Lukə 12:32 - Bible

³² “Káfe yào, núu-kpulu loŋ. Kpɛ́ni fêi, Kánâŋ líi nɛ̃ɛ̂i a gɛɛ é gâloŋ-laai tɛ́ɛ kápɔ.

Yálá laawoo hɛɓɛ (dc)

³² «Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Yálá laawoo hɛɓɛ

³² «Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Lukə 12:32 ပူးပေါင်းရင်းမြစ်များ

Azaya 40:11

A pâi ŋɔƃála-ŋai ŋá kɔnîi yɛ̂ɛ ƃála mɛi káa-nuu. A pâi ŋɔƃála lônii ŋá tɛ́i gîe m̀a ǹyée-tɔ̃ɔi, é lí a dîa. A pâi tɔ̂ɔi dílee-ni túɛ é lí a dia a gɔlɔ-saá m̀a.

Azaya 41:14

Yâwɛɛ a m̀ôi ǹyɛɛi, “Eezuɛ-ƃela, berei máŋ ka kuro-têɛɛi lai káfe yào. Ŋa pâi kpɔŋ mâa tɛɛ̂i kápɔ. Ńyãa ƃa Eezuɛ Ŋɔɣâla Maa Waai. Ńyãa ƃé káŋuŋ mâ ƃò.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Ɉeremi 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

Maafîu 14:27

Kɛ́lɛ, Zîsɛ è lòno dípɔ a maa felaa, ǹyɛɛi, “Ka kálii kpele. Ńyãa ká tí! Káfe yao!”

Maafîu 20:16

Mɛni ma gbɛɛ-ŋá-ƃelai da pâi kɛ̂i a maa-ŋuŋ. Diai a maa-ŋuŋ díkɛ a gbɛɛ ŋá.”

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ-tãi mai.

Maafîu 7:15

“Ka kámɛi káa a Ɣâla-maa-wôya lono-kɛ-ƃela. Da pâ kápɔ ƃála-kɔlɔ su, kɛ́lɛ, díkponôi kɛ́ ƃo a kɔ́li lii-ŋwanaa-ŋa.

Lukə 10:21

Maa aƃai tí su Zîsɛ líi è nɛ̀ɛ M̀ɔlêŋ Maa Waai sârai, ǹyɛɛi, “Ŋa ísɛɣɛ̂i fêi, Ńâŋ, Ɣâla-taa da ŋ̀éniɛi Su-nuu-namui, a gɛɛ ya mɛnii ŋi lóo dáre-ƃelai dîa da mɛni maa-kɔri-ƃelai, ya ǹɛ́ nîa-pɛlɛɛi dîa; é máŋ kɛ́ ti, Ńâŋ, nyíti máŋ e kɛ̀ a ínîa-mɛni lɛ́lɛɛ.

Ɉaan 18:36

Zîsɛ e zu tòo, ǹyɛɛ ma, “Ŋákâloŋ-laai fe kula ni ǹɔii ŋi su; eêi kɛ̀ ŋákâloŋ-laai eêi kɛ̀ a ǹɔii ŋi ŋɔɔ, ńyee-mu-ƃelai díi pɔ̂ri kɔi, a gɛɛ dífe pà a ńyãa Zûu-ŋai pɔ; kɛ́lɛ, ŋákâloŋ-laai fe kula ni ǹɔii su.”

Gɛlaɠaa 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Gɛlaɠaa 20:29

Ŋa gɔ́lɔŋ a gɛ́ɛ ŋà kùla kásama, kɔ́li kpeɣeɛ-ŋa da pâi pilîi kásama, dífe pâi kámaa nɛ̃ɛ̂i;

Lomaŋ 6:23

Sɔnyɔ̂ŋ fela-fei ƃa saa. Kɛ́lɛ, Ɣâla ŋɔƃɛlɛ-sêe sama-sɛŋ ƃa ŋ̀wɔ́lɔ-wɔlɔ fulu-laai Kúnuu-namui Zîsɛ Kôrai kponôi.

Korɛntə dɔlɔɔ 1:21

Kpɛ́ni fêi, berei Ɣâla ŋɔtárei káa lai, ŋ̀éniɛi su-ƃelai dífe Ɣâla kɔlɔŋ ni táre sui, Ɣâla líi lâai a gɛ́ɛ diai laa-la káa díyêei, a díƃalo kúƃoo-Ɣâla-wooi sârai.

Filipə 2:13

Kpɛ́ni fêi, Ɣâla káa tíi kɛ̂i kákponôi a gɛ́ɛ ká ŋɔnîa-mɛnii kɛ́ ká tíi kɛ́ ŋɔnîa-mɛni lɛ́lɛɛi mɛni ma.

Tɛsalonikə veelɛ 1:11

Nyíŋi mɛni ma kwa Ɣâla fɛlîi a ɣele kélee kámɛni ma. Kwa Kúɣâlai fɛlîi a gɛ́ɛ kákɛ a ǹûai dímaa nɛɛ̂i dòli è m̀o a kaai m̀aa mɛni ma. Tɔɔ é kákili-ŋa sia mɛni lɛ́lɛɛ-ŋai kélee da ǹaa-lai ŋɔtíi ŋ̀aa-see kɛ́ a ŋɔwála-walai.

Tɛsalonikə veelɛ 1:5

Nyíŋí káa a sêre-woo Ɣâla ŋɔtɔ̃yâ mɛni ŋa-téɛɛi mɛni ma a gɛ́ɛ ká kɛ́ a ǹûai dímaa nɛ̃ɛ̂i Ɣâla ŋɔkâloŋ-laai mɛni ma, nyíi kákaa mɛni-sôli kâai m̀ɛni mai.

Hebreu 12:28

Mɛni ma sɛɣɛi-féi é kɛ́ kúyêei Ɣâla ŋɔkâloŋ-laai sɔlɔ ƃó-mɛni ma nyíi va tûmoi, gɛ̀ ní kwa Ɣâla fɛ̀li a lii-laa-pere a ƃaa-kɛ-maa da yao-maa.

Zĩi 2:5

Ka káwoli tɔ́ɔ, ŋáwɛli-kɛ-maa-ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli ní?

Piɛrə veelɛ 1:11

Ɣâla a pâi Kúnuu-namui da Kúƃalo-nuui Zîsɛ Kôrai ŋɔwɔlɔ-wɔlɔ kâloŋ-laai su-perei kpɛtɛ̂i a ǹɛ́lɛɛ a gɛɛ ká lí naa.

M̀ɛni-lɛɛi 1:6

nyíi kâloŋ-laa kɛ̀ kúmɛni mai, é kúkɛ a Ŋɔɣâlai da Ǹâŋ ŋɔsâla láa soŋ-ƃelai, folo-laa da núu-mɛi-laa é kɛ́ ǹyêei wɔlɔ-wɔlɔ da wɔlɔ-wɔlɔ. É kɛ́ tí.

M̀ɛni-lɛɛi 22:5

Kpíni fé pâi ŋɔ́nɔ kɛ̂i naa. Dífe pâi ŋɔ́nɔ laŋpo da fólo díkwaa-ponoɔ wɛ̂lii, kpɛ́ni fêi, Kúnuu-namui Ɣâla a pâi kɛ̂i a díkwaa-ponoɔi, ǹyaŋ da pâi kɛ-mɛi-laa kɛ̂i wɔlɔ-wɔlɔ da wɔlɔ-wɔlɔ.