Lukə 6:23 - Bible

²³ Kálii é nɛ̃ɛ a maa-ɣelei ti, ka píli ɣelêi a lii-nɛ̃ɛ, kpɛ́ni fêi, ka gáa, káfela-fei kɛ̂tɛi Ɣâla-taa, kpɛ́ni fêi, bere nɔ ƃe dínuu-pɔlɔ-ŋai dí wɔ́lɔ gɛ̀ la a Ɣâla ŋɔlóno-kɛ-ƃelai.

Yálá laawoo hɛɓɛ (dc)

²³ Ɓɛlɔwai mɛ̨nįɠaa tii da həli la kaa, ka pili yələi a kwəinɛ̨ɛ̨, mąąhɔlɔɓo, hvɛla kulɔ kɛnɛ̨ kaa ka mąąkpɔn ɉi yələkɔlɔn ɉu. Pələ kpɔlɔ ɓə di kalaɓɔlɔni di kɛi Yálá kwəi mɛ̨nį hukulɔ nuą laa nɔ̨nwɔ̨ ɓo la.

Yálá laawoo hɛɓɛ

²³ Ɓɛlɔwai mɛ̨nįɠaa tii da həli la kaa, ka pili yələi a kwəinɛ̨ɛ̨, mąąhɔlɔɓo, hvɛla kulɔ kɛnɛ̨ kaa ka mąąkpɔn ɉi yələkɔlɔn ɉu. Pələ kpɔlɔ ɓə di kalaɓɔlɔni di kɛi Yálá kwəi mɛ̨nį hukulɔ nuą laa nɔ̨nwɔ̨ ɓo la.

Lukə 6:23 ပူးပေါင်းရင်းမြစ်များ

Samia Veerɛi 6:16

Díkɛɛ pâi a gãlai Deeƃé ŋɔtaai sui, Sɔ̂ɔ ǹóŋ-nɛnii Maka è kɛ̀ Deeƃé kâai gɛ́ pìli ɣelêi gɛ́ pìlaŋ gɛ́ m̀ãla Yâwɛɛ ŋɛ́i-tuɛ. Kɛ́lɛ Deeƃé kɛ́-pere fé ǹíi láa ní.

Tɔɔɓɛlaa dɔlɔɔ 18:4

Zɛsebɛɛ kɛ́ɛ Yâwɛɛ ŋɔlóno kɛ́-ƃelai paâi, Obadia è Ɣâla ŋɔlóno kɛ́-ƃelai ŋuŋ tɔnɔ sìɣe é díloo kɔni wolo feerɛ su, dɔnɔ núu buu lɔ́ɔlu, gɛ́ mii-sɛŋ tɛ̀ɛ dípɔ da yá naa.)

Tɔɔɓɛlaa dɔlɔɔ 19:10

È zu tòo, “Ŋá Yâwɛɛ, ŋ̀wála-wala kélee Ɣalai maa mɛni sòŋ a gbanaŋɔɔ. Eezuɛ-ŋai da díyee kúla í kpanaŋ-wooi mu, da íɣâla-teƃele-ŋai wólo da ílono kɛ́-ƃelai páa a ƃóa-sɔ̂kpɔ. Ńyãa tɔnɔ ƃé lɛ̀ɛ ǹyaŋ da kɔ̂i a gɛ́ɛ dí ḿbaa máŋ.”

Tɔɔɓɛlaa dɔlɔɔ 19:14

È zu tòo ǹyɛɛi, “Ŋá Yâwɛɛ ŋ̀wála-wala kélee ɣalai maa mɛni sòŋ a gbanaŋɔɔ. Eezuɛ-ŋai da díyee kúla í kpanaŋ-wooi mu, da ŋâla-teƃele-ŋai wólo, ǹyaŋ da ílono kɛ́-ƃelai páa a ƃóa-sɔ̂kpɔ. Ńyãa tɔnɔ nɔ́ ƃé lɛ̀ɛ ǹyaŋ díkaa nâa kɔ̂i a gɛ́ɛ dí ḿbaa máŋ.”

Tɔɔɓɛlaa dɔlɔɔ 19:2

Nya ƃe Zɛsebɛɛ è kéla tɛ̀ɛ Ilaiza pɔ́-naa a gɛ́ɛ é mò ma ǹyɛɛ, “Ŋ̀âla-ŋai dí ńdoo dí ḿbaa à kɛ̀ m̀ɛnii í gɛ̀ a Bêe ŋɔlóno kɛ́-ƃelai ŋà wàla da kɛ́ a ƃía tínaa ƃɛ́ tãi ŋí.”

