Lukə 12:19 - Bible

¹⁹ Gɛ̀ ní, ŋa pâi môi ŋámɔ̂leŋ ma, ǹyɛɛ, ‘Mɔ̂leŋ, ya sãa támaa lâai kɛ́ góraŋ támaai pâi mɛni ma; ífii tɔɔ, í ílaa mii, í íkpele, í líi-nɛ̃ɛ kɛ́.’

Yálá laawoo hɛɓɛ (dc)

¹⁹ Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Yálá laawoo hɛɓɛ

¹⁹ Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Lukə 12:19 ပူးပေါင်းရင်းမြစ်များ

Zôo 14:1

“Ǹúui-nyii kélee nɛnî è maa sɔlɔ ƃôi, víi kpɛɛ̂i, pɔ̂ri maa fé mì. Ŋɔfúlu-laai láa fɛ̂ɛi a mɛni kpɔ̂lu, m̀ɛni ma, a sâa a maa félaa.

Mąątɛ̨nɛ̨ 49:18

Tãi gáa la ɣele mai, ǹíi lâai. Nûa da pâi ǹáa maa tɛ̂i nɔ́ a kɛ̀ dûa pere lɛ̂lɛɛi.

Mąątɛ̨nɛ̨ 62:10

Káfe làa a ŋuŋ su kpânaŋ-ƃela nyɔ́mɔɔ-ŋa. Káfe kákili tɔ̀ɔ too-ma ƃela dîa, kpaa máŋ diai dîa díkili tɔɔ̂i dítɔɔ-sãai dîai.

Hanwon 10:2

Tɔɔ-laa sɔlɔ ƃóɔɔ wôya-pere su fa kpɔŋ-maa tɛ̀ɛ ípɔ, kɛ́lɛ tɔ̃yâ tua-kɛɛ a íkùla saa yêei.

Hanwon 14:24

Táre-nuu ŋɔfela-fei ƃa tɔɔ-laa, kɛ́lɛ ƃoo-nuu ŋɔfela-fei ƃa ŋɔƃoo-tuai.

Hanwon 18:11

Gáa tɔɔ-nuu kíli ŋá a gɛɛ ŋɔtɔɔ-sãai da pɔ̂ri maa kɔ̃ɔ̂i yɛ̂ɛ berei siɣãŋ kpanaŋɔɔ a taa ma kɔ̃̂ɔ lai.

Hanwon 23:5

Ísɛŋ-kaoi a kûla íyêei a maa félaa yɛ̂ɛ berei kuɛ a kɔ̂ɔŋ la a maa félaa ŋ̀elei sui.

Hanwon 27:1

Ífe yoŋka tèe tínaa mɛni ma, kpɛ́ni fɛ̂i, ífe m̀ɛnii kɔ̀lɔŋ pâi kɛ̂i tínaai.

Ikilisiati 11:9

Núu tɔɔ-ŋa, ka lii-nɛ̃ɛ kula tãi kákaa niî la kánuu-tɔɔ kɔlɔi. M̀ɛnii kélee ka wɛ̂lii ka gɛ̂i ka gɛ́. Zãâi ka wɛ̂lii ká gáai, ka gáa. Kɛ́lɛ é kɛ́ kákili ŋá a gɛɛ Ɣâla a pâi núu kélee ŋɔmɛnii ŋá têei tɛi-tɛi.

Ikilisiati 2:24

Ŋá ŋ̀á kàa a gɛɛ m̀ɛni lɛ́lɛɛi nɔ́ núu a pɔ̂ri zɔlɔ ƃôi ŋɔmɔ̃lɛ-laai sui ǹyaa ƃa é ǹáa míi é ŋwã̂ai kpele é lii-nɛ̃ɛ kula. Nyíŋi máŋ yɛ̂ɛ berei ŋa gâai lai, a kûla Ɣâla yêei.

