Lukə 2:11 - Bible

¹¹ kpɛ́ni fêi, sâa da Káƃalo-nuui maa sɔlɔ ƃó Deeƃé ŋɔtaai su, nyii gáa a Kôrai, Kúnuu-namui.

Yálá laawoo hɛɓɛ (dc)

¹¹ Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Yálá laawoo hɛɓɛ

¹¹ Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Lukə 2:11 ပူးပေါင်းရင်းမြစ်များ

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ̂rɔnii íŋuŋ ma, yáŋ ya pâi dínyînii díkɔɔ ma.”

Zɛnɛse 49:10

Zuda ŋɔkâloŋ-wurii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Mąątɛ̨nɛ̨ 2:2

Ǹɔii kâloŋ-ŋai da tɔ̂ɔ Ɣâla ma. Ǹúu láa túɛ-ƃelai da mɛni nyɔ́mɔɔ kpɛ̀tɛ Yâwɛɛ mɛni ma da gâloŋ è zìɣe zui.

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Maafîu 1:16

Zeeka kɛ́ ƃò a Zosɛ ǹâŋ, nyii kɛ̀ a Mere ŋɔsurɔ̂ŋ, nyii Zîsɛ sɔlɔ ƃô da kɛ̂ mà Kôrai.

Maafîu 1:21

Ǹyaŋ a pâi lóŋ-surɔŋ maa sɔlɔ ƃôi, nyii ya pâi ǹáa seêi a Zîsɛ, kpɛ́ni fêi, a pâi ŋɔnûai ƃâloi dísɔnyɔ̂ŋ yêei.”

Maafîu 16:16

Samaŋ Pitɛ è ŋ̀óo su tòo, ǹyɛɛi, “Íkaa a Kôrai, nyii gáa a Vulu-laa-ɣalai Ǹóŋ.”

Maafîu 16:20

Nya ƃe è ŋɔpôlu-ƃelai lia-woo ƃò a gɛɛ dífe mò núu da kélee ma a gɛɛ gáa a Kôrai.

Lukə 1:43

Nyiŋi a pɔ̂ri kɛ̂i leŋ a gɛɛ Ŋánuu-namui ǹee é pá ḿbɔ?

Lukə 1:69

a ƃálo-laa-míla mu siɣe kúmɛni ma a ǹyée-mu-nuui Deeƃé ŋɔkaayɔi da,

Lukə 2:26

Nya ƃe M̀ɔlêŋ Maa Waai e nɛ̀ ma a gɛɛ ve pâi saâi e lɛɛ zu e Kúnuu-namui Ŋɔkôrai kaa.

Lukə 2:4

Zosɛ máŋ e kùla Nâzarɛ Galalii-lɔii su, e li Deeƃé ŋɔtaai su da dòli a Bɛpeleɣɛ̃ɛ, Zuda-lɔii sui, kpɛ́ni fêi, è kɛ̀ a Deeƃé ŋɔpɛ́rɛi-mu-nuu da, gɛ ƃo ŋɔnɔ a ŋɔkaayɔ da,

Ɉaan 1:41

E ǹîa Samaŋ kàa fulɔi, é m̀ó ma, “Kwa nàa M̀asâya káa” (nyii zu-kulai ƃa Kôrai).

Ɉaan 1:45

Fele e Natɛnia kàa e m̀o ma, ǹyɛɛi, “Kwâa gáa ǹúui Mose e m̀aa-mɛni pɔ̃̀yɛ dɔ̂ŋ su, nyii máŋ Ɣâla ŋɔlóno-kɛ-ƃelai dí m̀aa-mɛni pɔ̃̀yɛ, Zîsɛ Nâzarɛ-nuui, Zosɛ ǹóŋ.”

Ɉaan 11:27

E mò ma, ǹyɛɛi, “Ooei, Kúnuu-namui; ŋa láa la a gɛɛ yá ƃa Kôrai, Ɣâla Ǹóŋ, nyii gáa pâi ǹɔii sui.”

Ɉaan 20:31

kɛ́lɛ, nyiŋi-ŋai ŋi pɔ̃yɛɛ̂i a gɛɛ ká láa la a gɛɛ Zîsɛ ƃe gáa a Kôrai, Ɣâla Ǹóŋ, a gɛɛ ǹyaŋ kà làa la, fulu-laa é kɛ́ káyêei láai su.