Tɔɔɓɛlaa dɔlɔɔ 21:20

Eɣa è mò Ilaiza ma ǹyɛɛi, “Gɛ̀ ní, ƃaâ ŋ́gaa ŋákpɔara-nuui!” Ilaiza ǹyɛɛ m̀ai, “Ŋaâ íkaa, kpɛ́ni fêi, ya fáa ma a gɛ́ɛ í mɛni nyɔ́mɔɔ kɛ́ a Yâwɛɛ.

Tɔɔɓɛlaa dɔlɔɔ 22:27

Ka mò dîa kâai, m̀ɛnii ká ŋí gâloŋ a m̀ôi, ‘Nyáŋkpai ŋí lɔ́ kpini-pɛrɛ mu. Ífe mii-sɛŋ da kpɛ́ni tɛ̀ɛ bɔ́ fɛ̂ɛ nɔ́ kpólo da yá é lɛ́ɛ la zu ŋá pene pôlu fúlu-laa lɛ́lɛɛ su.’ ”

Tɔɔɓɛlaa dɔlɔɔ 22:8

Eezuɛ kaloŋ è Zeosafa wóo su tòo ǹyɛɛ m̀ai, “Nalôŋ tɔnɔ káa niî naa nyíi kwa pɔri tɛɛ̂i gbonôi a gɛ́ɛ kú Yâwɛɛ marê kɛ́, kɛ́lɛ fé ŋ̀wɛ̂li ní kpɛ́ni fêi, va tuɛ mɛni ƃò a ǹɛ́lɛɛ é pîlaŋ mâ fɛ̂ɛ nɔ́ mɛni nyɔ́mɔɔ a tãi kélee. Ǹyaa ƃa Imila ǹóŋ Mikâya.” Zeosafa è zu tòo, “Gâloŋ fé mò tí.”

Tɔɔɓɛlaa veelɛ 6:31

È mò ǹyɛɛi, “Ɣâla é ŋ́gula maa kɛ́ a ŋánaa à kɛ̀ Safa ǹóŋ Ilasa ŋuŋ a sâa lɛ̀ɛ gâraŋ ŋa!”

Kɔlɔnikɔ Veerɛi 36:16

Kɛ́lɛ, dí ɣɛlɛ-maa kula Ɣâla ŋɔlo-kɛ-ƃelai kponoi. Dífe díyee see ní ŋ́oo mu. Díkɛ ɣɛlɛ-maa kulâi ŋɔlóno-kɛ ƃelai kponôi é lɛɛ la zu Yâwɛɛ é ǹíi ŋwana dîa nyíi gula-maa fé kɛ ni ma.

Nehemi 9:26

“Berei máŋ í kɛ̀ m̀ɛni lɛ́lɛɛ-ŋai ŋí kélee kɛ̂i la dîɛi, dí íwoo pìli, dí díyee kúla ítɔ̂ŋ-ŋai mu, dí tɔ́ɔ yâ. Dí í lóno kɛ́-ƃelai pàa nyii-ŋai kɛ̀ dísɔnyɔ̂ŋ-ŋai maa mɛ̂ni ƃôi dîai. Dí díŋɛi nàɣiŋ ímɛi a gbɛ́ɛ pôlu.

Mąątɛ̨nɛ̨ 58:11

Ǹûai da pâi m̀ôi dîyɛɛi, “Tɔ̃yâ ma, deniŋ ƃô-ƃelai da dí fela fêi sɔlɔ ƃó. Tɔ̃yâ ma, Ɣâla káa naa nyii a ǹɔii ŋɔmɛnii ŋá tèei.”

Azaya 35:6

Diai díkɔɔ pûɔi da pâi dímu-siɣêi dí píli ɣelêi dí mã́la. Diai dífa pɔ̂ri lônoi, díla a pâi fúlonîi, dí lóno dí wule-ŋa too a lii-nɛ̃ɛ pere. Ya lêe-ŋa da pâi lâai vɛ̃ɛ-kpâlaŋ-ŋai su.

