Maafîu 2:4 - Bible

⁴ Nya ƃe è zâla láa soŋ-ƃela kpaya-kpayai da gɔlɔ-pɔ̃yɛ-ƃelai toli, è dímarê kɛ̀ mí ƃé da pâi Kôrai maa sɔlɔ ƃôi naai.

Yálá laawoo hɛɓɛ (dc)

⁴ Ə ɉaláá laa həli nuą nwun nąmįną da tɔ́n galamɔ̨ɔ̨ɠaa kəlee təli, ə di mąąni kɛ, yɛ diɛ: «Mį ɓə di kɛi pa Kristə kaai laa?»

Yálá laawoo hɛɓɛ

⁴ Ə ɉaláá laa həli nuą nwun nąmįną da tɔ́n galamɔ̨ɔ̨ɠaa kəlee təli, ə di mąąni kɛ, yɛ diɛ: «Mį ɓə di kɛi pa Kristə kaai laa?»

Maafîu 2:4 ပူးပေါင်းရင်းမြစ်များ

Kɔlɔnikɔ Veerɛi 34:13

Ǹûai ŋí ni ƃé kɛ̀ dii-kɛ-ƃelai mɛi diî kɛ mɛni ma. Liiva-ŋai da-ni díkɛ a kɔlɔ-mɛi-káa ƃela. Da-ni díkɛ ƃo a kɔlɔ-pɔ̃yɛɛ ƃela. Gbeli-ŋai díkɛ ƃo a zãai mɛi káa-ƃela.

Kɔlɔnikɔ Veerɛi 34:15

Nya ƃe Ɛɛkea è mò gɔlɔ-pɔ̃yɛɛ-kɛ ǹúui Safaŋ ma ǹyɛɛi, “Ŋâa Dɔ̂ŋ-kɔlɔi káa Yâwɛɛ ŋɔpɛ́rɛi mu.” È nâa dɛ̀ɛ Safaŋ pɔ.

Kɔlɔnikɔ Veerɛi 36:14

Maa tãi tí ma, zâla-laa-soŋ ƃelai láa túɛ-ƃela kpaya-kpayai kélee dí dípôlu tɔɔ Ɣâla ma díkɛ mɛni nyɔ́mɔ támaa ŋa kɛ ǹɔii su, díkɛ Ŋ̀âla-pɛrɛ Kɛ́tɛi maa-tĩa kara nyíi Yâwɛɛ è maa waa Zerusâlɛŋ.

Ɛsdrasə 10:5

Nya ƃe Ɛzura è gɛ̀ zâla láa soŋ-ƃelai láa túɛ-ƃelai, Liiva-ŋai da ǹúui gbéli-ŋai dí díkono tée a gɛɛ m̀ɛnii Sekaniya a m̀ôi díkaa ŋ̀wóo pôlu.

Ɛsdrasə 7:6

Ɛzura è kɛ̀ a dareɛ́ɛ a ŋ̀ánaa. E kɛ̀ a gili-ŋa ponoɔɔ Eezuɛ Ɣalai Yâwɛɛ ŋɔtɔ̂ŋ kɔlɔi mɛni su, nyíi è dɛ̀ɛ Mose pɔi. Ŋɔɣâlai Yâwɛɛ è lûwa làa ma. Zãâi kélee è Pɛsia kaloŋ marê kɛ̀ mɛni mai, è dɛ̀ɛ bɔ́. Ɛzura è kùla Babelɔŋ é lí Zerusâlɛŋ. È lì naa a Gâloŋ Atasɛra ŋɔkâloŋ-laa koraŋ ǹɔ́ɔlu mɛi feerɛi su. È lì a Eezuɛ nuu-kpulu-ŋa naa. Ǹúu kpulu-ŋai ŋí ƃé kɛ̀ a zâla láa soŋ-ƃelai, Liiva-ŋai, Ŋ̀âla-pɛrɛi mu wule too-ƃelai, Ŋ̀âla-pɛrɛi mɛi káa-ƃelai da tíi kɛ́ kpakolo-ŋa.

Nehemi 12:7

Salu, Amɔ, Ikia da Zidaya. Zinaai ŋí ƃé kɛ̀ a díƃarâa sala láa soŋ-ƃelai láa túɛ-ƃela Zasua ŋɔtãi ma.

