Maafîu 5:18 - Bible

¹⁸ Ŋá m̀ôi kâa a tɔ̃yâ, tãi nɔ́ ŋelei da ǹɔii dí káa nîi la naai, dɔ̂ŋ gbùa tɔ̂nɔ kpîŋ fé pâi kulâi m̀a é lɛ́ɛ la zu mɛni-ŋai kélee ŋa-see é kɛ́.

Yálá laawoo hɛɓɛ (dc)

¹⁸ Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Yálá laawoo hɛɓɛ

¹⁸ Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Maafîu 5:18 ပူးပေါင်းရင်းမြစ်များ

Mąątɛ̨nɛ̨ 102:26

Da pâi tɛɛ̂i kɛ́lɛ íkaa nɔ́ naa. Dílɛlɛ-ŋɛi a pâi kpɛɛ̂i dîa yɛ̂ɛ seɣe í dífala-fala, dí láŋ núu-kpune ŋɛ́i.

Mąątɛ̨nɛ̨ 111:8

Díkaa a tɔ̃yâ da teniŋ ƃô mɛni-ŋa. Dímaa fa wɔ́lɔ fàleŋ.

Mąątɛ̨nɛ̨ 119:152

Ŋa wɔ́lɔ ítɔ̂ŋ-ŋai maa kɔ́ri, í gɛ́ díkɛ ƃò naa wɔ́lɔ.

Azaya 40:8

Kala a kpâla, wúru-poa kɛ́ fɔ̃ya, kɛ́lɛ Ɣâla ŋɔwóoi káa nɔ́ dɔɔ̂i wɔ́lɔ-wɔlɔ.”

Azaya 44:26

Kɛ́lɛ ŋ̀orɛ̂-woo-ŋai ŋá dɛ̀ɛ a ŋákela-ŋai, díŋaa-see a kɛ́ tí-ti ƃo. M̀ɛni-ŋai kélee ŋá gbɛtɛ a gɛ́ɛ ŋá gɛ̂i, gélee ŋaa-see è kɛ̀. Ŋá m̀o a gɛ́ɛ Zerusâlɛŋ taa-leei da Zuda taa-leei-ŋai da pâi tɔɔ̂i ŋɔ́nɔ pôlu, ǹaa láa é fɛ́ɛ a núu-kpune. Ŋa pâi gɛ̂i daa-lêe-ŋai ŋí dí kɛ́ yɛ̂ɛ berei dí kɛ̀ la a bɔlɔi.

Azaya 51:6

Ka káŋɛi tɛ́ ɣelêi, ká ŋ̀elei su káa, ka ǹɔii ma káa. Ŋ̀elei su sãai kélee da pâi da pâi lánîi yɛ̂ɛ luri. Ǹɔii a pâi pɔlɔ̂i yɛ̂ɛ seɣe, zu-ƃela kélee dí sáa yɛ̂ɛ koôŋ-sãa. Kɛ́lɛ ŋáŋuŋ ma ƃô-laai káa ǹaa núu kélee mɛni ma wɔ́lɔ-wɔlɔ da wɔlɔ-wɔlɔ.

Maafîu 10:15

Ŋá tɔ̃yâ ƃôi kâa, m̀aa taai tí ŋɔsɔnyɔ̂ŋ a pâi kɛ̂i a dɛ́ɛ Sodɔŋ da Gomora lɔii ŋɔi ma a mɛni-ŋa-tee-tãi.

Maafîu 10:23

A kɛ̀ da kákpɔ̀ara taa kɛ́tɛi tɔnɔ su, ká kula naa ká lí da kpɛni su. Ŋa tɔ̃yâ ƃôi kâa, káfe pâi serîi Eezuɛ-taa-ŋai kélee su é lɛ́ɛ la zu Núu-kpune Ǹóŋ é pá.

Maafîu 10:42

Ǹyaŋ ǹúui kélee a ya-laɣi-kɔpu tɔnɔ kpîŋ tɛ̀ɛ ǹîa-pɛlɛɛi ŋí dɔnɔ pɔ a gɛɛ é gbèle, kpɛ́ni fêi, gáa a ŋápôlu-nuui, tɔ̃yâ ma, ŋá m̀ó kâa, maa-nuui tí fé pâi ŋɔfela-féi lánîi a dɔnɔ kpîŋ.”

