Maafîu 18:10 - Bible

¹⁰ “Ka gáa a gɛɛ káfe káŋɛi naɣîŋ ǹîa-pɛlɛɛi ŋí dɔnɔ kpîŋ mɛi. Kpɛ́ni fêi, ŋá m̀ó kâa, Díɣâla-taa kela-ŋai díkaa Ɣâla-taai, da Ŋáɣâla-taa-Naŋ kâa nɔ a ɣele kélee. [

Yálá laawoo hɛɓɛ (dc)

¹⁰ «'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Yálá laawoo hɛɓɛ

¹⁰ «'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Maafîu 18:10 ပူးပေါင်းရင်းမြစ်များ

Samia Veerɛi 14:28

Asalɔŋ è kɛ̀ Zerusâlɛŋ a kóraŋ feerɛ va lì ǹâŋ ŋɔpɛ́rei lá.

Tɔɔɓɛlaa dɔlɔɔ 22:19

Mikâya è lì tuɛ a ŋ̀óo “M̀ɛni ma Yâwɛɛ wóo mɛni: Ŋá Yâwɛɛ kàa seeni ŋɔkâloŋ see-sɛŋ ŋá ŋ̀âla-taa kela-ŋai kélee kɛ́ ƃò tɔɔni dí tínaŋɔɔ ma ǹáa-mii-yee mɛi-pere da gɔɔ-yee mɛi-pere.

Mąątɛ̨nɛ̨ 15:4

Dia ƃa diai dífa díyee see ǹúui mu Ɣâla mɛni fé gbonôi. Kɛ́lɛ ǹúui a ŋûmɛ Yâwɛɛ ma gɛ́ ƃaa kɛ́-maa tɛ̀ɛ bɔ́i. Dia ƃa diai da tɔ̂ɔ díwoo pôlui, a nɛ̃ɛ ma kpîŋ é gɛ́ dí mɔ̃lɛi

Mąątɛ̨nɛ̨ 17:15

À kɛ̀ a ńyãa, ŋa pâi kɛ̂i íŋɛi-tuɛ a teniŋ-ƃo pere. Ŋa ŋ́ɛi lá ƃò, lii-nɛ̃ɛ a pâi kɛ̂i ḿâ, kpɛ́ni fêi, ŋ́gaa íkɔlɛ ma.

Mąątɛ̨nɛ̨ 34:7

Diai da ƃaa kɛ́ maa tɛ̀ɛ Yâwɛɛ pɔ́i, ŋɔkélai a dímaa kɔ̃ɔ, é díkula mɛni kpɔ̂lu su.

Mąątɛ̨nɛ̨ 91:11

A pâi ŋɔkéla-ŋai tɛɛ̂i dí ímaa kpɛ́ pere sîi kélee su.

Zakari 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni Ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Zakari 4:10

Ǹúui a ŋ̀ɛi nàŋiŋ sɛŋ-lôŋ mɛi, a pâi máŋ lii-nɛ̃̂ɛ kulâi, ǹyaŋ a pâi sɛŋ-kɔ̂ɔŋ-sɛŋ kâai Zɛrubabɛɛ yêei. “Yâwɛɛ ŋɔŋɛ́i-gao lɔ́ɔlu mɛi feerɛi ŋí ƃé ǹɔii kélee su kâai.”

Maafîu 1:20

Kɛ́lɛ, tãi è kɛ̀ gíli ŋá siâi la é pîlaŋ m̀ɛni-ŋai ŋí diai, Kúnuu-namui ŋɔkélai dɔnɔ è pà bɔ́ nyiî-pere, ǹyɛɛ mai, “Deeƃé ǹóŋ Zosɛ, ífe yào Mere siɣe mɛ̂ni ma, nyii gáa a ínɛnîi, kpɛ́ni fêi, gooi gáa mai, M̀ɔlêŋ Maa Waai ƃé gɛ̀ é kɛ́ mà.

Maafîu 12:20

Diai dífii kpɛɛ̂i, vé pâi ǹɛɛ̂i naa dí tóo. Diai kili kɛ-zu fé díyêei, a pâi kili-kɛ-zu tɛɛ̂i dípɔ. A pâi pâi a tenîŋ ƃô-laa núu kélee mɛni ma,

Maafîu 18:14

Bere nɔ́ ƃé máŋ Káɣâla-taa Naŋ fé ŋ̀wɛli ni la a gɛɛ ǹîa-pɛlɛɛi ŋí dɔnɔ kpîŋ é sáa.

Maafîu 18:6

“Kɛ́lɛ, ǹúui a ǹîa-pɛlɛɛi ŋí, dílaâi a ńyãai, dɔnɔ kɛ̀ é tóo pôlui, maa nɛɛ̂i a gɛɛ dí kɔni kɛ́tɛ ɣíri maa-nuui kɔŋ mâ dí bili ǹyái su.

