Maafîu 6:33

Kɛ́lɛ, ka ŋɔkâloŋ-laai kɔ́ri da ŋɔtɔ̃yâ-laai fulɔi. À kɛ̀ ti, gɛ̀ ní, zãâi ŋí kélee a pâi kɛ̂i a kápɔɔ.

Lukə 10:42

mɛni tɔnɔ ƃe gbanaŋɔɔ̂i. Mere a ǹɛ́lɛɛ síɣe zu nyii dífe pâi gulâi ǹyêei.”

Lukə 13:24

ǹyɛɛi, “Ka kɔ́ a gbanaŋɔɔ ka lɔ gbôŋ kuro-têi-perei; kpɛ́ni fêi, ŋá m̀ó kâa, núu támaa da pâi kɔ̂i dí lɔ, kɛ́lɛ, pɔ̂ri fé pâi kɛ̂i dîɛ.

Lukə 18:1

Nya ƃe e sáŋ sɔ̀ɔ dîa, e ǹɛ dîa a gɛɛ fɛ̂ɛ nûa dí kɛ̀ Ɣâla fɛlîi a tãi kélee, dífii fé kpɛɛ.

Lukə 2:37

E kɛ̀ nâa a pɔɔ-nɛni a kóraŋ buu lɔ́ɔlu mɛi saaƃa kao náaŋ, nyii kɛ̀ Ŋ̀âla-pɛrɛ Kɛ́tɛi mu a tãi kélee, gɛ pɛlɛ Ɣâla kɔ́ɔ mu a biliɛ suŋ su da Ɣâla-fɛliɛ kpini da foloi.

Korɛntə veelɛ 3:18

Ǹyaŋ kúkelee kúai kúŋɛi mɛi fe pɛlɛ níi, kwa Kúnuu-namui ŋɔfólo-laai kâa, kúmaa a fâleŋ ku kɛ́ yɛ̂ɛ ǹyaa, ku kúla folo-laa-loŋ su, ku píli folo-laa kɛ́tɛ su; kpɛ́ni fêi, nyíŋi a kulâi Kúnuu-namu yêei, nyíi gáa a M̀ɔlêŋ.

Korɛntə veelɛ 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Filipə 3:13

Ŋánûa, fe m̀ôi a gɛ́ɛ ŋa gɛ́ a ḿbɔɔ; kɛ́lɛ, ŋa mɛni tɔnɔ kɛ̂i. Ŋa niâi mɛnii ma gáa ḿbôlu-perei. Ŋa kɔ̂i a gbanaŋɔɔ mɛnii nyíi gáa ńduɛ-perei mɛni ma.

Timote dɔlɔɔ 5:5

Ǹɛnîi nyíi gáa a pɔɔ-nɛni kpîŋ, nyíi a lɛɛ ǹyaa tɔnɔi, a ŋɔkili-kɛ-zui kélee pu Ɣâla ma mare-kɛɛ su da Ɣala-fɛliɛ a kpini da folo;

Hebreu 11:6

Núu fa pɔ̂ri Ɣâla líi lâai laa-la ŋ́ɛi pôlu. Kpɛ́ni fêi, ǹúui ŋ̀wɛ̂lii é lɛ́ɣɛ Ɣâla kɔlɛi, fɛ̂ɛ é láa la a gɛɛ Ɣâla káa ɣele ma a gɛɛ é diai líi laa da gɔ̀rii.

Samuɛlə dɔlɔɔ 1:11

È góno tèe ǹyɛɛi, “Óo Yâwɛɛ, Ŋ̀wála-wâla kélee Ɣalai, à kɛ̀ yà pâi ŋámɛni sôlii kâai, ŋ́gili é lɛ́ɛ íŋa, í lóŋ surɔŋ tɛ̀ɛ ḿbɔ, ŋa pâi dɛɛ̂i ípɔ pôlu. Ŋuŋ ƃó kɔli da kélee fé pâi lɔ̂i ŋ̀ûa ŋɔfúlu-laai su.”

Samuɛlə dɔlɔɔ 22:10

Aimelɛ è lòno Yâwɛɛ pɔ́ m̀ɛni ma. Nya ƃe è mii-sɛŋ tɛ̀ɛ bɔ́. È ŋɔ́nɔ Felesia-nuui Golaya ŋɔƃóa-sɔkpɔi tɛ̀ɛ bɔ́.”

Samuɛlə dɔlɔɔ 30:8

Nya ƃe Deeƃé è Yâwɛɛ marê kɛ̀ ǹyɛɛi, “Ŋá lɛ́ɛ doo-ma kɛ́-ƃelai ŋí pôlu? Ŋa pâi dísônii?” Yâwɛɛ ǹyɛɛ m̀ai, “Lɛɛ dípôlu. Tɔyâ ma ya pâi dísonii í ínûai kúla díyêei.”