Maafîu 11:11

“Ŋá tɔ̃yâ ƃôi kâa, diai kélee nɛyâa dí dísɔlɔ ƃôi, da fé kɛ́tɛ ní é tɛ́ɛ Batâi-kɛ-nuui Zɔ̂ŋ ma. É máŋ kɛ́ tí Ŋ̀âla-taa kâloŋ-laai su-ƃelai guro-te-ɣelei kɛ̂tɛi é tɛ́ɛ mà.

Maafîu 13:17

Kpɛ́ni fêi, ŋá m̀ôi kâa a tɔ̃yâ a gɛɛ Ɣâla ŋɔlóno-kɛ-ƃela támaa da tɔ̃yâ-ƃela támaa dí kɛ̀ ŋ̀wɛ̂lii dí mɛni-ŋai káa ka gáâi, kɛ́lɛ, dífe gáa ni. Dí mɛni-ŋai mɛni ka mɛnîi, kɛ́lɛ, dífe mɛni ni.

Maafîu 16:28

Tɔ̃yâ ma, ŋá m̀ó kâa, núu da-ni díkaa tɔɔ ni ƃɛ dífe pâi saâi fɛ̂ɛ dí núu-kpune Ǹóŋ káa pâi ŋɔkâloŋ-laai su.”

Maafîu 17:20

È mò dîa, ǹyɛɛi, “Kpɛ́ni fêi, kálaa-lai kuro-têi. Ŋá tɔ̃yâ ƃoi kâa, à kɛ̀ kálaa-lai kɛ́tɛ̂i máŋ yɛ̂ɛ mɛsɛ-kao, ka pâi m̀ôi ǹyéei ŋi ma, ‘Kula ƃɛ í lí manaa-pere,’ ǹyaŋ a pâi kulâi naa. Mɛni kélee bɔri a pâi kɛ̂i kâa. [

Maafîu 18:18

“Ŋá tɔ̃yâ ƃói kâa, sɛŋ kélee ka ŋìri ŋ̀éniɛi ŋí sui, a pâi kɛ̀i a ŋiriɛɛ Ɣâla-taa. Sɛŋ kélee ka vùloŋ ŋ̀éniɛi ŋí sui, a pâi kɛ̀i a vúloŋɔɔ Ɣâla-taa.

Maafîu 18:3

é m̀ó, ǹyɛɛi, “Ŋa tɔ̃yâ ƃôi kâa, fɛ̂ɛ ka pene pôlu ká kɛ́ yɛ̂ɛ nîa-pɛlɛɛ. À wàla kɛ́ tí, káfe pâi wɔlɔ lɔ̂i Ŋ̀âla-taa kâloŋ-laai su.

Maafîu 19:23

Nya ƃe Zîsɛ è mò ŋɔpôlu-ƃelai dîa, ǹyɛɛi, “Ŋa tɔ̃yâ ƃoi kâa, gbanaŋɔɔ̂i a gɛɛ tɔɔ-nuu é lí Ŋ̀âla-taa kâloŋ-laai su.

Maafîu 19:28

Nya ƃe Zîsɛ è mò dîa, ǹyɛɛi, “Ŋa tɔ̃yâ ƃoi kâa, tãi núu-kpune Ǹóŋ a pâi seêi la gâloŋ-see-sɛŋ ŋá ŋɔfólo-laai su, vulu-laa ninai sui, káai ka kákaa ḿbôlui, káa máŋ ka pâi seêi kâloŋ-see-sɛŋ puu kao feerɛ ŋá, kakɛ Eezuɛ-ŋai dísuu puu kao féerɛi dímɛni ŋá tee.

