Maafîu 18:3 - Bible

³ é m̀ó, ǹyɛɛi, “Ŋa tɔ̃yâ ƃôi kâa, fɛ̂ɛ ka pene pôlu ká kɛ́ yɛ̂ɛ nîa-pɛlɛɛ. À wàla kɛ́ tí, káfe pâi wɔlɔ lɔ̂i Ŋ̀âla-taa kâloŋ-laai su.

Yálá laawoo hɛɓɛ (dc)

³ Yɛ diɛ: «Gaa tɛ̨ą ɓoi kaa, akɛ ka wala ka kɛ pələ mąąhvalin ka hvo kɛ yɛ lɛapɛlɛɛ, ka hva pɛli lɔi Yálá-taa tɔɔlaa hu.

Yálá laawoo hɛɓɛ

³ Yɛ diɛ: «Gaa tɛ̨ą ɓoi kaa, akɛ ka wala ka kɛ pələ mąąhvalin ka hvo kɛ yɛ lɛapɛlɛɛ, ka hva pɛli lɔi Yálá-taa tɔɔlaa hu.

Maafîu 18:3 ပူးပေါင်းရင်းမြစ်များ

Mąątɛ̨nɛ̨ 131:2

Kɛ́lɛ, ńii lâai, ńii séɛɛ. Berei lôloŋ à kɛ̂ lâa-ni la gbèle-ŋini mu a kɛ̂ a mɛi saá lai, bere ƃé ńii lâai la ŋ́goi.

Azaya 6:10

È m̀o ḿâ ǹyɛɛi, “Gɛ́ ǹûai ŋí kíli ŋá é pú. Gɛ́ díwoli é tíniŋ, díŋɛi é pú a gɛɛ dífe kwaa kâa, dífe mɛni da mɛ̀ni, dífe mɛni ŋá kàa ma. À kɛ̀ tí, da pâi tínanîi ḿbɔ a gɛɛ ŋá díƃalo.”

Maafîu 13:15

Kpɛ́ni fêi, ǹûai ŋí líi su kpanaŋɔɔ̂i, díwolii kpanaŋɔɔ, díŋɛi lá tɛ́ɛ. A gɛɛ dífe kwaa kâa a dí ŋɛi, kpaa máŋ dífe mɛni mɛ̂ni a díwoli, kpaa máŋ dífe tàre m̀ɛni su a dílii, a gɛɛ dífa la pene la pôlu, a gɛɛ ŋá díƃalo Ɣâla ƃé m̀o tí.’

Maafîu 18:2

Nya ƃe è lôloŋ tɔnɔ tòli é zèe dísama,

Maafîu 18:4

Mɛni ma, ǹúui nyii a gbîŋ maa yêŋ yɛ̂ɛ ǹôloŋ ŋí, maa-nuui ƃe gáa a ǹúui gɛ́tɛi Ŋ̀âla-taa kâloŋ-laai su.

Maafîu 19:14

Nya ƃe Zîsɛ è mò, ǹyɛɛi, “Ka ǹîa-pɛlɛɛi lɛ́ɛ naa, káfe díkpera a gɛɛ dí pa ḿbɔ. Núu kɛ̂ɛ-ŋai ŋí ƃe Ŋ̀âla-taa kâloŋ-laai káa dímɛni ma.”

Maafîu 19:23

Nya ƃe Zîsɛ è mò ŋɔpôlu-ƃelai dîa, ǹyɛɛi, “Ŋa tɔ̃yâ ƃoi kâa, gbanaŋɔɔ̂i a gɛɛ tɔɔ-nuu é lí Ŋ̀âla-taa kâloŋ-laai su.

Maafîu 5:18

Ŋá m̀ôi kâa a tɔ̃yâ, tãi nɔ́ ŋelei da ǹɔii dí káa nîi la naai, dɔ̂ŋ gbùa tɔ̂nɔ kpîŋ fé pâi kulâi m̀a é lɛ́ɛ la zu mɛni-ŋai kélee ŋa-see é kɛ́.

Maafîu 5:20

Kpɛ́ni fêi, ŋá m̀ó kâa fɛ̂ɛ kátɔ̃yâ-laai é tɛ́ɛ gɔlɔ-pɔ̃yɛ-ƃelai da Faresii-ŋai díwɔ̂i ma, à wàla kɛ́ tí, káfe pâi wɔlɔ liî Ŋ̀âla-taa kâloŋ-laai su.

Maafîu 6:16

“Kà kɛ̀ pilîi suŋ su, káfe káŋɛi ɣiri yɛ̂ɛ giri-ƃelai, kpɛ́ni fêi, da díŋɛi maa yiki a gɛɛ nûa dí gɔlɔŋ díkaa suŋ su. Ŋa tɔ̃yâ ƃôi kâa, da dífela-fei sɔlɔ ƃô.

