Lukə 6:20 - Bible

²⁰ Nya ƃe, e ŋɛi tɛ̀ ɣelêi e bîlaŋ ŋɔpôlu-ƃelai dîa, ǹyɛɛ, “Lûwa káa kâa kôlo-ƃela, kpɛ́ni fêi, Ɣâla ŋɔkâloŋ-laai káa a kápɔɔ.

Yálá laawoo hɛɓɛ (dc)

²⁰ Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Yálá laawoo hɛɓɛ

²⁰ Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Lukə 6:20 ပူးပေါင်းရင်းမြစ်များ

Mąątɛ̨nɛ̨ 37:16

Sɛŋ lôŋ lɛ́lɛɛ kɛ́ɛ teniŋ ƃô-nuu yêei lɛ̂lɛɛi é tɛ́ɛ la ŋ̀wana-lɔ̂ɔ-ƃelai kɔ̃liŋ su kɛ́tɛ ma,

Hanwon 16:19

Ǹɛ̂lɛɛi a gɛɛ núu é kɛ́ a maa-yeŋɔɔ, gôloɔɔ é tɛ́ɛ la núu kɛ́ɛ é tɔɔ-laa sɔlɔ ƃó wôya-pere su.

Hanwon 19:1

Ǹɛ̂lɛɛi núu é kɛ́ a gôloɔ deniŋ ƃôɔɔ é tɛ́ɛ la núu kɛ́ɛ m̀oɔɔ ŋ̀ôyaa ma.

Azaya 29:19

Yâwɛɛ a pâi gɛ̂i lii-nɛ̃ɛ kɛ́ ƃò diai dîa nûa díkɛ̀ lúanii. Eezuɛ Ŋɔɣâla Maa Waai a pâi gɛ̂i gôlo-ƃelai dí kɛ́ lii-nɛ̃ɛ kùla.

Azaya 66:2

Ńyãa ƃé ŋ̀éniɛi ŋí kélee kpɛ̀tɛ. Gélee káa a ḿbɔɔ. Diai ŋa pâi dímɛi kâai, dia ƃa diai dímaa yeŋɔ̂ɔi, da dípôlu tɔ̀ɔ dísɔnyɔ̂ŋ mai, díkɛ yào ḿâi, da diai da ŋ́oo mɛnii.”

Sofoni 3:12

Kpɛ́ni fêi, ŋa pâi ŋa-yêŋ-ƃela da woo-mɛni-ƃela lɛ̂i kásama. Da pâi díkɛ̂i kɔ̂rii ńyãa Yâwɛɛ ńaai su.

Zakari 11:11

M̀ɛni ma gono-têei su è kàra a maa ɣêlei tí. Diai kɛ̀ m̀ála-ŋai yâi díkɛ díkɔ̀lɛi, dí kɛ̀ ŋ́gâai, dí nâa gɔ̀lɔŋ a gɛɛ gáa a Yâwɛɛ ŋɔwóoi.

Maafîu 11:5

Ŋ̀ɛi-pu-ƃelai ŋɛ́i láa káa ƃôi. Gɔɔ-pu-ƃelai díkɛ sia. Gbôdo-ƃelai díkɛ ƃalo. Ŋ̀oli-tínîŋ-ƃelai díkɛ mɛni mɛ̂ni. Zaa-ƃelai da dímu siɣe saa yêei, díkɛ Duŋ Lɛ́lɛɛi ƃo gôlo-ƃelai dîa.

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ-tãi mai.

Maafîu 5:1

Gbɔŋ káa mìi, è tɛ̀ ǹyêei ma. Tãi è sèe lai, ŋɔpôlu-ƃelai dí pà dítinaŋ m̀a.

Lukə 12:32

“Káfe yào, núu-kpulu loŋ. Kpɛ́ni fêi, Kánâŋ líi nɛ̃ɛ̂i a gɛɛ é gâloŋ-laai tɛ́ɛ kápɔ.

Lukə 13:28

Nàa ƃe, ka pâi wɔ́lɔ̂i naa, kakɛ kányiŋ ŋá mii, tãi ka Eberaɣɛ̃ɛ kàa la, da Aise, bɛlɛɛ Zeeka ma, da Ɣâla ŋɔlóno-kɛ-ƃelai kélee Ɣâla ŋɔkâloŋ-laai su, kɛ́lɛ, kákpîŋ piliɛɛ ŋinii ŋái.

Lukə 14:15

Diai da dîa-ni dí kɛ̀ see ni teƃelei mai, díta tɔnɔ e mɛnii ŋi mɛni, ǹyɛɛ mai, “Lûwa káa ǹúui ma nyii pâi kpólo miî Ɣâla ŋɔkâloŋ-laai sui!”

Lukə 16:25

Kɛ́lɛ, Eberaɣɛ̃ɛ e mò ma, ǹyɛɛi, ‘Ńôŋ, nàa é lɛ́ɛ íkili ŋá tãi í kɛ̀ la a ífului, íkɛ ísɛŋ lɛ́lɛɛ sɔlɔ ƃôi, bere tɔnɔi tíi nɔ́ ƃe Lâzara è kɛ̀ sɛŋ nyɔ́mɔɔ sɔlɔ ƃôi la. Kɛ́lɛ, loníi ma gáa ŋá-nɛnɛ sɔlɔ ƃôi ƃɛ, yáŋ íkaa mɛni-kpɔ̂lu su.

