Mąątɛ̨nɛ̨ 10:14 - Bible

¹⁴ Kɛ́lɛ, ya mɔ̃lɛ-laa da mɛni kpɔ̂lu kàa, íkpîŋ kpɛtɛ a gɛɛ íkpɔŋ maa tɛɛ. Ǹyaŋ diai pɔ̂ri maa fé dîɛi, da díkpîŋ tɛ̀ɛ ípɔ. Ya kpɔŋ mâa tɛ̀ɛ dee-lôŋ-ŋai pɔ́.

Yálá laawoo hɛɓɛ (dc)

¹⁴ Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Yálá laawoo hɛɓɛ

¹⁴ Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Mąątɛ̨nɛ̨ 10:14 ပူးပေါင်းရင်းမြစ်များ

Zɛnɛse 21:17

Ɣâla è ǹôloŋ wɔ́lɔ-woo mɛ̀ni. Nya ƃe Ŋ̀âla-taa-kelai è Eega tòli ǹyɛɛ mai, “Eega, lé ƃé kɛ̂i a yá? Ífe yào, kpɛ́ni fêi, ƃɛ́i ǹôloŋ káa naai, Ɣâla a ŋ̀ɔ́lɔ-woo mɛni.

Zɛnɛse 31:12

Nya ƃe è mò ḿâ ǹyɛɛi, ‘Íŋuŋ mu síɣe í kwaa káa. Daa-tulɛ sirɛ-ŋai tɛ̂i záa-ŋai diai, dípɔ̃yɛɛi. Ńyãa ƃé gɛ̂i nyíŋi kɛ́ kɛ̀, kpɛ́ni fêi, ŋa berei káa Laƃaŋ a tûai la a yái.

Samia Veerɛi 16:12

Ɣele da Yâwɛɛ a pâi ŋámɛnii kpɔ̂lui kâai é mɛni lɛ́lɛɛ kɛ́ mî ǹónoi a gɛ̂i ḿâi m̀ɛni ma.”

Tɔɔɓɛlaa veelɛ 9:26

Yâwɛɛ è mò ǹyɛɛ, ‘Ŋá wɛ́ɛ Niƃo ŋãa kâa da ǹônii sinaai. Mɛni ma ŋa pâi í kɛ̂i í véla-fe ká ǹɔii kpuai ŋí ma.’ Boma síɣe í bili ǹɔii kpuai tí ma nɔ́ yɛ̂ɛ berei Yâwɛɛ wóo káa lai.”

Kɔlɔnikɔ Veerɛi 24:22

Mɛni lɛ́lɛɛi nyíi kélee Zɛkɛrɔya ǹâŋ è wɔ́lɔ gɛ̀ a gâloŋ Zoasi, gíli fé wɔ́lɔ lɛɛ ní ŋ̀á. Kɛ́lɛ m̀ɛnii é wɔ́lɔ gɛ̀i nya ƃé kɛ̀ é ǹóŋ páa. Tãi Zɛkɛrɔya è kɛ̀ sàai lai, è mò ǹyɛɛi, “Tɔɔ Yâwɛɛ é mɛnii ŋí káa nyíi ya gɛi, tɔɔ é ítoli í pá í ǹaa lɛ́ m̀a.”

Kɔlɔnikɔ Veerɛi 6:23

ye lɛɛ Ɣâla-taa í ŋóo mɛni í zu too. Íyee mu-ƃelai dímɛni-saai ƃó í díkula-maa kɛ́ yɛ̂ɛ berei dítûa-pere nyɔ̂ŋ káa lai. Ǹúui nyíi ŋɔmɛnii lɛ̂lɛɛi, zu too yɛ̂ɛ berei ŋɔmɛni lɛ́lɛɛi káa lai.

Mąątɛ̨nɛ̨ 146:9

A ŋɔ̃ya-ŋai díkaa kúlɔii sui maa kɔ̃̂ɔ. Gɛ́ kpɔŋ mâa tɛ̀ɛ dee-loŋ-ŋai da bɔɔ-nɛyãai pɔ, kɛ́lɛ, a ŋ̀wana-lɔ̂ɔ-ƃelai dímɛni kpɛtɛɛi su kàra.

Mąątɛ̨nɛ̨ 22:11

Ífe ímaa kôya ḿâ, kpɛ́ni fêi, ŋ́gaa mɛni kpɔ̂lu su, ǹyaŋ núu da fé naa é kpɔŋ mâa tɛɛ ḿbɔ.

Mąątɛ̨nɛ̨ 31:8

Ífe tá ǹɛɛ ní naa ŋ́gbɔara-ƃelai da yée é tɛ́ɛ ḿâ. Ya ŋuŋ ma ƃô tɛ̀ɛ ḿbɔ. Ƃɛ́i kélee ŋa ŋ̀wɛ̂li ŋá lí naai, ŋa lî naa.