Mąątɛ̨nɛ̨ 2:2

Ǹɔii kâloŋ-ŋai da tɔ̂ɔ Ɣâla ma. Ǹúu láa túɛ-ƃelai da mɛni nyɔ́mɔɔ kpɛ̀tɛ Yâwɛɛ mɛni ma da gâloŋ è zìɣe zui.

Ɉeremi 8:8

Ka pɔ̂ri môi léŋ kâa kákaa a táre-ƃela, ŋátɔ̂ŋ káa káyêei? Ka gɛ́ gɔlɔ-pɔ̃yɛɛ-ƃelai díkaa nâa lɛ́ɛ kɔlɔ pɔ̃yɛ̂ɛi.

Malasi 2:7

Gáa a zâla-láa soŋ-ƃelai dítii a gɛɛ dí tɔ̃yâ-mɛni lɛ́ é pîlaŋ Ɣâla ma. Ǹɛ̂lɛɛi ǹûa dí lí dípɔ a gɛɛ dí mɛni maa kɔ́ri é pîlaŋ ńîa-mɛnii ma kpɛ́ni fêi, dia ƃé díkaa a Ŋ̀wála-wâla kélee Ɣalai ŋɔkéla-ŋa.

Maafîu 13:52

Nya ƃe è mò dîa, ǹyɛɛi, “Mɛni ma kɔlɔ-pɔ̃yɛ-nuu kélee nyii dí gɛ̀ a Ŋ̀âla-taa kâloŋ-laai su-nuui dai, gáa yɛ̂ɛ pɛ́rɛ-namu nyii a sɛŋ nina da sɛŋ pɔlɔ kùla ŋɔlaai-kɛ-kwaai mai.”

Maafîu 2:3

Tãi gâloŋ Ɛɛlɔ e nyíŋi mɛ̀ni lai, ǹíi è tùmo da Zerusâlɛŋ-ƃelai kélee.

Maafîu 2:5

Nya ƃe dí mò ma, dîyɛɛi, “Bɛpeleɣɛ̃ɛ, Zuda-lɔii su, kpɛ́ni fêi, bere ƃé Ɣâla ŋɔlóno kɛ́-nuui è bɔ̃̀yɛ la.

Maafîu 21:15

Kɛ́lɛ, tãi zâla láa soŋ-ƃela kpaya-kpayai da gɔlɔ-pɔ̃yɛ-ƃelai dí mɛni maa pɔlɔ-pɔlɔ-ŋai ŋí kàa la é gɛ̀i, da ǹîa-pɛlɛɛi kɛ̀ laɣii Ŋ̀âla-pɛrɛ Kɛ́tɛi mu, dîyɛɛ, “Laa-maa-tɛ é tɛ́ Deeƃé Ǹóŋ pɔi,” dílii è ŋwàna.

Maafîu 21:23

Tãi è pà la Ŋ̀âla-pɛrɛ Kɛ́tɛi mui, zâla láa soŋ-ƃela kpaya-kpayai da ǹûai dínuu-pɔlɔ-ŋai dí pà bɔ́, tãi è kɛ̀ sɛŋ lɛ̂i la ǹûai diai, dí m̀ó ma, dîyɛɛi, “Le wala-wala-laa ƃe ya mɛni-ŋai ŋí kɛ̀ lai? Gbɛ̂ɛ ƃe ŋwála-wala-laai ŋí tɛ̀ɛ ípɔ?”

Maafîu 26:3

Nya ƃe zâla láa soŋ-ƃela kpaya-kpayai da ǹûai dínuu-pɔlɔ-ŋai dí díŋa tɛ̀ díkîe ma zâla láa soŋ-nuu kɛ́tɛi, nyii da kɛ̂ ma Kêafɛi, ŋɔmɛni-saa ƃo-kêrei mu.

Maafîu 26:47

Gɛ́ɛ niî lônoi, Zudasi nyii kɛ̀ a ŋɔpôlu-ƃela puu kao feerɛi dɔnɔi, è pà a núu támaa nyii-ŋai kùla zâla láa soŋ-ƃela kpaya-kpayai da ǹûai dínuu-pɔlɔ-ŋai pɔ naai. Ƃóa-sɔkpɔ-ŋa da wuru-gbua-ŋa dí kɛ̀ díyêei.