Maafîu 21:21

Nya ƃe Zîsɛ è díwoo su tòo, ǹyɛɛ diai, “Ŋa tɔ̃yâ ƃoi kâa, à kɛ̀ laa-la káa káyêei, káfa sîa tòo, káfe pâi nɔ m̀ɛnii kɛ̂i nyii kɛ̀ a fîi-wurii, kɛ́lɛ, à kɛ̀ máŋ kà mò ǹyéei ŋí ma, ‘Ímu siɣe í píli ǹyái su,’ a pâi kɛ̂i ti.

Maafîu 21:31

Ǹúu feerɛi ŋí, nênɛ ƃe ǹâŋ ǹîa-mɛni kɛ̀i?” Dí mò mà dîyɛɛi, “Duɛ-tuɛi.” Nya ƃe Zîsɛ è mò dîa, ǹyɛɛi, “Ŋa tɔ̃yâ ƃoi kâa a gɛɛ ŋuŋ-fela-fei kula-ƃelai da ŋ̀ulu-wulu-nɛyaai da pâi liî Ɣâla ŋɔkâloŋ-laai sú kátuɛ.

Maafîu 23:36

Ŋa tɔ̃yâ ƃoi kâa, mɛni-ŋai ŋí kélee da pâi pâi ŋ̀éniɛi ŋí su-ƃelai pɔ.

Maafîu 24:2

Kɛ́lɛ, è díwoo su tòo, ǹyɛɛ diai, “Káfe zãâi ŋí kélee kâai? Ŋa tɔ̃yâ ƃoi kâa, kɔni tɔnɔ kpîŋ fé pâi lɛɛ̂i ƃɛ gîe mɛi. Da pâi díkelee dí toôi ǹɔii ma.”

Maafîu 24:47

Ŋa tɔ̃yâ ƃoi kâa, a gɛɛ a pâi zeêi gɔ̃liŋ kélee mɛi.

Maafîu 25:12

Kɛ́lɛ, è díwoo su tòo, ǹyɛɛi, ‘Ŋa tɔ̃yâ ƃoi kâa, fé kákɔlɔŋ.’ ”

Maafîu 25:40

Ǹyaŋ gâloŋ a pâi díwoo su toôi, ǹyɛɛ diai, ‘Ŋa tɔ̃yâ ƃoi kâa, yɛ̂ɛ berei máŋ ká gɛ̀ la ŋáwɛli-kɛ-maa-ƃelai ŋí guro-têi mìi, ká gɛ̀ mî.’

Maafîu 25:45

Gɛ̀ ní, a pâi díwoo su toôi, ǹyɛɛ diai, ‘Ŋa tɔ̃yâ ƃoi kâa, yɛ̂ɛ berei máŋ káfe gɛ̀ ní la ŋáwɛli-kɛ-maa-ƃelai ŋí guro-têi mìi, káfe gɛ̀ ní mî.’

Maafîu 5:26

Ŋa m̀ôi yâ a tɔ̃yâ, pere kélee da fé pâi kɛ̂i naa a gɛɛ í kúla naa, fɛ̂ɛ zɛŋ-kaoi díkɛ̀ í gɔ̀lɛi, í gélee kɔ́lɛ.

Maafîu 6:16

“Kà kɛ̀ pilîi suŋ su, káfe káŋɛi ɣiri yɛ̂ɛ giri-ƃelai, kpɛ́ni fêi, da díŋɛi maa yiki a gɛɛ nûa dí gɔlɔŋ díkaa suŋ su. Ŋa tɔ̃yâ ƃôi kâa, da dífela-fei sɔlɔ ƃô.

Maafîu 6:2

“Mɛni ma, yà kɛ̀ sama-sɛŋ tɛɛ̂i, ífe m̀aa tûŋ too yɛ̂ɛ berei giri-ƃelai da gɛ̀ la Ŋ̀âla-fɛli-kêre-ŋai mu da bere-ŋai su, a gɛɛ núu-kpune é dílaa maa tɛi. Ŋa m̀ôi kâa a tɔ̃yâ a gɛɛ, da dífela-fei sɔlɔ ƃô.

Maafîu 8:10

Tãi Zîsɛ è nyiŋi mɛ̀ni lai, ǹá è kpàla mà, é mó diai dîa pîlaŋ bôlui, ǹyɛɛi, “Tɔɔ ŋátɔ̃yâ ƃó kâa, fé niî laa-la kɛ́ɛ ŋí kaa ní Eezuɛ.