Maafîu 2:13

Dí liɛɛi, Kúnuu-namui ŋɔkélai dɔnɔ è pà Zosɛ pɔ seêi-pere, ǹyɛɛ mà, “Ímu siɣe í gwâtarai siɣe da ǹee, ka lí Ize-lɔii su ká lɛ́ɛ naa é lɛ́ɛ la zu ŋá ŋóo tɛ́ɛ kâa. Kpɛ́ni fêi, Ɛɛlɔ káa ǹôloŋ kɔ́rîi a gɛɛ e bàa.”

Maafîu 2:19

Kɛ́lɛ, tãi Ɛɛlɔ e sàa lai, Kúnuu-namui ŋɔkélai dɔnɔ è pà Zosɛ pɔ Ize-lɔii su seêi-pere, ǹyɛɛ ma,

Maafîu 24:31

Gɛ̀ ní, a pâi Ŋɔɣâla-taa-kela-ŋai tɛɛ̂i dí tóli ƃó a túru-woo su kɛ́tɛ. Da pâi ŋɔsu-ɣɛɛ-ƃelai ŋá tɛ̂i gîe ma dí kúla ǹɔii-mela náaŋ su, é síɣe ŋele-kɔlɔŋ m̀éla tɔnɔ ma é tóo gbélii ma.

Lukə 1:19

Nya ƃe Ŋ̀âla-taa-kelai e zu tòo, ǹyɛɛi, “Ńyãa ƃa Geeƃɔlɔ nyii a tɔ̂ɔ Ɣâla ŋɛi. Dí ńdɛ̀ɛ a gɛɛ ŋa lono ípɔ a gɛɛ ŋá pá a Duŋ Lɛ́lɛɛi ŋí ípɔ.

Lukə 10:16

“Ǹúui a káwoo mɛ̀nii, a ŋ́oo mɛ̀ni. Kɛ́lɛ, ǹúui a ǹyée kùla kamui, a ǹyée kùla mû. À kɛ̀ ti, ǹúui a ǹyée kùla ḿûi, a ǹyée kùla ǹúui mu ńdɛ̀ɛi.”

Lukə 16:22

Nya ƃe gôlo-nuui ŋi e saa. Ŋ̀âla-taa-kela-ŋai dí ziɣe, dí li la Eberaɣɛ̃ɛ kɔ̃ɔŋ su. Dɔɔ-nuui e sàa máŋ, dí ǹoo;

Gɛlaɠaa 10:3

Zĩa è tɛ̀ɛ la a folo-maa-laa tɔnɔ da. Ɣâla-taa-kela tɔnɔ è pà bɔ́ zĩai su é dóli, ǹyɛɛ mài, “Kɔniliɔ.”

Gɛlaɠaa 12:15

Dîyɛɛ mài, “Gáa yɛ̂ɛ ǹyaa ƃé táre fé íŋuŋ su.” Kɛ́lɛ, è mò dîa a gɛ́ɛ gáa tí. Dîyɛɛ mài, “M̀ɛi káa-kelai ká tí kùla Ɣâla-taai!”

Gɛlaɠaa 12:23

Ɣâla-taa kela è ǹokwa kpɔ́ a maa félaa, kpɛ́ni fêi, vé Ɣâla pɔ́ láa ma tɛ́ ní gɛ́ɛ a vúlui kpeli-ŋa dí pu ma díkɛ mii é lɛ́ɛ la zu é sáa.

Gɛlaɠaa 27:23

Kpɛ́ni fêi, Ɣâla, nyíi bɔɔ ƃa ńyãai, nyíi ŋɔ́nɔ ŋa vɛlii, ŋɔkélai e tɔ̀ɔ ŋ́ɛi sâa gbínii su,

Gɛlaɠaa 5:19

Kɛ́lɛ, Ɣâla-taa kela tɔnɔ è gbini-pɛrɛi láa ƃò a kpini é díkula naa, ǹyɛɛ dîai,

Lomaŋ 14:10

Íkaa íƃarâŋ-nuu ŋɔmɛni ŋá teêi, lé mɛni ma? Kpaa máŋ, íkaa ŋɛi-naɣîŋ-mɛi kɛ̂i a íƃarâŋ-nuu, lé mɛni ma? Kpɛ́ni fêi, kúkelee kwa pâi tɔɔ̂i Ɣâla ŋɔmɛni-ŋa-tee see-sɛŋ ŋɛi tuɛ;

Lomaŋ 14:21

ǹɛ́lɛɛ̂i a gɛ́ɛ núu fe sua mii, kpaa máŋ ve ŋwã̂ai kpele, kpaa máŋ e mɛni da kélee kɛ́ nyíi a m̀arâŋ-nuu kɛ̀ é karêŋ, (kpaa máŋ ǹíi é ŋwána, kpaa máŋ víi é kpɛ́ɛ).

