Mąątɛ̨nɛ̨ 20:6 - Bible

⁶ Ŋâa gɔ́lɔŋ nâa a gɛɛ Yâwɛɛ a wála-wala-laa tɛ̀ɛ gâloŋ pɔ́ nyii a zìɣe zui díkpɔara-ƃelai yée mɛi ɣále mɛni ma. Ǹyaŋ a pâi kɛ̂i ŋɔkwaa maa waai ma ŋ̀elei su gɛ́ díwoo su tòo a ŋɔwála-walai.

Yálá laawoo hɛɓɛ (dc)

⁶ Akɛtii kwa yɛ́ yeetɛɛmąąlaa mąą kwəinɛ̨ɛ̨ kulɔ. Kuɔ kɛa ɉilɛyili tɛ ɲələi ku wɔ Yálái laa hu. Gɛ́, mɛ̨nįi ə́ kaa vɛlii, Yai-Laa ə gəlee kɛ yɛ́!

Yálá laawoo hɛɓɛ

⁶ Akɛtii kwa yɛ́ yeetɛɛmąąlaa mąą kwəinɛ̨ɛ̨ kulɔ. Kuɔ kɛa ɉilɛyili tɛ ɲələi ku wɔ Yálái laa hu. Gɛ́, mɛ̨nįi ə́ kaa vɛlii, Yai-Laa ə gəlee kɛ yɛ́!

Mąątɛ̨nɛ̨ 20:6 ပူးပေါင်းရင်းမြစ်များ

Tɔɔɓɛlaa dɔlɔɔ 8:30

Íyee mu-nuui ŋɔfɛli-wooi mɛni da ínûai Eezuɛ-ƃelai ŋ̀elei da tinaŋ la Ŋ̀âla-pɛrɛ Kɛ́tɛi ŋí naa pere dí ɣâla-fɛliɛɛ sui. Díɣâla fɛli-wooi mɛni, íɣâla-taa kaloŋ-laai su. Yà díɣâla-fɛli-wooi mɛni, dísu-mɛni lɛɛ.

Tɔɔɓɛlaa dɔlɔɔ 8:43

ye, lɛɛ ípɔ-taai Ɣâla-taa í mɛni. Í mɛni-ŋai kélee kɛ́ nyíi da vɛ̀li yâi a gɛ́ɛ ŋ̀éniɛi ŋí su-ƃelai kélee dí ílaa kɔ́lɔŋ, dí yao yâ yɛ̂ɛ berei ínûai Eezuɛ-ŋai da gɛ̀ lai, dí gɔ́lɔŋ a gɛ́ɛ bɛ́rɛi ŋí ŋá dɔɔi, ílaa káa ma.

Mąątɛ̨nɛ̨ 17:7

Ŋ́uŋ ma ƃó a íwɔlɔ-wɔlɔ wɛli kɛ-maai. Yá ƃé ya diai ŋuŋ ma ƃò da pâ ípɔ naa a gɛɛ í díŋuŋ ma ƃó, í díkula díkpɔara-ƃelai yêei.

Mąątɛ̨nɛ̨ 18:35

Yaâ ŋuŋ ma ƃô kɔli-kalaŋ tɛ́ɛ ḿbɔ. Ya ŋ́gɛ a núu kɛ́tɛ a íwala-wala laai. Ŋa ŋuŋ ma ƃo sɔlɔ ƃó íwala-walai sârai.

Mąątɛ̨nɛ̨ 18:50

A gɛ́ ŋɔkâloŋ a ŋɔkpɔara-ƃelai yée mɛi ɣále. Ŋɔwɔ́lɔ-wɔlɔ wɛli-kɛ maai káa naa gâloŋ mɛni ma nyii è zìɣe zui, gɛ́ ƃò naa máŋ Deeƃé da ŋɔsuui mɛni ma wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 2:2

Ǹɔii kâloŋ-ŋai da tɔ̂ɔ Ɣâla ma. Ǹúu láa túɛ-ƃelai da mɛni nyɔ́mɔɔ kpɛ̀tɛ Yâwɛɛ mɛni ma da gâloŋ è zìɣe zui.

