Lukə 16:15 - Bible

¹⁵ Kɛ́lɛ, e mò dîa, ǹyɛɛi, “Káa ƃa ǹûai ka kákpîŋ sãa núu ŋɛi, kɛ́lɛ, Ɣâla e kálii su kɔlɔŋ; kpɛ́ni fêi, sɛŋ nyii a ǹûai ŋɛi soŋ, mɛlɛ kpɛɛ̂i Ɣâla koi.

Yálá laawoo hɛɓɛ (dc)

¹⁵ Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Yálá laawoo hɛɓɛ

¹⁵ Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Lukə 16:15 ပူးပေါင်းရင်းမြစ်များ

Kɔlɔnikɔ Maa-ŋuŋ 29:17

Ŋáɣâlai, ŋá gɔ́lɔŋ a gɛ́ɛ yâ núu líi su kâa ǹyaŋ ílii a ǹɛ̃ɛ diai da tùa a teniŋ ƃó perei dímɛni ma. Ǹyaŋ ŋá zãai ŋí kélee tɛɛ a teniŋ ƃo pere é kúla ńii su. Ŋa ŋɔ́nɔ berei káa ínûai díkaa ƃɛ́i da sama-sãa tɛɛ̂i la ípɔ gɛ́ kùla dílii su a lii-nɛ̃ɛ perei.

Kɔlɔnikɔ Veerɛi 6:30

gɛ̀ ní ye lɛɛ ípɔ-taai Ɣâla-taa í díwoo mɛni. Dísɔnyɔ̂ŋ-ŋai su mɛ̂ni lɛɛ í dímɛnii ŋá tée yɛ̂ɛ berei dítûa-perei káa lai. Kpɛ́ni fêi í díkelee dílii su mɛnii kɔ́lɔŋ.

Mąątɛ̨nɛ̨ 10:3

Da mɛni nyɔ́mɔɔ-ŋa kpɛ̀tɛ díkɛ maa yôŋka tèe. Dísɛŋ wɛ̂lii a gɛ́ díkɛ mɛni nyɔ́mɔɔ-ŋa ƃò Yâwɛɛ ma, dífe díyee seêi m̀u.

Mąątɛ̨nɛ̨ 49:13

M̀ɛnii ŋí ƃa kɛ̂ a diai díkili tɔɔ̂i díkɔ̃liŋ mai, da dípôlu-ƃelai.

Mąątɛ̨nɛ̨ 49:18

Tãi gáa la ɣele mai, ǹíi lâai. Nûa da pâi ǹáa maa tɛ̂i nɔ́ a kɛ̀ dûa pere lɛ̂lɛɛi.

Mąątɛ̨nɛ̨ 7:9

Íkaa a teniŋ ƃô Ɣala. Yá ƃé núu-kpune líi su kɔ́lɔŋ da ŋɔkili ŋa sîai. M̀ɛni ŋ̀wana-lɔ̂ɔ-ƃelai su-kara, í diai ŋɛ́i malôŋ káa da íwoo mɛnii.

Hanwon 16:5

Ɣâla Yâwɛɛ ŋɛ́i seɛɛ̂i tɛ-ŋɛi kɛ́-nuu ma, vé pâi pûi ŋɔtɔ̂ŋ-kpɛ-maai yêei.

Hanwon 20:6

Núu támaa da díkpîŋ sìɣe a teniŋ ƃô ƃela ímɛni ma, kɛ́lɛ ǹûai ŋí nenɛ ƃé deniŋ ƃôɔi ímɛni mai?

Hanwon 21:2

Núu-kpune tûa-pere kélee lɛ̂lɛɛi ǹyaa kpîŋ ŋɛ́i, kɛ́lɛ Ɣâla Yâwɛɛ è ƃé kúlii-su mɛni-ŋai ŋɔsâpoi kɔ́lɔŋ.

Ɉeremi 17:10

Ńyãa Yâwɛɛ ƃa núu líi su kàa, ŋ́gɛ núu líi su kɔ̀ɔŋ. Ŋà núu ŋɔmɛnii ŋá tèe yɛ̂ɛ berei ŋɔkɛ-ɣeniɛi káa lai, yɛ̂ɛ berei a tûa lai.”

Malasi 3:15

Kwa ǹyoŋka-ƃelai sîɣe a Ɣâla ƃɔƃɛlɛ sêe sɔlɔ ƃó-ƃela. Sɔnyɔ̂ŋ-ƃela dífa mɛni lɛ́lɛɛ sɔlɔ ƃô nɔ́, kɛ́lɛ da Ɣâla ŋɔlii kpêlei su-kɔɔŋ a díŋwana-lɔ̂ɔ tua-kɛ́ɛi, da kɛ́ gàa a gɛɛ mɛni da fé pâi kulâi zu.’ ”

Maafîu 23:5

Da dítii-ŋai kélee kɛ̀ a gɛɛ nûa dí díkaa. Da Díɣâla-fɛli ɣɛli-ŋai kɛ́ a méla-ŋa kɛ́tɛ díŋiri díŋuŋ-mâ da díyee-mâ a tɛ̀ɛ ŋàa. Dí díyokpo-ŋai maa ɣiri-sãai kɛ́ ƃò a gbaya-kpaya.