Markə 10:15

Tɔ̃yâ ma, ŋá m̀ó kâa, ǹúui va ǹyée sèe Ɣâla ŋɔkâloŋ-laai mu yɛ̂ɛ lôloŋ, va li naa.”

Markə 10:29

Zîsɛ ǹyɛɛ dîai, “Tɔ̃yâ ma, ŋá m̀ó kâa, núu da à bôlu fè ŋɔpɛ́rɛi ma, kpaa máŋ ǹîa-ní, ǹéɣe-ní, ǹee, ǹâŋ, ǹônii, da ŋɔlɔii ma ḿaa mɛni ma da Duŋ Lɛ́lɛɛi,

Markə 11:23

Tɔ̃yâ ma, ŋá m̀ó kâa, à kɛ̀ núu da à mò ǹyéei ŋí ma, ‘Ímu síɣe í píli ǹyái su,’ à wàla sîa too ǹíi su, kɛ́lɛ, à làa la a gɛ́ɛ m̀ɛnii a m̀ôi a pâi kɛ̂i, gɛ̀ ní, a pâi kɛ̂i m̀ɛni ma.

Markə 12:43

Nya ƃe è ŋɔpôlu-ƃelai tòli é m̀ó dîa, ǹyɛɛi, “Tɔ̃yâ ma, ŋá mó kâa, gôlo pɔɔ-nɛnii ŋí è sɛŋ-kâo támaa tòo zama-sɛ̂ŋ soŋ gãlai su é tɛ́ɛ ǹúui gbeli-ŋai kélee dîa.

Markə 13:30

Tɔ̃yâ ma, ŋá m̀ó kâa, diai ɣele ma lónii mai da fé pâi saâi é lɛ́ɛ la zu mɛni-ŋai ŋí kélee dí kɛ́.

Markə 14:18

Díkɛɛ kɛ̀ seêni díkɛ dílaa mii, Zîsɛ ǹyɛɛ dîa, “Tɔ̃yâ ma, ŋá m̀ó kâa, káai ŋí kwa kâa-ní kwa kúlaa miî, kátɔnɔ a pâi kulâi ḿbôlu.”

Markə 14:25

Tɔ̃yâ ma, ŋá m̀ó kâa, fé pâi ŋɔ́nɔ gbɔmɔ-ƃa yai ŋí da kpelêi, é lɛ́ɛ la zu ŋ̀elei tí é seri, ŋ̀elei ŋa pâi gbelêi la a nína, Ɣâla ŋɔkâloŋ-laai sui.”

Markə 14:30

Zîsɛ è m̀o mà, “Tɔ̃yâ ma, ŋá m̀ó yâ, sâa kpini ŋí su ya pâi ḿaa sia too la kɛ̂i saaƃa a gɛ́ɛ ífe ŋ́ɔlɔŋ, dɛ́ɛ-sîrɛi é lɛ́ɛ ŋ̀óo pili la kɛ̂i feerɛ.”

Markə 14:9

Tɔ̃yâ ma, ŋá m̀ó kâa, ǹɔii kélee su da pâi Duŋ Lɛ́lɛɛi ƃôi naai, mɛnii ŋí máŋ ǹɛnîi è gɛ̀i da pâi lônoi é pîlaŋ ma a gɛ́ɛ gíli é lɛ́ɛ nûa ŋá.”

Markə 3:28

“Tɔ̃yâ ma, ŋá m̀ó kâa, zɔnyɔ̂ŋ-ŋai kélee núu-kpune a gɛ̀i kpaa máŋ dɛ-ŋɛi-ŋai zu-mɛni a pɔ̂ri lɛɛ̂i m̀ɛni mà.

Markə 6:11

Kà lì kwaa da ma ɣâla-woo ƃôi da wàla díyee sée kámu, kpaa máŋ dí díwoli tɔ́ɔ kâa, ka kúla maa kwaai ma. Kà kɛ̀ kulâi naai, ka muluŋ kpɛ́mɛŋ kákɔɔ ŋá. Muluŋ ƃé pâi kɛ̂i a kásêre.”