Ɉeremi 2:30

Ŋa kákùla maa kɛ̀, kɛ́lɛ káfe mɛni da kula ní zu. Ŋálono kɛ́-ƃelai nyíi-ŋai ŋá dítɛ̀ɛi, ká dí pâa a káƃoa-sɔkpɔ-ŋai yɛ̂ɛ yala-sulu líi ŋwánaa.

Malasi 4:1

Ŋ̀wála-wâla Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Maafîu 5:12

Kálii é nɛ̃ɛ kpɔ́ a ŋánaa, kpɛ́ni fêi, káfela-fei kɛ́tɛ̂i Ɣâla-taa. Kpɛ́ni fêi, bere nɔ ƃe dí Ɣâla ŋɔlóno-kɛ-ƃelai kpɔ̂ara la, nyii-ŋai kɛ̀ kátuɛi.

Lukə 1:41

Nya ƃe e kɛ̀ ti, Ilesebɛɛ kɛ́ɛ a Mere ŋɔlaa-ti-maa-wooi mɛnii, ǹôloŋ e tùmo gôo-ƃɔlɔŋ su; Ilesebɛɛ láa e fɛ̀ɛ a M̀ɔlêŋ Maa Waai,

Lukə 1:44

Kpɛ́ni fêi, gáa, tãi íla-ti-maa-wooi e tòo la ŋ̀ólii, ǹôloŋ e tùmo a lii-nɛ̃ɛ-pere ŋ́goo-ƃɔlɔŋ su.

Lukə 6:35

Kɛ́lɛ, ka kákpɔara-ƃelai wɛli, ka mɛni lɛ́lɛɛ kɛ́ a dîa, ka kpa pìli dîa diai kákili fé dîa a gɛɛ dí deêi, gɛ̀ ní, káfela-fei a pâi kɛ̂i a gɛ́tɛ, ka pâi kɛ̂i a Ǹúui Gɛ́tɛi lonii, kpɛ́ni fêi, zɔŋ lɛ́lɛɛ̂i kpîŋ ǹûai dîa sɛɣɛi-fei fe díyêei bɛlɛɛ zɔnyɔ̂ŋ-ƃelai dîa.

Gɛlaɠaa 14:10

È mò a ŋ̀óo su kɛ́tɛ, ǹyɛɛi, “Ímu siɣe í tɔ́ɔ.” Ǹalôŋ m̀u-siɣe é píli ɣelêi é pîlaŋ é pɛ́lɛ siâi.

Gɛlaɠaa 3:8

È pìli ɣelêi é tɔ́ɔ da dîa-ni dí lɔ́ Ŋ̀âla-pɛrɛ kɛ́tɛi mu, gɛ́ sìa, gɛ́ píli ɣelêi, gɛ́ Ɣâla láa maa tɛ.

Gɛlaɠaa 5:41

Zia-ƃelai kúlaa gbɔŋ sui, dí li a lii-nɛ̃ɛ, kpɛ́ni fêi, Ɣâla a fáa ma a gɛ́ɛ dímaa nɛ̃ɛi kɛ̀ dí mɛni-soli káa a ŋumɛ pere Zîsɛ láai mɛni ma.

Lomaŋ 5:3

É tɛ́ɛ máŋ nyíti ma, kwa lii-nɛ̃ɛ kula kúmɛni-soli káai su, kpɛ́ni fêi, kú gɔ́lɔŋ a gɛ́ɛ mɛni soli-kaa a pâ a lii-kpele,

Korɛntə veelɛ 12:10

Gɛ̀ ní Kôrai maa-mɛni ma, ńii lâai fii-kpɛɛ su, ƃaa-kula-maa su, mɛni-kpɔ̂lu su, kpɔara su, da mɛni-soli su; kpɛ́ni fêi, ŋà kɛ̀ a ḿvii kpɛɛ, gɛ̀ ní ńzu gbanaŋɔɔ̂i.

Kolosə 1:24

Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa mɛni-solii ŋí ŋ̀aa-see kɛ̂i a ŋ́gbono. Kôrai e mɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

Timote veelɛ 2:12

À kɛ̀ kwà mɛni-soli kàa, kwa dîa-ni kwa pâi máŋ kɛ̂i a núu-mɛi-ƃela; à kɛ̀ kwa m̀aa-sia tòo, gɛ̀ ní ǹyaa máŋ a pâi kúmaa-sia toôi;

Hebreu 11:26

È làa la a gɛɛ mɛni-solii è gàa Kôrai mɛni mai, é kɛ̀ a tɔɔ-sɛŋ kɛ́tɛ é tɛ́ɛ la Ize-tɔɔ-sãai dîa, kpɛ́ni fêi, ŋ̀ɛi è kɛ̀ vela-féi perêi.

