Maafîu 26:18 - Bible

¹⁸ Nya ƃe è mò dîa, ǹyɛɛi, “Ka lí daa-leei su ǹúui tí pɔ naa, ká m̀ó ma, ‘Kaamɔ̂ɔ ǹyɛɛ, Ŋátãi a lɛɣɛ. Ŋa pâi dɛɛ-mɛi-kuui kulâi ípɛrɛi mu kwa ŋápôlu-ƃelai.’ ”

Yálá laawoo hɛɓɛ (dc)

¹⁸ Jesus yɛ diɛ: «Ka tɛ taai ka li mɛ̨i pɔɔli, kaa mą: ‹Ku wɔ mɛ̨nį nąmu yɛ nwɔ́ɔ́ lɔwai aa həli, kɛlaa, ə́ pɔɔli ɓə gaa nwɔ hɛli pui laa da nwɔ kalan nɛai.›»

Yálá laawoo hɛɓɛ

¹⁸ Jesus yɛ diɛ: «Ka tɛ taai ka li mɛ̨i pɔɔli, kaa mą: ‹Ku wɔ mɛ̨nį nąmu yɛ nwɔ́ɔ́ lɔwai aa həli, kɛlaa, ə́ pɔɔli ɓə gaa nwɔ hɛli pui laa da nwɔ kalan nɛai.›»

Maafîu 26:18 ပူးပေါင်းရင်းမြစ်များ

Maafîu 21:3

Núu da à mɛni da ƃò kâa, ka m̀ó ma, ‘Kúnuu-namui a díwɛli kɛ̂i.’ Gɛ̀ ní, a pâi dítɛɛ̂i a maa felaa.”

Maafîu 23:10

Maa fé nɛ̃ɛ ní dí kátoli a núu-mɛi-ƃela, kpɛ́ni fêi, kámɛi-nûui káa nɔ́ tɔnɔ, nyii gáa a Kôrai.

Maafîu 23:8

Kɛ́lɛ, maa fé nɛ̃ɛ ní a gɛɛ dí kátoli a kaamɔ̂ɔ-ŋa. Kpɛ́ni fêi, kásɛŋ-lɛ-nuui káa nɔ́ tɔnɔɔ, kákelee kákɛ ƃò a káa-laa tɔnɔ su-ƃela Ɣâla ŋɛ́i.

Maafîu 26:19

Nya ƃe Zîsɛ ŋɔpôlu-ƃelai dí gɛ̀ yɛ̂ɛ berei Zîsɛ è mò la diai. Dí dɛɛ-mɛi-kuui maa-mɛni kpɛ̀tɛ.

Maafîu 26:2

“Ka gɔ́lɔŋ a gɛɛ ɣele-kûu feerɛ à tɛ̀ɛ, gɛ̀ ní, Dɛɛ-mɛi Kûui ŋ̀ele a seri, ǹyaŋ da pâi núu-kpune Ǹóŋ sonîi a gɛɛ dí gbamo saa-wuru ma.”

Maafîu 26:49

Nya ƃe è pà Zîsɛ pɔ a maa félaa, ǹyɛɛ mai, “Kaamɔ̂ɔ!” E ǹá-gbɔ sèe m̀a.

Markə 5:35

Zîsɛ kɛ́ɛ kɛ̀ lônoi, kéla-ŋa dí kùla Ŋ̀âla fɛli-kerei mɛi-nuui ŋɔpɛ́rɛi lá, dí m̀o Zailɔ ma dîɛi, “Íloŋ-nɛnîi aâ saa. Lé ƃé íkaa fũa-fũa tɔɔ̂i la Kaamɔ̂ɔ ma ŋɔ́nɔi?”

Lukə 22:53

Ɣele-ƃɔ́ɔ kélee kwa kâa-ni ku kɛ̀ Ŋ̀âla-pɛrɛ Kɛ́tɛi mu, káfe káyee pɛlɛ ni mâ. Kɛ́lɛ, ka-aƃai ká ŋi da gbínii ŋɔwala-walai.”

Ɉaan 11:28

Tãi e kpɛ̀ɛ a nyiŋi ƃoɔi, e lì e ǹîa-nɛnii Mere toli. E mò a ŋóo maa yeŋɔɔ, ǹyɛɛi, “Gaamɔ̂ɔi káa ƃɛ, ǹyaŋ a ítolîi.”

Ɉaan 12:23

Zîsɛ e díwoo su tòo, ǹyɛɛi, “Tãi a seri a gɛɛ núu-kpune Ǹóŋ ŋɔfólo-laai ma é tɛ́.

Ɉaan 13:1

Dɛɛ-mɛi ŋɔkúui é lɛ́ɛ pâi serîi, tãi Zîsɛ e nâa gɔ̀lɔŋ la a gɛɛ ŋɔtãi a seri a gɛɛ é kúla ǹɔii sú é lí Nàŋ-nuui pɔi, berei è ŋɔ-ŋai wɛ̀li lai, nyii-ŋai kɛ̀ ǹɔii sui. È díwɛli kpɔ́ é tóo máŋ gbɛɛ ŋa.

Ɉaan 17:1

Tãi Zîsɛ e ŋ̀óo-ŋai ŋi ƃòi, e ŋ̀ɛ́i tɛ̀ ŋelei su e m̀o, ǹyɛɛi, “Ńâŋ, tãi a seri; Íloŋ ŋɔfólo-laai maa tɛ́, ǹyaŋ é ífolo-laai maa tɛ́,

Ɉaan 20:16

Zîsɛ e mò ma, ǹyɛɛi, “Mere.” E tìnaŋ e m̀o Zîsɛ ma Ibulu-wooi su, ǹyɛɛi, “Laƃônii!” (nyii zu-kulâi ƃa Kaamɔ̂ɔ).

Ɉaan 7:30

Nya ƃe dí pere kɔ̂ri a gɛɛ dí zoŋ; kɛ́lɛ, núu da fe ǹyée pɛlɛ ni ma, kpɛ́ni fêi, ŋɔtãi fe niî kɛ̀ seri ni.

Ɉaan 7:6

Zîsɛ e mò dîa, ǹyɛɛi, “Ŋátãi fe niî seri ni. Kɛ́lɛ, kátãi káa nɔ ma.

Ɉaan 7:8

Káa kpîŋ ka lí gúui su; fé liî gúui su (niî), kpɛ́ni fêi, ŋátãi fe niî sere ni a náa fɛ́ɛ.”