Lukə 11:41 - Bible

⁴¹ Kɛ́lɛ, ka tɛɛ-sɛŋ tɛɛ gôlo-ƃelai pɔ é kúla kálii su; gɛ̀ ní, sɛŋ kélee maa waâi kâa.

Yálá laawoo hɛɓɛ (dc)

⁴¹ Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Yálá laawoo hɛɓɛ

⁴¹ Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Lukə 11:41 ပူးပေါင်းရင်းမြစ်များ

Mąątɛ̨nɛ̨ 112:9

Ǹyée lá ƃôɔi sɛŋ tɛɛ mɛni ma ǹúui pɔ́ pɔ̂ri mâa fé mìi. Ŋɔmɛni lɛ́lɛɛi káa nɔ́ naa wɔ́lɔ-wɔlɔ da wɔlɔ-wɔlɔ. A pâi kɛ̂i a ŋ̀wála-walaa, nûa díkɛ ŋumɛ mâa tɛ̀ɛ bɔ́.

Mąątɛ̨nɛ̨ 41:1

Lûwa káa diai dîa díkpaaŋɔɔ̂i gôlo-ƃelai mɛni mai. Da kɛ̀ mɛni kpɔ̂lu su, Yâwɛɛ a pâi dí kulâi zu.

Hanwon 14:31

Ǹúui a kôlo-nuu lùaŋ, a Ŋɔkpɛtɛ-nuui Ɣâla ƃɛlɛ tôo, kɛ́lɛ ǹúui a kôlo-nuu malôŋ kàai, a ƃaa-kɛ-maa tɛ̀ɛ Ɣâla pɔ́.

Hanwon 16:6

Ɣâla Yâwɛɛ a laa-la-nuu da tɔ̃yâ-tua kɛ́-nuu dísɔnyɔ̂ŋ su-mɛni lɛ̀ɛ. Núu a yào Ɣâla Yâwɛɛ ma, a ǹyée kùla sɔnyɔ̂ŋ su.

Hanwon 19:17

Ƃà kôlo-nuu malôŋ kàa, ƃa kpa pili Ɣâla Yâwɛɛ ma, ǹyaŋ Ɣâla Yâwɛɛ a pâi íkpai kulâi.

Danîa 4:27

Mɛni ma, óo Gâloŋ, kpera yɛ̂ íwoli tɔ́ɔ ǹia-wooi ma ŋa pâi dɛɛ̂i ípɔi. Íyee kúla sɔnyɔ̂ŋ su í tûa a teniŋ ƃô-pere. Íyee kula ŋwana-lɔɔ su í ǹúu doo-mu-ŋai malôŋ káa. Ya gɛ̀ tí, tãi da zãâi ǹɛ̂lɛɛi í dísɔlɔ ƃôi ya pâi kɛ̂i nɔ́ dísɔlɔ ƃôi.”

Maafîu 26:11

Kpɛ́ni fêi, gôlo-ƃelai díkaa kákɔlɛ a tãi kélee, kɛ́lɛ, ḿve pâi kɛ̂i kákɔlɛ a tãi kélee.

Maafîu 5:42

Núu da à ífɛ̀li sɛŋ da ḿâ, dɛ̀ɛ bɔ. Núu da à kɛ̀ ŋ̀wɛli é kpâ sóŋ íyeêi, ífe ŋ̀ɛ́i kpâla.

Markə 7:19

A kɛ̀ tí, kpɛ́ni fêi, va lɔ̀ ǹíi su, fɛ̂ɛ gbûnɛŋ su, gɛ́ tɛɛ.” (Zîsɛ è mii-sɛŋ kélee maa tĩa sìɣe ma ŋ̀óoi ŋí su.)

Lukə 12:33

Ka kákɔ̂liŋ-ŋai kɔ́lɛ, ka sama-sã̂a tɛɛ gôlo-ƃelai pɔ́. Ka bɛ̂bɛ-ŋa kpɛtɛ kákpîŋ mɛni ma nyii ve pâi wɔ́lɔ pɔlɔ̂i, gáa a laai-kɛ-sɛŋ Ɣâla-taa nyii ve pâi fɛɣɛ̂i, ƃɛi ŋuma-nuu fé pâi pâi nàa kɔlɛ mai, kpaa fili fa zu karai.

Lukə 16:9

Ŋá m̀ó kâa, ka káwɛli-ƃela kɔri káa kpîŋ mɛni ma a berei ka kawoya-sɛŋ-kaoi kɔlɛ lai. À kɛ̀ ti, tãi à kpɛ̀ɛ lai, da pâi díyee seêi kámu wɔlɔ-wɔlɔ kwaa-ŋai ma.

