Maafîu 5:7 - Bible

⁷ Lûwa káa diai dîa maloŋ-kaa káa díyêei, kpɛ́ni fêi, da pâi maloŋ-kaa sɔlɔ ƃôi.

Yálá laawoo hɛɓɛ (dc)

⁷ Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

Yálá laawoo hɛɓɛ

⁷ Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

Maafîu 5:7 ပူးပေါင်းရင်းမြစ်များ

Samia Veerɛi 17:28

Dí pà a zãâi ŋí: láa-sãa, sɛŋ-folo-ŋa, wîi, balee, felaƃa, mii-sãa ŋɔŋ da tɔɔŋ.

Samia Veerɛi 22:26

Yâwɛɛ, dîai da tɔ̂ɔ ípôlui, ya tɔ̂ɔ dípôlu, íkɛ tɔ̃yâ-laa mɛni kɛ̀ a dîai da tɔ̃yâ-laa kɛ̀ a yái.

Mąątɛ̨nɛ̨ 112:4

Diai dísɔŋ lɛ̂lɛɛi, díkaa kwaa ponóɔɔ su. Diai da nûa malôŋ kàa, dɔ̃yâ-ƃelai da ǹúu sã́a-ŋai, a nɛ̃ɛ ma kpíni é tóo, dímaa a pâi kɛ̂i a bonóɔɔ.

Mąątɛ̨nɛ̨ 112:9

Ǹyée lá ƃôɔi sɛŋ tɛɛ mɛni ma ǹúui pɔ́ pɔ̂ri mâa fé mìi. Ŋɔmɛni lɛ́lɛɛi káa nɔ́ naa wɔ́lɔ-wɔlɔ da wɔlɔ-wɔlɔ. A pâi kɛ̂i a ŋ̀wála-walaa, nûa díkɛ ŋumɛ mâa tɛ̀ɛ bɔ́.

Mąątɛ̨nɛ̨ 18:25

Óo Yâwɛɛ, ya íteniŋ ƃô laai lɛ́ diai díteniŋ ƃoɔɔ̂i dísarâi. Ya ísɔŋ lɛ̂lɛ laai lɛ diai dísɔŋ lɛ̂lɛɛi dísârai.

Mąątɛ̨nɛ̨ 37:26

Díyee lá ƃoɔɔ̂i nɔ́ nûa perêi a ɣele kélee. Da sãa tɛ̀ɛ dípɔ kpɛ́ni-kpɛni, díkɛ kpa pìli nûa da kpɛ́ni-ŋa dîa. Lûwa káa nɔ́ dílônii dîa.

Hanwon 11:17

Ǹúui a núu malôŋ kàai, a kpɔ̂ŋ gbîŋ ma, kɛ́lɛ ŋwana-lɔ̂ɔ-nuu a mɛni kpɔ̂lu tòli gbîŋ ma.

Hanwon 11:25

Ƃɛlɛ-see kɛ́-nuu a ƃɛlɛ-see támaa sɔlɔ ƃô. Ǹúui a kpɔ̂ŋ núu mai, a kpɔŋ-maa sɔlɔ ƃô.

Hanwon 14:21

Ƃa íŋɛi nàɣiŋ íkɔlɛ-maa-nuui mɛi, gɛ̀ ní ƃa sɔnyɔ̂ŋ kɛ́. Lûwa káa ǹúui ma a kôlo-nuu malôŋ kâai.

Hanwon 19:17

Ƃà kôlo-nuu malôŋ kàa, ƃa kpa pili Ɣâla Yâwɛɛ ma, ǹyaŋ Ɣâla Yâwɛɛ a pâi íkpai kulâi.

Azaya 57:1

Ǹúu sɔŋ lɛ́lɛɛ-ŋai da sâa, kɛ́lɛ núu da fa târe m̀aa mɛ̂ni-ŋai su, kpaa máŋ nûa díkɛ a díkpaaŋɔɔ m̀ɛni ma. Da sàa, da kûla m̀ɛni kpɔ̂lu-ŋai su.

Danîa 4:27

Mɛni ma, óo Gâloŋ, kpera yɛ̂ íwoli tɔ́ɔ ǹia-wooi ma ŋa pâi dɛɛ̂i ípɔi. Íyee kúla sɔnyɔ̂ŋ su í tûa a teniŋ ƃô-pere. Íyee kula ŋwana-lɔɔ su í ǹúu doo-mu-ŋai malôŋ káa. Ya gɛ̀ tí, tãi da zãâi ǹɛ̂lɛɛi í dísɔlɔ ƃôi ya pâi kɛ̂i nɔ́ dísɔlɔ ƃôi.”

Osia 1:6

Gomɛ è ŋɔ́nɔ koo sîɣe é lóŋ-nɛni maa sɔlɔ ƃó. Yâwɛɛ è mò Osia ma ǹyɛɛi, “Ǹáa sée a Loluama, kpɛ́ni fêi, fé pâi ŋɔ́nɔ Eezuɛ ŋɔpɛ́rɛi malôŋ kâai a gɛɛ ŋá dí su-mɛni lɛɛ.

Osia 2:1

M̀ɛni ma íƃarâ Eezuɛ-ŋai tóli a “Ɣâla ŋɔnûai nyii a dímalôŋ kaai.”

Osia 2:23

Ŋa pâi ŋánûai seêi kɛ̂i ma ǹɔii su dí ƃûu ƃó naa. Ŋa pâi Loluama malôŋ kâai, ŋá m̀ó Loaŋmi ma, ká káa a ŋánûa, gɛ̀ ní da pâi m̀ôi dîyɛɛ íkaa a Kúɣâla.”

