Mąątɛ̨nɛ̨ 115:13 - Bible

¹³ Yâwɛɛ a pâi lûwa lâai diai kélee dîa da ƃaa kɛ́-maa tɛ̀ɛ bɔ́i, gbaya-kpaya da bɛlɛ-pɛlɛɛ.

Yálá laawoo hɛɓɛ (dc)

¹³ Gaa pai lúwɔ́ kɛi nuąi da ɲɔw Yai-Laa ɓa diɛ, bɛlɛɛ pɛlɛɛ mąn, gbɛa kpɛa mąn.

Yálá laawoo hɛɓɛ

¹³ Gaa pai lúwɔ́ kɛi nuąi da ɲɔw Yai-Laa ɓa diɛ, bɛlɛɛ pɛlɛɛ mąn, gbɛa kpɛa mąn.

Mąątɛ̨nɛ̨ 115:13 ပူးပေါင်းရင်းမြစ်များ

Mąątɛ̨nɛ̨ 112:1

Ka Yâwɛɛ láa maa tɛ́. Lûwa káa ǹúui ma a ƃaa kɛ́-maa tɛ̂ɛ Yâwɛɛ pɔ́i, gɛ́ ŋɔtɔ̂ŋ-ŋai mɛi kâai.

Lukə 1:50

É kúla wɔlɔ-wɔlɔ-ɣeniɛi su-ƃelai dîa é lí ŋ̀éniɛi su-ƃelai kélee pɔ, ŋɔmaloŋ-kâai káa diai dîa da yâo m̀ai.

Mąątɛ̨nɛ̨ 128:1

Lûwa káa diai dîa da Yâwɛɛ wóo mɛnii, da diai da ŋɔtɔ̂ŋ-ŋai mɛi kâai.

M̀ɛni-lɛɛi 19:5

Nya ƃe wóo è kùla gâloŋ-see-sɛŋ ŋá, gɛ lâɣi, nyɛɛi, “Ka Kúɣâlai láa maa tɛ́, káai kélee kákaa a yée-mu-ƃelai, káai ka yao mai, nîa-pɛlɛɛ da núu kpaya-kpaya.”

Mąątɛ̨nɛ̨ 29:11

Yâwɛɛ a gɛ̀ ŋɔnûai kponôi é kpanaŋ. A lûwa làa dîa lii-see kɛ́ ƃò díyêei.

M̀ɛni-lɛɛi 11:18

Diai dífe Ɣâla-mɛni wɛ̂li nii dílii è ŋwàna kpɔ́ a ŋánaa, kɛ́lɛ, ílii-ŋwanai è pà, a da zaa-ƃelai dímɛni-ŋa-tee-tãi. Íyee-mu-ƃelai fela fé tãi a seri, diai díkaa a ílono-kɛ-ƃelai, da Ŋ̀âla-ƃelai da diai da yao ílaâi mai, nia-pɛlɛɛ kpaa máŋ núu kpaya-kpaya, Diai ǹɔii su karai, dísu kara tãi a seri.”

Malasi 4:2

Kɛ́lɛ káai ka yâo ḿâai ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpãle. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili.

Gɛlaɠaa 13:26

“Sinâa da ŋánûa, Eberaɣɛ̃ɛ ŋɔsuui su lonii, da diai díkaa kásama da yâo Ɣâla mai, kwa káa ni ƃé dí m̀álo-laai ŋí maa worɛ-wooi tɛ̀ɛ kûɛ.

M̀ɛni-lɛɛi 20:12

Nya ƃe ŋá zaa-ƃelai kàa, núu kpaya-kpaya da nîa-pɛlɛɛ, dí ƃo tɔɔ ni gâloŋ-see-sɛŋ ŋ́ɛi-tuɛ, kɔlɔ-ŋa lá ƃóɔ. Kɔlɔ da kpɛni máŋ lá è kɛ̀ a m̀óɔ, nyíi gáa a vúlu-laa-kɔlɔi. Zaa-ƃelai dímɛnii ŋá tèe mɛnii è kɛ̀ a bɔ̃yɛɛ gɔlɔ-ŋai su, yɛ̂ɛ berei dítûa-pere è kɛ̀ lai.

Gɛlaɠaa 26:22

E siɣe tãi ti ma e seri sâa ma Ɣâla a kpɔŋ mâ. Mɛni ma ŋ́gaa tɔ̂ɔni ƃɛ núu kpaya-kpaya ŋɛi da nia-pɛlɛɛ ŋ́gɛ mɛni-ŋai m̀aa sêre-faa kɛ́, nyíi-ŋai Ɣâla ŋɔlóno kɛ́-ƃelai da Mose-ni dí wɔ́lɔ mò a gɛ́ɛ da pâi kɛ̂i. Fe mɛni da kpɛni ƃo ni é kúla díwoo-ŋai ŋí pôlu.

Kolosə 3:11

Zɛŋ kpɛtɛɛ ninai ŋí su ŋa-kɔlɛ-mɛni fe núu-sii kélee loai, a nɛ̃ɛ ma kpîŋ é kɛ́ a Gurii-nuu kpaa Zûu-nuu, núu kpɛtɛɛ kpaa ǹúui fe kpɛtɛ níi, ŋɔ̃yâ, Setiyeŋ-nuu, luɛ, da núu ŋuŋ ma ƃoɔ. Kɛ́lɛ, Kôrai ƃa gélee, gɛ ƃo gélee su.

Ikilisiati 8:12

Gáa a tɔ̃yâ a gɛɛ ŋ̀wana lɔ̂ɔ nuu a mɛni nyɔ́mɔɔ kɛ̀ é tɛ́ɛ ŋuŋ tɔ̂nɔ ma é tûa ɣele ma. Kɛ́lɛ ǹúui a yâo Ɣâla mai, maa mɛ̂ni kélee ŋ̀aa-see a kɛ̂ a ǹɛ́lɛɛ.