Maafîu 11:3 - Bible

³ é m̀o mà, ǹyɛɛi, “ƃia ƃa ǹúui gáa pâi, kpaa máŋ, fɛ̂ɛ kú núu da kpɛ́ni perêi káa?”

Yálá laawoo hɛɓɛ (dc)

³ Diɛ kɛ mą: «Akɛti, nui kwa kɛ mąą mɛ̨nį mɛ̨n ɉii diɛ kɛ: Gaa pai, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąą kpɔn?»

Yálá laawoo hɛɓɛ

³ Diɛ kɛ mą: «Akɛti, nui kwa kɛ mąą mɛ̨nį mɛ̨n ɉii diɛ kɛ: Gaa pai, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąą kpɔn?»

Maafîu 11:3 ပူးပေါင်းရင်းမြစ်များ

Zɛnɛse 12:3

Ŋa pâi lûwa lâai diai dîa da lûwa làa yâi, ŋa diai náɣaŋ da ínàɣaŋ. Kpɛ́ni fêi, ǹɔii kélee a pâi lûwa sɔlɔ ƃôi ísârai.”

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ̂rɔnii íŋuŋ ma, yáŋ ya pâi dínyînii díkɔɔ ma.”

Zɛnɛse 49:10

Zuda ŋɔkâloŋ-wurii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Mąątɛ̨nɛ̨ 118:26

Tɔɔ Ɣâla é lûwa láa ǹúui ma nyii pà Yâwɛɛ láai sui. Kwa lûwa toôi yâ Yâwɛɛ ŋɔpɛ́rɛi mu.

Azaya 7:14

M̀ɛni ma, Ǹuu-namui ǹyaa kpîŋ a pâi ŋɛi-kɛ-maa sîi da kɛ̂i káŋɛi. Nɛnî-kpela tɔnɔ da a pâi koo siɣêi é lóŋ-surɔ̂ŋ maa sɔlɔ ƃó. Da pâi ǹáa seêi a Imayuwɛ.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Abdiasə 1:21

Diai Idɔŋ-ŋai yée mɛi ɣàlei, da pâi tɛɛ̂i Zãiyɔŋ yeei ma dí kɛ́ Idɔŋ-ŋai mɛi. Ǹyaŋ Kúnuu-namui a pâi kɛ̂i a kâloŋ ŋɔnûai mɛi.”

Mise 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyai.”

Egaa 2:7

Ǹyaŋ ŋa pâi ǹɔii-ŋûŋ-ŋai kélee túmo-tûmoi dí pá a dítɔɔ-sãai ƃɛ́ ŋá ƃɛ́rɛi ŋí láa fɛ́ɛ a sɛŋ lɛ́lɛɛ-ŋa.

Zakari 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Malasi 3:1

Ŋ̀wála-wâla kélee Yâwɛɛ a môi ǹyɛɛi, “Ŋa pâi ŋáworɛ̂-woo ƃó-nuui tɛɛ̂i a gɛɛ é ŋáperei su kpɛtɛ. À kɛ̀ tí, Ŋ̀âlai ka gɔ̂rii a pâi pâi Ŋɔpɛ́rɛi Kɛ́tɛi mu a maa félaa. Gɛ̀ ní ŋ̀orɛ̂-woo ƃó-nuui ka wɔ́lɔ berei kâai, a pâi pâi é ŋáworɛ̂-wooi ƃó kâa.”

Malasi 4:2

Kɛ́lɛ káai ka yâo ḿâai ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpãle. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili.

Lonon mo 24:17

Ŋa tinaa-tuɛ pere kàa, ǹya ƃe ŋá Eezuɛ lɔii kâa. Kâloŋ tɔnɔ a pâi kulâi dílɔii su gɛ́ fòlo yɛ̂ɛ pɛmɛlɛŋ-kao. Kâloŋ-wuru a pâi kulâi Eezuɛ. A pâi Môa-ŋai tuɛ-ƃelai su karâi. É Sɛ̂ ŋɔsuui su-ƃelai kélee yée mɛi ɣále.

