Lukə 6:27 - Bible

²⁷ “Kɛ́lɛ, káai ŋ́oo mɛnîi, ŋa m̀ôi kâa, ka kákpɔara-ƃelai wɛ́li. Ka mɛni lɛ́lɛɛ kɛ́ a diai da kákpɔ̀arâi.

Yálá laawoo hɛɓɛ (dc)

²⁷ «Kɛlɛɛ, kaa ŋɛ̨i ka wəli tɔɔ nwóó ɓa, gáá moi kaa, ka ka yowoɠaa wɛli la kɛ. Nuąi ka wɛli kpɛɛ diɛ, ka mɛ̨nį lɛlɛɛ kɛ diɛ.

Yálá laawoo hɛɓɛ

²⁷ «Kɛlɛɛ, kaa ŋɛ̨i ka wəli tɔɔ nwóó ɓa, gáá moi kaa, ka ka yowoɠaa wɛli la kɛ. Nuąi ka wɛli kpɛɛ diɛ, ka mɛ̨nį lɛlɛɛ kɛ diɛ.

Lukə 6:27 ပူးပေါင်းရင်းမြစ်များ

Tɔɔɓɛlaa dɔlɔɔ 13:6

Nya ƃe gâloŋ è mò ŋ̀âla naloŋ ma ǹyɛɛi, “Lóno Íɣâlai Yâwɛɛ pɔ́ í tela Ɣâla fɛli a gɛ́ɛ é ńyee ƃálo mî pôlu.” Nya ƃe Ɣâla ŋɔlóno kɛ́-nuui è lòno Yâwɛɛ pɔ́ màa mɛ̂ni ma, ǹyaŋ gâloŋ yée è ŋɔ́nɔ ƃàlo pôlu é kɛ́ yɛ̂ɛ berei è kɛ̀ la a bɔlɔi.

Hanwon 24:17

Íkpɔara-nuui a tòo pôlu, ílii fé nɛ̃ɛ. Dà ǹyée mɛi ɣâle, ífe ǹii-nɛ̃ɛ kùla.

Hanwon 25:2

Kwa ƃaa kɛ́-maa tɛ̀ɛ Ɣâla pɔ́ kpɛ́ni fêi a gɛ́ mɛ̂ni-ŋai lòo kûa, kú kɛ́ ƃaa kɛ́-maa tɛ̀ɛ kâloŋ-ŋa pɔ́ kpɛ́ni fêi da mɛni ŋáa lɛ́ kûa.

Markə 4:24

Zîsɛ mò dîa máŋ ǹyɛɛi, “Ka káwoli tɔ́ɔ a gɛ́ɛ ká m̀ɛnii ŋí mɛni kpɔ́ a ǹɛ́lɛɛ. Berei ka nûa da kpɛ́ni-ŋa dímɛni sâa ŋá tèe lai, bere sîi tɔnɔi tí nɔ́ ƃé Ɣâla a pâi káwɔ̂ mɛni-ŋai ŋá teêi la. A pâi gɛ̂i a gbanaŋɔɔ máŋ é tɛ́ɛ káwɔ̂i kɛ́ pere ma.

Lukə 23:34

Nya ƃe Zîsɛ e mò, ǹyɛɛi, “Ńâŋ, dísu-mɛni lɛɛ; kpɛ́ni fêi, dífe mɛnii kɔ́lɔŋ da gɛ̂i.” Dí ŋɔseɣei ŋá kɔ̀lɛ kpɛɛŋ su.

Lukə 6:22

“Lûwa káa kâa tãi ǹûai da pâi kákpɔarâi la, dí ka-kula dísamai, díkɛ lii-ŋwana woo-ŋa ƃo kâa, dí kálaa ƃo a nyɔ́mɔɔ núu-kpune Ǹóŋ maa-mɛni mai!

