Mąątɛ̨nɛ̨ 15:2 - Bible

² Dia ƃa diai da tɔ̃yâ mɛni kɛ̀, sɔnyɔ̂ŋ fé diai. Dia ƃa diai da tɔ̃yâ ƃò é kúla dílii sui.

Yálá laawoo hɛɓɛ (dc)

² Ya ɓaa a nui mąą kulɔ hvo dúwɔ́ pələ ɓa, yɛ tələnmo yíi ɓo, ɛlɛɛ, gwəi kili yɛ ɓo a tələnmolaa;

Yálá laawoo hɛɓɛ

² Ya ɓaa a nui mąą kulɔ hvo dúwɔ́ pələ ɓa, yɛ tələnmo yíi ɓo, ɛlɛɛ, gwəi kili yɛ ɓo a tələnmolaa;

Mąątɛ̨nɛ̨ 15:2 ပူးပေါင်းရင်းမြစ်များ

Mąątɛ̨nɛ̨ 24:4

Dia ƃa diai dílii su waâi, diai dífa díkpîŋ ɣala kpɛtɛi, diai da kono têe kɛ̀ dí ŋ̀aa see kɛ́i.

Mąątɛ̨nɛ̨ 84:11

Yâla Yâwɛɛ káa a kwaa ponoɔɔ. Ǹyaa ƃa kú maa kɔ̃ɔ-nuui. A kúmɛi kâa a ǹɛ́lɛɛ a ƃaa kɛ́ maa pere. Diai da tûa sãa kɛ̀i, a dífela fè.

Hanwon 20:7

Núu sãa nyii a ŋɔkɛ-ɣeniɛi kɛ̀ a tɔ̃yâ-perei, lûwa káa ŋɔnîa-pɛlɛɛi dîa.

Hanwon 28:18

Ǹúui a tûa a zã́ai a pâi ƃâloi, kɛ́lɛ ŋ̀wana-lɔ̂ɔ-nuui a pâi toôi lôai.

Azaya 33:15

Diai pâi ŋuŋ ma ƃo sɔlɔ ƃôi dia ƃa diai da mɛni ƃô a tɔ̃yâ pere, díkɛ maa tûa kɛ̂i, diai dífe wɛ́lini a fili mɛni da yee-pɛlɛ ǹá-sɛŋ mɛnii. Dia ƃa diai dífe wɛ́lini dí díyee píli núu-kpune ŋãa pu mɛni sui, dífa ŋ̀wɛli dí mɛni nyɔ́mɔɔ da kélee kɛ̂i káai.

Azaya 63:8

Yâwɛɛ è m̀o ǹyɛɛi, “Díkaa a ŋánûa, dífe pâi ḿbɛlɛ̂i.” M̀ɛni ma, è díŋuŋ mâ ƃò,

Mise 2:7

Í lâai-la Eezuɛ-ŋai díkaa foo-woo mu? Yâwɛɛ líi fé kpele ni? Í lâai-la a pɔ̂ri m̀ɛni-ŋai ŋí kɛ̂i? Va pɔ̂ri mɛni lɛ́lɛɛ kɛ̂i dɔ̃yâ-ƃelai dîɛ?”

Lukə 1:6

Dífeerɛ dí kɛ̀ a dísɔŋ lɛ́lɛɛ Ɣâla ŋɛi. Dí kɛ̀ Kúnuu-namui ŋɔtɔ̂ŋ da ŋɔlia-woo kpanaŋ-ŋai kélee mɛi kâai, pɔara mɛni ma fé zu.

Gɛlaɠaa 10:35

Kɛ́lɛ, ǹúui kélee à yâo Ɣâla ma lɔii kélee sui, gɛ́ tûa-pere lɛ́lɛɛ kɛi, Ɣâla a ǹyée sèe maa nuui mu.

Lomaŋ 2:10

Kɛ́lɛ, folo-laa, ƃaa kɛ́-maa, da lii-sêe káa ǹúui kélee mɛni ma da mɛni lɛ́lɛɛ kɛ̀i, m̀aa-ŋuŋ ƃa Zûu-nuu da Gurii-nuu máŋ,

Galatə 2:14

Kɛ́lɛ, tãi ŋá gàa la a gɛ́ɛ dífe sã́a ni Duŋ Lɛ́lɛɛi ŋɔtɔ̃yâi mɛni mai, ŋá mò Sîfa ma díkelee díŋɛi, “À kɛ̀ berei máŋ íkaa la a Zûu-nuui ífa tûa yɛ̂ɛ Zûu-nuu, kɛ́lɛ, yɛ̂ɛ Zɛ̃tai-nuu, gɛ̀ ní ya pɔ̂ri Zɛ̃tai-ŋai kɛ̂i leŋ a gɛ́ɛ dí tûa yɛ̂ɛ Zûu-ŋa?”

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla e díkpɛ̀tɛ gíli ŋá nàa tuɛ a gɛ́ɛ ku díkɛi.

Ifisiɛŋ 4:25

Mɛni ma kà kɛ̀ teêi woya-pere ma, ka lóno a tɔ̃yâ kákɔlɛ-ma-ƃelai pɔ, kpɛ́ni fêi, kúkaa a kúkîe-ni pɔ́ɔ.

Kolosə 3:9

Káfe lɛ́ɛ kɛ̀ kákîe-ni dîa, kpɛ́ni fêi, ka nâa kákpîŋ tua-pere pɔlɔ-ŋai lɛɛ da dímaa kɔri-pere,

Hebreu 11:33

Laa-la sârai ǹûai ŋí dí lɔii-ŋuŋ-ŋa yée kùla, dí pá a tenîŋ-ƃo-mɛni, dí kono-tee támaa sɔlɔ ƃo, dí yala-sulu-ŋa lá tɛ́.

Zɔ̂ŋ Maa-ŋuŋ 2:29

À kɛ̀ ká gɔlɔŋ a gɛɛ gáa a tɔ̃yâ-nuu, ká gɔlɔŋ a gɛɛ ǹúui kélee a mɛni-sãa kɛ̀i, Kôrai a zɔlɔ ƃo a lóŋ.

Zɔ̂ŋ Maa-ŋuŋ 2:6

Ǹúui a mò a gɛɛ gáa gbonôi, fɛ̂ɛ é sía yɛ̂ɛ berei è sía lai.

Zɔ̂ŋ Maa-ŋuŋ 3:7

Nîa-pɛlɛɛ, káfe nɛ̀ɛ naa núu da é ká pɛ̀lɛ. Ǹúui a mɛni-sãa kɛ̀i, zã́âi yɛ̂ɛ berei ǹyaa Kôrai zã́âi lai.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́-ƃelai, da ŋwulu-ƃelai, da ŋâla-pɔɔkɔ̂ŋ fɛli-ƃelai, da nɛ̃ɛ-ƃelai kélee, díwɔ̂i a pâi kɛ̂i a ŋɔŋ kɛ́tɛi su, nyíi sɔɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ-ɣelei ká ŋí.”