Maafîu 12:18 - Bible

¹⁸ “Ka Ŋátii-kɛ-nuui káa, nyii ŋá zìɣe zu, ńii-ma tii-kɛ-nuui, nyii m̀aa-mɛni a Ŋámɔ̂leŋ líi láai. Ŋa pâi ŋámɔ̂leŋ pûi gbonôi, ǹyaŋ a pâi dɔ̃yâ-mɛnii lɛ̂i Zɛ̃tai-ŋai dîa.

Yálá laawoo hɛɓɛ (dc)

¹⁸ «Nwɔ́ kólo kɛmun ŋá ɉəɠə ɉu, ya ka. Nwɛli kaa mą́ą́ kpɔ a gbɔ-kpɔɔ, ya ɓə ŋá mą́ą́ mɛ̨nįɠaa kəlee lɛɛ mą. Gáá pai nwɔ́ Kilii tɛɛi bɔ; yɛ mɛ̨nį haŋą́ą́ laa həli hį́i kəlee ɓa.

Yálá laawoo hɛɓɛ

¹⁸ «Nwɔ́ kólo kɛmun ŋá ɉəɠə ɉu, ya ka. Nwɛli kaa mą́ą́ kpɔ a gbɔ-kpɔɔ, ya ɓə ŋá mą́ą́ mɛ̨nįɠaa kəlee lɛɛ mą. Gáá pai nwɔ́ Nįį tɛɛi bɔ; yɛ mɛ̨nį haŋą́ą́ laa həli hį́i kəlee ɓa.

Maafîu 12:18 ပူးပေါင်းရင်းမြစ်များ

Mąątɛ̨nɛ̨ 89:19

Tãi su kôyaa tɛɛ pôlu ma, í m̀o íteniŋ ƃo tii kɛ́-ƃelai dîa zĩa su, yɛ̂ɛi, “Ŋá kpɔŋ mâa tɛ̀ɛ kɔkuluƃa pɔlɔ tɔnɔ pɔ́. Ŋá zìɣe zu ŋánûai sáma ŋá gɛ́ a kâloŋ.

Azaya 11:2

Yâwɛɛ ŋɔmɔlêŋ a pâi kɛ̂i m̀ɛi, dáreɛɛ, gíli ŋá ponoɔɔ nûa mɛi káa pere su. A pâi Yâwɛɛ kɔ̂lɔni gɛ́ ƃaa kɛ́-maa tɛ̀ɛ bɔ́.

Azaya 42:1

Yâwɛɛ a m̀ôi ǹyɛɛi, “Ŋátii kɛ́-nuui ká ŋí. Ǹyaa ƃé ŋá zìɣe zu. Ńii lâai ǹyêei. Ŋa pâi Ŋámɔleŋ pûi gbonôi, ŋá wála-wala tɛɛ bɔ́. A pâi gɛ̂i nûa dí kɛ́ teniŋ ƃô mɛni-ŋa kɛ̀ ǹɔii ŋûŋ-ŋai su.

Azaya 52:13

Yâwɛɛ è m̀o ǹyɛɛi, “Ŋá pâi gɛ̂i a gɛ́ɛ m̀ɛnii kélee ńyee mu nuui a ǹyée pìli zui, ŋ̀aa-see é kɛ́ ǹyêei a ǹɛ́lɛɛ, ƃaa kɛ́-maa kɛ́ ƃò m̀a.

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Azaya 62:2

Zerusâlɛŋ, ǹɔii-ŋûŋ-ŋai kélee da pâi ítɔ̃yâ-laai kâai, ǹaa kaloŋ-ŋai dí íkɛtɛ-laai kɔ́lɔŋ. Da pâi láa nîna seêi yâ, ǹyaŋ Yâwɛɛ ǹyaa kpîŋ ƃé pâi láa nina seêi yâ.

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Zakari 3:8

Zasua, íwoli tɔ́ɔ, yái íkaa a zâla láa-soŋ-nuu kɛ́tɛi. Ǹyaŋ káai a zâla láa-soŋ-ƃela kpéli-ŋai, ka káwoli tɔ́ɔ: Káa ƃa ŋɛi-kɛ-maa mɛni lɛ́lɛɛ mɛni ma tínaa-tuɛ-pere. Ŋa pâi ńyee-mu-nuui lɛ̂i nyii da dòli a Ŋ̀oŋoi!

Maafîu 12:17

È gɛ̀ tí a gɛɛ mɛnii Ɣâla ŋɔlóno-kɛ-nuui Azaya è mòi ŋa-see é kɛ́, nyii è mò, ǹyɛɛi,

Maafîu 17:5

Gɛ́ɛ niî lônoi, ɣele-kɔlɔŋ kole è dímɛi pɛ̂lɛ. Nya ƃe wóo è kùla ŋele-kɔlɔŋ kolei su, ǹyɛɛi, “Ŋáwɛli-kɛ-maa-Loŋ ká ŋí, nyii m̀aa-mɛni a ńii láai. Ka ŋ̀óo mɛni.”

Markə 1:11

Nya ƃe wóo da è kùla ŋ̀elei su, ǹyɛɛi, “Yá ƃa ŋáwɛli kɛ́-maa Loŋ. Ńii lâai a ímaa mɛni.”