Mąątɛ̨nɛ̨ 28:8

Yâwɛɛ a ŋɔnûai maa kɔ̃ɔ gɛ́ kɔ̀ dímɛni ma. Ǹúui è zìɣe zu a kâloŋ, a kɔ̀ m̀ɛni ma gɛ́ ŋ̀uŋ ma ƃò.

Mąątɛ̨nɛ̨ 41:11

A kɛ̀ tí, ŋa pâi gɔ̂lɔnii a gɛɛ ílii lâai ḿɛni ma, ŋ́gbɔara-ƃelai yée fa pɔ̂ri tɛɛ̂i ḿâ.

Mąątɛ̨nɛ̨ 9:15

Diai Ɣâla mɛni fé díkponôi, dí lóa tèe dí tóo díkpɔɔi loai su. Dí kɔ̀ a díkpɔɔi ƃare-ŋai.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 58:9

Kà ḿvɛli, ŋa pâi káwoo su-toôi. Kà ńdòli, ŋa pâi fâai. “Ŋa pâi gɛ̂i tí, à kɛ̀ kà kpèra kákîe-ni lúanîi mɛni pɛlɛ-pɛlɛɛ kélee su, ká kápôlu tɔɔ wóo nyɔ́mɔɔ sii kélee ƃóɔɔ ma, ká kpéra káyee-gbua lɛ̂i nûa dîa.

Azaya 63:15

Yâwɛɛ, yái íkaa Ɣâla-taa íkwaa ma waai ma da ífolo-laai sui, lɛɛ naa í kú káa ǹɔii ma ƃɛ́. Kwa pɔ̂ri gɔ́lɔnîi léŋ a gɛɛ íkpaaŋɔ̂ɔi kú mɛni ma? Íwala-wâla laai káa mí? Íwɛ̂li-kɛ-maai da íŋɛi-maloŋ kâai káa mí? Ífe nia kûa.

Mise 4:5

Ǹɔii-ŋuŋ-ŋai da díɣâla-ŋai fɛ̀li tɛi-tɛi kɛ́lɛ kúai a Eezuɛ-ŋai, kwa pâi sîai Yâwɛɛ Kúɣâlai láai su wɔ́lɔ-wɔlɔ da wɔ́lɔ-wɔlɔ.

Maafîu 6:9

Mɛni ma, ka Ɣâla fɛli a bere-sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa.

Gɛlaɠaa 2:33

Zîsɛ è tɛ̀ ɣâla-taa a gɛ́ɛ é sée Ɣâla láa mii-yee mɛi, ǹyaŋ è M̀ɔlêŋ Maa Waai sɔlɔ ƃó yɛ̂ɛ berei Ǹâŋ è góno tèe la ǹyêei. Ǹyaa ƃa M̀ɔlêŋ Maa Waai tɛ̀ɛ kúpɔ. M̀ɛni ƃé kwa kwaa kâai la kúkɛ mɛni mɛ̂ni.

Gɛlaɠaa 2:36

“M̀ɛni ma tɔɔ Eezuɛ lɔii gwaa kélee é gɔ́lɔŋ a tɔ̃yâ a gɛ́ɛ Zisɛi ŋí ka gbàmo ŋ̀úru su-tíyeŋɔɔ̂i mai, Ɣâla a gɛ́ a Nuu-namu da Kôrai.”

Gɛlaɠaa 4:10

tɔɔ é kɛ́ a kákelee kákɔlɔŋ mɛni da Eezuɛ-ŋai kélee a gɛ́ɛ Nâzarɛ Zisɛi Kôrai nyíi ka gbàmo wúru su-tíyeŋɔɔ mai, Ɣâla è m̀u sìɣe saa yêei, ǹáai su ƃé ǹalôŋ ŋí káa tɔ̂ɔni la káŋɛi a m̀áloɔɔ.

Gɛlaɠaa 5:31

Ɣâla è m̀aa tɛ̀ a ǹáa mii-yee a nuu túɛ-nuu da nuu-ƃalo-nuu, a gɛ́ɛ é gɛ́ Eezuɛ-ƃelai dí dílii pene Ɣâla é dísɔnyɔ̂ŋ-ŋai su mɛni lɛɛ.