Maafîu 27:2 - Bible

² Nya ƃe dí ŋìri dí li la dí dɛ̀ɛ gɔmɛnɛ-nuu kɛ́tɛi Pâle pɔ.

Yálá laawoo hɛɓɛ (dc)

² Yili pulu, di Jesus yili di dɛɛ Pilatə pɔ, yaai kɛ a Romə nuą di wɔ hį́í lɔi mɛ̨ihveelɛi nwun nąmu.

Yálá laawoo hɛɓɛ

² Yili pulu, di Jesus yili di dɛɛ Pilatə pɔ, yaai kɛ a Romə nuą di wɔ hį́í lɔi mɛ̨ihveelɛi nwun nąmu.

Maafîu 27:2 ပူးပေါင်းရင်းမြစ်များ

Zɛnɛse 22:9

Tãi dí sèri la ƃɛ́i Ɣâla è nàa lɛ̀ Eberaɣɛ̃ɛ mai, Eberaɣɛ̃ɛ è Ɣâla-teƃele tɔ̀ɔ naa é gɔii pú ŋ̀á a ǹɛ́lɛɛ. È ǹóŋ Aise sòŋ é ŋíri é ǹáa gɔii mɛi zâla-kula teƃelei ŋá.

Maafîu 20:19

Da pâi dɛɛ̂i Zɛ̃tai-ŋai pɔ́ dí ɣɛlɛ-ma kula gbonôi dí ǹokwa dí gbamo saa-wuru ma. A pâi mu siɣêi a ŋele-kuui zaaƃa-ɣelei.”

Maafîu 28:14

Ǹyaŋ à kɛ̀ gɔmɛnɛ-nuu kɛ́tɛi à nyiŋi mɛ̀ni, gɛ̀ ní, kwa pâi ǹíi ŋá yeŋ-woo ƃôi, kú kákula m̀ɛnii su.”

Lukə 13:1

Maa-tãi ti su núu da-ni dí pà dí m̀ó ma e pîlaŋ Galalii-ƃelai dîa nyii-ŋai Pâle e díŋãa sumo a díkpîŋ-salai.

Lukə 20:20

Nya ƃe dí m̀aa kpɛ̂ɛ dí maa-mɛni kɔ́ri-ƃela tɛɛ, nyii-ŋai dí díkpîŋ kɛ̀ nɔ yɛ̂ɛ nûa ƃe dísɔŋ lɛ́lɛɛ̂i a gɛɛ dí zoŋ ǹóno-woo su, dí dɛɛ gɔmɛnɛ-nuu pɔ, e kɛ́ ŋɔwala-wala-laai su.

Lukə 23:1

Gɛɛ tí, gbɔŋ kélee dí dímu sìɣe dí pa la Pâle pɔ naa.

Lukə 23:12

Maa-ɣelei ti Ɛɛlɔ da Pâle dí nɛ̀ɛ a díkîe. Kpɛ́ni fêi, nyiŋi e lɛɛ pâi kɛ̂i dí kɛ̀ a díkîe-ni kpɔaraa.

Lukə 3:1

Tãi Tabîliɔ-Siizɛ e kɛ̀ la a gɔmɛnɛ-nuu kɛ́tɛi ŋɔkóraŋ buu kao lɔ́ɔlui sui, Pɔ̃ŋtiɛ Pâle kɛ́ ƃo a gɔmɛnɛ-nuu Zuda-lɔii mɛi, Ɛɛlɔ kɛ́ ƃo ŋɔ́nɔ a kâloŋ kɛ́tɛ Galalii-lɔii mɛi, ǹîa Fele kɛ́ ƃo a kâloŋ kɛ́tɛ Eturîa da Telɛkonaitɔ-lɔii mɛi, Laisenia kɛ́ ƃo ŋɔ́nɔ a kâloŋ kɛ́tɛ Abelînɛ lɔii mɛi,

Ɉaan 18:12

Nya ƃe ǹɔii maa kpɛ́-ƃelai da dímɛi-nuui bɛlɛɛ Zûu-ŋai díkɔkuluƃa-ŋai dîa dí Zîsɛ sòŋ dí ŋ̀iri.

Ɉaan 18:24

Nya ƃe Ɛnaa e dɛ̀ɛ a ŋiriɛɛ zâla láa soŋ-nuu kɛ́tɛi Kêafɛ pɔ naa.

Ɉaan 18:28

Nya ƃe dí kùla a Zîsɛ Kêafɛ ŋɔgalai su dí li la mɛni-saa ƃó-pɛrɛi lá. È kɛ̀ a ɣele-waa pɛ-pɛ. Dia kpîŋ dífe lɔ ni mɛni-saa ƃo-pɛrɛi mu, a gɛɛ dífe láa dítia kara la, a gɛɛ dí dɛɛ-mɛi mii.

Gɛlaɠaa 12:6

Ɛɛlɔ è gbɛ̀tɛ a gɛ́ɛ é Pitɛ kula gbini-pɛrɛi mu é bàa a ŋ̀ele-walai. M̀aa kpinii tí Pitɛ è kɛ̀ gbini-pɛrɛ mɛi káa-ƃelai veerɛ loai. È kɛ̀ a ŋ̀íriɛɛ a yɔlɔ feerɛ. Gbini-pɛrɛ mɛi-kaa-ƃelai dí kɛ̀ gbini-pɛrɛi lá díkɛ naa mɛi kaa.