Markə 8:12

Nya ƃe è Ǹɛ̃wo tòo a zu kôya, é dímarê kɛ́, ǹyɛɛ dîai, “Lé mɛni ƃé ŋ̀éniɛi ŋí su-ƃelai da ŋɛi-kɛ-maa kɔ́rîi laai? Tɔ̃yâ ma, ŋá m̀ó kâa, fé pâi wɔ́lɔ ŋɛi-kɛ-maa da kélee tɛɛ̂i ŋ̀éniɛi ŋí su-ƃelai pɔ́.”

Markə 9:1

Nya ƃe è m̀o dîa, ǹyɛɛi, “Tɔ̃yâ ma, ŋá m̀ó kâa, núu da-ni díkaa tɔɔ ní ƃɛ́, dífe pâi saâi dí lɛ́ɛ la zu dí Ɣâla ŋɔkâloŋ-laai káa é pá, wála-wala-laa kɛ́ ƃò bôlu.”

Markə 9:41

Tɔ̃yâ ma, ŋá m̀ó kâa, ǹúui a ya kɔ̂ɛɛ tɛɛ kápɔ, kpɛ́ni fêi, Kôrai láai káa kâai, m̀aa nuui fé pâi wɔ́lɔ ŋɔfela-fei lánîi.

Lukə 11:51

É kúla Ebɛɛ ŋãai ma e li Zɛkɛraya ŋãai ma nyii dí bàa zâla-sɛŋ kérenîi da Ŋ̀âla-pɛrɛ díloai. Tɔ̃yâ ma, ŋá m̀ó kâa, gélee a pâi lɛɛ̂i ŋ̀éniɛi ŋi su-ƃelai dîa.

Lukə 12:37

Lûwa káa ǹyée-mu-ƃelai ti dîa diai dínâmu à pà pôlu, a pâi díkaâi a díŋɛi. Tɔ̃yâ ma, ŋá m̀ó kâa, a pâi ŋɔseɣe kôyai kpíninîi ǹeŋêi, e gɛ dísee teƃele ma, e pa e mii-sɛŋ tɛɛ dípɔ.

Lukə 13:35

Gáa, ípɛrɛi a nâa lɛɛ íyeêi a volo! Kɛ́lɛ, ŋá m̀ó yâ, ífe pâi ŋ́gaâi e lɛɛ la zu tãi e seri, íkɛ mo, ‘Lûwa káa ǹúui ma nyii pâi Kúnuu-namui láai sui!’ ”

Lukə 16:17

Kɛ́lɛ, nàa fii kpɛɛ̂i a gɛɛ ŋelei da ǹɔii dí kpɛɛ é tɛ́ɛ la dɔ̂ŋ-kɔlɔi ŋɔwóoi gbua tɔnɔ kpîŋ toɔɔ pôlu ma.

Lukə 18:17

Tɔ̃yâ ma, ŋá m̀ó kâa, ǹúui va ǹyée sèe Ɣâla ŋɔkâloŋ laai mu yɛ̂ɛ lóloŋ, va li naa.”

Lukə 18:29

Nya ƃe e mò dîa, ǹyɛɛi, “Tɔ̃yâ ma, ŋá m̀ó kâa, núu da fé niî ŋɔpɛ́rɛ lɛɛ ni, kpaa ŋɔnɛnî, kpaa ŋɔlee-kaa-sinaâi, kpaa ǹâŋ da ǹee, kpaa máŋ ŋɔnîa-pɛlɛɛi, Ɣâla ŋɔkâloŋ-laai mɛni ma,

Lukə 23:43

E mò ma, ǹyɛɛi, “Tɔ̃yâ ma, ŋá m̀ó yâ, sâa kwa ya kwa pâi kɛ̂i Paredai.”

Lukə 4:24

Kɛ́lɛ, e mò, ǹyɛɛi, “Tɔ̃yâ ma, ŋá m̀ó kâa, Ɣâla ŋɔlóno-kɛ-nuu da kélee fé naa ƃâa e kɛ́ mà gbɔɔ̂i-lɔii su.