Azaya 22:13

Kɛ́lɛ káfe káwoli tɔ̀ɔ ní m̀a. Ká kɛ̀ kániŋa naɣa-ŋai paâi da káƃala-ŋai kákɛ mìi, kákɛ kpele-sãa kpele kákɛ lii-nɛ̃ɛ kùla. Ká m̀o kákîe-ni dîa kâai, “Kwaa kúlaa míi kú kpele-sãa kpele a kúnîa pere. Saa mɛni káa kûa tínaa.”

Azaya 5:11

Kpalo-ƃêlaai diai dîa da dí mù sìɣe a ɣele wâla pɛ̀pɛ dí lɛ́ɛ lɔɔ kpelêi é lɛ́ɛ la zu ɣele wûlii é kɛ́, ǹɔɔi é dí kɛ́.

Azaya 5:8

Kpalo-ƃêlaai diai dîa da kɛ̂ pɛrɛ-ŋa tɔ̂ɔi gîe kɔlɛ, díkɛ lɔii kpîniŋ támaa maa sôŋ kwaa-ŋa ma díkɛ ǹya díkɛ bù dípɛrɛ-ŋai da dílɔii-ŋai dîa, dífa ǹɛɛ naa núu da kpɛ́ni-ŋa dí da sɔlɔ ƃôi. Da ŋ̀wɛli nɔ́ dí tèe-tee díkɛ ƃò seêni ǹɔɔi pûŋ sâmai dí tèe-tee.

Azaya 56:12

Díkaa nɔ́ a lɔɔ kpele-ƃela tee-tee. Da kɛ̂ m̀ôi dîyɛɛi, ‘Kwaa ŋwã́ai kpanaŋ támaa kɔ́ri, kú gbele, kúlii é láa. Tínaa a pâi kɛ̂i a ǹɛ́lɛɛ é tɛ́ɛ sâa ma.’ ”

Osia 12:8

Eezuɛ è mò ǹyɛɛ, “Ńdɔɔ̂i, ŋa tɔɔ-sãa támaa sɔlɔ ƃó. Núu da fa pɔ̂ri kɛ̂i ǹyɛɛ ŋá ŋátɔɔ-sãai sɔlɔ ƃô a fili-pere.”

Amɔsə 6:13

Káai ka lii-nɛ̃ɛ kùla Lodiba mɛni ma, kákɛ mò kâa, “Kúfe Kanâiŋ siɣe ní a kúpɔɔ a kúkpɔɔi wala-wala?”

Habakukə 1:16

M̀ɛni ma da sâla kùla dítumai mâ dí kéreŋ-sɛŋ kúŋ nɛ̃ɛ kéreŋ dí sóoi ma, kpɛ́ni fêi dítumai da dí sóoi a dí kɛ́ a tɔɔ-ƃela, ǹyaŋ dímii-sɛŋ a kɛ̂ a nɛ̃ɛ.

Lukə 12:18

Nya ƃe e mò, ǹyɛɛi, ‘Nyiŋi ƃe ŋa pâi gɛ̂i; ŋa pâi ŋákere-ŋai wólôi, ŋa gbaya-kpaya tɔɔ; nàa ƃe ŋa pâi ŋámii-sãai kélee da ŋásãâi kélee pûi naa.’

Lukə 16:19

“Nya ƃe è kɛ̀ tí, tɔɔ-nalôŋ tɔnɔ è kɛ̀ naa nyii seɣe kpɔ̂lu-mu-tɛɣiɛ da seɣe kole kpanaŋɔɔ lɛ́lɛɛ e kɛ̀ ma, gɛ kúu kɛ́tɛ kɛ́ a ɣele kéleei.

Lukə 21:34

“Ka kámɛi káa a gɛɛ kálii fé wiɛ a sɛŋ-miɛɛ da lɔɔ-kpeleɛ da vúlu-laai ŋi ŋɔlii-sɛlɛŋ-ŋai a gɛɛ maa-ɣelei ti fé lâa pa la nɔ kàa a maa félaa yɛ̂ɛ ƃáre a bɔara.

