Mąątɛ̨nɛ̨ 101:2 - Bible

² Yâwɛɛ, kpɔŋ ḿâ ŋá tɔ̃yâ mɛni kɛ́-pere kɔ́lɔŋ. Lé tãi ƃé ya pâi pâi la ḿbɔ naai? À kɛ̀ tí, ŋa pâi kɛ̂i tɔ̃yâ da teniŋ ƃô mɛni-ŋa kɛ̂i ŋápɛrɛi mu.

Yálá laawoo hɛɓɛ (dc)

² Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n.

Yálá laawoo hɛɓɛ

² Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n.

Mąątɛ̨nɛ̨ 101:2 ပူးပေါင်းရင်းမြစ်များ

Zɛnɛse 18:19

Kpɛ́ni fêi, ŋá nɛ̀ a gɛɛ é ǹônii da ŋɔpɛ́rɛi mu-ƃelai kɛ́ dí ŋápɛrɛi mɛi káa bôlu ma a tɔ̃yâ-mɛni kɛ́ɛ da teniŋ-mo laa, a gɛɛ ŋá gbanaŋ-wooi ŋàa-see kɛ́ ŋá gɛ̀ Eberaɣɛ̃ɛ yêei.”

Samia Veerɛi 8:15

Deeƃé è kâloŋ-laa kɛ̀ Eezuɛ lɔii gwaa kélee ma. È ŋɔnûai mɛi kàa a tɔ̃yâ da teniŋ-ƃo pere su.

Tɔɔɓɛlaa dɔlɔɔ 11:4

Saloma pɔlɔɔi, ŋɔnɛyâai dí ǹíi pène é pɛ́lɛ Ɣâla da kpɛ́ni-ŋa fɛliɛɛ ma. Ǹíi fé ŋɔ́nɔ kɛ́ ní a guláa Ŋɔɣâlai Yâwɛɛ mɛni ma, yɛ̂ɛ berei ǹâŋ Deeƃé líi è kɛ̀ a guláa lai.

Tɔɔɓɛlaa dɔlɔɔ 9:4

À kɛ̀ yá Saloma, yà pâi siâi ŋɛ́i-tuɛ a teniŋ ƃo-pere da lii-lɛlɛ-goi maa tua-kɛɛ yɛ̂ɛ berei ínâŋ Deeƃé è gɛ̀ lai, í m̀ɛni-ŋai kélee kɛ́ yɛ̂ɛ berei ŋá mò la yâi, í ŋátɔ̂ŋ-ŋai kélee mɛi káa a ǹɛ́lɛɛ,

Kɔlɔnikɔ Veerɛi 15:17

Berei máŋ Asa fé pɔri ní ŋ̀âla da kpɛ́ni-ŋai dí kwaa maa-waa-ŋai kélee su karai la Eezuɛ gwaa kélee mai, kɛ́lɛ gíli-kelee è kɛ̀ a dɔ́ɔ Yâwɛɛ ma ŋɔkɛ-ɣeniɛi su.

Kɔlɔnikɔ Veerɛi 30:12

Ɣâla yée è kɛ Zuda ƃelai pôlu é dílii kɛ tɔnɔ dí pá galoŋ da naa tii kɛ́ lɔɔi-ƃelai pɔ yɛ̂ɛ berei Yâwɛɛ è mò lai.

Mąątɛ̨nɛ̨ 101:6

Diai dí teniŋ ƃôɔɔi Ɣâla mɛni mai, ŋa pâi ńyee seêi dímu kwa dîa ni kú ƃò kwaa tɔ̂nɔ ma. Diai dífe fili níi, ŋa pâi ńyee seêi dímu a ŋátii kɛ́-ƃela.

Mąątɛ̨nɛ̨ 119:106

Ŋà ḿvoo kpɔ́ a gbanaŋɔɔ a gɛɛ ŋá ńyee see ítɔ̂ŋ mu nyii gáa a íteniŋ ƃô sɛŋ-lɛɛi.

