Maafîu 2:19 - Bible

¹⁹ Kɛ́lɛ, tãi Ɛɛlɔ e sàa lai, Kúnuu-namui ŋɔkélai dɔnɔ è pà Zosɛ pɔ Ize-lɔii su seêi-pere, ǹyɛɛ ma,

Yálá laawoo hɛɓɛ (dc)

¹⁹ Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Yálá laawoo hɛɓɛ

¹⁹ Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Maafîu 2:19 ပူးပေါင်းရင်းမြစ်များ

Mąątɛ̨nɛ̨ 139:7

Mí ƃé ŋa pû íyêei ŋá lí naai? Mí ƃé ŋa kûla íŋɛi ŋá lí naai?

Mąątɛ̨nɛ̨ 76:10

Ya gɛ̀ núu à kɛ̀ a ǹíi ŋwánaa, é ílaa maa tɛ́. Diai dífa sâa ílii ŋwânai sui, da íɣele kûu maa waa-ŋai mɛi kâa.

Azaya 51:12

Yâwɛɛ è m̀o ǹyɛɛi, “Ńyãa ƃa íŋa-nɛnɛ. Ya yaôi núu-kpune ma lé mɛni ma? Núu-kpune ǹônii káa nɔ́ yɛ̂ɛ kala.

Ɉeremi 30:10

M̀ɛni ma, ŋánua, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Izikiɛ 11:16

“M̀ɛni ma yê m̀ó íƃaraa kɔ-sôŋ ŋai dîa a gɛɛ ńyãa ƃe dítɛɛ ǹɔii su koyaa su. Ńyãa ƃe dítaa-taa ǹɔii ŋuŋ-ŋai su, ŋa pâi kɛ̂i díkɔlɛ ǹɔii kélee su ƃɛi díkaa naai.

Danîa 11:45

A kɛ̀ tí a pâi ƃûu tɔɔ̂i yúo da ǹyéei loai ƃɛ́i Ŋ̀âla-pɛrɛi è kɛ̀ naai. Ǹaa pôlu ma a pâi toôi núu da fa kɛ̂ naa é kpɔ́ŋ ma. Ǹyaŋ a pâi saâi.”

Danîa 8:25

A pâi ǹûai kîrii a ŋɔwôya tare-ŋai. À ǹyée pìli mɛni da kélee su, ŋ̀aa-see a pâi kɛ̂i. A pâi kɛ̂i a su-mɛni kɛ̂tɛ nuu. A pâi ǹûai kîrii da díkili kɛ mà, é dísu-kara. A pâi tɔɔ̂i gâloŋ-ŋai mɛi Kâloŋ ma. Zu a pâi karâi. Kɛ́lɛ núu-kpune kɛ́ mɛni fé pâi kɛ̂i la.

Maafîu 1:20

Kɛ́lɛ, tãi è kɛ̀ gíli ŋá siâi la é pîlaŋ m̀ɛni-ŋai ŋí diai, Kúnuu-namui ŋɔkélai dɔnɔ è pà bɔ́ nyiî-pere, ǹyɛɛ mai, “Deeƃé ǹóŋ Zosɛ, ífe yào Mere siɣe mɛ̂ni ma, nyii gáa a ínɛnîi, kpɛ́ni fêi, gooi gáa mai, M̀ɔlêŋ Maa Waai ƃé gɛ̀ é kɛ́ mà.

Maafîu 2:20

“Ímu siɣe, í gwâtarai siɣe da ǹee íli a dia Eezuɛ-lɔii su, kpɛ́ni fêi, diai kɛ̀ ŋ̀wɛ̂lii dí ǹôloŋ páai da saa.”

Maafîu 2:22

Kɛ́lɛ, tãi Zosɛ è mɛ̀ni la a gɛɛ Akelɔ ƃe lɛ̀ɛ ǹâŋ Ɛɛlɔ pɔ́ɔ ŋá Zuda-lɔii mɛi, è yào a gɛɛ é seri naa. Ǹyaŋ tãi Ɣâla e ǹia-woo ƃò la seêi-perei, è lì Galalii-lɔii-kpiniŋ su.

Maafîu 27:19

Gɛ́ɛ see ni ŋɔmɛni-saa-ƃo see-sɛŋ ŋái, ŋɔnɛnîi è worɛ̂ɛ tɛ̀ɛ bɔ-naa, ǹyɛɛi, “Ífe mɛni da kɛ̀ a dɔ̃yâ-nuui tí, kpɛ́ni fêi, ŋá sâa mɛni-soli támaa kàa nyiî pere m̀ɛni ma.”

Gɛlaɠaa 5:19

Kɛ́lɛ, Ɣâla-taa kela tɔnɔ è gbini-pɛrɛi láa ƃò a kpini é díkula naa, ǹyɛɛ dîai,