Mąątɛ̨nɛ̨ 24:7 - Bible

⁷ Ka ziɣãŋ-ŋai lá ƃó. Ka ŋ̀wɔ́lɔ-wɔlɔ kpoŋ-ŋai lá ƃó vólo-laa kaloŋ kɛ́tɛi perêi a gɛɛ é lɔ́.

Yálá laawoo hɛɓɛ (dc)

⁷ Pɛlɛ́ɠaa, 'ka ka laaɓo! Tɔwɔ-tɔwɔ pɛlɛ́ɠaa 'ka ka laaɓo kpɔ gbagan! Mɛ̨nį kəlee ŋą Heeɓo-Yálá ə lɔ!

Yálá laawoo hɛɓɛ

⁷ Pɛlɛ́ɠaa, 'ka ka laaɓo! Tɔwɔ-tɔwɔ pɛlɛ́ɠaa 'ka ka laaɓo kpɔ gbagan! Mɛ̨nį kəlee ŋą Heeɓo-Yálá ə lɔ!

Mąątɛ̨nɛ̨ 24:7 ပူးပေါင်းရင်းမြစ်များ

Samia Veerɛi 6:17

Dí pà a gãlai m̀ûui mu dí zèe ƃɛ́i Deeƃé è naa kpɛ̀tɛ m̀ɛni mai. Deeƃé è kéreŋ sala da lii-see sala kùla naa Yâwɛɛ ŋɛ́i-tuɛ.

Tɔɔɓɛlaa dɔlɔɔ 8:11

M̀ɛnii ŋí è gɛ̀ zâla-laa soŋ-ƃelai dífe pɔri ní dítii kɛ̂i, kpɛ́ni fêi, Yâwɛɛ ŋɔfólo-laai è ŋɔɣâla-pɛrɛ kɛ́tɛi láa fɛ̀ɛ.

Tɔɔɓɛlaa dɔlɔɔ 8:6

Zâla-laa soŋ-ƃelai dí pà a Yâwɛɛ ŋɔkpanaŋ-woo-kɛ́ɛ Gãlai Ŋ̀âla-pɛrɛ Kɛ́tɛi ŋɔloŋpoi zu-pere ŋɔi su, gwaa maa waai ŋɔkwaa maa waai ma, dí zee goôŋ sãai koôŋ mu.

Mąątɛ̨nɛ̨ 132:8

Yâwɛɛ, pá a Íkpanaŋ-woo kɛ́ɛ maa Gãlai Ípɛrɛi mu, ńyii gáa a íwala-wala laai maa ŋɛ́i kɛ̀ maai, íkɛ ƃɛ́ wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 21:1

Óo Yâwɛɛ, gâloŋ líi-nɛ̃ɛi kpɛ́ni fêi, ya wála-wala tɛɛ bɔ́, ǹyée a tɛɛ ŋɔkpɔara-ƃelai dîa.

Mąątɛ̨nɛ̨ 21:5

Gâloŋ ŋɔfólo-laai kɛ́tɛi ŋɔkpɔŋ-maai sârai. Yâ gɛ́ m̀u a wuyɛ ƃaa kɛ́-maa támaa kɛ́ ƃò nûa yêei m̀ɛni ma.

Mąątɛ̨nɛ̨ 97:6

Ŋ̀ele-kɔlɔŋ-ŋai da berei lɛ̀ gáa la a tɔ̃yâ Ɣalai. Ǹɔii-ŋuŋ-ŋai kélee da ŋɔfólo-laai kâa.

Azaya 26:2

Ka ziɣãŋ-ŋai díkpôŋ-ŋai lá-ƃo, ǹɔii-ŋuŋ ŋí zu-ƃela teniŋ-ƃoɔɔ̂i dí lɔ́ naa.

Azaya 62:10

Zerusâlɛŋ-ƃela, ka kámu siɣe, ká kúla ziɣãŋ su, ká berei kpɛtɛ diai pâi pôlui dímɛni ma. Kà gɔni-ŋai kúla berei su ká ǹaa kpɛtɛ a ǹɛ́lɛɛ. Ka benâ-ŋa tɔɔ naa a gɛɛ ǹɔii-ŋûŋ-ŋai su-ƃelai da díkàa dí gɔ́lɔŋ,

Mise 4:8

Ǹyaŋ yá Zerusâlɛŋ, ƃɛ́i Ɣâla káa naa yɛ̂ɛ ƃála mɛi káa-nuu gɛ́ ŋɔƃála-ŋai mɛi kâai, ŋa pâi ŋɔ́nɔ íkɛ̂i a ŋátaa-lêei yɛ̂ɛ berei íkɛ̀ lai.

Egaa 2:7

Ǹyaŋ ŋa pâi ǹɔii-ŋûŋ-ŋai kélee túmo-tûmoi dí pá a dítɔɔ-sãai ƃɛ́ ŋá ƃɛ́rɛi ŋí láa fɛ́ɛ a sɛŋ lɛ́lɛɛ-ŋa.

Egaa 2:9

Bɛ́rɛ ninai a pâi fôloi é tɛ́ɛ bɔ́lɔi ma. Ŋa pâi tɔɔ-laa tɛɛ̂i ŋánûai pɔ́ da lii-sêe gwaa ŋí ma.”

Malasi 3:1

Ŋ̀wála-wâla kélee Yâwɛɛ a môi ǹyɛɛi, “Ŋa pâi ŋáworɛ̂-woo ƃó-nuui tɛɛ̂i a gɛɛ é ŋáperei su kpɛtɛ. À kɛ̀ tí, Ŋ̀âlai ka gɔ̂rii a pâi pâi Ŋɔpɛ́rɛi Kɛ́tɛi mu a maa félaa. Gɛ̀ ní ŋ̀orɛ̂-woo ƃó-nuui ka wɔ́lɔ berei kâai, a pâi pâi é ŋáworɛ̂-wooi ƃó kâa.”

Markə 16:19

Kúnuu-namu Zîsɛ kɛ́ɛ a lóno dípɔi, è tɛ̀ Ɣâla-taa, é sée Ɣâla láa-mii-yee mɛi.

Korɛntə dɔlɔɔ 2:8

Ŋ̀éniɛi ŋí su nuu mɛi-ƃelai dɔnɔ kpîŋ fe táre ni mɛnii ŋí su. Kpɛ́ni fêi, eêi kɛ̀ dîi táre zu, dîi fei Kúfolo-laa-nuu-namui kpamôi wúru su-tíyeŋɔɔ ma.

Zĩi 2:1

Ŋánûa, su-ɣɛɛ-mɛni kélee da fé kɛ̀ kásama tãi kákaa la Kúnuu-namui Zîsɛ Kôrai ŋɔlaa-lai su, nyíi gáa a Kúnuu-namui ŋɔfólo-laa-namui.

Piɛrə dɔlɔɔ 3:22

nyíi a lí Ɣâla-taa gáa see ni Ɣâla láa-mii-yee mɛi da ŋ̀âla-taa-kela-ŋai, núu-mɛi-ƃelai, é pɛ́lɛ ŋwála-wala-ƃelai dîa nyíi-ŋai díkaa mui.

Piɛrə veelɛ 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ ti.

M̀ɛni-lɛɛi 4:11

“Ímaa nɛɛ̂i, Kúnuu-namui da Kúɣâlai, a gɛɛ í folo-laa, ƃaa-kɛ-maa, da wala-wala sɔlɔ ƃo, kpɛni fêi, í sɛŋ kélee kpɛ̀tɛ, ǹyaŋ í díkpɛ̀tɛ, dí ƃo ɣele ma a ínîa-mɛnii.”