Lukə 4:18

“Kúnuu-namui Ŋɔmɔ̂leŋ Maa Waai kaa ḿɛi, kpɛ́ni fêi, a wulɔ pu ŋ́ûa a gɛɛ ŋa tuŋ lɛ́lɛɛ ƃo gôlo-ƃelai dîa. A ńdɛɛ a gɛɛ ŋa ŋuŋ-maa ƃo-mɛni ƃo gɔ-soŋ-ŋai dîa, ŋa ŋɛi-pu-ƃelai díkwaa-kaai mɛni ƃo, a gɛɛ ŋa ǹûai ŋuŋ ma ƃó diai díkaa mɛni kpɔ̂lu sui,

Gɛlaɠaa 14:22

Dí gɛ̀ Zia-ƃelai kponôi é kpanaŋ dí dílii kúla a lii kpele woo-ŋa a gɛ́ɛ dí tɔ́ɔ a gbanaŋɔɔ dílaa-lai su. Dí mò dîa máŋ a gɛ́ɛ fɛ̂ɛ kú tɛ́ɛ mɛni-soli támaa su kú lɛ́ɛ pâi liî Ɣâla ŋɔkâloŋ-laai su.

Korɛntə veelɛ 6:10

yɛ̂ɛ maloŋ-too-maa, berei máŋ kúkaa lii-nɛ̃ɛ kulâi la a tãi kélee; yɛ̂ɛ kôlo-ƃela, berei máŋ kwa núu támaa tɔɔ̂i lai; yɛ̂ɛ nûa ƃe sɛŋ fe díyêei, berei máŋ sɛŋ kélee káa la a kúpɔɔi.

Korɛntə veelɛ 8:2

Kpɛ́ni fêi, tãi dí kɛ̀ la mɛni-kpɔ̂lu su-kɔɔŋ kɛ́tɛi sui, dí kɛ̀ a dílii nɛ̃ɛ a zu kɛ́tɛ díkôloɔ a dámaa, ǹyaŋ nyíŋi e díkɛ̀ dí kpɔŋ-maa támaa kɛ́.

Korɛntə veelɛ 8:9

Kpɛ́ni fêi, ka Kúnuu-namui Kôrai ŋɔƃɛlɛ-sêei kɔ́lɔŋ a gɛ́ɛ berei máŋ è kɛ̀ a dɔɔ lai, é máŋ kɛ́ ti è kɛ̀ a kôlo-nuu kámɛni ma a gɛ́ɛ ŋɔkôlo-laai sârai ká kɛ́ a tɔɔ-ƃela.

Tɛsalonikə dɔlɔɔ 1:6

Ǹyaŋ ká kɛ̀ a kúpɔkɔŋ-ƃela da Kúnuu-namui, kpɛ́ni fêi, ka ŋ̀óoi sɔlɔ ƃo mɛni-kpɔ̂lu támaa su a lii-nɛ̃ɛ nyíi M̀ɔlêŋ Maa Waai e bu kákponôi;

Tɛsalonikə veelɛ 1:5

Nyíŋí káa a sêre-woo Ɣâla ŋɔtɔ̃yâ mɛni ŋa-téɛɛi mɛni ma a gɛ́ɛ ká kɛ́ a ǹûai dímaa nɛ̃ɛ̂i Ɣâla ŋɔkâloŋ-laai mɛni ma, nyíi kákaa mɛni-sôli kâai m̀ɛni mai.

Zĩi 1:12

Lûwa káa ǹúui ma a ǹíi kpèle su-kɔɔŋ yêei, kpɛ́ni fêi, à tɔ̀ɔ zu-kɔɔŋ tí su, gɛ̀ ní a pâi fulu-laa ŋɔkâloŋ-ƃɔrɔi sɔlɔ ƃôi, nyíi Ɣâla a góno tée la diai yêei dí ŋ̀wɛli ni.

Zĩi 2:5

Ka káwoli tɔ́ɔ, ŋáwɛli-kɛ-maa-ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli ní?

M̀ɛni-lɛɛi 2:9

“ ‘Ŋá ímɛni-kpɔlui kɔ́lɔŋ da íkôlo-laai kɛ́lɛ, íkaa a tɔɔ-nuu é pɛ́lɛ tɛ-ŋɛi-ƃela dîa nyíi-ŋai da díkpîŋ tòli a Zûu-ŋa, ǹyaŋ dífe lai, kɛ́lɛ, dí ƃo a Sêtɔŋ ŋɔnúu-kpului.

Samuɛlə dɔlɔɔ 2:8

A gôlo-ƃelai tɛ̀ ɣelêi. A kwaa ma tɛ̀ɛ dîai pɔ́ díkɛ̂i fé mai. A dísiɣe yɛ̂ɛ kâloŋ lonii é dísee ƃaa-kɛ́-maa see-sɛŋ ŋá. Yâwɛɛ ƃé ǹɔii kpɛ̀tɛ, ǹyaŋ zãâi kélee zui, gáa a bɔ́ɔ.