Maafîu 8:11 - Bible

¹¹ Ŋá m̀ôi kâa, núu támaa da pâi kulâi voloi-ƃelai-pere da voloi-lii-pere dí pá a gɛɛ da Eberaɣɛ̃ɛ, Aise bɛlɛɛ Zeeka ma dí see Ŋ̀âla-taa kâloŋ-laai su,

Yálá laawoo hɛɓɛ (dc)

¹¹ Gáá tɛ̨ą ɓoi kaa, hį́i takpɛliɠaa kaa pai həɠəi hvóló kulɔi da hvóló tooi pələ, da Abrahamə, Isaakə, əlɛɛ, da Ɉakɔbə ni diɛ kɔ̨nɔ̨n mį́į́ gee ɓa Yálá-taa tɔɔlaa hu.

Yálá laawoo hɛɓɛ

¹¹ Gáá tɛ̨ą ɓoi kaa, hį́i takpɛliɠaa kaa pai həɠəi hvóló kulɔi da hvóló tooi pələ, da Abrahamə, Isaakə, əlɛɛ, da Ɉakɔbə ni diɛ kɔ̨nɔ̨n mį́į́ gee ɓa Yálá-taa tɔɔlaa hu.

Maafîu 8:11 ပူးပေါင်းရင်းမြစ်များ

Zɛnɛse 12:3

Ŋa pâi lûwa lâai diai dîa da lûwa làa yâi, ŋa diai náɣaŋ da ínàɣaŋ. Kpɛ́ni fêi, ǹɔii kélee a pâi lûwa sɔlɔ ƃôi ísârai.”

Zɛnɛse 22:18

Ǹɔii-ŋuŋ-ŋai kélee da pâi ḿarê kɛ̂i a gɛɛ ŋá kpɔ́ŋ dîa ísuui sârai. Kpɛ́ni fêi, í ŋ́oo mɛ̀ni.”

Zɛnɛse 28:14

Ǹyaŋ ísuui a pâi tâmai yɛ̂ɛ ǹɔii mâ ŋãyai. Ǹyaŋ ísuui a pâi serîi vóloi liî-pere da vóloi kulâi-pere, ǹɔii ŋûa-pere da ǹɔii kwára-pere. Ka ísuui kásârai, lûwa a pâi kɛ̂i ǹɔii su-ƃelai kélee dîa.

Zɛnɛse 49:10

Zuda ŋɔkâloŋ-wurii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Mąątɛ̨nɛ̨ 22:27

Yâwɛɛ maa mɛ̂ni kíli a pâi lɛɛ̂i ŋ̀éniɛi su-ƃelai kélee kíli ŋá. Díkelee da pâi tînanii bɔ́ naa pêre. Sîi kélee a pâi kɛ̂i vɛlîi,

Mąątɛ̨nɛ̨ 98:3

Ŋɔwɛli kɛ́-maa kpanaŋɔɔi maa kono-teei, maa mɛni kíli è lɛ̀ɛ ŋá ŋɔnûai Eezuɛ-ŋai mɛni ma. Ɣâla a ǹɛ́ núu kélee ma berei a ŋɔnûai ŋuŋ ma ƃò lai.

Azaya 11:10

Da pâi kâloŋ da maa sɔlɔ ƃôi Gâloŋ Deeƃé ŋɔsuui su a ɣele tɔ̂nɔ da. A pâi kɛ̂i a ŋɛi-kɛ-maa maa kɛ́tɛ ǹɔii ŋuŋ-ŋai kélee mɛni ma. Ǹɔii ŋuŋ-ŋai kélee su-ƃela da pâi díŋa tɛ̂i m̀a Deeƃé ŋɔtaa-leei su dí ƃaa-kɛ-maa tɛɛ bɔ́.

Azaya 49:12

Ŋánûai da pâi kulâi kwaa kôya-ŋa ma. Da-ŋa da pâi kulâi yá-ŋûa pere, da-ŋa dí kúla vóloi liî-pere, da-ŋa dí kúla Asiwaŋ taa-leei su nyii gáa séɣai-pere.”

