Maafîu 5:11 - Bible

¹¹ “Lûwa káa kâa, káai da lôno kâa dí kákpɔara, dí wóo nyɔ́mɔɔ támaa ƃó a kálaa a lɛ́ɛ ḿaa mɛni mai.

Yálá laawoo hɛɓɛ (dc)

¹¹ «Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Yálá laawoo hɛɓɛ

¹¹ «Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Maafîu 5:11 ပူးပေါင်းရင်းမြစ်များ

Mąątɛ̨nɛ̨ 35:11

Núu sɔŋ nyɔ́mɔɔ-ŋa da lɛ́ɛ kɛ̀ a ńaa, díkɛ mɛni kpâla pɛ̀lɛ ḿâ nyii fa kɛ̂ a mɛni da kɔ́lɔŋɔɔ é pîlaŋ mai.

Mąątɛ̨nɛ̨ 44:22

Kɛ́lɛ ímaa mɛ̂ni ƃé nûa da kútama ɣele kúpaâi la a kpíni da fólo, díkɛ kúta-ŋa sòŋ a ǹyɔ́mɔɔ yɛ̂ɛ ƃála-ŋa ƃé da pá dípaâi.

Azaya 25:8

Ǹuu-namui Yâwɛɛ a pâi saa su-karâi. A pâi gɛ̂i núu da fa ŋɔ́nɔ wɔ̀lɔ. A pâi mɛni-sôli mɛni kélee kperâi ŋ̀éniɛi su. Yâwɛɛ ǹyaa kpîŋ ƃé m̀ɛnii ŋí ƃò a gɛɛ a pâi kɛ̂i.

Azaya 51:7

“Ka káwoli tɔ́ɔ ḿâ, káai kélee ká tɔ̃yâ mɛni kɔ́lɔŋ, ŋátɔ̂ŋ maa mɛni kɛ́ ƃò kálii ŋai. Káfe yào diai dîa da ɣɛ́lɛ maa kûla kákponôi, díkɛ kálàraŋ, dí gɛ́ kámaa é kpɛ̃liŋ.

Azaya 66:5

Káai ka yâo Yâwɛɛ ma, kákɛ ŋ̀óo mɛnii, ka káwoli tɔ́ɔ m̀ɛnii mâ a m̀ôi. Ǹyɛɛi, “Kákpɔɔi-ƃelai da kákpɔara dîɛ ka dia ni káfa mɛni kpɛtɛɛ da kɛ̀ gîe ma, kpɛ́ni fêi, kákaa a teniŋ ƃô-ƃela. Ká ƃɛlɛ fé kákpɔɔi-kpɔɔi ƃelai da-ni koi. Da ɣɛ́lɛ maa kulâi kákponôi ńaai mɛni ma dîyɛɛi, ‘Tɔɔ Yâwɛɛ é ŋɔwála-wâla kɛ́tɛi lɛ́ é díŋuŋ ma ƃó kú ǹaa káa díkɛ koi-nɛ̃̂ɛ kùla.’ Kɛ́lɛ dia ƃé m̀baa kula-maai tí a pâi sɛ̂lɛnii dîa.

Ɉeremi 37:14

Ŋá ŋ̀óo-su tòo ńyɛ̃ɛi, “Vé tí! Ḿve liî dípɔ naa.” Kɛ́lɛ, vé ŋ̀óli tɔɔ ní ḿâ. Nya ƃe è ńzòŋ é lí a ńyãa dímɛi-ƃelai pɔ́ naa.

Maafîu 10:18

Da pâi kátɔɔ̂i ǹúu-laa-tuɛ ƃelai ŋ́ɛi-tuɛ da kâloŋ-ŋa, ḿaa-mɛni ma a gɛɛ ka sêre-faa kɛ́ díŋɛi da Zɛ̃tai-ŋai.

Maafîu 10:22

Ǹyaŋ núu kélee a pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu gbɛɛ-ŋai é serii, a pâi ƃálôi.

