Maafîu 16:16 - Bible

¹⁶ Samaŋ Pitɛ è ŋ̀óo su tòo, ǹyɛɛi, “Íkaa a Kôrai, nyii gáa a Vulu-laa-ɣalai Ǹóŋ.”

Yálá laawoo hɛɓɛ (dc)

¹⁶ Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Yálá laawoo hɛɓɛ

¹⁶ Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Maafîu 16:16 ပူးပေါင်းရင်းမြစ်များ

Mąątɛ̨nɛ̨ 2:7

Gâloŋ è m̀o ǹyɛɛi, “Ŋa pâi Yâwɛɛ ŋɔtɔ̂ŋ maa mɛ̂ni toôi a lolo.” Yâwɛɛ è m̀o ḿâ ǹyɛɛi, “Ńyãa ƃe ímaa sɔlɔ ƃô. Yâa sâa kɛ́ a nóŋ.

Mąątɛ̨nɛ̨ 42:2

Gɛ̀-ɣele ma Ɣalai, ímaa mɛ̂ni gbáaŋ káa ḿâ. Lé ɣele ƃé ŋa pâi ŋ́ɛi lâai la yâi?

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Maafîu 1:16

Zeeka kɛ́ ƃò a Zosɛ ǹâŋ, nyii kɛ̀ a Mere ŋɔsurɔ̂ŋ, nyii Zîsɛ sɔlɔ ƃô da kɛ̂ mà Kôrai.

Maafîu 14:33

Diai kɛ̀ géleŋ sui, dí vɛ̀li, dîyɛɛ mai “Tɔ̃yâ ma, íkaa a Ɣâla Ǹóŋ.”

Maafîu 16:15

E mò dîa, ǹyɛɛi, “Kɛ́lɛ, ka mò kâa, gbɛ̂ɛ ƃa ńyãa?”

Maafîu 26:63

Kɛ́lɛ, Zîsɛ è m̀ɛi sâa. Nya ƃe zâla láa soŋ-nuu kɛ́tɛi è mò m̀a, ǹyɛɛi, “Fɛ̂ɛ í ífoo a vulu-laa-Ɣalai í m̀o kûa à kɛ̀ íkaa a Kôrai, Ɣâla Ǹóŋ.”

Maafîu 27:54

Tãi gɔkuluƃa-ŋai mɛi-nuu kɛ́tɛi da diai kɛ̀ gɔlɛ dí kɛ́ Zîsɛ mɛi kâai, dí ǹɔii kâa la gɛ kpɛ̃liŋ da mɛni-ŋai kélee kɛ̀i, dí yao kpɔ́ a zu kɛ́tɛ, dîyɛɛi, “Tɔ̃yâ ma, nalôŋ ŋí è kɛ̀ a Ɣâla Ǹóŋ!”

Maafîu 4:3

Naa kɛ́ɛ tii, Dɛ̂ƃele è pà bɔ́ gɛ́ ǹyée lâa m̀a. È m̀o m̀a ma, ǹyɛɛi, “A kɛ̀ íkaa a Ɣâla Ǹóŋ, gɔni-ŋai ŋí kɛ́ dí pene a kpólo.”

Markə 14:61

Kɛ́lɛ, Zîsɛ fé da ƃó ní. Zâla láa soŋ-nuu kɛ́tɛi ǹyɛɛ ŋɔ́nɔ m̀ai, “Yá ƃa Kôrai, Ǹûwa Ɣalai Ǹóŋ?”

Lukə 2:11

kpɛ́ni fêi, sâa da Káƃalo-nuui maa sɔlɔ ƃó Deeƃé ŋɔtaai su, nyii gáa a Kôrai, Kúnuu-namui.

Ɉaan 1:49

Natɛnia e zu tòo, e m̀o ma, “Kaamɔ̂ɔ, íkaa a Ɣâla Ǹóŋ! Íkaa Eezuɛ Ŋɔkâloŋ!”

Ɉaan 11:27

E mò ma, ǹyɛɛi, “Ooei, Kúnuu-namui; ŋa láa la a gɛɛ yá ƃa Kôrai, Ɣâla Ǹóŋ, nyii gáa pâi ǹɔii sui.”

Ɉaan 20:31

kɛ́lɛ, nyiŋi-ŋai ŋi pɔ̃yɛɛ̂i a gɛɛ ká láa la a gɛɛ Zîsɛ ƃe gáa a Kôrai, Ɣâla Ǹóŋ, a gɛɛ ǹyaŋ kà làa la, fulu-laa é kɛ́ káyêei láai su.