Ɉaan 1:51

E mò ŋɔ́nɔ ma, ǹyɛɛi, “Tɔ̃yâ kpíŋ, ŋá m̀ó kâa, ka pâi ŋelei su kâai ńâ ƃoɔ, Ɣâla ŋɔkéla-ŋai díkɛ tɛ díkɛ yeŋ núu-kpune Ǹóŋ ma.”

Ɉaan 10:1

“Tɔ̃yâ kpîŋ, ŋá m̀ó kâa, ǹúui nyii va lɔ̂ m̀ála-koraŋ su ǹá-ƃerei-perei, kɛ́lɛ, é tɛ́ é pîlaŋ zu berei da kpɛ́ni sui, maa-nûui tí káa a ŋúma-nuu da sɛŋ-kula-yêei kɛ́-nuu.

Ɉaan 10:7

Nya ƃe Zîsɛ e ŋɔ́nɔ mò dîa, ǹyɛɛi, “Tɔ̃yâ kpîŋ, ŋá m̀ó kâa, ńyãa ƃe ŋ́gaa m̀ála-ŋai díkóraŋ lá.

Ɉaan 12:24

Tɔ̃yâ kpîŋ, ŋá m̀ó kâa, sí-sɛŋ-kao à là too lɔii ma é sáa, a lɛ̂ɛ ǹyaa tɔnɔ, kɛ́lɛ, à sàa, a ƃâ a dámaa.

Ɉaan 13:16

Tɔ̃yâ kpîŋ, ŋá m̀ó kâa, yée-mu-nuu fe tɛɛ ni ŋɔnuu-namui ma; kpaa máŋ ǹúui da dɛɛi dɛɛ ŋɔtɛɛ-nuui ma.

Ɉaan 13:38

Zîsɛ e ŋ̀óo su tòo, ǹyɛɛ mai, “Ya pâi ífulu-laai lâai ḿɛni ma? Tɔ̃yâ kpîŋ, ŋá m̀ó yâ, dɛ́ɛ-sîrɛi fe pâi ŋ̀óo pilîi, fɛ̂ɛ ya ḿaa-sia too saaƃa.

Ɉaan 14:12

Tɔ̃yâ kpîŋ, ŋá m̀ó kâa, ǹúui a láa a ńyãai a pâi díi-ŋai kɛ̂i ŋa gɛ̂i; tíi kpaya-kpaya-ŋa tɛɛ nyiŋi ma a pâi gɛ̂i, kpɛ́ni fêi, ŋa liî Nàŋ-nuui pɔ-naa.

Ɉaan 16:20

Tɔ̃yâ kpîŋ, ŋá m̀ó kâa, ka pâi gbeɣêi toôi. Kɛ́lɛ, ǹɔii a pâi lii-nɛ̃ɛ kulâi, malôŋ a pâi toôi kâa. Kɛ́lɛ, kámaloŋ-too-maai a pâi penêi a lii-nɛ̃ɛ.

Ɉaan 16:23

Maa-ɣelei ti káfe pâi mare-kɛɛ da kélee kɛ̂i mâ. Tɔ̃yâ kpîŋ, ŋá m̀ó kâa, à kɛ̀ kà sɛŋ da kélee maa-mâre-kɛɛ kɛ̀ Nàŋ-nuui ma, a pâi dɛɛ̂i kápɔ ńaâi su.

Ɉaan 21:18

Tɔ̃yâ kpîŋ, ŋa m̀ó yâ, tãi í kɛ̀ a lôloŋ í seɣe tôo yâ, í sía ƃɛ́i í ŋ̀wɛli; kɛ́lɛ, tãi yà pɔ̀lɔ lai, ya pâi íyee tɛ̂i ɣelêi. Núu da kpɛ́ni a pâi seɣe toôi yâ é lí a yá ƃɛi ífe ŋ̀wɛ̂lii í lí naai.”

Ɉaan 3:11

Tɔ̃yâ kpîŋ, ŋá m̀ó yâ, mɛnii kwa lônoi mai ku gɔlɔŋ, kúkɛ nyii maa-sêre-faa kɛ̀ kwa gáai, kɛ́lɛ, káfe faâi kúsêre-wooi ma.