Maafîu 6:16

“Kà kɛ̀ pilîi suŋ su, káfe káŋɛi ɣiri yɛ̂ɛ giri-ƃelai, kpɛ́ni fêi, da díŋɛi maa yiki a gɛɛ nûa dí gɔlɔŋ díkaa suŋ su. Ŋa tɔ̃yâ ƃôi kâa, da dífela-fei sɔlɔ ƃô.

Maafîu 6:2

“Mɛni ma, yà kɛ̀ sama-sɛŋ tɛɛ̂i, ífe m̀aa tûŋ too yɛ̂ɛ berei giri-ƃelai da gɛ̀ la Ŋ̀âla-fɛli-kêre-ŋai mu da bere-ŋai su, a gɛɛ núu-kpune é dílaa maa tɛi. Ŋa m̀ôi kâa a tɔ̃yâ a gɛɛ, da dífela-fei sɔlɔ ƃô.

Maafîu 6:5

“Yà kɛ̀ Ɣâla fɛlîi, ífe gɛ̀ yɛ̂ɛ giri-ƃelai. Kpɛ́ni fêi, da ŋ̀wɛli dí tɔɔ Ŋ̀âla-fɛli-kêre-ŋai mu da bere-tãaŋ-ŋai lá díkɛ Ɣâla fɛ̀li a gɛɛ nûa dí díkaa. Ŋá tɔ̃yâ ƃoi kâa, da dífela-fei sɔlɔ ƃô.

Lukə 10:29

Kɛ́lɛ, e kɛ̀ ŋ̀wɛ̂lii e gbîŋ kɛ́ a núu sã́a. Nya ƃe e mò Zîsɛ ma, ǹyɛɛi, “Gbɛ̂ɛ ƃa ŋ́gɔlɛ-ma-nuui?”

Lukə 11:39

Nya ƃe Kúnuu-namui e mò ma, ǹyɛɛi, “Káai a Faresii-ŋai, ka kɔ̂pui da zɛŋ-foloi pôlu wàa, kɛ́lɛ, kákoi-pere láa fɛ́ɛ nɔ a wôya da mɛni nyɔ́mɔɔ.

Lukə 18:11

Faresii-nuui e tɔ̀ɔ e Ɣâla fɛli nɔ ŋi ǹyaa tɔnɔ, ‘Ɣâla, ŋa ísɛɣɛ̂i fé a gɛɛ fé yɛ̂ɛ ḿarâai kélee nyii-ŋai díkaa a gɔ̃liŋ-tɔɔ-ƃelai, ŋôya-ƃelai, wulu-wulu-kɛ-ƃelai, fulɔi máŋ yɛ̂ɛ ŋuŋ-fela-féi kula-nuui ŋi.

Lukə 18:14

Ŋá m̀ó kâa, nalôŋ ŋi e lì bɔ naa a zɔŋ kpɛɛ ma, kɛ́lɛ, m̀arâŋ-nuui fei; kpɛ́ni fêi, ǹúui kélee a gbîŋ kɛ̀tɛi, m̀aa a pâi yenîi. Kɛ́lɛ, ǹúui a gbîŋ maa yêŋ, a pâi kɛ̂i a gɛ́tɛ.”

Lukə 18:21

È mò, ǹyɛɛi, “Ŋa nyii-ŋai ŋi kélee lâai kɛ́ é síɣe ŋásurɔ̂ŋ-loo tãi ma.”

Lukə 18:9

E máŋ záŋ ŋi sɔ̀ɔ dîɛ diai díkili e kɛ̀ díkpîŋ dîa a gɛɛ dí kɛ̀ a dísɔŋ lɛ́lɛɛ, kɛ́lɛ, dí díƃarâai kélee kpɔarai, ǹyɛɛi,

Lukə 20:20

Nya ƃe dí m̀aa kpɛ̂ɛ dí maa-mɛni kɔ́ri-ƃela tɛɛ, nyii-ŋai dí díkpîŋ kɛ̀ nɔ yɛ̂ɛ nûa ƃe dísɔŋ lɛ́lɛɛ̂i a gɛɛ dí zoŋ ǹóno-woo su, dí dɛɛ gɔmɛnɛ-nuu pɔ, e kɛ́ ŋɔwala-wala-laai su.

Lukə 20:47

kɛ́lɛ, da pɔɔ-nɛyaa fìli díkɔ̃liŋ su, dí Ɣâla fɛli a zu kôya a gɛɛ dí dímɛni nyɔ́mɔɔi mɛi pɛlɛ. Dia ƃe pâi maa-nɔɔ kâai a zu kɛ́tɛ.”

Ɉaan 2:25

kpɛ́ni fêi, e kɛ̀ a núu kélee kɔlɔŋɔɔ, ve kɛ́ ni a núu da wɛ́liɛɛ a gɛɛ é núu-kpune maa sêre-faa kɛ́ ǹyêei, kpɛ́ni fêi, ǹyaa kpîŋ e kɛ̀ a gɔ́lɔŋɔɔ zɛŋ gáa núu kponôi.