Mąątɛ̨nɛ̨ 119:115

Káai kákaa a sɔnyɔ̂ŋ kɛ́-ƃelai, ka kula ŋ́gɔlɛ. Ŋa pâi ńyee seêi Ŋáɣâlai ŋɔtɔ̂ŋ-ŋai mu.

Mąątɛ̨nɛ̨ 26:11

Kɛ́lɛ à kɛ̀ a ńyãa, ŋa tûa a teniŋ ƃô pere. Mɛni ma, ŋ́uŋ ma ƃó í ḿalôŋ káa.

Mąątɛ̨nɛ̨ 40:17

Óo Ǹuu-namui, ŋ́goloɔ̂i, pɔ̂ri mâa fé mî. Kɛ́lɛ ífe tá nia ní ḿâ. Yá ƃa ŋ́uŋ ma ƃó-nuui da ḿaa kɔ̃ɔ-nuu. Óo Ŋáɣâlai, pá íkpɔŋ ḿâ a maa félaa.

Lɛɛ gbɔwɔ ɓa 20:24

Ɣâla-teƃele kpɛ̀tɛ mî a pɔ̂rɔ í kéreŋ sala kúla ŋá da ílii-see salai é pɛ́lɛ íƃala-salai ma da íniŋa-salai. Ƃɛ́i kélee ŋa ǹaa sìɣe a gɛɛ ká ḿvɛli naai. Ŋa pâi pâi naa ŋá lûwa láa kâa.

Azaya 38:3

“Óo Ŋáɣâlai Yâwɛɛ, ḿaa mɛ̂ni kíli é lɛ́ɛ íŋa. Gáa, ŋa tíi kɛ́ yɛ̂ a ńii kélee a teniŋ ƃô-pere. Ŋa kɔ́ kpɔ́ a zu kôyaa a gɛ́ɛ ŋá m̀ɛni-ŋai kɛ́ nyii-ŋai yà m̀o ḿâi.” Nya ƃe Ɛsekaya è wɔ̀lɔ kpɔ́ a ŋ̀ánaa.

Dutɛrɔnome 6:7

Ka ǹɛ́ kálônii dîa. Ka doo díkili ŋá tãi ka kɛ̀ seeni la kápɛrɛ-ŋai lai, ka kɛ̀ siai bere-ŋai su, tãi ka kɛ̀ laa-ni lai, da tãi ka kámu siɣe lai.

Zasua 24:15

À kɛ̀ káfe ŋ̀wɛ̂lii a gɛ́ɛ ká tíi kɛ́ Yâwɛɛ mì, ka sâa ǹúui lɛ́ nyíi ka pâi kɛ̂i tíi kɛ̂i m̀ii. À kɛ̀ kà pâi tíi kɛ̂i ŋ̀âla-ŋai kánûai díkɛ̀ dífɛlîi dîɛ Mɛsɛpotemia kpiniŋ sui, kpaa máŋ Amora-ŋai díɣâla-ŋai nyíi-ŋai kákaa dílɔii sui, ka m̀ó ḿâ. Kɛ́lɛ, mɛni a kpera ḿâ, kwa ŋá ǹûai, kwa pâi tíi kɛ̂i Yâwɛɛ mì.”

Samuɛlə dɔlɔɔ 22:14

Aimelɛ è gâloŋ wóo su tòo ǹyɛɛ m̀ai, “Ǹúu kɛ́tɛi, ítii kɛ́-ƃelai nenɛ̂ ƃé deniŋ ƃoɔɔ̂i yɛ̂ɛ Deeƃé! Gáa a íƃɔ̂lɔ, gɛ́ ƃò a íkɔlɛ ma kɔ-kuluƃa-ŋai láa túɛ-nuu. Íkaa-yɔɔ-ŋai kélee da ƃaa kɛ́-maa tɛ̀ɛ bɔ́.