Mąątɛ̨nɛ̨ 35:22

Kɛ́lɛ yá, óo Yâwɛɛ, yá kpîŋ yâ m̀ɛnii ŋí naa káa. M̀ɛni ma, Ǹuu-namui, ífe lɛ̀ɛ a ímɛi sâa, kpaa máŋ í ímaa kôya ḿâ.

Mąątɛ̨nɛ̨ 55:22

Í mɛni kpɔ̂lu-ŋai tɛ́ɛ Yâwɛɛ pɔ́, gɛ̀ ní a pâi ímaa kɔ̃ɔ̂i. Vá ǹɛɛ naa dí diai dí deniŋ ƃoɔɔ̂i yée mɛi ɣále.

Mąątɛ̨nɛ̨ 68:5

Ɣâla káa ŋɔkwaa maa waai ma. Gbáaŋɔɔ̂i dee-noŋ-ŋai mɛni ma, gɛ́ bɔɔ-nɛyãai maa kɔ̃ɔ.

Mąątɛ̨nɛ̨ 68:6

Diai díkɛ̂i fé mai, a kwaa ma tɛ̀ɛ dípɔ. A diai ŋuŋ maa ƃò díkaa kpini-pɛrɛ-ŋa mui. Kɛ́lɛ a pâi gɛ̂i diai dí tɔɔ̂i ḿâi, díkɛ ƃò lɔii nyɔ́mɔɔ su.

Lɛɛ gbɔwɔ ɓa 2:25

Ɣâla è Eezuɛ-ŋai díluɛ-laai kàa é gbîŋ lɛ́ dîa.

Lɛɛ gbɔwɔ ɓa 22:22

Káfe pɔɔ-nɛni sòŋ a nyɔ́mɔɔ kpaa máŋ tee-loŋ.

Lɛɛ gbɔwɔ ɓa 22:26

À kɛ̀ íkɔlɛ-ma-nuu à ŋɔseɣei sèe íyêei a sɛ́ɣɛ sɛŋ-kao ŋuŋ mu, fɛ̂ɛ í dɛ́ɛ bɔ́ pôlu vólo-kaoi é lɛ́ɛ toôi.

Hanwon 15:25

Ɣâla Yâwɛɛ a su-mɛni kɛ̂tɛ-nuu ŋɔpɛ́rɛi wòlo, gɛ́ pɔɔ-nɛni kɔ̃liŋ maa kɔ̃ɔ.

Hanwon 15:3

Ɣâla Yâwɛɛ a kúmɛni-ŋai kélee kàa, kúmɛni nyɔ́mɔɔ-ŋai da kúmɛni lɛ́lɛɛ-ŋai.

Azaya 10:3

Lé ƃé ka pâi gɛ̂i tãi Ɣâla a pâ la a gɛɛ é ká kula-maa kɛi? Lé ƃé ka pâi gɛ̂i à kɛ̀ Ɣâla a kɛ̀ pâi a mɛni kpɔ̂lu gɛ́ kùla lɔii kôyaa su kôyaa sui? Mí ƃé ka pâi liî naa kpɔŋ mâa mɛni mai? Ka kɛ̀ pûi, mí ƃé ka pâi kátɔɔ-sãai lɛɛ̂i naai?

Ɉeremi 16:17

Ŋ́gaa m̀ɛnii kélee kâai da gɛ̂i. Dɔnɔ kpîŋ fé kɛ̂i ŋ́ɛi pôlu. Ŋ́gaa dísɔnyɔ̂ŋ-ŋai kélee kâai.

Ɉeremi 23:24

Núu da fa ǹoo ƃɛ́i ḿve naa kɔ́lɔŋ. Káfe gɔ́lɔŋ a gɛɛ ŋ́gaa kwaa kélee ma, é kpîŋ kɛ́ a ŋ̀elei su, kpaa máŋ ǹɔii ma?

Ɉeremi 49:11

Ka kátee loŋ-ŋai lɛ́ɛ ńyêei, ŋa pâi dímɛi kâai. Ká pɔɔ-nɛyãai da pɔ̂ri díkili tɔɔ̂i ḿâ.

Ɉeremi 51:56

Dí pà a gɛɛ dí Babelɔŋ su-kara. Da ŋɔkɔ-kuluƃa-ŋai sóŋ, da díkerâŋ-ŋai su ɣále. Ŋ́gaa a Ɣâla nyii a mɛni nyɔ́mɔ kula maa kɛ̂, ǹyaŋ ŋa pâi Babelɔŋ kula-maa kɛ̂i yɛ̂ɛ berei è tùa lai.

