Mąątɛ̨nɛ̨ 27:14 - Bible

¹⁴ Láa a Yâwɛɛ maa mɛ̂ni. Kili kɛ-zu é kɛ́ íyêei, ílii fé tòo pôlu. Ye ílii kpéle í m̀aa kpɛ́ŋ.

Yálá laawoo hɛɓɛ (dc)

¹⁴ Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Yálá laawoo hɛɓɛ

¹⁴ Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Mąątɛ̨nɛ̨ 27:14 ပူးပေါင်းရင်းမြစ်များ

Zɛnɛse 49:18

“Óo Yâwɛɛ, ŋa íƃalo-laai maa kpɛ̂nii.

Mąątɛ̨nɛ̨ 130:5

Ŋá kɛ̀ Yâwɛɛ maa kpɛ́nii a ŋ́gili kélee a gɛɛ é pá é kpɔŋ mâ tɛɛ ḿbɔ, ŋ́gili tɔ̂ɔ ŋ̀óo ma.

Mąątɛ̨nɛ̨ 138:3

Tãi ŋá ítòli lai, íŋoo mɛ̀ni, íwala-wala tɛ̀ɛ ḿbɔ, nyii ŋgbonoi kpanaŋ.

Mąątɛ̨nɛ̨ 25:21

Ŋámɛni lɛ́lɛɛ kɛ́ɛi da ŋáteniŋ ƃô-laai maa mɛ̂ni dí gɛ́ ŋáfulu-laai su é kôya, kpɛ́ni fêi, ŋ́gili tɔɔ̂i nɔ́ yâ.

Mąątɛ̨nɛ̨ 25:3

Diai dí lâai a yái, da pâi díkpɔara-ƃelai yée mɛi ɣâlei. Kɛ́lɛ diai dí tɔɔ̂i yâi díyee fé pâi tɛɛ̂i díkpɔara-ƃelai dîa.

Mąątɛ̨nɛ̨ 31:24

Káai kélee kákili tɔɔ̂i Yâwɛɛ mai, ka ká líi kpéle, ka tɔ́ɔ a gbanaŋɔɔ.

Mąątɛ̨nɛ̨ 33:20

Kwa kúkili kɛ́ Yâwɛɛ ma. Ǹyaa ƃa kúmaa kɔ̃ɔ, gɛ́ kpɔŋ mâa tɛ̀ɛ kúpɔ yɛ̂ɛ kɔ-kuluƃa maa kɔ̃ɔ kɔli-kalaŋ.

Mąątɛ̨nɛ̨ 37:34

Láa a Yâwɛɛ maa mɛ́ni í ŋɔtɔ̂ŋ-ŋai mɛi káa. A pâi ƃâa kɛ̂i yâ a ǹɔii tɛ̂ɛ ípɔ. Ya pâi gâai gɛ́ ŋ̀wana-lɔ̂ɔ-ƃelai su kàra ǹɔii ma.

Mąątɛ̨nɛ̨ 37:7

Ílii kpéle í Yâwɛɛ maa kpɛ́ŋ. Ílii fé sɛ̀lɛŋ diai mɛ̂ni ma díkɛ mɛ̂ni a ƃûu ƃoi, kpaa máŋ diai mɛ̂ni ma dímɛni kpɛtɛɛ nyɔ́mɔɔ-ŋai ŋ̀aa-see a kɛ̂i.

Mąątɛ̨nɛ̨ 40:1

Ŋa Yâwɛɛ maa kpɛ́ŋ a lii kpêle pere. A ŋ̀óli tɔ́ɔ ḿâ a kpɔŋ ḿâ.

Mąątɛ̨nɛ̨ 62:1

Ŋa Ɣâla maa kpɛ́ŋ a lii-kpele pere a gɛɛ é ŋ́uŋ ma ƃó. Ǹyaa tɔ̂nɔ kpéŋ nɔ́ ƃé ŋ́gili káa ma ŋ́uŋ ma ƃó mɛni ma.

Mąątɛ̨nɛ̨ 62:5

Ɣâla ǹyaa tɔ̂nɔ nɔ́ ƃé ŋ́gili tɔɔ̂i ma. Kili kɛ-zu káa ńyêei m̀ɛni ma.

Hanwon 20:22

Ífe mɛni nyɔ́mɔɔ su tòo a mɛni nyɔ́mɔɔ. Láa a Ɣâla Yâwɛɛ, a pâi zu-tooi yɛ̂ɛ.

Azaya 25:9

M̀aa ɣêlei tí, núu-kpune kélee da pâi m̀ôi dîyɛɛi, “Kúɣâlai ká ŋí. Ǹyaa ƃe kwa wɔ́lɔ m̀aa kpɛ̂nii a gɛɛ é kúŋuŋ ma ƃó. Ǹyaa ƃa Yâwɛɛ nyii kúkili tɔɔ̂i mai. Kwaa lii-nɛ̃ɛ kula, kpɛ́ni fêi, a kúŋuŋ ma ƃó.”

