Mąątɛ̨nɛ̨ 115:4 - Bible

⁴ Díɣâla-ŋai kpɛtɛɛ̂i a káne-ŋa da gôo-ŋa. Núu-kpune-ŋa ƃé díkpɛ̀tɛ a díyee.

Yálá laawoo hɛɓɛ (dc)

⁴ Di wɔ yáláɠaai kaa a hɛni, da wali, a diɛi a nukanŋaa yee pɔɔi.

Yálá laawoo hɛɓɛ

⁴ Di wɔ yáláɠaai kaa a hɛni, da wali, a diɛi a nukanŋaa yee pɔɔi.

Mąątɛ̨nɛ̨ 115:4 ပူးပေါင်းရင်းမြစ်များ

Tɔɔɓɛlaa dɔlɔɔ 18:26

Dí niŋa sîrɛi sìɣe dí dɛɛ dípɔ dí gbɛtɛ. Dí Bêe fɛ̀li é síɣe ɣele-wala ma é tóo ɣele-wulii ma. Dí làɣi a ɣelei pere dîɛ mài, “Óo Bêe, kúwoo su too!” Kɛ́lɛ dífe wóo da mɛni ní núu da fé tela díwoo su too ní. Díkɛ̀ mãlai dí kɛ́ tìnaŋ ŋ̀âla-teƃelei ma dí gbɛ̀tɛi.

Tɔɔɓɛlaa dɔlɔɔ 18:29

Dí lɛ̀ɛ m̀ɛnii ŋí ma ŋ̀ele-wulii salai kula tãi é seri. Kɛ́lɛ dífe sɛŋ da kélee wóo mɛni ní naa. Núu da fé díwoo su too ní. Núu da fé tela ŋ̀óli tɔɔ ní dîa.

Tɔɔɓɛlaa veelɛ 19:18

Dí díɣâla-ŋai kèreŋ nyii-ŋai dífe kɛ́ ní a ɣâla-ŋai. Díkɛ̀ nɔ́ a wúru saa-ŋa da kɔni-saa-ŋa nyii-ŋai nûa dí díkpɛ̀tɛ nɔ́ a díyeei.

Kɔlɔnikɔ Veerɛi 32:19

Dílòno é pîlaŋ Zerusâlɛŋ Ɣalai ma yɛ̂ɛ berei nɔ́ dílòno la ǹûa da kpɛ́ni-ŋai díɣâlai-ŋai ma ŋ̀éniɛi su nyíi da gbɛ̀tɛ a núu yeei.

Mąątɛ̨nɛ̨ 97:7

Diai kélee da sãâ pɔkɔɔŋ-ŋa fɛ̀lii, da pâi ŋumɛ̂i. Ŋ̀âla da kpɛ́ni-ŋai da pâi pûi Yâwɛɛ kɔ́ɔ mu.

Azaya 37:19

da m̀aa lɔii-ŋuŋ ŋai díɣâla-ŋai kéreŋ, kpɛ́ni fêi, dífe kɛ́ ní a ɣâla-ŋa, kɛ́lɛ díkɛ a wuru da kɔni nyii nûa dí díkpɛ̀tɛ a díyeei.

Azaya 42:17

Diai kélee da ɣâla-pɔkɔɔŋ-ŋa tɔ̀ɔ ḿbɔɔ ŋái, ŋa pâi ǹyée kulâi dímu, ŋá díŋumɛ. Ŋa pâi gɛ̂i tí a diai da ɣâla pɔkɔɔŋ-ŋa tòli a díɣâla-ŋai.”

Azaya 44:10

Gbɛ̂ɛ ƃa ɣâla pɔkɔɔŋ sɛŋ da kpɛ̀tɛ nyii va sɛŋ da sɔlɔ ƃo ǹyêei?

Azaya 44:20

Díƃoo pere káa léŋ tí. Da dílaa-laai pûi sɛŋ da kponôi nyii da gèreŋ a ŋɔŋ. Da díkpîŋ pɛ̀lɛ a díƃoo-tûai nyii va pɔ̂ri díŋuŋ maa ƃôi. Dífe gɔ́lɔŋ zãâi ŋí dífe a ɣâla?