Gɛlaɠaa 21:33

Gɔkuluƃa-ŋai mɛi-nuu kɛ́tɛi è pà é zoŋ é m̀ó a gɛ́ɛ dí yɔlɔ feerɛ pu ma. È kɛ̀ ŋ̀wɛ̂lii é gɔ́lɔŋ ǹúui Pɔ̂ɔ è kɛ̀ lai da m̀ɛnii è gɛ̀i.

Gɛlaɠaa 22:25

Dí Pɔ̂ɔ ɣìri a gɛ́ɛ dí ǹókwa. È mò ǹɔii maa kpɛ́-ƃelai mɛi-nuui ma nyíi kɛ̀ tɔ̂ɔni gɔlɛi, ǹyɛɛ mài, “Gáa a tɔ̂ŋ a gɛ́ɛ í Lomaŋ lɔii-loŋ lókwa, nyíi mɛni fé lɛɛ ní mai?”

Gɛlaɠaa 22:29

M̀ɛni ma diai kɛ̀ pâi m̀arê kɛ̂i, dí dímaa kùla ma a maa félaa. Gɔkuluƃa-ŋai mɛi-nuu kɛ́tɛi máŋ è kɛ̀ yaôi, gɛ́ɛ a gɔ́lɔŋ a gɛ́ɛ Pɔ̂ɔ è kɛ̀ a Lomaŋ lɔii-loŋ, kpɛ́ni fêi, è dòo yɔlɔ ŋá.

Gɛlaɠaa 24:27

Kóraŋ feerɛ tɛ̂ɛi pôlu ma, Pɔ̂siɛ Fɛtɔ e Feli pɔ́ɔ-ŋa siɣe; kɛ́lɛ, Feli è kɛ̀ ŋ̀wɛ̂lii a gɛ́ɛ e mɛni lɛ́lɛɛ kɛ́ Zûu-ŋai dîɛ, nya ƃe, e Pɔ̂ɔ lɛ̀ɛ gbini-pɛrɛi mu.

Gɛlaɠaa 28:20

Mɛni ma, sapoi ŋá kátòli lai, ǹyaa ƃa, ŋa kákaa kwa kâa-ni ku lóno, kpɛ́ni fêi, Eezuɛ-ŋai díkili-kɛ-zui mɛni ƃe ŋ́iriɛ̂i la a ǹyɔlɔi ŋí.”

Gɛlaɠaa 3:13

Eberaɣɛ̃ɛ Ŋɔɣâlai Aise Ŋɔɣâlai, Zeeka Ŋɔɣâlai, da kúnâŋ-ni Díɣâlai ƃé ǹyée mu-nuui Zîsɛ ŋɔfólo-laai maa tɛ̀, nyíi ka dɛ̀ɛ Pâle pɔ́ ka m̀aa sîa too ŋ̀ɛ́i, tãi è gbɛ̀tɛ la a gɛ́ɛ é ŋ̀uŋ ma ƃói.

Gɛlaɠaa 4:27

Tɔ̃yâ ma daai ŋí su Ɛɛlɔ, Pɔ̃ŋtiɛ Pâle, Zɛ̃tai-ŋai da Eezuɛ-ŋai dí díŋaa tɛ̀ gîe ma a gɛ́ɛ dí kɔ́ íyee-mu-nuu maa waai Zîsɛ pɔ́ nyíi í nɛ̀i.

Gɛlaɠaa 9:2

a gɛ́ɛ é kɔlɔ kúla ǹyêei é lí la Dimɛika Ŋ̀âla-fɛli kêre-ŋai mu a gɛ́ɛ à núu da kélee kàa nyíi gáa a ǹúu-kpului, nyíi da kɛ̂ ma Berei, zu-nuu da, à kɛ̀ a nɛnî kpaa máŋ surɔ̂ŋ, é zoŋ é ŋìri é pá la Zerusâlɛŋ.

Timote dɔlɔɔ 6:13

Ŋa m̀ôi yâ Ɣâla ŋɛi nyíi a fulu-laa tɛ̀ɛ sɛŋ kélee pɔi, da Zîsɛ Kôrai nyíi ŋɔsêre-faa-kɛɛ su, e ŋɔlaa-lai maa-mɛni ƃò a ǹɛ́lɛɛ Pɔ̃ŋtiɛ Pâle ŋɛi, a gɛ́ɛ í dɔ̂ŋ mɛi káa ífe pɔ́ɔ kɛ̀ ma. Gɛ́ é kɛ́ a maa waa nûa ŋɛi é lɛ́ɛ la zu Kúnuu-namui Zîsɛ Kôrai é pá.

Timote veelɛ 2:9

Duŋ Lɛ́lɛɛi nyíi ŋ́gaa maa-mɛni-soli káâi kpini-pɛrɛ mu yɛ̂ɛ mɛni kɛ́tɛ kɛ-nuui. Kɛ́lɛ, Ɣâla ŋɔwóoi fé kpini-pɛrɛ mu.

Hebreu 13:3

Ka kákili ŋá sia é pîlaŋ diai dîa díkaa kpini-pɛrɛ mui yɛ̂ɛ kà dîa-ni kà kɛ̀ naa. Ka kákili ŋá sia é pîlaŋ diai dîa da dísoŋ a nyɔ́mɔɔi, tãi nɔ káa máŋ kákaa la a ǹúu-kpune-ŋai.

Nwun mąąɓo 15:12

Dí mò ma dîyɛɛi, “Kú pà a gɛ́ɛ kú ísoŋ kú íɣiri kú lí a yá dípɔ.” Saŋsiŋ è mò dîa ǹyɛɛ, “Ka káfoo ńyêei a gɛ́ɛ káa kpîŋ káfe pâi ḿbaâi.”