Mąątɛ̨nɛ̨ 10:16 - Bible

¹⁶ Yâwɛɛ káa a kâloŋ wɔ́lɔ-wɔlɔ da wɔlɔ-wɔlɔ. Diai da ɣâla da kpɛ́ni-ŋa fɛlii, da pâi lánîii ǹɔii su.

Yálá laawoo hɛɓɛ (dc)

¹⁶ Yai-Laa kaa a tɔɔmun a yələ kəlee, hį́i takpɛliɠaa daa kwɛlɛɛn nwɔ lɔi hu.

Yálá laawoo hɛɓɛ

¹⁶ Yai-Laa kaa a tɔɔmun a yələ kəlee, hį́i takpɛliɠaa daa kwɛlɛɛn nwɔ lɔi hu.

Mąątɛ̨nɛ̨ 10:16 ပူးပေါင်းရင်းမြစ်များ

Kɔlɔnikɔ Maa-ŋuŋ 29:11

Óo Yâwɛɛ, íkɛ̂tɛi, íwala-walaa, ífolo-laai kɛ̀ ƃo ǹaa. Íkâloŋ-laai su kɛ́tɛi. Zãai kélee gáa ŋ̀elei su da ǹɔii mai díkaa a ípɔɔ. Óo Yâwɛɛ, yá ƃé ímaa tɛɛ̂i a zãai kélee kpɔ́ mɛi.

Mąątɛ̨nɛ̨ 145:13

Íkâloŋ-laai káa naa wɔ́lɔ-wɔlɔ, ǹyaŋ íkaa a kâloŋ wɔ́lɔ-wɔlɔ. Yâwɛɛ teniŋ ƃôɔɔi ŋɔkono-tee-ŋai kélee su. Ŋɔmaloŋ kâai káa gɛ́-mɛni kélee su.

Mąątɛ̨nɛ̨ 146:10

Yâwɛɛ káa nɔ́ a kâloŋ wɔ́lɔ-wɔlɔ da wɔlɔ-wɔlɔ. Óo Zãiyɔŋ, Íɣâlai a pâi kɛ̂i wala-wala-laa su a tãi kélee. Ka Yâwɛɛ láa maa tɛ́.

Mąątɛ̨nɛ̨ 29:10

Yâwɛɛ ŋɔwála-wala-laai káa ǹyá-ŋai kélee mɛi. Gáa a kâloŋ wɔ́lɔ-wɔlɔ da wɔ́lɔ-wɔlɔ mɛni ma.

Mąątɛ̨nɛ̨ 78:55

È kɛ̀ dítuɛ pere gɛ́ lɔii ŋuŋ-ŋa kpɛ̀ díperêi díkɛ lì. È lɔii-ŋuŋ-ŋa su-ƃela dílɔii kûla díyêei, é ŋáa kɔ́lɛ Eezuɛ sii-ŋai dîa.

Mąątɛ̨nɛ̨ 9:15

Diai Ɣâla mɛni fé díkponôi, dí lóa tèe dí tóo díkpɔɔi loai su. Dí kɔ̀ a díkpɔɔi ƃare-ŋai.

Mąątɛ̨nɛ̨ 9:5

Ya ŋ̀wana-lɔ̂ɔ-ƃelai dímɛnii ŋáa tée ya dísu-kàra ǹɔii-ŋûŋ-ŋai su, ya gɛ́ da láa fé ŋɔ́nɔ pâi kɛ̂i ɣele ma wɔ́lɔ-wɔlɔ da wɔ́lɔ-wɔlɔ.

Mąątɛ̨nɛ̨ 9:8

Ya ǹɔii mɛi kâa a tɔ̃yâ-pere, í kɛ́ zu-ƃela dímɛnii ŋá tèe a bɔriɛɛ.

Mąątɛ̨nɛ̨ 93:1

Yâwɛɛ káa a kâloŋ. Maa ɣiriɛ̂ɛi yɛ̂ɛ kâloŋ, ŋ̀wála-walaa. Ǹɔii seɣɛ̂ɛi kpɔ́ kpíŋ-kpiŋ, ǹyaŋ vé pâi kulâi dɔɔ̂i.

Lɛɛ gbɔwɔ ɓa 15:18

Yâwɛɛ a pâi kɛ-mɛi-laa kɛ̂i wɔlɔ-wɔlɔ da wɔlɔ-wɔlɔ.”

Azaya 33:22

Yâwɛɛ ƃa kúkâloŋ da kúmɛni ŋá-tee nuui. Ǹyaa ƃé a tɔ̂ŋ kpɛ̀tɛ kúmɛni ma. A pâi kúŋuŋ ma ƃôi.

Ɉeremi 10:10

Kɛ́lɛ, Yâwɛɛ ƃa dɔ̃yâ Ɣâlai. Ǹyaa ƃé gáa a gɛ̀-ɣele-ma Ɣalai da ŋ̀ɔlɔ-wɔ́lɔ Kaloŋ. A ńii ŋwàna, ǹɔii a pû zu. Lɔii-ŋuŋ da fa pɔ̂ri tɔɔ̂i ŋɔlii ŋwânai ŋɛ́i túɛ.

Woolaa 5:19

Yá, óo Yâwɛɛ, íkaa a kâloŋ wɔ́lɔ-wɔlɔ da wɔlɔ-wɔlɔ. Ya pâi kɛ̂i nɔ́ la, í maa fa wɔ́lɔ fàleŋ.

Danîa 4:34

M̀ɛni-ŋai ŋí kɛ́ɛ pôlu ma, gâloŋ Nɛbukinaza è mò ǹyɛɛi, “Góraŋ lɔ́ɔlu mɛi feerɛi tɛɛ pôlu maa, ŋá ŋ́ɛi tɛ̀ ŋ̀elei su ŋá gáa a gɛɛ ŋa pá pôlu ŋ́gbonôi yɛ̂ɛ berei ŋá kɛ̀ la a bɔlɔi. Nya ƃe ŋá Ŋ̀wɔ́lɔ-wɔlɔ da wɔ́lɔ-wɔlɔ kɛ-ɣele ma ɣala kɛ́tɛi láa ma tɛ̀, ŋá ƃaa kɛ́-maa tɛ́ɛ bɔ́, ŋá ŋɔkɛ́tɛ-laai maa mɛni ƃó. Ŋɔkâloŋ laai káa a wɔ́lɔ-wɔlɔ da wɔ́lɔ-wɔlɔ kaloŋ-laa.

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Dutɛrɔnome 8:20

Káŋuŋ lá a pâi pilîi yɛ̂ɛ berei Yâwɛɛ è gɛ̀ la a ǹɔii-ŋuŋ da kpɛ́ni-ŋai a tãi kákɛ̀ pâi lai.

Timote dɔlɔɔ 1:17

Ŋwɔlɔ-wɔlɔ-Kaloŋ, nyíi va wɔlɔ saai, Ŋ̀âla tɔnɔi, nyíi núu fa gàai, ƃaa kɛ́-maa da fólo-laa dí kɛ́ ma wɔlɔ-wɔlɔ da wɔlɔ-wɔlɔ. É kɛ́ ti.