Ɉaan 4:25

Nɛnîi e mò ma, ǹyɛɛi, “Ŋá gɔ́lɔŋ a gɛɛ M̀asâya a pâi (nyii da kɛ̂ ma Kôrai). À pà, a pâi mɛni kélee lɛ̂i kûa.”

Ɉaan 4:42

Dí mò nɛnîi ma, dîyɛɛi, “Íwoôi ǹyaŋ mɛni ŋɔ́nɔ fe kúlâi la, kpɛ́ni fêi, kúa kpîŋ kwa ŋ̀óo mɛ́ni, ǹyaŋ ku gɔlɔŋ a gɛɛ ǹɔii Ŋɔƃálo-nuui kpîŋ ká ŋi.”

Ɉaan 6:69

ǹyaŋ kwa láa la kwa gɔ̀lɔŋ a gɛɛ ƃia ƃe íkaa a Ɣâla Ŋɔnúu Maa Waai.”

Ɉaan 7:41

Gbéli-ŋa dí mò, dîyɛɛi, “Kôrai ká ŋí.” Kɛ́lɛ, da-ni dí mò, dîyɛɛi, “Gáa a sɛŋ Kôrai é kúla Galalii?

Gɛlaɠaa 10:36

Ŋ̀orɛ̂-wooi è dɛ̀ɛ Eezuɛ-ŋai pɔ́ naai, ǹyaa ƃa lii-sêe maa mɛni ƃóɔɔ Zîsɛ Kôrai sârai, nyíi gáa a Duŋ Lɛ́lɛɛi. Ǹyaa ƃé gáa a núu kélee ǹâmu.

Gɛlaɠaa 13:23

Deeƃé ŋɔsuui su ƃé Ɣâla è m̀álo-nuui Zîsɛ kùla naa Eezuɛ-ƃelai mɛni ma, yɛ̂ɛ berei è wɔ́lɔ gono tèe lai.

Gɛlaɠaa 17:3

È ŋ̀á lɛ̂i dîa a gɛ́ɛ maa-nɛ̃ɛi kɛ̀ Kôrai é mɔ̃lɛ é m̀u siɣe saa yêei, ǹyɛɛ dîai, “Zisɛi ŋí ŋa maa mɛni ƃôi kâai, gáa a Kôrai.”

Gɛlaɠaa 2:36

“M̀ɛni ma tɔɔ Eezuɛ lɔii gwaa kélee é gɔ́lɔŋ a tɔ̃yâ a gɛ́ɛ Zisɛi ŋí ka gbàmo ŋ̀úru su-tíyeŋɔɔ̂i mai, Ɣâla a gɛ́ a Nuu-namu da Kôrai.”

Gɛlaɠaa 5:31

Ɣâla è m̀aa tɛ̀ a ǹáa mii-yee a nuu túɛ-nuu da nuu-ƃalo-nuu, a gɛ́ɛ é gɛ́ Eezuɛ-ƃelai dí dílii pene Ɣâla é dísɔnyɔ̂ŋ-ŋai su mɛni lɛɛ.

Korɛntə dɔlɔɔ 15:47

Ǹúui maa-ŋuŋ è kùla ǹɔii su, dí gbɛtɛ a pɔ́rɔ; ǹúui veerɛi è kùla Ɣâla-taa.

Filipə 2:11

a gɛ́ɛ ŋɔ́nɔ la-gbɔ kélee e m̀o a gɛ́ɛ Zîsɛ Kôrai káa a Kúnuu-namui Kúnâŋ-Ɣala ŋɔfólo-laai mɛni ma.

Filipə 3:8

Tɔ̃yâ ma ŋá ńyee ŋá-sɛŋ kélee kàa kpɛni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Kolosə 2:6

Mɛni ma berei ká Kúnuu-namui Zîsɛ Kôrai sɔlɔ ƃô lai, ka kɛ́ ti gbonôi.

Zɔ̂ŋ Maa-ŋuŋ 4:14

Ǹyaŋ kwa gáa, kwa maa-seri-faa kɛ́ a gɛɛ Nàŋ-nuui è Nòŋ-nuui tɛ̀ɛ a gɛɛ é kɛ́ a ǹɔii-Ƃalo-nuu.

Zɔ̂ŋ Maa-ŋuŋ 5:1

Ǹúui kélee a lâa la a gɛɛ Zîsɛ káa a Kôrai, maa-nuui káa a Ɣâla ǹóŋ. Ǹúui kélee a nàŋ-nuui wɛ̂lii, è ǹônii wɛ́li ni máŋ.