Lukə 18:22

Ǹyaŋ, tãi Zîsɛ e mɛ̀ni lai, è mò ma, ǹyɛɛi, “Mɛni tɔnɔ ƃe a lɛ̂ɛ. Íyee-ŋa-sãai kélee kɔ́lɛ, í zɛŋ-kaoi tɛɛ gôlo-ƃelai pɔ, gɛ̀ ní, laai-kɛ-sɛŋ a pâi kɛ̂i íyeêi Ɣâla-taa; í pá, í pîlaŋ ḿbôlu.”

Lukə 19:8

Nya ƃe Zakîɛ e mu siɣe e m̀ó Kúnuu-namui ma, ǹyɛɛi, “Gáa, Kúnuu-namui, ŋa pâi ŋ́gɔ̃liŋ gbûra tɛɛ̂i gôlo-ƃelai pɔ; à kɛ̀ ŋà sɛŋ da kula núu ma a wôya-pere, ŋa pâi bɔɔ-too tɛɛ̂i pôlu náaŋ.”

Gɛlaɠaa 10:15

Nya ƃe ŋ̀óoi è ŋɔ́nɔ pà bɔ́ a veerɛ ɣelei, ǹyɛɛ mài, “Sɛŋ nyíi kélee Ɣâla a maa waai, ífe ziɣe a sɛŋ ƃâa fé mai.”

Gɛlaɠaa 11:29

Zîsɛ ŋɔpôlu-ƃelai dí gbɛtɛ a gɛ́ɛ dí kpɔŋ mâa tɛɛ díƃarâai pɔ́, nyíi-ŋai kɛ̀ Zudai. Ǹúui kélee dí nyíŋi kɛ̀ yɛ̂ɛ berei a pɔ̂ri gɛ̂i lai.

Gɛlaɠaa 24:17

Kóraŋ kpɛ́-kpɛ̂ɛ tɛ̂ɛi pôlu ma ŋá pà a gɛ́ɛ ŋá sama-sɛŋ tɛɛ ŋálɔii-ŋuŋ pɔ́, ŋa sâla kula.

Korɛntə veelɛ 8:12

Kpɛ́ni fêi, à kɛ̀ sama-sɛŋ tɛɛ a kúla núu líi su, gɛ̀ ní, zɛŋ núu a gùla sama-sɛŋ tɛɛ sui, gáa nɔ́ yɛ̂ɛ zɛŋ gáa ǹúui ti yêei, kɛ́lɛ, va kɛ̂ yɛ̂ɛ zɛŋ ve ǹyêei.

Ifisiɛŋ 4:28

Ŋuma-nuu fe ŋɔ́nɔ ŋuma kɛ̀. Tɔɔ é tíi kɛ́ a ǹyée tɔ̃yâ-pere su, a gɛ́ɛ sɛŋ da é kɛ́ ǹyêei é da tɛɛ ǹúui pɔ a da wɛlii.

Taitɔ 1:15

Diai dímaa waâi, sɛŋ kélee maa waa díŋɛi, kɛ́lɛ, diai díliƃiɛ̂i laa-la fé díyêei, sɛŋ maa fé waa ní díŋɛi. Díkili-ŋa-siai kpîŋ máŋ líƃiɛ̂i.

Hebreu 13:16

Káfii fé kpɛ̀ɛ a mɛni lɛ́lɛɛ kɛ́ɛ da zɛŋ gáa káyêei da tɛɛ nûa pɔ, kpɛ́ni fêi zâla-sii-ŋai tí a Ɣâla líi làa.

Hebreu 6:10

Ɣâla fé fíli ní a gɛ́ɛ a pɔ̂ri ŋ̀ɛ́i naŋînii kátii mɛi da káwɛli-kɛ-maai ká ǹɛ zarâi a tíi-kɛɛ Ŋ̀âla-ƃelai diɛ yɛ̂ɛ berei ka niî gɛ̂i lai.

Zĩi 1:27

Ɣâla-mɛni kɛ́ɛ nyíi maa waai, maa fé kara ni Ɣâla Nàŋ-nuui ŋɛ́i-tuɛi, ǹyaa ká ŋí, a gɛɛ núu é tee-lonii naa káa da pɔ́ɔ-nɛyaa a tãi da kɛ̂ la mɛni-kpɔlu sui, a gɛɛ ŋɔ́nɔ é gbîŋ kɛ́ a ǹúui nyíi zɔŋ fé kɛ̀ m̀a ŋ̀éniɛi su.