Ɉaan 6:57

Yɛ̂ɛ berei Vúlu-laa-naŋ e ńdɛ̀ɛ lai, ǹyaŋ ŋ́gaa ɣele ma Nàŋ-nuui sârai, gɛ̀ ní, ǹúui a ḿîi a pâi kɛ̂i ɣele ma ńzârai.

Ɉaan 6:68

Samaŋ Pitɛ e ŋ̀óo su-tòo, ǹyɛɛi, “Kúnuu-namui, gbɛ̂ɛ ƃe kwa pɔ̂ri liî bɔ? Yá ƃe ŋwɔlɔ-wɔlɔ fulu-laa-wooi káa íyeêi;

Ɉaan 6:69

ǹyaŋ kwa láa la kwa gɔ̀lɔŋ a gɛɛ ƃia ƃe íkaa a Ɣâla Ŋɔnúu Maa Waai.”

Gɛlaɠaa 14:15

“Nûa, ka nyíŋi kɛ̂i lé mɛni ma? Kúa máŋ kúkaa a nuu-kpune-ŋa yɛ̂ɛ káa, kú ƃò kásama. Kúkaa ƃɛ́ a gɛ́ɛ kú Duŋ Lɛ́lɛɛi ƃó kâa a gɛ́ɛ ká kápôlu tɔɔ mɛni folo-ŋai ŋí dîa ka pá Gɛ-ɣele-ma Ɣalai pɔ́. Ǹyaa ƃé ŋ̀elei kpɛ̀tɛ da ǹɔii, ǹyái da zãai kélee dísui.

Gɛlaɠaa 8:36

Díkɛɛ liî, dí kùla yá da ma. Nya ƃe ǹalôŋ e mò, ǹyɛɛ, “Ƃɛ káa. Yá ká ŋí! Le ƃa pɔ̂ri ŋábatâi-mɛnii kperâi?” [

Gɛlaɠaa 8:37

Fele e mò, ǹyɛɛi, “À kɛ̀ ílaâi la a ílii kélee ya pɔ̂ri batâi sɔlɔ ƃôi.” Ǹalôŋ e ŋ̀óo su tòo, ǹyɛɛi, “Ńaâi la a gɛ́ɛ Zîsɛ Kôrai káa a Ɣâla Ǹóŋ.”]

Gɛlaɠaa 9:20

È Zîsɛ maa mɛni ƃò kpɔ́ Ŋ̀âla-fɛli kêre-ŋai mu a maa félaa a gɛ́ɛ gáa a Ɣâla Ǹóŋ.

Lomaŋ 1:4

Ɣâla e Ǹóŋ lɛ̀ wála-wala-laa kɛ́ ƃò ǹyêei yɛ̂ɛ berei ŋɔmaa-waa-laai káa la ŋɔmu-siɣe saa-yeei sârai. Ǹyaa ƃa Zîsɛ Kôrai, Kúnuu-namui.

Korɛntə veelɛ 1:19

Kpɛ́ni fêi, Zîsɛ Kôrai Ɣâla Ǹóŋ nyíi kwa maa-mɛni ƃò kásamâi, kwa Seveenɔ da Temete, ve niî kɛ́ ni a Ooei, Kpa; Ooei nɔ́ ƃe a tãi kélee gbonôi.

Korɛntə veelɛ 3:3

Ka nɛ̀ a gɛ́ɛ ká káa a kɔlɔ nyíi kùla Kôrai yêei kú dɛɛi. Gɔlɔi ŋí fé pɔ̃yɛ ní a kɔlɔ-ya, kɛ́lɛ, bɔ̃yɛɛ̂i a vúlu-laa Ɣalai Ŋɔmɔ̂leŋ, vé pɔ̃yɛ ní kɔni-ƃêla ma, kɛ́lɛ, bɔ̃yɛɛ̂i núu-kpune líi su.

Korɛntə veelɛ 6:16

Le-mɛni kpɛ́tɛɛ ƃe Ŋ̀âla-pɛrɛ kɛ́tɛi da ɣâla-pɔɔkɔŋ-ŋa da pɔ̂ri gɛ̂i? Kpɛ́ni fêi, kúa ƃa vulu-laa-Ɣalai ŋɔpɛ́rɛ kɛ́tɛi; yɛ̂ɛ berei Ɣâla e mò lai, “Ŋa pâi kɛ̂i díkponôi ŋá sía dísama, ŋa pâi kɛ̂i a Díɣâla, dí ƃo a ŋánûa.