Azaya 49:6

Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma sɔlɔ ƃôi ísârai.”

Azaya 52:10

Yâwɛɛ a pâi tíi kɛ̂i a ŋɔwála-wala laa maa waai, é ŋɔnûai ŋuŋ ma ƃó, ŋ̀éniɛi gwaa kélee su-ƃelai dí ǹaa káa.

Azaya 59:19

Ǹûai da pâi yaôi m̀a ŋɔwála-wala-laa kɛ́tɛi mɛ̂ni ma, é síɣe vóloi kulâi pere é tóo ǹîi pere. A pâi pâi yɛ̂ɛ ya-ɣɛ̂li da fãa kɛ́tɛ ƃé tɛɛ̂i.

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fûa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

Malasi 1:11

Nûa da sála-sɛŋ kúŋ nɛ̃ɛ kèreŋ ḿî ǹɔii gwaa kélee, díkɛ sâla lɛ́lɛɛ kùla ḿî nyii a ńii laai. Díkelee da ŋumɛ-mâa tɛ̀ɛ ḿbɔ!

Maafîu 21:41

Nya ƃe dí ŋ̀óo su tòo, dîyɛɛ mai, “A pâi ŋ̀wana-lɔ̂ɔ-ƃelai tí su karâi kpɔ́ é ŋɔkpɔmɔ-ƃa-kpalaŋ tɛ́ɛ tíi-kɛ-ƃela da kpɛni-ŋa pɔ, nyii-ŋai pâi ŋɔkpɔmɔ-ƃai tɛɛ̂i bɔ a gbɔmɔ-ƃai kpɔ̂lu-tãi.”

Maafîu 24:31

Gɛ̀ ní, a pâi Ŋɔɣâla-taa-kela-ŋai tɛɛ̂i dí tóli ƃó a túru-woo su kɛ́tɛ. Da pâi ŋɔsu-ɣɛɛ-ƃelai ŋá tɛ̂i gîe ma dí kúla ǹɔii-mela náaŋ su, é síɣe ŋele-kɔlɔŋ m̀éla tɔnɔ ma é tóo gbélii ma.

Maafîu 3:2

“Ka kálii pene, kpɛ́ni fêi, Ŋ̀âla-taa kâloŋ-laai a lɛɣɛ.”

Maafîu 8:10

Tãi Zîsɛ è nyiŋi mɛ̀ni lai, ǹá è kpàla mà, é mó diai dîa pîlaŋ bôlui, ǹyɛɛi, “Tɔɔ ŋátɔ̃yâ ƃó kâa, fé niî laa-la kɛ́ɛ ŋí kaa ní Eezuɛ.

Lukə 12:37

Lûwa káa ǹyée-mu-ƃelai ti dîa diai dínâmu à pà pôlu, a pâi díkaâi a díŋɛi. Tɔ̃yâ ma, ŋá m̀ó kâa, a pâi ŋɔseɣe kôyai kpíninîi ǹeŋêi, e gɛ dísee teƃele ma, e pa e mii-sɛŋ tɛɛ dípɔ.

Lukə 16:22

Nya ƃe gôlo-nuui ŋi e saa. Ŋ̀âla-taa-kela-ŋai dí ziɣe, dí li la Eberaɣɛ̃ɛ kɔ̃ɔŋ su. Dɔɔ-nuui e sàa máŋ, dí ǹoo;

Gɛlaɠaa 10:45

Zûu-ŋai laa-la è kɛ̀ díyêei, nyíi-ŋai da Pitɛ-ni dí pâi, díla è kpàla dîa, kpɛ́ni fêi, M̀ɔlêŋ Maa Waai è pà Zɛ̃tai-ŋai pɔ́ máŋ a sama-sɛŋ.