Maafîu 6:2

“Mɛni ma, yà kɛ̀ sama-sɛŋ tɛɛ̂i, ífe m̀aa tûŋ too yɛ̂ɛ berei giri-ƃelai da gɛ̀ la Ŋ̀âla-fɛli-kêre-ŋai mu da bere-ŋai su, a gɛɛ núu-kpune é dílaa maa tɛi. Ŋa m̀ôi kâa a tɔ̃yâ a gɛɛ, da dífela-fei sɔlɔ ƃô.

Maafîu 6:5

“Yà kɛ̀ Ɣâla fɛlîi, ífe gɛ̀ yɛ̂ɛ giri-ƃelai. Kpɛ́ni fêi, da ŋ̀wɛli dí tɔɔ Ŋ̀âla-fɛli-kêre-ŋai mu da bere-tãaŋ-ŋai lá díkɛ Ɣâla fɛ̀li a gɛɛ nûa dí díkaa. Ŋá tɔ̃yâ ƃoi kâa, da dífela-fei sɔlɔ ƃô.

Markə 4:12

a gɛ́ɛ dí m̀ɛni kpɔ́, kɛ́lɛ, dífe ŋ̀á kàa, dí m̀ɛni kɛ́lɛ, dífe tàre zu, dífe lâa dílii pene la ŋɔ́nɔ dí tínaŋ Ɣâla pɔ́ naa pere é dísu mɛni lɛɛ!”

Lukə 13:24

ǹyɛɛi, “Ka kɔ́ a gbanaŋɔɔ ka lɔ gbôŋ kuro-têi-perei; kpɛ́ni fêi, ŋá m̀ó kâa, núu támaa da pâi kɔ̂i dí lɔ, kɛ́lɛ, pɔ̂ri fé pâi kɛ̂i dîɛ.

Lukə 22:32

kɛ́lɛ, ŋa Ɣâla fɛli ímɛni ma a gɛɛ ílaa-lai fé fɛɣɛ; tãi ya pène la pôlu ŋɔnɔi, ye ínûai kɛ́ dísu e kpanaŋ.”

Ɉaan 1:51

E mò ŋɔ́nɔ ma, ǹyɛɛi, “Tɔ̃yâ kpíŋ, ŋá m̀ó kâa, ka pâi ŋelei su kâai ńâ ƃoɔ, Ɣâla ŋɔkéla-ŋai díkɛ tɛ díkɛ yeŋ núu-kpune Ǹóŋ ma.”

Ɉaan 3:3

Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a nina, à wàla kɛ́ ti, va pɔ̂ri Ɣâla ŋɔkâloŋ-laai kâai.”

Ɉaan 3:5

Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a ǹyái da Mɔleŋ, à wàla kɛ́ ti, va pɔ̂ri liî Ɣâla ŋɔkâloŋ-laai su.

Gɛlaɠaa 14:22

Dí gɛ̀ Zia-ƃelai kponôi é kpanaŋ dí dílii kúla a lii kpele woo-ŋa a gɛ́ɛ dí tɔ́ɔ a gbanaŋɔɔ dílaa-lai su. Dí mò dîa máŋ a gɛ́ɛ fɛ̂ɛ kú tɛ́ɛ mɛni-soli támaa su kú lɛ́ɛ pâi liî Ɣâla ŋɔkâloŋ-laai su.

Gɛlaɠaa 28:27

Kpɛ́ni fêi, ǹûai ŋí dílii-ŋai saâi, díwoli-ŋai fa mɛni mɛ̂ni a ǹɛ́lɛɛ, da díŋɛi lá tɛ́, a gɛ́ɛ dífa lâa kwaa káa la a díŋɛi, kpaa máŋ dí mɛni mɛ́ni a díwoli, kpaa máŋ dí mɛni ŋá káa a dílii, dí tinaŋ ḿbɔ naa-pere a gɛ́ɛ ŋá díƃalo.” ’

Gɛlaɠaa 3:19

M̀ɛni ma, ka kálii pene ká pá ŋɔ́nɔ pôlu Ɣâla pɔ́, a gɛ́ɛ kásɔnyɔ̂ŋ é kúla kâa Kúnuu-namui é fúlu-laa nina tɛɛ kápɔ.

Korɛntə dɔlɔɔ 14:20

Ŋánûa, káfè kɛ̀ a nîa-pɛlɛɛ kákili-ŋa-siai su; ka kɛ́ a kɔatara-ŋa mɛni nyɔ́mɔɔ kɛ́ɛ su, kɛ́lɛ, ka kɛ́ a núu kpaya-kpaya kákili-ŋa-siai su.

Piɛrə dɔlɔɔ 2:2

Ka Ɣâla-niŋa ŋíni-ya maa waa wɛli kpɔ́ a ŋánaa yɛ̂ɛ nîa-pɛlɛɛi nyíi-ŋai dí dímaa sɔlɔ ƃô a ninai, a gɛɛ é káƃɔlɔ é séri a káa ƃálo-laa ma.

Piɛrə veelɛ 1:11

Ɣâla a pâi Kúnuu-namui da Kúƃalo-nuui Zîsɛ Kôrai ŋɔwɔlɔ-wɔlɔ kâloŋ-laai su-perei kpɛtɛ̂i a ǹɛ́lɛɛ a gɛɛ ká lí naa.