Maafîu 5:16 - Bible

¹⁶ Tɔɔ kákwaa-ponoɔi é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.

Yálá laawoo hɛɓɛ (dc)

¹⁶ Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Yálá laawoo hɛɓɛ

¹⁶ Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Maafîu 5:16 ပူးပေါင်းရင်းမြစ်များ

Lɛɛ gbɔwɔ ɓa 34:35

Eezuɛ-ŋai dí Mose ŋɛ́i kàa gɛ́ fòlo. Mose è ŋ̀ɛ́i mɛi pɛlɛ ŋɔ́nɔ a zeɣei é lɛ́ɛ la zu é lí Yâwɛɛ ŋɛ́i-tuɛ a gɛɛ é lóno bɔ́.

Hanwon 4:18

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ.

Azaya 58:8

“Kà gɛ̀ tí, gɛ̀ ní, ŋákwaa ponoɔɔi a pâi kámaa ponôi, kásɛŋ sôli-maa-ŋai ŋáa é yéŋ. Ŋa pâi kɛ̂i kákɔlɛ a ɣele kélee a gɛ́ɛ ŋá káŋuŋ ma ƃó. Ŋà kɛ̀ kákɔlɛ, kpéŋ fé pâi ɣâlei ká tà ma.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi gɛ̂i nûa díkɛ dílaa ma yɛ̂ɛ núu a yokpo tòo ma. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Maafîu 23:5

Da dítii-ŋai kélee kɛ̀ a gɛɛ nûa dí díkaa. Da Díɣâla-fɛli ɣɛli-ŋai kɛ́ a méla-ŋa kɛ́tɛ díŋiri díŋuŋ-mâ da díyee-mâ a tɛ̀ɛ ŋàa. Dí díyokpo-ŋai maa ɣiri-sãai kɛ́ ƃò a gbaya-kpaya.

Maafîu 23:9

Káfe núu da tòli a kánâŋ ǹɔii ma ƃɛ, kpɛ́ni fêi, Kánâŋ káa nɔ́ tɔnɔ nyii gáa Ɣâla-taai.

Maafîu 5:45

a gɛɛ kákɛ a Kánâŋ nyii gáa Ɣâla-taai ǹônii. Kpɛ́ni fêi, a voloi kɛ̀ é tóo sɔnyɔ̂ŋ-ƃela da tɔ̃yâ-ƃela dîa. É dunai tɛ́ɛ dɔ̃yâ-ƃelai da ŋwôya-ƃelai dîɛ.

Maafîu 6:16

“Kà kɛ̀ pilîi suŋ su, káfe káŋɛi ɣiri yɛ̂ɛ giri-ƃelai, kpɛ́ni fêi, da díŋɛi maa yiki a gɛɛ nûa dí gɔlɔŋ díkaa suŋ su. Ŋa tɔ̃yâ ƃôi kâa, da dífela-fei sɔlɔ ƃô.

Maafîu 6:9

Mɛni ma, ka Ɣâla fɛli a bere-sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa.

Maafîu 9:8

Tãi gbɔŋ è nàa kàa lai, ǹûai dí yào, díkɛ Ɣâla ŋɔfólo-laai maa tɛ a gɛɛ a ŋwála-wala-laai ti tɛ́ɛ núu pɔ.

Lukə 11:2

Nya ƃe e mò dîa, ǹyɛɛi, “Kà kɛ̀ Ɣâla fɛlîi, ka m̀ó: “Kúnâŋ, tɔɔ ku ílaâi síɣe a maa waa. Tɔɔ íkâloŋ-laai e pa.

Ɉaan 15:8

Nyíŋi mɛni ƃé Ńâŋ ŋɔfólo-laai maa tɛ̂ɛi la a gɛɛ ká ƃá a dámaa, ǹyaŋ à kɛ̀ tí, ká kɛ́ a ḿbôlu-ƃela.

Gɛlaɠaa 9:36

Zîsɛ ŋɔpôlu-nuu tɔnɔ è kɛ̀ Zapa nyíi da kâa dòli a Tabitai. Tabita laai ŋí su-kulai ƃa Dɔɔkɔ. Ǹɛnîi ŋí tíi lɛ́lɛ támaa è kɛ̀ gbonôi. È kpɔŋ mâa tɛ̀ɛ núu támaa pɔ́ a tíi kɛ́ɛ su a ǹyée.

Korɛntə dɔlɔɔ 14:25

Gɛ̀ ní, ǹíi su-loo-mɛni-ŋai kélee da pâi kulâi. A kɛ̀ ti, gɛ̀ ní, a pâi pɛlɛ̂i ǹɔii ma e Ɣâla fɛli e m̀o a gɛ́ɛ Ɣâla káa kásama a tɔ̃yâ.