Maafîu 27:1

Ɣele-wala kɛ́ɛi, zâla láa soŋ-ƃela kpaya-kpayai kélee da ǹûai dínuu-pɔlɔ-ŋai dí díŋuŋ pîlaŋ a gɛɛ dí Zîsɛ paa.

Maafîu 7:29

Kpɛ́ni fêi, è sɛŋ lɛ̀ dîa yɛ̂ɛ ǹúui wala-wala-laa káa ǹyéei, vé gɛ ní yɛ̂ɛ díkɔlɔ-pɔ̃yɛ-ƃelai.

Markə 8:31

Nya ƃe Zîsɛ è pɛ̀lɛ ǹɛ̂i ŋɔpôlu-ƃelai dîa a gɛ́ɛ fɛ̂ɛ nɔ́ Núu-kpune Ǹóŋ é mɔ̃lɛ mɛni támaa su, fɛ̂ɛ nɔ́ ǹúu-pɔlɔ-ŋai da zâla láa soŋ-ƃela kpaya-kpayai da Dɔ̂ŋ lɛ́-ƃelai dí dípôlu tɔɔ ma. Gbɛɛ ŋái da pâi baâi, ɣele kûu saaƃa pôlu ma é m̀u siɣe saa yêei.

Lukə 20:19

Zâla láa soŋ-ƃela kpaya-kpayai da gɔlɔ-pɔ̃yɛ-ƃelai dí kɔ̀ a gɛɛ dí zoŋ nɔ a tãi ti; kɛ́lɛ, dí yào ǹûai dîa, kpɛ́ni fêi, dí gɔ̀lɔŋ e záŋ ŋi sɔ̀ɔ e pîlaŋ díkpîŋ dîa.

Lukə 23:10

Nya ƃe zâla láa soŋ-ƃela kpaya-kpayai da gɔlɔ-pɔ̃yɛ-ƃelai dí tɔɔ gɔlɛ, díkɛ mɛni lɛɛ ma a gbanaŋɔɔ.

Ɉaan 18:3

Nya ƃe Zudasi e kɔkuluƃa-ŋa sìɣe, bɛlɛɛ kɔkuluƃa-ŋa da-ni dîa dí kùla zâla láa soŋ-ƃela kpaya-kpayai da Faresii-ŋai yée ŋá. Dí lì zûai su a laŋpo-ŋa da kpáleŋ-leŋ-ŋa, da kɔ́-kɔ-sãa.

Ɉaan 3:10

Zîsɛ e zu tòo, ǹyɛɛi, “Íkaa a Eezuɛ-ŋai dísɛŋ-lɛ-nuu, ǹyaŋ ífe tarei nyiŋi su?

Ɉaan 7:32

Faresii-ŋai dí gbɔŋ wóo mɛ̀ni díkɛ mɛni támaa ƃo é pîlaŋ ma. Zâla láa soŋ-ƃela kpaya-kpayai da Faresii-ŋai dí díkɔkuluƃa-ŋai tɛ̀ɛ a gɛɛ dí zoŋ.

Ɉaan 8:3

Gɔlɔ-pɔ̃yɛ-ƃelai da Faresii-ŋai dí pà a nɛnî tɔnɔ bɔ nyii dí zoŋ wulu-wulu kɛ̂i. Nya ƃe dí dɔ̀ɔ ǹûai sama,

Gɛlaɠaa 23:9

Sóoŋ su kɛ́tɛ è tèe. Gɔlɔ pɔ̃yɛ-ƃelai kɛ̀ Faresii-ŋai díƃelai ma perei, dí siɣe dí tɔ́ɔ, dîyɛɛi, “Kúfe mɛni nyɔ́mɔɔ kélee kâai ǹalôŋ ŋí kponôi, à kɛ̀ mɔ̂leŋ kpaa máŋ Ɣâla-taa-kela è lòno bɔ́!”

Gɛlaɠaa 4:5

Bôlu ma ɣelei dímɛi-ƃelai, dínuu-pɔlɔ-ŋai da díkɔlɔ pɔ̃yɛ-ƃelai dí díŋaa tɛ́ ma Zerusâlɛŋ.

Gɛlaɠaa 6:12

Dí ǹûai líi mu siɣe, da ǹúu pɔlɔ-ŋai, e pɛlɛ gɔlɔ-pɔ̃yɛ-ƃelai dîa, dí pa dí zoŋ dí pa la goyâŋ su-ƃelai ŋɛi tuɛ.