Woolaa 3:59

Óo Yâwɛɛ, ya m̀ɛni nyɔ́mɔɔ-ŋai káa da gɛ̂i a ńyãai. Ŋá mɛnii ŋáa tée a ǹɛ́lɛɛ.

Woolaa 3:60

Í m̀ɛni nyɔ́mɔɔ-ŋai kɔ́lɔŋ gbɛtɛ̂i dílii su é pîlaŋ ḿâi.

Osia 14:3

Asiria lɔii fa pɔ̂ri wɔ́lɔ kúkulâi mɛnîi, ǹyaŋ kú kɔ́kɔ-soo-ŋai dí fé pâi kú maa kɔ̃ɔi. Kúfe pâi ŋɔ́nɔ kúkpɛtɛ-sãai tôlii a kúɣâla. Tee-loŋ a maloŋ kâa sɔlɔ ƃô ísârai.”

Osia 14:4

Yâwɛɛ è mò ǹyɛɛ, “Ŋa pâi pâi a ŋánûai pôlu ḿbɔ naa. Ŋa pâi díwɛ̂lii a ńii kélee. Fé pâi ŋɔ́nɔ wɔ́lɔ ńii ŋwânai dîa.

Zooɛ 3:4

“Óo Taya da Sidɔŋ, é pɛ́lɛ Felesia lɔii-kpiniŋ-ŋai dîa kákaa a lé ḿɛni ma? Ká káa ŋɔ́nɔ ḿvela-fêi sɛŋ da mɛni ma. Gɛ̀ ní ŋa pâi kásɔŋyɔ̂ŋ kélee pûi káŋûa a maa-felaa.

Habakukə 1:13

Yái ífe ŋ̀wɛ̂lii í íŋɛi pɛ́lɛ sɔŋyɔ̂ŋ mai, yái ífe wɛ́li-ni a wôya-mɛnii, lé mɛni ƃé ƃa ǹɛɛ naa ŋ̀wana-lɔ̂ɔ-ƃelai díkɛ sɔŋyɔ̂ŋ kɛ̀ nɔ́, lé ƃé ƃa ŋ̀wana-lɔ̂ɔ-ƃelai kâai la díkɛ mɛni nyɔ́mɔɔ kɛ̀ a ǹúui zɔŋ lɛ̂lɛɛi é tɛɛ dîa, í mɛi saá nɔi?

Dutɛrɔnome 10:18

A teenoŋ-ŋa maa kɔ̃ɔ da pɔɔ-nɛyaa. È ŋɔ̃ya wɛli-ni. A mii-sɛŋ tɛ̀ɛ bɔ́ da seɣe.

Timote veelɛ 1:12

Mɛni ma ŋa mɛni-soli káâi yɛ̂ɛ berei ŋa gâai lai. Ínɛlɛ, ŋumɛ fé mâ, kpɛ́ni fêi, ŋa ǹúui kɔ́lɔŋ ńaâi lai. Náâi la a gɛ́ɛ pɔri káa mì a gɛ́ɛ zɛŋ e nɛ̀ɛ ńyêei é mɛi káa é lɛ́ɛ la zu Ŋelei ti e seri.

Hebreu 4:13

Fúlu-sɛŋ kélee da fé loo ní ma, kɛ́lɛ, gélee puɔɔ̂i fíyeŋ ŋá ŋ̀ɛi-tuɛ, nyíi gáa a ǹúui kwa dîa-ni kwa tíi kɛ̀i.

Piɛrə dɔlɔɔ 4:19

Mɛni ma diai da mɛni-soli kàa yɛ̂ɛ berei Ɣâla ŋɔnîa-mɛnii káa lai, tɔɔ dí mɛni lɛ́lɛɛ kɛ́ dí dímɔ̂leŋ tɛ́ɛ Zɛŋ-kélee kpɛtɛ-nuu sã́ai pɔ.

Piɛrə dɔlɔɔ 5:7

Mɛnii kélee a kálii sɛ̀lɛŋ ka bu ŋ̀ɛ́i. Kpɛ́ni fêi, gbáaŋɔɔ̂i kámɛni ma.

Nwun mąąɓo 1:7

Díkɛɛ da gɛ̀ tí lai, è mò ǹyɛɛi, “Kâloŋ buu lɔ́ɔlu mɛi feerɛi ŋá díkɔɔ-gbua da díyee-gbua zɛkponoi teêi dîai da kâa kɛ̀ ŋámii sãa pɛnɛi ɣɛɛ̂i díkɛ mìi. M̀ɛni ma Ɣâla a m̀ɛni tɔnɔi kpîŋ kɛ́ a ńyãa.” Nya ƃe dí lì la Zerusâlɛŋ é lɛ́ɛ naa é sáa.