Korɛntə veelɛ 9:13

Díi ŋí su-kɔɔ̂ŋɔɔ yée mu, da pâi Ɣâla ŋɔfólo-laai maa tɛ̂i, kpɛ́ni fêi, woo-mɛ̂ni káa káyêei Kôrai ŋɔtuŋ lɛ́lɛɛi mɛni ma, kákɛ ƃɛlɛ-sêe kɛ́ sama-sɛŋ tɛɛ mɛni su dímɛni ma da ǹúu kpeli-ŋai.

Galatə 1:24

Ǹyaŋ dí Ɣâla ŋɔfólo-laai maa tɛ̂ ḿaa-mɛni ma.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla e díkpɛ̀tɛ gíli ŋá nàa tuɛ a gɛ́ɛ ku díkɛi.

Ifisiɛŋ 5:8

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi; ka sia yɛ̂ɛ kwaa-ponoɔ su-nia-pɛlɛɛ.

Tɛsalonikə dɔlɔɔ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Timote dɔlɔɔ 2:10

kɛ́lɛ, fɛ̂ɛ dí mɛni lɛ́lɛɛ kɛ́ nyíi ǹɛ́lɛɛ̂i nɛyâa mɛni ma nyíi-ŋai da díkpîŋ tòli a Ɣâla-ƃelai.

Timote dɔlɔɔ 5:10

Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́, fɛ̂ɛ é kɛ́ a ǹúui a nîa-pɛlɛɛ kula sui, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔlu kaa-ƃelai kûla mɛni-kpɔlu su, gɛ gbîŋ pu tíi lɛ́lɛɛ kɛ́ɛ su pere-sii kélee sui.

Timote dɔlɔɔ 5:25

Mɛni ma mɛni lɛ́lɛɛ-kɛɛ su ponoɔ̂i máŋ nûa ŋɛi; à kɛ̀ à wàla kɛ́ máŋ a zu ponoɔ ve pâi lɛɛ̂i loo-pere su.

Timote dɔlɔɔ 6:18

Fɛ̂ɛ dí mɛni lɛ́lɛɛ kɛ́, dí kɛ́ a tɔɔ-ƃela tua-pere lɛ́lɛɛ su, díyee é kɛ́ a vuaŋɔɔ dîa sɛŋ kɔlɛɛ su.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Taitɔ 2:7

Íkpîŋ lɛ́ pere-sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

Taitɔ 3:14

Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa da kpɔŋ-maa wɛ̀lii. Dífe kɛ̀ nɔ́ yɛ̂ɛ ŋ̀úrii nyíi m̀á fé ŋ̀ái.

Taitɔ 3:4

Kɛ́lɛ, tãi Kúƃalo-nuui Ɣâla ŋɔmɛni lɛ́lɛɛi da ŋɔwɛli-kɛ-maai gáa núu-kpune mɛni mai dí pa lai,

Hebreu 10:24

É lɛ́ɛ kúkili ŋá berei kwa pɔ̂ri wɛli-kɛ-maa pui la kúkîe-ni kponôi da tíi lɛ́lɛɛ kɛɛi.

Piɛrə dɔlɔɔ 2:12

Ka kátûa-pere lɛ́lɛ Zɛ̃tai-ŋai sáma a gɛɛ tãi da da lòno é pîlaŋ kâa a gɛɛ kákaa a sɔnyɔ̂ŋ-kɛ-ƃela, dí kátii lɛ́lɛɛi káa dí Ɣâla ŋɔfólo-laai maa-tɛ́ a tãi Ɣâla a pâi pâi lai.

Piɛrə dɔlɔɔ 2:9

Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Piɛrə dɔlɔɔ 3:1

Nɛyâa, ka kásinâai wóo mɛni, a gɛ́ɛ a kɛ̀ díta-ni, berei máŋ dífa díwoli tɔ̀ɔ la ŋ̀óoi mai, dínɛyâai tûa-pere é gɛ̀ dílii é pene da wàla máŋ lono dípɔ,

Piɛrə dɔlɔɔ 3:16

Kákili-ŋa-siai é kɛ́ a maa waa a gɛɛ nûa da lòno kâa, diai da lòno kâa kátûa-pere-lɛ̂lɛi mɛni ma Kôrai kponôi, dí ŋumɛ.

Piɛrə dɔlɔɔ 4:11

Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-maa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sârai, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ ti.

Piɛrə dɔlɔɔ 4:14

À kɛ̀ kálaa nyɔ́mɔɔ à kɛ̀ nûa lá Kôrai láai mɛni ma, lûwa káa kâa, kpɛ́ni fêi, vólo-laa da ŋ̀wála-wala Mɔleŋ, nyíi gáa a Ɣâla Ŋɔmɔ̂leŋ, káa kámɛi.