Gɛlaɠaa 11:18

Ŋ̀óo-ŋai ŋí mɛniɛɛ dîɛi, dí dímɛi sàa dí Ɣâla láa maa tɛ́, dîyɛɛi, “Gɛ̀ ní, Ɣâla a ŋuŋ ma ƃo tɛ̀ɛ Zɛ̃tai-ŋai pɔ́ máŋ a gɛ́ɛ dí dílii pene dílɛɛ ɣele ma.”

Gɛlaɠaa 14:22

Dí gɛ̀ Zia-ƃelai kponôi é kpanaŋ dí dílii kúla a lii kpele woo-ŋa a gɛ́ɛ dí tɔ́ɔ a gbanaŋɔɔ dílaa-lai su. Dí mò dîa máŋ a gɛ́ɛ fɛ̂ɛ kú tɛ́ɛ mɛni-soli támaa su kú lɛ́ɛ pâi liî Ɣâla ŋɔkâloŋ-laai su.

Gɛlaɠaa 14:27

Dí páai, dí Kôrai-toli-kpɔŋ su-ƃelai kélee ŋá tɛ̀ ma, dí m̀ɛnii kélee ƃó dîa Ɣâla è gɛ̀ a diai da berei è pere lá ƃò la Zɛ̃tai-ŋai dîɛ a gɛ́ɛ dí láa lai.

Korɛntə dɔlɔɔ 15:20

Kɛ́lɛ, tɔ̃yâ ma Kôrai e mu siɣe saa yêei. Gáa a ǹuui maa-ŋuŋ e mu siɣe saa yêei diai da saai dísama.

Korɛntə dɔlɔɔ 6:9

Káfe gɔ́lɔŋ a gɛ́ɛ diai dífe a tɔ̃yâ-ƃelai Ŋ̀âla-taa kaloŋ-laai fe pâi kɛ̂i a dípɔɔ? Káfe kákpîŋ pɛ̀lɛ; goyaŋ-wulu-wulu kɛ-ƃela, kpaa máŋ ɣâla-pɔɔkɔŋ fɛli-ƃela, kpaa máŋ wulu-wulu kɛ-ƃela, kpaa máŋ zinâai da díkîe-ni kɛ̀ a nɛyaai,

Ifisiɛŋ 3:6

Nya ƃa, berei Zɛ̃tai-ŋai díkaa la a pɔɔ-sɛŋ-namela dia máŋ. Díkaa a gbono tɔnɔi su-ƃela da, dí ƃo a gono-teei sɔlɔ-ƃo-ƃela da Zîsɛ Kôrai kponôi Duŋ Lɛ́lɛɛi sârai.

Kolosə 3:11

Zɛŋ kpɛtɛɛ ninai ŋí su ŋa-kɔlɛ-mɛni fe núu-sii kélee loai, a nɛ̃ɛ ma kpîŋ é kɛ́ a Gurii-nuu kpaa Zûu-nuu, núu kpɛtɛɛ kpaa ǹúui fe kpɛtɛ níi, ŋɔ̃yâ, Setiyeŋ-nuu, luɛ, da núu ŋuŋ ma ƃoɔ. Kɛ́lɛ, Kôrai ƃa gélee, gɛ ƃo gélee su.

Tɛsalonikə veelɛ 1:5

Nyíŋí káa a sêre-woo Ɣâla ŋɔtɔ̃yâ mɛni ŋa-téɛɛi mɛni ma a gɛ́ɛ ká kɛ́ a ǹûai dímaa nɛ̃ɛ̂i Ɣâla ŋɔkâloŋ-laai mɛni ma, nyíi kákaa mɛni-sôli kâai m̀ɛni mai.

M̀ɛni-lɛɛi 7:6

Dí bɛ̀lɛ núu wála puu kao feerɛ (12,000) tôŋ lá Asɛ ŋɔ-suui su, dí bɛlɛ núu wála puu kao feerɛ (12,000) tôŋ lá Nɛfɛtɛli ŋɔsuui su, dí bɛ̀lɛ núu wála puu kao feerɛ (12,000) tôŋ lá Manasɛ ŋɔsuui su.