Lukə 6:35

Kɛ́lɛ, ka kákpɔara-ƃelai wɛli, ka mɛni lɛ́lɛɛ kɛ́ a dîa, ka kpa pìli dîa diai kákili fé dîa a gɛɛ dí deêi, gɛ̀ ní, káfela-fei a pâi kɛ̂i a gɛ́tɛ, ka pâi kɛ̂i a Ǹúui Gɛ́tɛi lonii, kpɛ́ni fêi, zɔŋ lɛ́lɛɛ̂i kpîŋ ǹûai dîa sɛɣɛi-fei fe díyêei bɛlɛɛ zɔnyɔ̂ŋ-ƃelai dîa.

Lukə 8:15

Nyii-ŋai ǹɔii lɛ́lɛɛi mai, dia ƃa ǹûai da m̀ɛni dí ŋ̀óoi lâai kɛ́ a tɔ̃yâ-lii lɛ́lɛɛ dí ƃa a lii-kpele-perei.

Lukə 8:18

“Maa-mɛni ma, ka kámɛi káa berei ka mɛni la; kpɛ́ni fêi, ǹúui sɛŋ da káa ǹyêei, ǹyaa ƃe da a pâi tɛɛ̂i bɔ, ǹúui sɛŋ da fé ǹyêei, ǹyaa máŋ, nyii gíli káa ma a gɛɛ gáa ǹyêei, a pâi kulâi ǹyêei.”

Lukə 8:8

Da è tòo lɔii lɛ́lɛɛ ma, é pɔmûŋ, bɔmûŋ tɛi-tɛi kélee e ƃa a ŋuŋ tɔnɔ.” Gɛɛ a mɛni-ŋai ŋi ƃói, e làɣi ɣelêi, ǹyɛɛ, “Ǹúui wóli káa ma a gɛɛ e mɛni mɛnii, tɔɔ e mɛni.”

Gɛlaɠaa 10:38

Ɣâla è lɛ̀ a M̀ɔlêŋ Maa waai pù Nâzarɛ Zisɛi kponôi é wála-wala tɛ̀ɛ bɔ́. È kɛ̀ liî a mɛni lɛ́lɛɛ kɛ́ɛ, gɛ́ diai ƃàlo Dɛ̂ƃele è kɛ̀ díkponôi, kpɛ́ni fêi, Ɣâla è kɛ̀ bôlu.

Gɛlaɠaa 16:28

Kɛ́lɛ, Pɔ̂ɔ e làɣi kpɔ́ a ŋ̀óo su kɛ́tɛ, ǹyɛɛi, “Ífe mɛni pɛlɛ íkpîŋ ma. Kpɛ́ni fêi, kúkelee kúkaa ƃɛ.”

Gɛlaɠaa 7:60

È pù ŋume ŋá é wɔ́lɔ a ŋ̀óo su-kɛ́tɛ, ǹyɛɛi, “Kúnuu-namui, ífe díkula maa kɛ̀ dísɔnyɔ̂ŋ ŋí mɛni ma.” Nyíŋi ƃóɔɔ mìi, è sàa.

Galatə 6:10

Mɛni ma, tãi pɔ̂ri-maa káa la kúyêei, kwaa ku mɛni lɛ́lɛɛ kɛ́ núu kélee mi, é tela kɛ́ a diai díkaa a naa-lai su-ƃela-kpului.

Tɛsalonikə dɔlɔɔ 5:15

Ka gáa a gɛ́ɛ káfe mɛni nyɔ́mɔɔ gba kula a mɛni nyɔ́mɔɔ, kɛ́lɛ, ka kɔ́ a tãi kélee a gɛ́ɛ ka mɛni lɛ́lɛɛ kɛ́ a kákîe-ni da núu kélee.

Zɔ̂ŋ Zaaƃai 1:11

Ŋáwɛli-kɛ-maa-nuui, ífe mɛni nyɔ́mɔɔ pɔ́ɔ kɔ̀ɔŋ, kɛ́lɛ, mɛni lɛ́lɛɛ pɔ́ɔ kɔɔ̂ŋ. Ǹúui a mɛni lɛ́lɛɛ kɛ̀i, gáa a Ɣâla pɔ́ɔ. Ǹúui a mɛni nyɔ́mɔɔ kɛ̀i, vé niî Ɣâla káa ní.