Azaya 44:9

Ɣâla pɔkɔɔŋ-ŋa mɛni káa nɔ́ kpɛ́ni-kpɛni. Diai da dí kpɛ̀tɛi, dífa mɛni lɛ́lɛɛ da sɔlɔ ƃô díyêei. Dífɛli-ƃela ŋɛ́i pûɔɔi. Dífe m̀ɛnii kɔ́lɔŋ da gɛ̂i. Ɣâla a pâi díkula maa kɛ̂i, dí ŋumɛ.

Danîa 3:5

Tãi nɔ́ ka dúrii wóo mɛ̀ni la da ƃɔɔ, kɔnîŋ da ŋ̀ali-sãai kpéli-ŋai kéleei, ka too ǹɔii ma ká Nɛbukinaza ŋɔɣâla pɔɔ-kɔɔŋ fɛ́li.

Danîa 5:23

Ya tɔɔ Ŋ̀elei su Ɣalai ma. Í mò a gɛɛ gbele sɛŋ-folo-ŋai ínâŋ è díkùla Ŋ̀âla-pɛrɛ Kɛ́tɛi mu Zerusâlɛŋ é pá a diai, dí pá a dia ípɔ a gɛɛ yá, ǹɔii-lônii kpaya-kpayai, ínɛnîi da ínɛnî pɛlɛ-pɛlɛɛi ka dîa-ni ká ŋwã̂ai kpele zu. Ya ɣâla pɔɔkɔɔŋ-ŋa fɛlîi nyii-ŋai díkpɛtɛ̂i a káne, gôo, ƃara kɔli, wuru da kɔnii. Ŋ̀âla-ŋai ŋí dífa kwaa kâa, dímɛni mɛ̂ni kpaa máŋ dí mɛni da kɔ́lɔŋ. Kɛ́lɛ ífe yao-ni Ɣâla ma nyii a pɔ̂ri gɛ̂i ílɛɛ ɣele ma, kpaa máŋ ísaai, gɛ́ ƃò m̀ɛnii kélee mɛi ya gɛ̀i.

Osia 8:6

Káne ɣale-nuu ƃé gbɛ̀tɛ ǹyaŋ vé a Ɣâla. Niŋa-loŋ pɔkɔɔŋ gáa Sameriai da pâi doôi dí ŋ̀ólo.

Gɛlaɠaa 19:26

Ka gâai kákɛ mɛni a gɛ́ɛ Ɛfesɛ tɔnɔ nɔ́ fêi, kɛ́lɛ, Eesia lɔii su gwaa támaa ma, Pɔ̂ɔ ŋí a nûa támaa kɛ́ naa da dílii maa fáleŋ. È mò dîa, ǹyɛɛ, ɣâla nyíi núu-kpune a gbɛtɛ a ǹyéei, vé a ɣâla.

Gɛlaɠaa 19:35

Gbɛɛ ŋái daa kaloŋ è gbɔŋ ŋáa yèŋ, ǹyɛɛ dîai, “Ɛfesɛ sinaa, gbɛ̂ɛ ƃé gɔ́lɔŋ a gɛ́ɛ Ɛfesɛ taai káa a Atemi kɛ́tɛi ŋɔpɛ́rɛi kɛ̂i da bɔɔkɔ̂ŋ nyíi kùla ŋ̀elei su é tooi?

Dutɛrɔnome 4:28

Ǹyaŋ naa ƃé ka pâi kɛ̂i tíi kɛ̂i naa wúru da kɔni-ŋa dîɛ nyii-ŋai núu-kpune-ŋa dí díkpɛ̀tɛ a Ɣâla pɔkɔɔŋ-ŋai, nyii-ŋai dífa kwaa kâai, dífa mɛni mɛ̂ni, dífa mii-sɛŋ mìi kpaa máŋ dí sɛŋ kúŋ mɛnii.