Ɉaan 3:3

Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a nina, à wàla kɛ́ ti, va pɔ̂ri Ɣâla ŋɔkâloŋ-laai kâai.”

Ɉaan 3:5

Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a ǹyái da Mɔleŋ, à wàla kɛ́ ti, va pɔ̂ri liî Ɣâla ŋɔkâloŋ-laai su.

Ɉaan 5:19

Zîsɛ e mò dîa, ǹyɛɛi, “Tɔ̃yâ kpîŋ, ŋá m̀ó kâa, Nòŋ-nuui fa mɛni da kélee kɛ̀ a gbɔɔ̂i-woo, fɛ̂ɛ, nyii nɔ a Nàŋ-nuui kàa gɛ́ gɛ̀i, kpɛ́ni fêi, mɛni nyii kélee a gɛ̀i, nyíti ƃe Ǹóŋ ǹyaa máŋ a gɛ̀.

Ɉaan 6:26

Zîsɛ e díwoo su tòo, ǹyɛɛi, “Tɔ̃yâ kpîŋ, ŋá m̀ó kâa, káfe ŋ́gɔrîi ŋɛi-kɛ-maa-ŋai ka gàai mɛni ma. Kɛ́lɛ, gbóloi ka mìi ka-pelâi mɛni ƃe.

Ɉaan 6:32

Nya ƃe Zîsɛ e mò dîa, ǹyɛɛi, “Tɔ̃yâ kpîŋ, ŋá m̀ó kâa, ve kɛ́ ni a Mose nyii gbóloi tɛ̀ɛ kápɔ é kúla Ɣâla-taa; Ńâŋ a dɔ̃yâ-kpoloi tɛ̀ɛ kápɔ é kúla Ɣâla-taa.

Ɉaan 6:47

Tɔ̃yâ kpîŋ, ŋá m̀ó kâa, ǹúui à lâa lai, ŋ̀wɔ́lɔ-wɔlɔ fulu-laai káa ǹyêei.

Ɉaan 6:53

Nya ƃe Zîsɛ e mò dîa, ǹyɛɛi, “Tɔ̃yâ kpîŋ, ŋá m̀ó kâa, fɛ̂ɛ nɔ ka núu-kpune Ǹóŋ ǹúu mii ka ŋɔŋãai kpele, à wàla kɛ́ tí, fúlu-laa fé kákponôi.

Ɉaan 8:34

Zîsɛ e díwoo su tòo, ǹyɛɛi, “Tɔ̃yâ kpîŋ, ŋá m̀ó kâa, núu nyii kélee a sɔnyɔ̂ŋ kɛ̀i, gáa a sɔnyɔ̂ŋ ŋɔluɛ.

Ɉaan 8:51

Tɔ̃yâ kpîŋ, ŋá m̀ó kâa, à kɛ̀ núu da kélee à ŋ́ooi laai kɛ̀, ve pâi wɔ́lɔ saâi.”

Ɉaan 8:58

Zîsɛ e mò dîa, ǹyɛɛi, “Tɔ̃yâ kpîŋ, ŋá m̀ó kâa, Eberaɣɛ̃ɛ é lɛ́ɛ pâi kɛ̀i, ŋá kɛ̀.”

Piɛrə dɔlɔɔ 1:25

Kɛ́lɛ, Kúnuu-namui wóo káa nɔ́ naa wɔ́lɔ-wɔlɔ.” Ǹyaŋ maa-wooi ƃa Duŋ Lɛ́lɛɛi nyíi dí mò kâai.

M̀ɛni-lɛɛi 20:11

Ǹaa pôlu mà, ŋá kâloŋ-see-sɛŋ kole kɛ́tɛ kâa da ǹúui kɛ̀ see ni ŋái. Ǹɔii da ŋ̀elei dí tɛ̀ɛ a maa félaa dísiɣe ŋ̀ɛi-tuɛ. Kwaa-maa fé kɛ́ ni naa a gɛɛ dí li naa.