Maafîu 10:25

Maa nɛɛ̂i núu-polu-nuu é kɛ́ nɔ́ yɛ̂ɛ ŋɔsɛŋ-lɛ-nuui, kpaa máŋ yée-mu-nuu é kɛ́ nɔ́ yɛ̂ɛ ŋɔnuu-namui. À kɛ̀ dí bɛ́rɛ-mɛi-nuui tòli a Bɛɛziƃɔ, gɛ̀ ní, da pâi laa-nyɔŋ seêi ŋɔpɛ́rɛi-mu-ƃelai dîa máŋ.

Maafîu 10:39

Ǹúui a ŋɔfúlu-laai kɔ̀rii, a pâi ǹánîi. Ǹúui a ŋɔfúlu-laai laŋ ḿaa-mɛni mai, a pâi gáâi.

Maafîu 19:29

Ǹyaŋ ǹúui kélee a ŋɔpɛ́rɛi lɛ̀ɛ, ǹêɣe-sinaa da ǹîa-sinaa, kpaa máŋ zaaƃɔlɔ-ni, kpaa máŋ ǹâŋ da ǹee, ŋɔnîa-pɛlɛɛi, kpaa máŋ ŋɔlɔii, ńaai mɛni mai, a pâi dámaa sɔlɔ ƃôi é tɛ́ɛ nyíti ma. A pâi ŋɔ́nɔ wɔlɔ-wɔlɔ fulu-laai sɔlɔ ƃôi.

Maafîu 24:9

“Gɛ̀ ní, da pâi kápilîi mɛni kpɔ̂lu támaa su, dí kápaa. Ŋ̀éniɛi su-ƃela kélee da pâi kákpɔarâi ńaai mɛni ma.

Maafîu 27:39

Diai tɛ̀ɛ naai, dí ǹaraŋ dí díŋuŋ kpɛ́mɛŋ,

Markə 13:13

Núu kélee da pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu ŋ̀elei gbɛɛ ŋá é serii, a pâi ƃâloi.

Markə 13:9

“Mɛni ma, ka kákpîŋ mɛi káa, kpɛ́ni fêi, da pâi kásonîi dí a káa mɛni sâa ƃó kwaa-ŋa ma. Da pâi kálôkwai a ŋ̀ánaa Ŋ̀âla fɛli-kêre-ŋai mu. Da pâi gɛ̂i kátɔɔ lɔii lonii láa-ƃela da kâloŋ-ŋa ŋɛ́i túɛ ḿaa mɛni ma a gɛ́ɛ ká Duŋ Lɛ́lɛɛi maa sere-faa kɛ́ díŋɛi.

Markə 4:17

kɛ́lɛ, va lɛ̀ɛ díkili ŋá. Mɛni kpɔ̂lu loŋ da a làa nɔ́ dîa kpaa máŋ nûa da kpɔara mɛni ŋ̀óoi mɛni ma, da díyee kùla mɛni su a m̀aa félaa.

Markə 8:35

Ǹúui a ŋ̀wɛ̂lii é ŋɔfúlu-laai lâai kɛ̂i, a pâi ǹánîi, kɛ́lɛ ǹúui a ŋɔfúlu-laai làŋ ḿaa mɛni ma da Duŋ Lɛ́lɛɛi, a pâi zɔlɔ ƃôi.

Lukə 21:12

Kɛ́lɛ, nyíŋi kélee é lɛ́ɛ pâi kɛ̂i, da pâi díyee pɛlɛ̂i kâa, dí káŋɛi maa nɔ̃́ɔ. Da pâi kátɛɛ̂i Ŋ̀âla-fɛli-kêre-ŋai mu da gbini-pɛrɛ-ŋai mu. Da pâi pâi a káa kâloŋ-ŋa da gɔmɛnɛ-ƃelai ŋɛ́i túɛ ńaai mɛni ma.