Mise 6:8

Kpào, Yâwɛɛ a m̀ɛni lɛ́lɛɛ-ŋai lɛ́ kûa nyii a ŋ̀wɛ̂lii kú gɛi. M̀ɛnii a ŋ̀wɛ̂lii kúyêei ǹyaa ká ŋí: Kú tɔ̃yâ mɛni kɛ́, kú núu malôŋ káa a tãi kélee, kú kúmaa yéŋ Ɣâla ŋɛ́i woo mɛni su.

Markə 11:25

Kà kɛ̀ Ɣâla fɛlîi, núu da kélee sɔŋ à kɛ̀ kâa, kà maa nuui su-mɛni lɛɛ, a gɛ́ɛ Kánâŋ máŋ gáa ŋ̀elei sui, é kásu mɛni lɛɛ zɔnyɔ̂ŋ-ŋai ka gɛ́i mɛni ma. [

Lukə 6:35

Kɛ́lɛ, ka kákpɔara-ƃelai wɛli, ka mɛni lɛ́lɛɛ kɛ́ a dîa, ka kpa pìli dîa diai kákili fé dîa a gɛɛ dí deêi, gɛ̀ ní, káfela-fei a pâi kɛ̂i a gɛ́tɛ, ka pâi kɛ̂i a Ǹúui Gɛ́tɛi lonii, kpɛ́ni fêi, zɔŋ lɛ́lɛɛ̂i kpîŋ ǹûai dîa sɛɣɛi-fei fe díyêei bɛlɛɛ zɔnyɔ̂ŋ-ƃelai dîa.

Lomaŋ 11:30

Yɛ̂ɛ berei nɔ́ káfe kɛ́ ni Ɣâla wóo mɛnii la, kɛ́lɛ, ka maloŋ-kaa sɔlɔ ƃo ǹyêei Zûu-ŋai Díɣâla wóo piliɛɛ̂i sârai,

Korɛntə dɔlɔɔ 7:25

Káai a gòyaŋ-ŋai, mɛni da fe ńa ŋá m̀ó káa é kúla Kúnuu-namui lá, kɛ́lɛ, ŋa ŋ́gbîŋ-tarei lɛ̂i káa yɛ̂ɛ ǹúui zã́âi Kúnuu-namui ŋɔmaloŋ-kaai sui.

Korɛntə veelɛ 4:1

Mɛni ma tãi nɔ́ díi ŋí káa la kúyêei Ɣâla ŋɔmaloŋ-kaai sui, kúfii fe kpɛ̀ɛ.

Ifisiɛŋ 4:32

Sɔŋ-lɛlɛ da lii-lɛlɛ dí kɛ́ káyêei kákîe-ni mɛni ma. Ka kákîe-ni su-mɛni lɛɛ nɔ́ yɛ̂ɛ berei Ɣâla e kasu-mɛni lɛɛ la Kôrai sârai.

Kolosə 3:12

Káa ƃa ǹûai Ɣâla a kálɛ, a kámaa waa a káwɛli. Mɛni ma, maloŋ-kaa é kɛ́ káyêei, sɔŋ-lɛlɛ, maa-yeŋ, lii-lɛlɛ, da lii-kpele.

Timote dɔlɔɔ 1:13

Berei máŋ ŋá wɔ́lɔ tɛ-ŋa-woo ƃò la é pîlaŋ mà ŋá gbɔara ŋá ŋ̀ɛ́i falai, kɛ́lɛ, ŋá maloŋ-kaa sɔlɔ ƃô ńyêei, kpɛ́ni fêi, mɛni-ŋai ŋa kɛ̀ gɛ̂i, fé kɛ́ ni a gɔ́lɔŋɔɔ. Laa-la fé kɛ́ ni ńyêei.

Timote dɔlɔɔ 1:16

kɛ́lɛ, ŋá maloŋ-kaa sɔlɔ ƃô ǹyêei sâpoi ŋí mɛni ma, a gɛ́ɛ Zîsɛ Kôrai é ŋɔlii-kpele maa waai lɛ́ ŋ́gbonôi a gɛ́ɛ é kɛ́ a mɛni-kɔɔŋ-maa diai mɛni ma kɛ̀ pâi lâai la wɔlɔ-wɔlɔ fulu-laa mɛni mai.

Hebreu 4:16

Mɛni ma kwaa lɛ́ɣɛ ƃɛlɛ-sêe see-sɛŋ kɔlɛ a laa-la a gɛɛ kú maloŋ kâa sɔlɔ ƃó kú ƃɛlɛ-sêe káa kpɔŋ maa mɛni ma tãi kwa kpɔŋ maa wɛ̀li lai.

Hebreu 6:10

Ɣâla fé fíli ní a gɛ́ɛ a pɔ̂ri ŋ̀ɛ́i naŋînii kátii mɛi da káwɛli-kɛ-maai ká ǹɛ zarâi a tíi-kɛɛ Ŋ̀âla-ƃelai diɛ yɛ̂ɛ berei ka niî gɛ̂i lai.

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi yále.

Zĩi 3:17

Kɛ́lɛ, dárei nyíi a kûla ŋ̀elei sui, mɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tii-lɛlɛ, woo-kɛ-ńâ-feerɛ fé zu, kiri-mɛni fé zu.

Piɛrə dɔlɔɔ 2:10

Tãi da káfe kɛ́ ní a nûa, kɛ́lɛ, ká nâa kɛ́ a Ɣâla ŋɔnûa. Tãi da káfe niî kɛ̀ maloŋ-kaa sɔlɔ ƃo ni. Kɛ́lɛ, ká nâa maloŋ-kaa sɔlɔ ƃó.