Azaya 26:8

Yá ƃe kúkaa ípôlu íteniŋ ƃô-laa mɛni ma. Yá nɔ́ ƃé kwa ŋ̀wɛ̂lii kúkɛ ƃaa kɛ́-maa tɛ̀ɛ ípɔ.

Azaya 30:18

Maloŋ-kâa káa Yâwɛɛ yêei kámɛni ma. A ŋ̀wɛ̂lii é kámalôŋ káa, kpɛ́ni fêi, pɔara-mâa fé gɛ́-mɛni da kélee su. Lûwa káa diai dîa díkili tɔɔ-maai kélee káa Yâwɛɛ mai.

Azaya 40:31

Kɛ́lɛ, diai da díkili tɔ̀ɔ Yâwɛɛ ma kpɔŋ-mâ mɛni mai, díwala-wala laai su a pâi kpananîi. Da pâi tɛ̂i ŋ̀elei su yɛ̂ɛ da kɛ̀ kuɛ koôŋ pôlu. Dí máŋ kîrɛ siɣe, dífe pâi fôai. Dí máŋ sía, dífii fé pâi kpɛɛ̂i.

Azaya 8:17

Yâwɛɛ a gbîŋ loo ŋɔnûai dîa, kɛ́lɛ ŋá kili tɔɔ-maai a pâi kɛ̂i nɔ́ m̀a.

Woolaa 3:26

Ǹɛ̂lɛi kú Yâwɛɛ maa kpɛ́ŋ a lii kpêle a gɛɛ é kúŋuŋ maa ƃó.

Habakukə 2:3

Kɛ́lɛ zĩ̂ai fé niî pá ní. Gáa pâi a maa félaa. Vé a lɛ́ɛ. A wàla kɛ́ pâi a maa-felaa, maa kpɛ̂ŋ kɛ́. Tɔ̃yâ ma a pâi pâi, nàa fé pâi tûai.

Lukə 2:25

Nalôŋ tɔnɔ ƃe kɛ̀ naa Zerusâlɛŋ, ǹáa ƃe kɛ̀ a Simiɔŋ, nyii kɛ̀ a sɔŋ-lɛlɛ-nuu, gɛ ƃo a Ɣâla mɛni wɛliɛ, nyii kɛ̀ Eezuɛ ŋá-nɛnɛ-ɣele maa kpɛ̂nii. M̀ɔlêŋ Maa Waai e kɛ̀ mɛ̀i.

Lukə 2:38

Gɛɛ pâi aƃai tí sui, è sɛɣɛi-fêi tɛ̀ɛ Ɣâla pɔ́, gɛ́ maa-mɛni ƃò dîa diai kélee kɛ̀ maa-têe-laai kɔ́rîi Zerusâlɛŋ mɛni mai.

Gɛlaɠaa 28:15

Tãi kúƃarâa kɛ̀ Luŋ dí kúmaa-mɛni mɛni lai, dí pà kúperêi tɔɔ̂i é lɛ́ɛ la zu dí seri Apiiɔ Lɔɔ-kpalaŋ da Ŋɔ̃yâ Laa-pɛrɛ Saaƃa. Díkaa Pɔ̂ɔ mii, e Ɣâla sɛɣɛi fè ǹíi e kpele.

Lomaŋ 8:25

Kɛ́lɛ, à kɛ̀ kili-kɛ-zu à kɛ̀ kúyêei zɛŋ mɛni ma kúfa gàai, gɛ̀ ní kwa m̀aa kpɛ̂ŋ a lii-kpele.

Korɛntə dɔlɔɔ 16:13

Ka kámɛi káa, ká tɔ́ɔ a gbanaŋɔɔ kálaa-lai su, lii-kpele é kɛ́ káyêei, kákponôi é kpanaŋ.

Ifisiɛŋ 3:16

a gɛ́ɛ berei ŋɔfólo-laai kɛ̂tɛi lai, é kákɛ kákponôi e kpanaŋ a wála-wala-laa núu-kpune kponôi Ŋɔmɔ̂leŋ sârai,

Ifisiɛŋ 6:10

Gbɛɛ ŋái, kákponôi é kpánaŋ Kúnuu-namui kponôi da ŋɔwála-wala-laai ŋɔsu-kpanaŋ.

Filipə 4:13

Ŋa pɔ̂ri mɛni kélee kɛ̂i gbonôi nyíi a ńzu kpanaŋ.

Kolosə 1:11

Kasu é kpánaŋ a wála-wala kélee ŋɔfólo-laai ŋɔwála-walai sârai lii-kpele kélee mɛni ma da mɔ̃lɛ su-koya a lii-nɛ̃ɛ,