Markə 9:7

Nya ƃe ɣele-kɔlɔŋ kole è dímɛi pɛ̂lɛ. Wóo da è kula ŋ̀ele-kɔlɔŋ kolei su ǹyɛɛi, “Ŋáwɛli kɛ́-maa Loŋ ká ŋí, ka ŋ̀óo mɛ́ni.”

Lukə 23:35

Nya ƃe ǹûai dí kɛ̀ tɔɔ ni gɔlɛ, díkɛ naa kaa. Gɔmɛnɛ-ƃelai máŋ dí kɛ̀ ɣɛ́lɛ-maa kulâi zu, dîyɛɛi, “E núu da kpɛni-ŋa ƃàlo; à kɛ̀ gáa a Kôrai nyii kulâi Ɣâla yêei, Ŋɔsu-ɣɛɛ-nuui, ǹɛɛ naa é gbîŋ ƃálo!”

Lukə 3:22

M̀ɔlêŋ Maa Waai e yeŋ tòloŋ kponôi e pîlaŋ ma, nya ƃe wóo e kùla Ɣâla-taa, ǹyɛɛi, “Ya ƃa Ŋáwɛli-kɛ-maa-Loŋ. Ńii lâai a ímaa-mɛ̂ni.”

Lukə 4:18

“Kúnuu-namui Ŋɔmɔ̂leŋ Maa Waai kaa ḿɛi, kpɛ́ni fêi, a wulɔ pu ŋ́ûa a gɛɛ ŋa tuŋ lɛ́lɛɛ ƃo gôlo-ƃelai dîa. A ńdɛɛ a gɛɛ ŋa ŋuŋ-maa ƃo-mɛni ƃo gɔ-soŋ-ŋai dîa, ŋa ŋɛi-pu-ƃelai díkwaa-kaai mɛni ƃo, a gɛɛ ŋa ǹûai ŋuŋ ma ƃó diai díkaa mɛni kpɔ̂lu sui,

Lukə 9:35

Wóo da e kùla ŋele-kɔlɔŋ kolei su, ǹyɛɛi, “Ńoŋ ká ŋi nyii ŋá ziɣe zui; ka ŋ̀óo mɛni.”

Ɉaan 3:34

Kpɛ́ni fêi, ǹúui nyii Ɣâla e dɛ̀ɛi, a Ɣâla ŋɔwóoi ƃò, kpɛ́ni fêi, va Ŋɔmɔ̂leŋ da nɔ tɛ̀ɛ;

Gɛlaɠaa 10:38

Ɣâla è lɛ̀ a M̀ɔlêŋ Maa waai pù Nâzarɛ Zisɛi kponôi é wála-wala tɛ̀ɛ bɔ́. È kɛ̀ liî a mɛni lɛ́lɛɛ kɛ́ɛ, gɛ́ diai ƃàlo Dɛ̂ƃele è kɛ̀ díkponôi, kpɛ́ni fêi, Ɣâla è kɛ̀ bôlu.

Gɛlaɠaa 11:18

Ŋ̀óo-ŋai ŋí mɛniɛɛ dîɛi, dí dímɛi sàa dí Ɣâla láa maa tɛ́, dîyɛɛi, “Gɛ̀ ní, Ɣâla a ŋuŋ ma ƃo tɛ̀ɛ Zɛ̃tai-ŋai pɔ́ máŋ a gɛ́ɛ dí dílii pene dílɛɛ ɣele ma.”

Gɛlaɠaa 14:27

Dí páai, dí Kôrai-toli-kpɔŋ su-ƃelai kélee ŋá tɛ̀ ma, dí m̀ɛnii kélee ƃó dîa Ɣâla è gɛ̀ a diai da berei è pere lá ƃò la Zɛ̃tai-ŋai dîɛ a gɛ́ɛ dí láa lai.

Ifisiɛŋ 1:6

a gɛ́ɛ ku ŋɔfólo-laa ƃɛlɛ-sêei maa tɛ́, nyíi e dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Kolosə 1:1

Ńyãa Pɔ̂ɔ, ńyãai ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa mɛnii káa lai, kwa Temete nyíi gáa a kúƃarâŋ nuui,

Kolosə 1:13

A kúkula kpini ŋɔwála-walai su a li a kua ŋɔwɛli-kɛ-maa-Loŋ ŋɔkâloŋ-laai su,

Piɛrə dɔlɔɔ 2:4

Ka pá ǹúui pɔ gáa a vúlu-laa-kɔnii nyíi núu-kpune è ǹyée kùla mu, kɛ́lɛ, ǹɛ́lɛɛi Ɣâla ŋɛ́i, maa-mɛni kpanaŋɔɔi.

Piɛrə veelɛ 1:17

È ƃaa-kɛ-maa da folo-laa sɔlɔ ƃô Ɣâla Nàŋ-nuui yêei. Volo-laa kɛ́tɛi è ŋ̀óoi ŋí tɛ̀ɛ bɔ naa, nyíi mò, nyɛɛi, “Ŋáwɛli-kɛ-maa loŋ ká ŋí, nyíi ǹíi lâai mɛni mai.”