Maafîu 11:10

Ǹúui ká ŋí dí maa-mɛni pɔ̃yɛ, ‘Gáa, ŋa ŋákelai tɛɛ̂i íŋɛi tuɛ, nyii pâi íperêi kpɛtɛ̂i.’

Maafîu 11:4

Nya ƃe Zîsɛ è díwoo su tòo, ǹyɛɛi, “Ka lí ká mɛni-ŋai ƃó Zɔ̂ŋ ma ká m̀ɛnii da mɛni-ŋai ká gáâi.

Maafîu 21:5

“Ka mó Zãiyɔŋ ǹóŋ-nɛnii ma, Gáa, íkâloŋ káa pâi ípɔ. Ǹíi maa yeŋɔɔ, gɛ ƃo see ni wɛlɛ-sôo mɛi, da ŋwɛlɛ-sôoi ǹóŋ.”

Maafîu 21:9

Gbɔŋ-su-ƃelai kɛ̀ duɛ-perei da diai kɛ̀ bôlu-perei díkɛ̀ làɣi dîyɛɛ, “Osâna Deeƃé Ǹóŋ! Lûwa káa ǹúui ma pâi Kúnuu-namui láai sui! Osâna ɣelei-pere póŋ-póŋ!”

Markə 11:9

Diai kɛ̀ dúɛ-pere da diai kɛ̀ bôlu-perei, dí kɛ̀ lâɣii, “Kwa laa-maa-tɛ é tɛɛ Ɣâla pɔ́! Lûwa é kɛ́ ǹúui ma a pâi Kúnuu-namui láai su!

Lukə 19:38

Díyɛɛi, “Lûwa káa gâloŋ ma nyii pà Kúnuu-namui láai sui! Lii-see é kɛ́ Ɣâla-taa, laa-maa-tɛ é kɛ́ ɣelei-pere póŋ-póŋ!”

Ɉaan 11:27

E mò ma, ǹyɛɛi, “Ooei, Kúnuu-namui; ŋa láa la a gɛɛ yá ƃa Kôrai, Ɣâla Ǹóŋ, nyii gáa pâi ǹɔii sui.”

Ɉaan 12:13

Nya ƃe dí tóu-laa-ŋa tèe dí li berei tɔɔ̂i, díkɛ laɣi, dîyɛɛi, “Osâna! Lûwa káa ǹúui ma nyii pâi Kúnuu-namui láai sui, Eezuɛ-ŋai máŋ Díkâloŋ!”

Ɉaan 16:14

A pâi ŋáfolo-laai maa tɛ̂i. Kpɛ́ni fêi, a pâi nyii siɣêi gáa ńyêei é ǹɛ kâa.

Ɉaan 4:21

Zîsɛ e mò ma, ǹyɛɛi, “Nɛnîi, láa a ńyãa, tãi káa pâi nyii su núu da fe pâi Nàŋ-nuui fɛlîi ǹyéei ŋi ma, kpaa máŋ Zerusâlɛŋ.

Ɉaan 6:14

Tãi ǹûai dí ŋɛi-kɛ-maai ŋi kàa nyii e gɛ̀i, dí mò, “Nyiŋi kpîŋ káa a Ɣâla ŋɔlóno-kɛ-nuui nyii gáa a sɛŋ a gɛɛ é pá ǹɔii sui.”

Ɉaan 7:31

Ǹúui dámaa dí làa la; dí mòi, dîyɛɛi, “Kôrai à pà, a pâi ŋɛi-kɛ-maa-ŋa kɛ̂i é tɛ́ɛ nyiŋi-ŋai dîa nalôŋ ŋi a gɛ́i?”

Hebreu 10:37

“Nàa guro à gɛ̀ tí, ǹúui nyíi gáa pâi, a pâi pâi a maa félaa, vé pâi tãi siɣêi.