Lomaŋ 15:1

Kúai kúsu kpanaŋɔɔ̂i, maa nɛ̃ɛ̂i kú kúlii kpéle vii-kpɛɛ-ƃelai díkili-ŋa-sia nyɔ́mɔɔ-ŋai yêei, kúfe kúkpîŋ líi làa;

Korɛntə dɔlɔɔ 11:22

Le ƃe! Pɛ́rɛ fe káyêei a gɛ́ɛ ka kálaa míi mu ka kákpele naa? Kpaa máŋ, ka káŋɛi nàɣîŋ Ɣâla-toli-kpɔŋ mɛi, ká gôlo-ƃelai ŋɛi maa yéŋ? Ŋa pâi kɛ̂i le kâa? Ŋa pâi kálaa maa tɛ̂i nyíŋi su? Kpao, fe pâi gɛ̂i.

Korɛntə dɔlɔɔ 16:11

Mɛni ma núu da fe ŋ̀ɛi naɣîŋ m̀ɛi. Ka dɛɛ lii-sêe su a gɛ́ɛ é pá pôlu ḿbɔ, kpɛ́ni fêi, ŋ́gaa berêi kâai da ḿarâai.

Korɛntə dɔlɔɔ 9:22

À kɛ̀ a vii-kpɛɛ-ƃelai, ŋá ŋ́gbîŋ kɛ̀ a fii-kpɛɛ-nuu a gɛ́ɛ ŋa vii-kpɛɛ-ƃelai líi pene. Ŋa ŋ́gbîŋ kɛ́ a sɛŋ kélee núu kélee mɛni ma a gɛ́ɛ ŋá kɔ́ pere-sii kélee su ŋá ǹúui da-ni ƃálo.

Korɛntə veelɛ 10:1

Ńyãa Pɔ̂ɔ, ńyãa kpîŋ ŋa môi káa Kôrai ŋɔmaa-yêŋ da ŋɔsɔŋ-lɛ̂lɛi sârai, ŋà kɛ̀ ká ŋɛ́i ḿaa yeŋɔɔ̂i, kɛ́lɛ, ŋà wàla kɛ́ ká ŋɛ́i, ńii kpelêɛi!

Korɛntə veelɛ 10:10

Kpɛ́ni fêi, da mò diɛ, “Ŋɔkɔlɔ-ŋai wiɛ̂i, díkpanaŋɔɔ, kɛ́lɛ, gbono kpîŋ à kɛ̀ ƃɛ vii kpɛɛ̂i, ǹóno-woo ŋuŋ fe mà.”

Galatə 6:1

Ŋánûa, à kɛ̀ máŋ kà núu da kàa gɛ mɛni nyɔ́mɔɔ kɛ̀, káai M̀ɔlêŋ káa kákponôi ka pá a maa-nuui ti pôlu a pere lɛ́lɛɛ. Ka gɔ́lɔŋ a gɛ́ɛ ɣele da ka pâi pilîi yee-laa-maa su káa máŋ.

Tɛsalonikə dɔlɔɔ 4:8

Mɛni ma ǹúui kélee a ŋ̀ɛi naɣîŋ nyíŋi mɛi, va ŋ̀ɛi naɣîŋ núu-kpune mɛi, kɛ́lɛ, a ŋ̀ɛi naɣîŋ Ɣâla mɛi, nyíi Ŋɔmɔ̂leŋ Maa Waai tɛ̀ɛ kápɔi.

Timote dɔlɔɔ 4:12

Ífe ǹɛɛ naa núu fé ŋɛi naɣîŋ ímɛi a gɛ́ɛ íkaa a lôloŋ, kɛ́lɛ, naa-la-ƃelai lɛ́ a mɛni-kɔɔŋ-maa ílono-woo su, ítûa-pere su, wɛli-kɛ-maa su, laa-la su, da maa-waa-laa su.

Hebreu 1:14

Díkelee dífe a tii-kɛ-mɔ̂leŋ-ŋa nyíi-ŋai Ɣâla è dítɛ̀ɛ a gɛɛ dí tíi kɛ́ diai mɛni ma da pâi ƃalo-laa sɔlɔ ƃôi?

Hebreu 9:24

Kpɛ́ni fêi, Kôrai fé lì ní gwaa maa waai ma nyíi dí gbɛtɛ a díyêei, nyíi gáa a dɔ̃yâ-kwaa maa waai ŋɔpɔɔkɔ̂ŋ, kɛ́lɛ, è lì Ɣâla-taa kpîŋ a gɛɛ é nâa kùla é tɔ́ɔ Ɣâla ŋ́ɛi kúmɛni ma.

M̀ɛni-lɛɛi 8:2

È kɛ̀ tí ŋá Ŋ̀âla-taa-kela lɔ́ɔlu mɛi féerɛi kâa tɔɔ ni Ɣâla ŋ́ɛi-tuɛ. Dí turu lɔ́ɔlu mɛi feerɛ tɛ̀ɛ dípɔ.