Hebreu 11:6

Núu fa pɔ̂ri Ɣâla líi lâai laa-la ŋ́ɛi pôlu. Kpɛ́ni fêi, ǹúui ŋ̀wɛ̂lii é lɛ́ɣɛ Ɣâla kɔlɛi, fɛ̂ɛ é láa la a gɛɛ Ɣâla káa ɣele ma a gɛɛ é diai líi laa da gɔ̀rii.

Zĩi 1:2

Ŋánûa, kà su-kɔɔŋ-sii támaa sɔlɔ ƃô, ka lii-nɛ̃ɛ kula,

Piɛrə dɔlɔɔ 4:13

Kɛ́lɛ, ka lii-nɛ̃ɛ kùla yɛ̂ɛ berei ka Kôrai è mɛni-solii sɔlɔ ƃo lai, a gɛɛ káa máŋ ka lii-nɛ̃ɛ kúla lii-laa é kɛ́ káyêei tãi ŋɔfólo-laai a lɛ́ lai.

M̀ɛni-lɛɛi 2:17

Ǹúui wóli káa ma a gɛɛ é mɛni mɛnii, tɔ̀ɔ é m̀ɛnii mɛ̂ni Mɔ̂leŋ a m̀ôi Kôrai-toli-kpɔŋ-ŋai diai. Ǹúui a yee-tɛɛ-maa kɛ̂i, ŋa pâi manaa loɔɔi da tɛɛ̂i bɔ, ŋa kɔni kole tɛɛ bɔ̀ láa nina pɔ̃yɛɛ ma nyíi núu da fé gɔlɔŋ fɛ̂ɛ ǹúui a zɔlɔ ƃôi.’

M̀ɛni-lɛɛi 2:26

Ǹúui a yee-tɛɛ-maa kɛ̂i, da ǹúui a ŋátii-ŋai mɛi kâa é lɛ́ɛ la zu gbɛɛ ŋái é serii, ŋa pâi wala-wala tɛɛ̂i bɔ̀ ǹɔii-ŋûŋ-ŋai mɛi.

M̀ɛni-lɛɛi 2:7

Ǹúui wóli káa ma a gɛɛ é mɛni mɛnii, tɔ̀ɔ é m̀ɛnii mɛ̂ni Mɔ̂leŋ a m̀ôi Kôrai-toli-kpɔŋ-ŋai diai. Ǹúui a yee-tɛɛ-maa kɛ̂i, ŋa pâi nɛɛ̂i naa é vúlu-laa-wooi ƃá mii nyíi gáa Ɣâla ŋɔsuâi sui.’

M̀ɛni-lɛɛi 21:7

Ǹúui a yee-tɛɛ-maa kɛ̂i, a pâi nyíŋi sɔlɔ ƃôi, ǹyaŋ ŋa pâi kɛ̂i a Ŋɔɣâla, ǹyaŋ gɛ̀ ƃò a ńoŋ.

M̀ɛni-lɛɛi 3:12

Ǹúui a yee-tɛɛ-maa kɛ̂i, ŋa pâi gɛ̂i a Ŋáɣâlai ŋɔkwaa maa waai soŋ-kɔni. Va wɔ́lɔ ŋɔ́nɔ kùla mu, ǹyaŋ ŋa pâi Ŋáɣâlai láa pɔ̃yɛ̂i maa-nuui ma da Ŋáɣâlai ŋɔtaai nyíi da dòli a Zerusâlɛŋ ninai, nyíi kùla Ŋáɣâlai yêei Ɣâla-taai, da ńyãa kpîŋ ńaa ninai.

M̀ɛni-lɛɛi 3:5

Ǹúui a yee-tɛɛ-maa kɛ̂i, a pâi maa ɣirîi yokpo kole su a bere-sii ti, ǹyaŋ fé pâi ǹáa kulâi vulu-laa-kɔlɔi su; ŋa pâi ǹáa tólîi Ńâŋ ŋɛi tuɛ da ŋɔkéla-ŋai.