Korɛntə dɔlɔɔ 15:32

Le ƃe ŋa pɔ̂ri zɔlɔ ƃôi, à kɛ̀ núu-kpune lóno-woo su, ŋá kɔ̀ sua-ŋa pɔ Ɛfesɛ? À kɛ̀ núu fa mu siɣe saa yêei, gɛ̀ ní, “Kwaa kúlaa mii ku kúkpele, kpɛ́ni fêi, kwa tínaa saâi.”

Filipə 3:19

Díkpɛɛ ŋá ƃa su-kara. Díɣâlai ƃa díkoi, da dínîa kɛ̀ díŋumɛ-mɛni su. Díkili káa ǹɔii-su-sãai dîa.

Timote dɔlɔɔ 5:6

kɛ́lɛ, pɔɔ-nɛnii nyíi bîlaŋɔɔi nɔ́ gbîŋ líi láa mɛni pôlui, zaâi berei máŋ gáa la ɣele mai.

Timote dɔlɔɔ 6:17

À kɛ̀ a ŋ̀éniɛi ŋí su tɔɔ-ƃelai, m̀ó dîa a gɛ́ɛ dífe yoŋka tèe, kpaa máŋ dífe díkili-kɛ-zui pu tɔɔ-sãa dîa, nyíi-ŋai núu fa gíli pu dîai, kɛ́lɛ, dí díkili-kɛ-zui pú Ɣâla ma nyíi a sɛŋ kélee tɛ̀ɛ kúpɔ a zu-kɛtɛ a gɛ́ɛ ku kúnîa kɛ́ a diai.

Timote veelɛ 3:4

ǹûai da kûla díƃarâa pôlui, ǹûai dífa kpáaŋ núu da kélee mɛni mai, ǹûai su mɛni-kɛtɛ a dílaa fɛ́ɛi, da ǹûai dínîa kɛ́ɛ wɛ́li-káa dîa é tɛ́ɛ la Ɣâla-wɛliɛ mai,

Zĩi 5:5

Ka kákɛ-ɣeniɛ kɛ̀ ǹɔii ma ƃɛ a tɔɔ-sãa da nia-kɛ. Ka kákpîŋ ŋákɔ̂ŋ a zãai ka bàa a ŋ̀ele-ŋai ŋí.

Piɛrə dɔlɔɔ 4:3

Kpɛ́ni fêi, ka wɔ́lɔ tãi támaa siɣe kákɛ m̀ɛnii kɛ̂ Zɛ̃tai-ŋai da ŋ̀wɛ̂lii dí gɛ́i. Ǹyaa ƃa núu kɛ́ɛ wolii-kpɔ̂lɔ su, núu ŋɔkɛ-pere-nyɔŋ maa-sɛŋ-wɛliɛi, lɔɔ-kpeleɛ, ƃoo-pele, lɔɔ-kpele-kuu, da ɣâla-pɔɔkɔ̂ŋ fɛliɛ nyíi vé Kôrai-ƃelai dítɔ̂ŋ sui.

M̀ɛni-lɛɛi 18:7

Berei è gbîŋ folo-laai maa tɛ̂ la é tûa a ŋwana-lɔ̂ɔ-perei, ka ŋɛ̀i-maa-pêne da wɔ́lɔ tɛ́ɛ bɔ a maa-perei ti. Berei nɔ́ a mò la ǹíi su, nyɛɛ, ‘Ŋ́gaa see ni yɛ̂ɛ kâloŋ-nɛni, pɔɔ-nɛni fa ńyãa, fé wɔ́lɔ pâi wɔ̂lɔi,’

Samuɛlə dɔlɔɔ 30:16

È berei kùla a Deeƃé é lí la Amɛlɛka-ŋai pɔ́-naa. Dí kɛ̀ a dítaa-taa díkɛ̀ lii-nɛ̃ɛ kùla, díkɛ lɔɔ kpêle, díkɛ dílaa mii, kpɛ́ni fêi, zãai dí zìɣe Felesia-ŋai da Zuda-ŋai dílɔii sui zu è kɛ̀ a gɛ́tɛ.