Dutɛrɔnome 5:26

Núu-kpune nenɛ̂ ƃé a tá gɛ-ɣele ma Ɣalai wóo mɛ́ni gɛ́ lòno bɔ́ ŋ̀óo kɛ́ kùla ŋɔŋ su maa nuui é lɛ́ɛ ɣele ma yɛ̂ɛ berei a kɛ́ la a kúai?

Tɛsalonikə dɔlɔɔ 1:9

Kpɛ́ni fêi, berei ka káyee sèe la kúmu a ǹɛ́lɛɛi dia kpîŋ dí m̀ɛni ƃò da berei ka káyee kùla la ɣâla-pɔɔkɔŋ-ŋa maa-mɛnii su ka tinaŋ dɔ̃yâ-Ɣalai da vulu-laa-Ɣalai pɔ́pere a gɛ́ɛ ka tíi kɛ́ mì,

Timote dɔlɔɔ 3:15

à kɛ̀ ḿba-mɛnii à tòo pôlu, ká gɔ́lɔŋ berei ka pɔri tuâi la Ŋâla-pɛrɛ mu-ƃelai sama nyíi gáa a vulu-laa-Ɣalai ŋɔtóli-kpɔŋ, nyíi gáa a dɔ̃yâi soŋ-wuru da gɔ́ɔ pîlanii.

Timote dɔlɔɔ 4:10

Nyíŋi mɛni ma kúkaa tíi kɛ̂i kúkɛ kɔ kpɔ́ a gbanaŋɔɔ, kpɛ́ni fêi, kwa kúkili-kɛ-zui pu gɛ-ɣele-ma-Ɣalai ma, nyíi gáa a núu kélee Ƃalo-nuui, é tela kɛ́ kpɔ́ a diai laa-la káa díyêei.

Hebreu 10:31

Gáa a mɛni maa pɔlɔ-pɔlɔɔ a gɛɛ Vulu-laa-Ɣalai é tɔ̂ŋ kpɛ̀ núu ma.

Hebreu 12:22

Kɛ́lɛ, ka pá Zãiyɔŋ Yeei ma da Vulu-laa-Ɣalai ŋɔtaa-lee kɛ́tɛi, ǹyaa ƃa Zerusâlɛŋ nyíi gáa a Ɣâla-taai. Ka seri ŋ̀âla-taa-kela-kpɔŋ kɛ́tɛ ma nyíi-ŋai dí ŋá tɛ̀ díkîe ma kúu kɛ́-mɛni ma.

Hebreu 3:12

M̀arâai, ka kámɛi káa, à wàla kɛ́ tí mɛni nyɔ́mɔɔ a pâi kɛ̂i kákponôi, líi nyíi ve a laa-la-lii é kɛ́ kákoi, nyíi pâi kákɛ̂i ká kásu kula Vulu-laa-Ɣalai mai.

Hebreu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ-Mɔleŋ sârai, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere-nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma-Ɣâlai mi.

Zɔ̂ŋ Maa-ŋuŋ 4:15

Ǹúui kélee a mò a gɛɛ Zîsɛ káa a Ɣâla Ǹóŋ, Ɣâla káa gbonôi, ǹyaŋ gɛ ƃo Ɣâla kponôi.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

Zɔ̂ŋ Maa-ŋuŋ 5:5

Gbɛ̂ɛ ƃe ǹyée tɛɛ̂i ǹɔii ma é kúla ǹúui pôlu ǹaâi la a gɛɛ Zîsɛ káa a Ɣâla Ǹóŋ?

M̀ɛni-lɛɛi 7:2

È kɛ̀ tí, ŋá Ɣâla-taa-kela da kpɛni kàa é kúla voloi kulâi-pere, vulu-laa-Ɣâlai ŋɔkɔlɔ lá tɛ-sɛŋ kɛ́ ƃo ǹyêei. È Ŋ̀âla-taa-kela náaŋ tòli a ŋ̀óo su kɛ́tɛ, nyíi-ŋai dí wala-wala tɛ̀ɛ dípɔ a gɛɛ dí sɛŋ sóli ǹɔii ma da ǹyúoi,