Maafîu 5:8 - Bible

⁸ Lûwa káa diai dîa dílii su waâi, kpɛ́ni fêi, da pâi Ɣâla kâai.

Yálá laawoo hɛɓɛ (dc)

⁸ Nwun na nɛ̨ɛ̨ nuą ɓaa nuąi di kwəi kwəlɛɛ Yálá ɓa. Mąąhɔlɔɓo, di kaa pai Yálá kaai!

Yálá laawoo hɛɓɛ

⁸ Nwun na nɛ̨ɛ̨ nuą ɓaa nuąi di kwəi kwəlɛɛ Yálá ɓa. Mąąhɔlɔɓo, di kaa pai Yálá kaai!

Maafîu 5:8 ပူးပေါင်းရင်းမြစ်များ

Zɛnɛse 32:30

Mɛni ma Zeeka è gwaai ŋí mâ tòli a Pɛnuɛ ǹyɛɛi, “Kpɛ́ni fêi, kwa Ɣâla kú kúŋɛi pù gîei, ǹyaŋ ŋáfulu-laai è lɛ̀ɛ ńyêei.”

Samia Veerɛi 22:27

Ílii su waâi dîai mɛni ma dílii su waâi, Ítɔɔ dîai dîa da sɔnyɔ̂ kɛi.

Mąątɛ̨nɛ̨ 15:2

Dia ƃa diai da tɔ̃yâ mɛni kɛ̀, sɔnyɔ̂ŋ fé diai. Dia ƃa diai da tɔ̃yâ ƃò é kúla dílii sui.

Mąątɛ̨nɛ̨ 18:26

Diai dílii su waâi sârai ƃé ya ílii su wâai lɛ́ naa. Kɛ́lɛ ítɔɔ̂i diai dîa dífe teniŋ ƃô nii.

Mąątɛ̨nɛ̨ 24:4

Dia ƃa diai dílii su waâi, diai dífa díkpîŋ ɣala kpɛtɛi, diai da kono têe kɛ̀ dí ŋ̀aa see kɛ́i.

Mąątɛ̨nɛ̨ 51:10

Óo Ɣâla, ŋ́a kili-ŋa-siai kɛ́ a m̀aa waa, íteniŋ ƃô da mɔ̂leŋ nina tɛɛ ḿbɔ.

Mąątɛ̨nɛ̨ 51:6

Teniŋ ƃô da tɔ̃yâ laa nɔ́ ƃé í ŋ̀wɛli ní. Ńíi láa fɛ̂ɛ a ítarei.

Mąątɛ̨nɛ̨ 73:1

Tɔ̃yâ kpîŋ ma Ɣâla sɔŋ lɛ̂lɛɛi Eezuɛ-ŋai mɛ̂ni ma. A mɛni lɛ́lɛɛ kɛ̀ diai dîɛ dílii su waai.

Hanwon 22:11

Ǹúui ǹíi lɛ̂lɛɛi, ǹóno-woo lɛ́lɛɛ ǹái, gáa a gâloŋ nîa-nuu.

Gɛlaɠaa 15:9

Vé kúloai láa ní kwa dîa-ni. È dílii maa waa a laa-la.

Korɛntə dɔlɔɔ 13:12

Tãi ŋí su kúfa kwaa kâa a zu ponoɔ. Gáa nɔ́ yɛ̂ɛ núu à kɛ̀ sɛŋ da kâai mɛlɛ-mɛlɛ su. Kɛ́lɛ, nâa pôlu ma, kwa pâi mɛni-ŋai kpîŋ kâai yɛ̂ɛ berei díkaa lai. Tãi ŋí su ŋámɛni-kɔlɔŋɔɔi káa nɔ́ a gbua; kɛ́lɛ, tãi ti su ŋa pâi gélee kɔ́lɔnîi yɛ̂ɛ berei máŋ Ɣâla e ŋ́gɔlɔŋ la a ǹɛ́lɛɛi.

Korɛntə veelɛ 7:1

Ŋáwɛli-kɛ-maa-ƃelai, tãi nɔ́ gono-tee-ŋai ŋí káa la kúyêei, kwaa kúkpîŋ maa wáa ku kúla kúkponôi da kúmɔ̂leŋ dísɔnyɔ̂ŋ su, kúkɛ kpɔ́ a kúmaa waa a ǹɛ́lɛɛ Ɣâla ŋɔyao-maai su.

Taitɔ 1:15

Diai dímaa waâi, sɛŋ kélee maa waa díŋɛi, kɛ́lɛ, diai díliƃiɛ̂i laa-la fé díyêei, sɛŋ maa fé waa ní díŋɛi. Díkili-ŋa-siai kpîŋ máŋ líƃiɛ̂i.

Hebreu 10:22

kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

Hebreu 12:14

Ka kɔ́ a gbanaŋɔɔ a gɛɛ lii-sêe é kɛ́ káloai ká núu kélee da maa-waa-laa nyíi à wàla kɛ́ núu yêei va Kúnuu-namui kâai.

Hebreu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ-Mɔleŋ sârai, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere-nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma-Ɣâlai mi.

Zĩi 3:17

Kɛ́lɛ, dárei nyíi a kûla ŋ̀elei sui, mɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tii-lɛlɛ, woo-kɛ-ńâ-feerɛ fé zu, kiri-mɛni fé zu.

Zĩi 4:8

Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋá kɔ́lɛ̂i.

Piɛrə dɔlɔɔ 1:22

Kámɔ̂leŋ maa waâi a dɔ̃yâi maa-woo-mɛniɛi gáa káyêei a gɛɛ tɔ̃yâ-wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

M̀ɛni-lɛɛi 22:4

Da pâi ŋ̀ɛi kâai. Ǹáa a pâi kɛ̂i a bɔ̃yɛɛ dítôŋ lá.