Mąątɛ̨nɛ̨ 140:6 - Bible

⁶ Ŋá m̀o Yâwɛɛ ma ǹyɛɛi, “Yá ƃé íkaa a Ŋáɣâlai.” Óo Yâwɛɛ, ŋá kpɔŋ mâa Ɣala fɛli wooi mɛ́ni.

Yálá laawoo hɛɓɛ (dc)

⁶ Kpɔwɔ ɲąąkɛ̨nɛ̨ nuą daa hɛlɛn dɛ dɔ́wɔ, daa diŋɛ̨n ɉee dɔ́wɔ, daa ɓaləɠaa tɛ dɛ́ɛ́ pələ hu.

Yálá laawoo hɛɓɛ

⁶ Kpɔwɔ ɲąąkɛ̨nɛ̨ nuą daa hɛlɛn dɛ dɔ́wɔ, daa diŋɛ̨n ɉee dɔ́wɔ, daa ɓaləɠaa tɛ dɛ́ɛ́ pələ hu.

Mąątɛ̨nɛ̨ 140:6 ပူးပေါင်းရင်းမြစ်များ

Mąątɛ̨nɛ̨ 116:1

Ŋá Yâwɛɛ wɛ́lini, kpɛ́ni fêi, a ŋ̀óli tɔ̀ɔ ŋ́oo ma, gɛ́ ŋáfɛli-wooi mɛ̀ni.

Mąątɛ̨nɛ̨ 119:57

Óo Yâwɛɛ, yá nɔ́ ƃé ŋa íwɛ̂lii, ŋa ŋ́gono tée a gɛɛ ŋa pâi ítɔ̂ŋ-ŋai mɛi kâai.

Mąątɛ̨nɛ̨ 130:2

Óo Ǹuu-namui, íwoli tɔ̂ɔ ŋ́oo ma. Íwoli tɔ́ɔ ŋákpera fêi wooi ma.

Mąątɛ̨nɛ̨ 142:4

Tãi ŋà ŋ́gɔlɛ mâ kàa lai, ḿva núu da kàa a gɛɛ é kpɔ́ŋ ḿâ. Núu da fé naa a gɛɛ é ḿaa kɔ̃ɔ. Núu da fé kpáaŋ ní a ḿaa mɛ̂ni.

Mąątɛ̨nɛ̨ 142:5

Yâwɛɛ, ŋa wɔ̂lɔi yâ kpɔŋ mâ mɛni ma. Yâwɛɛ, yá nɔ́ ƃé íkaa a ḿaa kɔ̃ɔ-nuu. Yá nɔ́ ƃé ŋa íwɛ̂lii ŋáfulu-laai su.

Mąątɛ̨nɛ̨ 143:1

Óo Yâwɛɛ, ŋá Ɣâla-fɛli wooi mɛ́ni. Íwoli tɔ́ɔ ŋá pɛ̀lɛ a gɔ́ɔ wooi mâ kpɛ́ni fêi íkaa a tɔ̃yâ da teniŋ ƃô Ɣâla.

Mąątɛ̨nɛ̨ 16:2

Ŋá m̀o Yâwɛɛ ma ńyɛɛ̂i, “Yá ƃa Ŋánuu-namui. Zɛŋ lɛ́lɛɛi kélee ŋa zɔlɔ ƃôi, yá ƃé a kûla íyêei.”

Mąątɛ̨nɛ̨ 31:14

Kɛ́lɛ ńâai a yá, óo Yâwɛɛ. Yá ƃa Ŋáɣâlai.

Mąątɛ̨nɛ̨ 57:7

Óo Ɣâla, yá nɔ́ ƃé ŋ́gili tɔɔ̂i yâ. Ŋa pâi wule toôi yâ ŋá ílaa maa tɛ́.

Mąątɛ̨nɛ̨ 64:1

Óo Ɣâla, íwoli tɔ́ɔ ŋásɔŋ-pu-maa wooi ma. Ŋ́gaa mɛni kpɔ̂lu su. Ŋáfulu-laai maa kɔ̃ɔ ŋ́gbɔara-ƃela nyɔ́mɔɔ-ŋai yêei.

Mąątɛ̨nɛ̨ 91:2

A pâi môi Yâwɛɛ ma ǹyɛɛi, “Yá ƃa ḿaa kɔ̃̂ɔ íkɛ ḿɛi kâa. Ya ƃa Ŋáɣâlai nyii ŋ́gili tɔɔ̂i mai.”

Ɉeremi 18:22

Yóo-yoo kpɔŋ tɛɛ é dípɛrɛi mu-sãai síɣe dí lɛ́ɛ pâi díkpîŋ kpɛtɛ̂i. Ǹɛɛ naa díwɔ́lɔ mɛni kpɔ̂lu su. Da lóa tée ḿberêi a gɛɛ ŋá tóo zu. Da ƃáre tɛ́ ḿberêi a gɛɛ ŋá kɔ́ la.

Woolaa 3:24

Nya ƃe ŋá mò ńyɛ̂ɛi, “Yâwɛɛ káa a ŋá mɛnii kélee. Ŋa pâi ŋ́gili kɛ̂i mà.”

Zakari 13:9

Ŋa pâi ǹɛɛ-pôlu-ƃelai ŋí waâi yɛ̂ɛ berei núu a káne wàa la a ŋɔŋ, ŋá dímaa kpɛ́ɛ yɛ̂ɛ berei núu a gôo maa kpɛ̂ɛ la a ŋɔŋ. Ǹyaŋ da pâi ńdôlii, ǹyaŋ ŋa pâi díwoo su toôi. Ŋa pâi môi a gɛɛ díkaa a ŋánûa. Ǹyaŋ da pâi môi dîyɛɛ, ‘Yâwɛɛ ƃa Kúɣâlai.’ ”