Maafîu 4:15 - Bible

¹⁵ “Zɛbulɔŋ-lɔii da Nɛfɛtɛli-lɔii, nyii-ŋai díkaa yuo-loŋ ma-pere Zɔdiŋ Ya-Leei pôlu, Galalii, ƃɛ́i Zɛ̃tai-ŋai díkaa see ni naai,

Yálá laawoo hɛɓɛ (dc)

¹⁵ yai ə kɛ mą: «Zabulɔn lɔi da Nɛftali lɔi, diɛi di kaa gboloyá tənən ma, Ɉurdɛn ya pulu. Galile nwɔ lɔi yii hį́i takpɛliɠaa kaa ɉu.

Yálá laawoo hɛɓɛ

¹⁵ yai ə kɛ mą: «Zabulɔn lɔi da Nɛftali lɔi, diɛi di kaa gboloyá tənən ma, Ɉurdɛn ya pulu. Galile nwɔ lɔi yii hį́i takpɛliɠaa kaa ɉu.

Maafîu 4:15 ပူးပေါင်းရင်းမြစ်များ

Tɔɔɓɛlaa dɔlɔɔ 9:11

Gâloŋ Saloma è taa buu feerɛ tɛ̀ɛ Taya kaloŋ Iraŋ pɔ́ Galalii kpiniŋ su, kpɛ́ni fêi, è sîda wuru-ŋa, pãi kpono-ŋa da gôoi kélee tɛ̀ɛ nyíi Saloma è kɛ̀ díwɛ̂lii.

Tɔɔɓɛlaa veelɛ 15:29

Tãi Pika è kɛ̀ la a kâloŋ Eezuɛ lɔii mɛi, Asiria kaloŋ Tigila Pileza è pà é kɔ́ pɛ́lɛ ma, é daa-ŋai ŋí síɣe, Izɔŋ, Ebɛ-Bɛmaaka, Zanôa, Kedɛ da Azɔ. È ǹɔii kpîniŋ-ŋai ŋí sìɣe máŋ, Gilia, Galalii da Nɛfɛtɛli. È Eezuɛ-ƃelai kùla gwaa-ŋai tí ma é lí a dia a kɔ-soŋ-ŋa.

Azaya 9:1

É máŋ kɛ́ tí, diai kɛ̀ kpînii da lii-too pôlu su kɛ́tɛ sui, dífe pâi kulâi m̀ɛni kpɔ̂lui ŋí su. Ɣâla è wɔ́lɔ ǹíi ŋwàna Zɛbulɔŋ da Nɛfɛtɛli dísuui su-ƃelai dîa é díkula-maa kɛ́. Kɛ́lɛ tãi kpɛ́-kpɛɛ tɛɛ pôlu ma, ǹɔii-ŋai ŋí su-ƃela da pâi lii-sêe sɔlɔ ƃôi. Da pâi ƃaa kɛ́-maa sɔlɔ ƃôi da diai Mɛditɛrenia Yuoi koo ma, Zɔdiŋ pôlu pere-ƃelai da Galalii ǹɔii-ŋûŋ-ŋai su-ƃelai.

Maafîu 4:13

È kula Nâzarɛi, é pá é see Kapɔ̂nia yuo-loŋ kɔlɛ, Zɛbulɔŋ da Nɛfɛtɛli-kpiniŋ su,

Maafîu 4:14

a gɛɛ mɛnii Ɣâla ŋɔlóno-kɛ-nuui Azaya è mòi ŋa-see é kɛ́. È mò, ǹyɛɛi,

Maafîu 4:25

Nya ƃe kpɔŋ kɛ́tɛ è lɛ̀ɛ bôlu. Ǹûai ŋi dí kùla Galalii da Daa-puu-lɔii su da Zerusâlɛŋ da Zuda da Zɔdiŋ Ya-Leei pôlu.

Lukə 24:27

Nya ƃe, é síɣe Mose ma da Ɣâla ŋɔlóno-kɛ-ƃelai kélee, mɛnii Ŋ̀âla-kɔlɔi su e pîlaŋ gbîŋ mai, e zu-kulai lɛ̀ dîa.

Zasua 20:7

Nya ƃe dí taa-lêe saaƃa lɛ̀ a gɛ́ɛ dí kɛ́ ƃò a m̀aa kɔ̃̂ɔ taa-lee-ŋai Zɔdiŋ Ya-leei pôlu vóloi liî-pere. Daa lêe-ŋai ŋí ƃa Kedɛ nyíi kɛ̀ Galalii kpiniŋ su ǹyée lɔii su Nɛfɛtɛli lɔii mai, Sɛkɛŋ nyíi kɛ̀ ǹyée lɔii su Ifiraŋ lɔii mai, da Kiria Aba (nyíi da dòli máŋ a Iburɔŋ) nyíi kɛ̀ ǹyée lɔii su Zuda lɔii mai.

Zasua 21:32

Dí daa lêe-ŋai ŋí tɛ̀ɛ dípɔ da dítaa tûlɛ-ŋai láa mii kwaa ma Nɛfɛtɛli ŋɔlɔii ma: Kedɛ nyíi kɛ̀ a m̀aa kɔ̃ɔ taa-leei dɔnɔ Galalii kpiniŋ sui, Amɔdɔ da Kataŋ. Díkɛ̀ a taa-lêe saaƃa.