Ɉaan 21:17

E mò ŋɔ́nɔ ma a zaaƃa-ɣelei, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni?” Pitɛ malôŋ e tòo ma, kpɛ́ni fêi, e m̀arê kɛ̀ a zaaƃa-ɣelei, ǹyɛɛ ma, “Í ŋ́wɛli ni?” Nya ƃe e mò ma, ǹyɛɛi, “Ŋánuu-namui, í mɛni kélee kɔ́lɔŋ; í gɔ́lɔŋ a gɛɛ ŋá íwɛli ni.” Zîsɛ e mò ma, nyɛɛi, “Ŋáƃala-ŋai ŋá kɔ́ŋ.

Gɛlaɠaa 1:18

Ǹalôŋ ŋí è lɔii kpua yà a zɛŋ è zɔlɔ ƃò ŋɔwana-lɔ̂ɔ tuai sui. È tòo kpɔ́ gɔŋ mɛi, é ƃela zâmai, búru kélee é kúla.

Gɛlaɠaa 1:24

Dí Ɣâla fɛ̀li, dîyɛɛi, “Kúnuu-namui, ƃiai í núu kélee líi su kɔ́lɔŋ, ǹúu feerɛi ŋí nyíi lɛ́ kûa ya ziɣe zui,

Gɛlaɠaa 15:8

Ǹyaŋ Ɣâla nyíi núu-kpune líi su kɔ́lɔŋ a ǹɛ kpɔ́ a zu ponoɔɔ a gɛ́ɛ gáa tí, è M̀ɔlêŋ Maa Waai tɛ̀ɛ dípɔ yɛ̂ɛ nɔ́ berei è dɛ̀ɛ la kúpɔi.

Lomaŋ 3:20

Dɔ̂ŋ mɛi káa nɔ́ fa gɛ̀ Ɣâla é núu síɣe a tɔ̃yâ-nuu. Dɔ̂ŋ a sɔnyɔ̂ŋ lɛ̀ nɔ́ kûa.

Lomaŋ 8:27

Ǹúui a núu-kpune líi su kɔ̀ri, e M̀ɔlêŋ ŋɔkili-ŋa-siai kɔlɔŋ, kpɛ́ni fêi, M̀ɔlêŋ a tɔ̂ɔ Ŋ̀âla-ƃelai mɛni ma yɛ̂ɛ berei Ɣâla nîa-mɛni káa lai.

Korɛntə dɔlɔɔ 4:5

Mɛni ma káfe mɛni ŋá tèe tãi tuɛ, é lɛ́ɛ zu Kúnuu-namui é pá. A pâi pâi a gbínii ŋɔloo-sãai fíeŋ ŋá e núu-kpune líi su mɛni ƃó. À kɛ̀ ti, gɛ̀ ní, núu kélee a pâi Ɣâla ŋɔlaa-maa-tɛi sɔlɔ ƃôi.

Piɛrə dɔlɔɔ 3:4

Kɛ́lɛ, kálɛlɛ-laai é kúla kákponôi é kɛ́ a kátûa-perei nyíi maa-yeŋɔɔ̂i mɛi saai, nyíi ǹɛ́lɛɛ̂i Ɣâla ŋɛ́i-tuɛ yɛ̂ɛ kɔni mɛni kpanaŋɔɔ̂i.

Piɛrə dɔlɔɔ 5:5

Káai kákaa a ǹúu tɔɔ-ŋai máŋ ká kɛ́ ǹúu-pɔlɔ-ŋai mu a bere-sii tí. Kákelee ka kámaa ɣiri a maa-yeŋ-lii kákîe-ni mɛni ma, kpɛ́ni fêi, “Ɣâla tɔɔ̂i yoŋka-nuu ma, kɛ́lɛ, a ƃɛlɛ-sêe tɛ̀ɛ maa-yeŋ-nuu pɔ.”

M̀ɛni-lɛɛi 2:23

Ǹyaŋ ŋa pâi ŋɔnîa-pɛlɛɛi paâi. Kôrai-toli-kpɔŋ-ŋai kélee da pâi gɔ́lɔnîi a gɛɛ ńyãa ƃa ǹúui a kíli kélee su kàa da líi kéleei, ǹyaŋ ŋa pâi sɛŋ kélee tɛɛ̂i núu pɔ́ tɛi-tɛi yɛ̂ɛ berei ŋɔtíi káa lai.

Samuɛlə dɔlɔɔ 16:7

Yâwɛɛ ǹyɛɛ m̀ai, “Samia, íkili fé kɛ̀ Ilai ma, kpɛ́ni fêi, ǹɛ̂lɛɛi, mu siɣeɛ́ɛi. Ǹyaa fêi. Nûa da núu ŋɔmɛni ŋá tèe berei ma da gàa lai, kɛ́lɛ ŋa nûa dímɛnii ŋá tèe yɛ̂ɛ berei dílii káa lai.”