Lukə 21:17

A kɛ̀ ti, ǹûai kélee da pâi kákpɔarâi ńaai mɛni ma.

Lukə 6:22

“Lûwa káa kâa tãi ǹûai da pâi kákpɔarâi la, dí ka-kula dísamai, díkɛ lii-ŋwana woo-ŋa ƃo kâa, dí kálaa ƃo a nyɔ́mɔɔ núu-kpune Ǹóŋ maa-mɛni mai!

Lukə 9:24

Kpɛ́ni fêi, ǹúui a ŋ̀wɛ̂li é ŋɔfúlu-laai ƃáloi, a pâi ǹánîi. Kɛ́lɛ, ǹúui a ŋɔfúlu-laai làŋ ḿaa-mɛni mai, a pâi ƃálôi.

Ɉaan 15:21

Kɛ́lɛ, da pâi nyiŋi kélee kɛ̂i a káa ḿaa-mɛni ma. Kpɛ́ni fêi, dífe ǹúui kɔlɔŋ ńdɛ̀ɛi.

Ɉaan 9:28

Dí díla tɔ̀ɔ ma, dîyɛɛi, “Ya kpíŋ ƃe íkaa a ŋɔpôlu-ƃelai da. Kɛ́lɛ, kúkaa a Mose ŋɔpôlu-ƃela.

Gɛlaɠaa 9:16

Ŋa pâi ǹɛ̂i ma berei a pâi mɛni-soli támaa kâai la ńaai mɛni mai.”

Lomaŋ 8:36

Yɛ̂ɛ berei bɔ̃yɛɛ̂i lai, “Díkaa kúpaâi ímaa mɛni ma é síɣe ɣele-wala ma e too ɣele-wulii ma; da kúkàa yɛ̂ɛ ƃála-ŋa nyíi-ŋai díkaa nɔ́ naa dípaa mɛni ma.”

Korɛntə dɔlɔɔ 4:10

Kúkaa a ƃoo-ƃela Kôrai mɛni ma, kɛ́lɛ, kákaa a táre-ƃela Kôrai kponôi. Kúfii kpɛɛ̂i, kɛ́lɛ, kasu kpanaŋɔɔi. Da ƃâa kɛ̀ kâa, kɛ́lɛ, da díŋɛi naɣîŋ kúmɛi.

Korɛntə veelɛ 4:11

Kpɛ́ni fêi, tãi kúkaa la ɣele mai, kútɛɛ̂i saa pɔ Zîsɛ mɛni ma, a gɛ́ɛ ŋɔfúlu-laai e lɛ kúkponôi su nyíi a saai.

Filipə 1:29

Kpɛ́ni fêi, ǹɛ̂i kâa a gɛ́ɛ Kôrai maa-mɛni ma káfe laa nɔ́ la, kɛ́lɛ, ka mɛni soli káa mɛni ma.

Piɛrə dɔlɔɔ 2:23

Tãi dí ǹaraŋ lai, vé larâŋ pìli ní pôlu. Tãi è mɛni-soli kàa lai, vé dímaa yao ní. Kɛ́lɛ, è ŋ̀ɔi tɛ̀ɛ nɔ́ mɛni-saa ŋa-tee-nuu sãa tɔnɔi pɔ.

Piɛrə dɔlɔɔ 4:14

À kɛ̀ kálaa nyɔ́mɔɔ à kɛ̀ nûa lá Kôrai láai mɛni ma, lûwa káa kâa, kpɛ́ni fêi, vólo-laa da ŋ̀wála-wala Mɔleŋ, nyíi gáa a Ɣâla Ŋɔmɔ̂leŋ, káa kámɛi.

M̀ɛni-lɛɛi 2:3

Ŋá gɔ́lɔŋ íkaa mɛni-soli kâai lii-kpele-pere su ńaai mɛni ma, ǹyaŋ ífii fé niî kpɛɛ ni.